ಏಷ್ಯನ್ ಗೇಮ್ಸ್ 8ನೇ ದಿನದಂದು ಭಾರತಕ್ಕೆ 7 ಪದಕ; 30 ಕ್ಕೇರಿದ ಪದಕಗಳ ಸಂಖ್ಯೆ
ಏಷ್ಯನ್ ಗೇಮ್ಸ್ 2026ರ 8ನೇ ದಿನ ಭಾರತೀಯ ಸ್ಪರ್ಧಿಗಳು 7 ಪದಕಗಳನ್ನು (2 ಚಿನ್ನ, 3 ಬೆಳ್ಳಿ, 2 ಕಂಚು) ಗೆದ್ದು ಅಮೋಘ ಪ್ರದರ್ಶನ ನೀಡಿದರು. ಪುರುಷ ಮತ್ತು ಮಹಿಳಾ ಕಬಡ್ಡಿ ತಂಡಗಳು ಚಿನ್ನ ಗೆದ್ದರೆ, ಸಾವನ್ ಬರ್ವಾಲ್ ಮ್ಯಾರಥಾನ್ನಲ್ಲಿ ಬೆಳ್ಳಿ ಪದಕದೊಂದಿಗೆ ಇತಿಹಾಸ ಸೃಷ್ಟಿಸಿದರು. ಇದು ಭಾರತದ ಈವರೆಗಿನ ಅತ್ಯುತ್ತಮ ಪ್ರದರ್ಶನವಾಗಿದ್ದು, ಒಟ್ಟು ಪದಕಗಳ ಸಂಖ್ಯೆ 30ಕ್ಕೆ ಏರಿದೆ.
Updated on:Sep 26, 2026 | 10:10 PM
2026 ರ ಏಷ್ಯನ್ ಗೇಮ್ಸ್ನ 8ನೇ ದಿನದಂದು ಭಾರತದ ಸ್ಪರ್ಧಿಗಳು ಅಮೋಘ ಪ್ರದರ್ಶನ ನೀಡಿ ಒಟ್ಟು 7 ಪದಕಗಳನ್ನು ಗೆದ್ದುಕೊಂಡಿತು. ಇಂದು ಭಾರತಕ್ಕೆ 2 ಚಿನ್ನ, 3 ಬೆಳ್ಳಿ ಮತ್ತು 2 ಕಂಚಿನ ಪದಕಗಳು ಸಿಕ್ಕವು. ಈ ಏಷ್ಯನ್ ಗೇಮ್ಸ್ನಲ್ಲಿ ಇದುವರೆಗಿನ ಭಾರತದ ಅತ್ಯುತ್ತಮ ಪ್ರದರ್ಶನ ಇದಾಗಿದೆ. ಇದಕ್ಕೂ ಮೊದಲು, 7ನೇ ದಿನದಂದು ಭಾರತ 6 ಪದಕಗಳನ್ನು ಗೆದ್ದಿತ್ತು. ಇಂದು ಅಂದರೆ ಶನಿವಾರದಂದು ಪುರುಷರು ಮತ್ತು ಮಹಿಳೆಯರ ಕಬಡ್ಡಿ ತಂಡಗಳು ಅತ್ಯುತ್ತಮ ಪ್ರದರ್ಶನ ನೀಡಿದ ಕಾರಣ ಎರಡು ಚಿನ್ನದ ಪದಕಗಳು ಲಭಿಸಿದವು. ಮ್ಯಾರಥಾನ್ ಓಟಗಾರ ಸಾವನ್ ಬರ್ವಾಲ್ ರಾಷ್ಟ್ರೀಯ ದಾಖಲೆಯೊಂದಿಗೆ ಬೆಳ್ಳಿ ಪದಕವನ್ನು ಗೆಲ್ಲುವ ಮೂಲಕ ಐಚಿ-ನಗೋಯಾದಲ್ಲಿ ಇತಿಹಾಸ ಸೃಷ್ಟಿಸಿದರು.
ಮೊದಲ ಮ್ಯಾರಥಾನ್ ಪದಕ
44 ವರ್ಷಗಳಲ್ಲಿ ಏಷ್ಯನ್ ಕ್ರೀಡಾಕೂಟದಲ್ಲಿ ಭಾರತಕ್ಕೆ ಮೊದಲ ಮ್ಯಾರಥಾನ್ ಪದಕವನ್ನು ಸಾವನ್ ಗೆದ್ದುಕೊಟ್ಟರು. ಶೂಟರ್ಗಳಿಗೆ ಇಂದು ಮಿಶ್ರ ದಿನವಾಗಿತ್ತು. ಸ್ಕ್ವಾಷ್ ಆಟಗಾರರಾದ ಅನಾಹತ್ ಸಿಂಗ್ ಮತ್ತು ಅಭಯ್ ಸಿಂಗ್ ಫೈನಲ್ಗೆ ಅರ್ಹತೆ ಪಡೆದಿದ್ದಾರೆ. ಭಾರತದ ಪುರುಷರ ಹಾಕಿ ತಂಡವು ಜಪಾನ್ ವಿರುದ್ಧ 2-0 ಅಂತರದ ಜಯದೊಂದಿಗೆ ಸೆಮಿಫೈನಲ್ ಸ್ಥಾನವನ್ನು ಖಚಿತಪಡಿಸಿಕೊಂಡಿತು. ಜೋತಿ ಯಾರಜಿ ಮತ್ತು ಟ್ರಿಪಲ್ ಜಂಪರ್ ಪ್ರವೀಣ್ ಚಿತ್ರಾವೆಲ್ ಗಾಯದಿಂದಾಗಿ ಹರ್ಡಲ್ಸ್ನಿಂದ ಹಿಂದೆ ಸರಿದರು.
30 ಕ್ಕೇರಿದ ಪದಕಗಳ ಸಂಖ್ಯೆ
ತಜಿಂದರ್ಪಾಲ್ ಸಿಂಗ್ ಶಾಟ್ಪುಟ್ನಲ್ಲಿ ಹ್ಯಾಟ್ರಿಕ್ ಚಿನ್ನದ ಪದಕಗಳನ್ನು ಪಡೆಯುವ ಅವಕಾಶವನ್ನು ಕಳೆದುಕೊಂಡು ಬೆಳ್ಳಿಗೆ ತೃಪ್ತಿಪಡಬೇಕಾಯಿತು. ಪ್ರಾಚಿ ಚೌಧರಿ ಮಹಿಳೆಯರ 400 ಮೀಟರ್ ಓಟದಲ್ಲಿ 53.21 ಸೆಕೆಂಡುಗಳ ಸಮಯದೊಂದಿಗೆ ಕಂಚಿನ ಪದಕವನ್ನು ಗೆದ್ದುಕೊಂಡರು. ಭಾರತದ ಒಟ್ಟು ಪದಕಗಳ ಸಂಖ್ಯೆ 30 ಕ್ಕೆ ಏರಿದ್ದು, ಇದರಲ್ಲಿ ನಾಲ್ಕು ಚಿನ್ನ, 12 ಬೆಳ್ಳಿ ಮತ್ತು 14 ಕಂಚಿನ ಪದಕಗಳು ಸೇರಿವೆ.
ಪದಕಗಳ ಪಟ್ಟಿ
| ಸ್ಥಾನ | ದೇಶ | ಚಿನ್ನ | ಬೆಳ್ಳಿ | ಕಂಚು | ಒಟ್ಟು ಪದಕಗಳು |
| 1 | ಚೀನಾ | 107 | 41 | 28 | 176 |
| 2 | ಜಪಾನ್ | 31 | 49 | 49 | 129 |
| 3 | ದಕ್ಷಿಣ ಕೊರಿಯಾ | 16 | 21 | 36 | 73 |
| 4 | ಉಜ್ಬೇಕಿಸ್ತಾನ್ | 8 | 17 | 9 | 34 |
| 12 | ಭಾರತ | 4 | 12 | 14 | 30 |
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 10:07 pm, Sat, 26 September 26
