AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ವೆಸ್ಟ್ ಇಂಡೀಸ್ ಕ್ರಿಕೆಟ್‌ಗೆ ಸಹಾಯ ಮಾಡಿ: ಡ್ಯಾರೆನ್ ಸ್ಯಾಮಿ ಭಾವುಕ ಮನವಿ!

ನಮ್ಮಲ್ಲಿ ಪ್ರತಿಭೆಯಿದೆ, ಗೆಲ್ಲುವ ಹಠವಿದೆ, ಆದರೆ ಹೋರಾಡಲು ಹಣವಿಲ್ಲ... ದಯವಿಟ್ಟು ವೆಸ್ಟ್ ಇಂಡೀಸ್ ಕ್ರಿಕೆಟ್‌ಗೆ ಆರ್ಥಿಕವಾಗಿ ಹೆಗಲು ಕೊಡಿ, ನಮ್ಮನ್ನು ಕೈಬಿಡಬೇಡಿ! - ಇದು ಬಲಿಷ್ಠ ಭಾರತ ತಂಡದ ವಿರುದ್ಧ 2-2 ಅಂತರದಿಂದ ಟಿ20 ಸರಣಿಯನ್ನು ಡ್ರಾ ಮಾಡಿಕೊಂಡ ಬೆನ್ನಲ್ಲೇ, ವೆಸ್ಟ್ ಇಂಡೀಸ್ ಮುಖ್ಯ ಕೋಚ್ ಡ್ಯಾರೆನ್ ಸ್ಯಾಮಿ ಜಾಗತಿಕ ಕ್ರಿಕೆಟ್ ವಲಯ ಮತ್ತು ಪ್ರಾಯೋಜಕರಲ್ಲಿ ಆರ್ಥಿಕ ಸಹಾಯಕ್ಕಾಗಿ ಮಾಡಿಕೊಂಡಿರುವ ಭಾವುಕ ಮನವಿ.

ವೆಸ್ಟ್ ಇಂಡೀಸ್ ಕ್ರಿಕೆಟ್‌ಗೆ ಸಹಾಯ ಮಾಡಿ: ಡ್ಯಾರೆನ್ ಸ್ಯಾಮಿ ಭಾವುಕ ಮನವಿ!
Daren SammyImage Credit source: CWI
ಝಾಹಿರ್ ಯೂಸುಫ್
|

Updated on: Oct 19, 2026 | 9:55 AM

Share

ಭಾರತದ ವಿರುದ್ಧದ ಐದು ಪಂದ್ಯಗಳ ಟಿ20 ಸರಣಿಯನ್ನು 2-2 ರಿಂದ ಡ್ರಾ ಮಾಡಿಕೊಳ್ಳುವ ಮೂಲಕ ವೆಸ್ಟ್ ಇಂಡೀಸ್ ತಂಡ ಐತಿಹಾಸಿಕ ಸಾಧನೆ ಮಾಡಿದೆ. ಆದರೆ, ಈ ಯಶಸ್ಸಿನ ಬೆನ್ನಲ್ಲೇ ಕೆರಿಬಿಯನ್ ಕ್ರಿಕೆಟ್ ಎದುರಿಸುತ್ತಿರುವ ತೀವ್ರ ಆರ್ಥಿಕ ಬಿಕ್ಕಟ್ಟಿನ ಕುರಿತು ಮುಖ್ಯ ಕೋಚ್ ಡ್ಯಾರೆನ್ ಸ್ಯಾಮಿ ಕಳಕಳಿ ವ್ಯಕ್ತಪಡಿಸಿದ್ದಾರೆ.

ಟೀಮ್ ಇಂಡಿಯಾ ವಿರುದ್ಧದ ಟಿ20 ಸರಣಿಯ ಮುಕ್ತಾಯದ ನಂತರ ಮಾಧ್ಯಮಗಳೊಂದಿಗೆ ಮಾತನಾಡಿದ ವೆಸ್ಟ್ ಇಂಡೀಸ್ ಮುಖ್ಯ ಕೋಚ್ ಡ್ಯಾರೆನ್ ಸ್ಯಾಮಿ, “ವೆಸ್ಟ್ ಇಂಡೀಸ್ ಕ್ರಿಕೆಟ್‌ಗೆ ಆರ್ಥಿಕವಾಗಿ ಯಾರಾದರೂ ಹೆಗಲು ಕೊಡಬೇಕಾದ ಅನಿವಾರ್ಯತೆ ಇದೆ’ ಎಂದು ಜಾಗತಿಕ ಕ್ರಿಕೆಟ್ ವಲಯ ಹಾಗೂ ಪ್ರಾಯೋಜಕರಿಗೆ ಭಾವುಕ ಮನವಿ ಮಾಡಿದ್ದಾರೆ.”

“ಮೈದಾನದಲ್ಲಿ ಹೋರಾಡಲು ನಮ್ಮ ಆಟಗಾರರು ಸಿದ್ಧರಿದ್ದಾರೆ, ಆದರೆ ಕೆರಿಬಿಯನ್ ಕ್ರಿಕೆಟ್ ಬದುಕುಳಿಯಲು ಈಗ ಜಾಗತಿಕ ಪ್ರಾಯೋಜಕರು ಮತ್ತು ಕ್ರಿಕೆಟ್ ವಲಯದ ಆಸರೆ ತುರ್ತಾಗಿ ಬೇಕಾಗಿದೆ. ದಯವಿಟ್ಟು ವೆಸ್ಟ್ ಇಂಡೀಸ್ ಕ್ರಿಕೆಟ್‌ಗೆ ಆರ್ಥಿಕವಾಗಿ ಹೆಗಲು ಕೊಡಿ, ನಮ್ಮನ್ನು ಕೈಬಿಡಬೇಡಿ” ಎಂದು ಡ್ಯಾರೆನ್ ಸ್ಯಾಮಿ ಮುಕ್ತವಾಗಿ ಸಹಾಯ ಹಸ್ತ ಚಾಚಿದ್ದಾರೆ.

ಆಟಗಾರರ ಸಂಭಾವನೆಯಲ್ಲಿ ಶೇ. 25ರಷ್ಟು ಕಡಿತ!

ವೆಸ್ಟ್ ಇಂಡೀಸ್ ಆಟಗಾರರು ಮೈದಾನದಲ್ಲಿ ಭಾರತದ ವಿರುದ್ಧ ಹೋರಾಡುತ್ತಿರುವಾಗಲೇ, ಬ್ಯಾಕ್‌ಸ್ಟೇಜ್‌ನಲ್ಲಿ ಕ್ರಿಕೆಟ್ ವೆಸ್ಟ್ ಇಂಡೀಸ್ (CWI) ತೀವ್ರ ಆರ್ಥಿಕ ಹೊಡೆತವನ್ನು ಅನುಭವಿಸುತ್ತಿದೆ. ಆರ್ಥಿಕ ಸ್ಥಿರತೆಯನ್ನು ಮರುಸ್ಥಾಪಿಸುವ ಭಾಗವಾಗಿ ಇತ್ತೀಚೆಗಷ್ಟೇ CWI ತನ್ನ ಒಪ್ಪಂದದ ಆಟಗಾರರ ಸಂಭಾವನೆಯಲ್ಲಿ ಶೇ. 25ರಷ್ಟು ಕಡಿತ ಪ್ರಕಟಿಸಿದೆ.

ಐಸಿಸಿ ರಾಜಸ್ವ ಮಾದರಿಯದ್ದೇ ದೊಡ್ಡ ಸಮಸ್ಯೆ:

ಕ್ರಿಕೆಟ್ ವೆಸ್ಟ್ ಇಂಡೀಸ್​ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಕ್ರಿಸ್ ಡೆಹ್ರಿಂಗ್ ಇತ್ತೀಚೆಗೆ ವಿವರಿಸಿದಂತೆ, ಈ ಆರ್ಥಿಕ ಸಂಕಷ್ಟಕ್ಕೆ ಪ್ರಮುಖ ಕಾರಣ 1997ರ ಐಸಿಸಿ ರಾಜಸ್ವ ಹಂಚಿಕೆ ಮಾದರಿ. ಈ ನಿಯಮದ ಪ್ರಕಾರ, ದ್ವಿಪಕ್ಷೀಯ ಸರಣಿ ನಡೆಯುವಾಗ ಆತಿಥೇಯ ಮಂಡಳಿಗೆ ಮಾತ್ರ ಸಂಪೂರ್ಣ ಪ್ರಸಾರ ಹಕ್ಕು ಹಾಗೂ ಪ್ರಾಯೋಜಕತ್ವದ ಆದಾಯ ಹೋಗುತ್ತದೆ.

ಭಾರತ ಪ್ರವಾಸದಿಂದ ಬಿಸಿಸಿಐ ಕೋಟ್ಯಂತರ ರೂಪಾಯಿ ಗಳಿಸಿದರೂ, ಪ್ರವಾಸಿ ವೆಸ್ಟ್ ಇಂಡೀಸ್ ಮಂಡಳಿಗೆ ಇದರಿಂದ ಯಾವುದೇ ಆದಾಯ ಸಿಗುವುದಿಲ್ಲ. ಕಡಿಮೆ ಜನಸಂಖ್ಯೆ ಇರುವ ಕೆರಿಬಿಯನ್ ದ್ವೀಪಗಳ ಕ್ರಿಕೆಟ್ ಮಂಡಳಿಗೆ ಇದು ಭಾರಿ ನಷ್ಟವನ್ನು ಉಂಟುಮಾಡುತ್ತಿದೆ ಎಂದು ತಿಳಿಸಿದ್ದಾರೆ.

ಸವಾಲುಗಳ ನಡುವೆಯೂ ಸಾಧನೆ:

ಭಾರತ ಹಾಗೂ ವೆಸ್ಟ್ ಇಂಡೀಸ್ ಕ್ರಿಕೆಟ್‌ನ ಮೂಲಸೌಕರ್ಯಗಳನ್ನು ಹೋಲಿಸಿದ ಡ್ಯಾರೆನ್ ಸ್ಯಾಮಿ, ಭಾರತದ ಶ್ರೀಮಂತಿಕೆಯನ್ನು ಶ್ಲಾಘಿಸುತ್ತಲೇ ತಮ್ಮ ತಂಡದ ಪರಿಸ್ಥಿತಿಯನ್ನು ವಿವರಿಸಿದರು.

“ಭಾರತ ತಂಡ ಐಸಿಸಿ ಟೂರ್ನಿಗಳಿಗೆ ಹೋದಾಗಲೆಲ್ಲಾ ವಿಶ್ವಕಪ್ ಗೆಲ್ಲುವ ನಿರೀಕ್ಷೆ ಇರುತ್ತದೆ, ಏಕೆಂದರೆ ಅದಕ್ಕೆ ತಕ್ಕಂತೆ ಅಲ್ಲಿ ವ್ಯವಸ್ಥೆಗಳನ್ನು ಮಾಡಲಾಗಿದೆ. ಆದರೆ ವೆಸ್ಟ್ ಇಂಡೀಸ್ ತಂಡ ಎಲ್ಲಿಗೇ ಹೋದರೂ, ಹತ್ತಾರು ಸವಾಲುಗಳ ಮಧ್ಯೆಯೂ ಪ್ರದರ್ಶನ ನೀಡಬೇಕಾಗುತ್ತದೆ. ಈ ಸರಣಿಯ ನಂತರ ಪ್ರಾಯೋಜಕರು ಮತ್ತು ಸ್ಟೇಕ್‌ಹೋಲ್ಡರ್‌ಗಳ ಜೊತೆಗಿನ ಮಾತುಕತೆಗಳು ಸುಧಾರಿಸಬಹುದು ಮತ್ತು ವೆಸ್ಟ್ ಇಂಡೀಸ್ ಕ್ರಿಕೆಟ್‌ಗೆ ಉತ್ತಮ ಹೂಡಿಕೆ ಬರಬಹುದು ಎಂಬ ಆಶಾವಾದ ನನ್ನದಾಗಿದೆ.” ಎಂದಿದ್ದಾರೆ.

ಇದನ್ನೂ ಓದಿ: ಕೊಹ್ಲಿ, ಆಮ್ಲ… ಎಲ್ಲರ ದಾಖಲೆ ಮುರಿದ ಬಾಬರ್ ಆಝಂ

ಒಟ್ಟಾರೆಯಾಗಿ ಹೇಳುವುದಾದರೆ, ಟೀಮ್ ಇಂಡಿಯಾ ವಿರುದ್ಧದ ಈ ಟಿ20 ಸರಣಿ ಡ್ರಾವು ಕೆರಿಬಿಯನ್ ಆಟಗಾರರ ಅದ್ಭುತ ಹೋರಾಟದ ಗುಣ ಮತ್ತು ಪ್ರತಿಭೆಯನ್ನು ಜಗತ್ತಿಗೆ ಮತ್ತೊಮ್ಮೆ ಸಾಬೀತುಪಡಿಸಿದೆ. ಆದರೆ, ಕೇವಲ ಮೈದಾನದ ಪ್ರದರ್ಶನವಷ್ಟೇ ಒಂದು ತಂಡವನ್ನು ದೀರ್ಘಕಾಲದವರೆಗೆ ಜೀವಂತವಾಗಿಡಲು ಸಾಧ್ಯವಿಲ್ಲ. ಐಸಿಸಿಯ ಹಳೆಯ ರಾಜಸ್ವ ಮಾದರಿಯ ಬದಲಾವಣೆ ಹಾಗೂ ಪ್ರಾಯೋಜಕರ ಉತ್ತಮ ಹೂಡಿಕೆ ಮಾತ್ರ ವೆಸ್ಟ್ ಇಂಡೀಸ್ ಕ್ರಿಕೆಟ್‌ಗೆ ಮರುಜೀವ ನೀಡಬಲ್ಲದು. ಡ್ಯಾರೆನ್ ಸ್ಯಾಮಿ ಅವರ ಈ ಭಾವುಕ ಮನವಿಗೆ ಜಾಗತಿಕ ಕ್ರಿಕೆಟ್ ವಲಯ ಮತ್ತು ಬಲಿಷ್ಠ ಕ್ರಿಕೆಟ್ ಮಂಡಳಿಗಳು ಹೇಗೆ ಸ್ಪಂದಿಸುತ್ತವೆ ಎಂಬುದನ್ನು ಕಾದು ನೋಡಬೇಕಿದೆ.

Follow Us
ಝಾಹಿರ್ ಯೂಸುಫ್
ಝಾಹಿರ್ ಯೂಸುಫ್

ಟಿವಿ9 ಡಿಜಿಟಲ್ ಚೀಫ್ ಸಬ್ ಎಡಿಟರ್. 10 ವರ್ಷಗಳಿಂದ ಕನ್ನಡ ಡಿಜಿಟಲ್​ ಮಾಧ್ಯಮದಲ್ಲಿ ಪತ್ರಿಕಾ ವೃತ್ತಿ. ಕ್ರೀಡಾ ಸುದ್ದಿ, ದೀರ್ಘ ಲೇಖನ, ವಿಶ್ಲೇಷಣೆ, ಹೀಗೆ ಎಲ್ಲ ತರಹದ ಬರಹದಲ್ಲೂ ಅನುಭವ. ಪ್ರಸ್ತುತ ವಿದ್ಯಮಾನಗಳ ವ್ಯಾಖ್ಯಾನ, ಚರ್ಚೆಯಲ್ಲಿ ನೈಪುಣ್ಯ. ಈ ಹಿಂದೆ ಉದಯವಾಣಿ, ನ್ಯೂಸ್ 18 ಕನ್ನಡ ಡಿಜಿಟಲ್​​ನಲ್ಲಿ ಕೆಲಸ ಮಾಡಿದ ಅನುಭವ. ಆಸಕ್ತಿದಾಯಕ ವಿಷಯ ಕ್ರೀಡೆ, ಸಿನಿಮಾ ಮತ್ತು ರಾಜಕೀಯ.

Read More
ಬೆಂಗಳೂರು ಪೊಲೀಸ್ ಕಮಿಷನರ್ ಆಗಿ ಹಿತೇಂದ್ರ ಅಧಿಕಾರ ಸ್ವೀಕಾರ
ಬೆಂಗಳೂರು ಪೊಲೀಸ್ ಕಮಿಷನರ್ ಆಗಿ ಹಿತೇಂದ್ರ ಅಧಿಕಾರ ಸ್ವೀಕಾರ
ಆಸಿಯಾ ಮೇಲೆ ಹಲ್ಲೆಗೆ ರೆಡಿಯಾದ ಸೌಂದರ್ಯಾ: ವಿಡಿಯೋ
ಆಸಿಯಾ ಮೇಲೆ ಹಲ್ಲೆಗೆ ರೆಡಿಯಾದ ಸೌಂದರ್ಯಾ: ವಿಡಿಯೋ
‘ಆಯುಷ್’ ಸಿನಿಮಾ ವಿವಾದ, ಸಂಧಾನ ಸಭೆ ಬಗ್ಗೆ ಪ್ರಿಯಾಂಕಾ ಉಪೇಂದ್ರ ಮಾತು
‘ಆಯುಷ್’ ಸಿನಿಮಾ ವಿವಾದ, ಸಂಧಾನ ಸಭೆ ಬಗ್ಗೆ ಪ್ರಿಯಾಂಕಾ ಉಪೇಂದ್ರ ಮಾತು
ಬಾಳಾಸಾಹೇಬ್ ಠಾಕ್ರೆ ಫೋಟೋ ಹರಿದ ಶಿವಸೇನೆ ನಾಯಕಿ; ಭುಗಿಲೆದ್ದ ವಿವಾದ
ಬಾಳಾಸಾಹೇಬ್ ಠಾಕ್ರೆ ಫೋಟೋ ಹರಿದ ಶಿವಸೇನೆ ನಾಯಕಿ; ಭುಗಿಲೆದ್ದ ವಿವಾದ
ದೇವರನ್ನು ಪೂಜಿಸಲ್ಲ,ಹಾಗಂತ ದೇವರಿಲ್ಲ ಅಂತಾ ಹೇಳಲ್ಲ ಎಂದ ಸಿದ್ದರಾಮಯ್ಯ
ದೇವರನ್ನು ಪೂಜಿಸಲ್ಲ,ಹಾಗಂತ ದೇವರಿಲ್ಲ ಅಂತಾ ಹೇಳಲ್ಲ ಎಂದ ಸಿದ್ದರಾಮಯ್ಯ
ತಾವೇ ಖುದ್ದಾಗಿ ತೆರಳಿ ಟ್ರಂಪ್​ಗೆ ಅದ್ದೂರಿ ಸ್ವಾಗತ ಕೋರಿದ ಚೀನಾ ಅಧ್ಯಕ್ಷ
ತಾವೇ ಖುದ್ದಾಗಿ ತೆರಳಿ ಟ್ರಂಪ್​ಗೆ ಅದ್ದೂರಿ ಸ್ವಾಗತ ಕೋರಿದ ಚೀನಾ ಅಧ್ಯಕ್ಷ
ಜಕ್ಕೂರು-ಯಲಹಂಕ ಜನರ ಕನಸು ನನಸು: ಜಕ್ಕೂರು ಫ್ಲೈಓವರ್ ಉದ್ಘಾಟಿಸಿದ ಸಿಎಂ
ಜಕ್ಕೂರು-ಯಲಹಂಕ ಜನರ ಕನಸು ನನಸು: ಜಕ್ಕೂರು ಫ್ಲೈಓವರ್ ಉದ್ಘಾಟಿಸಿದ ಸಿಎಂ
ಸಕ್ಕರೆ ಕಾರ್ಖಾನೆಗಳ ಜಿದ್ದಾಜಿದ್ದಿಯಲ್ಲಿ ಕಬ್ಬು ಬೆಳೆಗಾರರಿಗೆ ಬಂಪರ್
ಸಕ್ಕರೆ ಕಾರ್ಖಾನೆಗಳ ಜಿದ್ದಾಜಿದ್ದಿಯಲ್ಲಿ ಕಬ್ಬು ಬೆಳೆಗಾರರಿಗೆ ಬಂಪರ್
ಲಷ್ಕರ್ ಕಮಾಂಡರ್ ಲತೀಫ್ ಭಟ್ ಹತ್ಯೆ, ಭದ್ರತಾ ಪಡೆಗಳ ಶೌರ್ಯ ಕೊಂಡಾಡಿದ ಶಾ
ಲಷ್ಕರ್ ಕಮಾಂಡರ್ ಲತೀಫ್ ಭಟ್ ಹತ್ಯೆ, ಭದ್ರತಾ ಪಡೆಗಳ ಶೌರ್ಯ ಕೊಂಡಾಡಿದ ಶಾ
"ಬಿಜೆಪಿ ಸರ್ಕಾರವಿದ್ದಾಗಲೇ ಪರಿಹಾರ ಕೊಡದವರು ಈಗ ಕೊಡ್ತಾರಾ?"