GT vs CSK, IPL 2023 Final Highlights: ನಿಲ್ಲದ ಮಳೆ; ಸೋಮವಾರ ನಡೆಯಲಿದೆ ಫೈನಲ್ ಪಂದ್ಯ

11 ಗಂಟೆಗೊಳಗೆ ಮಳೆ ನಿಂತಿತ್ತಾದರೂ ಉಭಯ ತಂಡದ ನಾಯಕರು ಹಾಗೂ ಅಂಪೈರ್​ಗಳ ಒಮ್ಮತ ನಿರ್ಧಾರದ ಮೇರೆಗೆ ಫೈನಲ್ ಪಂದ್ಯವನ್ನು ಸೋಮವಾರಕ್ಕೆ ಮುಂದೂಡಲಾಗಿದೆ.

ಫಿಲ್ಡ್ ಅಂಪೈರ್​ಗಳ ಹೇಳಿಕೆಯ ಪ್ರಕಾರ ಮಳೆ 11:06ರೊಳಗೆ ನಿಂತರೆ ಇಂದೇ ಫೈನಲ್ ನಡೆಯಲಿದೆ.

ಅಂದಹಾಗೆ, ಮಳೆಯಿಂದಾಗಿ ಇಂದು ಪಂದ್ಯ ಆಡುವ ಸಾಧ್ಯತೆಯು ತುಂಬಾ ಕಷ್ಟಕರವಾಗಿದೆ. ಮತ್ತೆ ಮಳೆ ಆರಂಭವಾಗುತ್ತಿದ್ದು, ಪಂದ್ಯ ಯಾವಾಗ ಆರಂಭವಾಗಲಿದೆ ಎಂಬುದು ಇನ್ನು ಸ್ಪಷ್ಟವಾಗಿಲ್ಲ. 9:45ಕ್ಕೆ ಪಂದ್ಯ ಆರಂಭವಾದರೆ ಒಂದು ಓವರ್ ಮಾತ್ರ ಕಡಿತಗೊಳಿಸಲಾಗುತ್ತದೆ. 10 ಗಂಟೆಗೆ ಪಂದ್ಯ ಆರಂಭವಾದರೆ ತಲಾ 17 ಓವರ್‌ ಪಂದ್ಯ ನಡೆಯುತ್ತದೆ. 10:30 ಕ್ಕೆ ಆರಂಭವಾದರೆ ಪ್ರತಿ ಇನಿಂಗ್ಸ್‌ಗೆ 15 ಓವರ್‌ ಸಿಗಲಿದೆ. ಪಂದ್ಯ 12:06 ಕ್ಕೆ ಪ್ರಾರಂಭವಾದರೆ ಪ್ರತಿ ಇನಿಂಗ್ಸ್‌ಗೆ ಐದು ಓವರ್‌ ಸಿಗಲಿದೆ.

ಸ್ವಲ್ಪ ಸಮಯ ವಿರಾಮ ತೆಗೆದುಕೊಂಡಿದ್ದ ಮಳೆ ರಾಯ ಮತ್ತೆ ಸುರಿಯಲಾರಂಭಿಸಿದ್ದಾನೆ. ಹೀಗಾಗಿ ಮತ್ತೆ ಮೈದಾನದಿಂದ ಆಟಗಾರರು ಪೆವಿಲಿಯನ್​ಗೆ ತೆರಳಿದ್ದಾರೆ. 9:35ರೊಳಗೆ ಪಂದ್ಯ ಆರಂಭವಾಗದಿದ್ದರೆ ಓವರ್​ಗಳನ್ನು ಕಡಿತಗೊಳಿಸುವ ಪ್ರಕ್ರಿಯೆ ಆರಂಭವಾಗಲಿದೆ.

ಅಹಮದಾಬಾದ್‌ನಲ್ಲಿ ಮಳೆ ನಿಂತಿದ್ದು ಪಿಚ್ ಮೇಲೆ ಹೊದಿಸಲಾಗಿದ್ದ ಕವರ್​ಗಳನ್ನು ತೆಗೆಯಲಾಗಿದೆ.

ಅಹಮದಾಬಾದ್‌ನಲ್ಲಿ ಎಡಬಿಡದೆ ಮಳೆಯಾಗುತ್ತಿದೆ. 9.35ರೊಳಗೆ ಪಂದ್ಯ ಆರಂಭವಾದರೆ ಓವರ್‌ಗಳನ್ನು ಕಡಿತಗೊಳಿಸುವುದಿಲ್ಲ.

ಟಾಸ್‌ಗೂ ಮುನ್ನವೇ ಅಹಮದಾಬಾದ್‌ನಲ್ಲಿ ವಾತಾವರಣ ಹದಗೆಟ್ಟಿದೆ. ಜೋರು ಮಳೆ ಶುರುವಾಗಿದೆ.

ನಿಖರವಾಗಿ 12 ವರ್ಷಗಳ ಹಿಂದೆ, ಈ ದಿನ ಅಂದರೆ 28 ಮೇ 2011 ರಂದು, ಚೆನ್ನೈ ತನ್ನ ಎರಡನೇ ಪ್ರಶಸ್ತಿಯನ್ನು ಗೆದ್ದುಕೊಂಡಿತ್ತು. 12 ವರ್ಷಗಳ ಹಿಂದೆ ಚೆನ್ನೈ ಫೈನಲ್‌ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಸೋಲಿಸಿ ಚಾಂಪಿಯನ್​ ಪಟ್ಟಕ್ಕೇರಿತ್ತು.

ಹವಾಮಾನ ಇಲಾಖೆಯ ವರದಿಯ ಪ್ರಕಾರ ರಾತ್ರಿ 8 ರಿಂದ 9 ಗಂಟೆಯವರೆಗೆ ಅಹಮದಾಬಾದ್​ನಲ್ಲಿ ಮಳೆಯಾಗುವ ಸಾಧ್ಯತೆ ಇದೆ. ಹೀಗಾಗಿ ಪಂದ್ಯಕ್ಕೆ ಮಳೆ ವಿಲನ್ ಆಗುವ ಸಾಧ್ಯತೆಗಳಿವೆ.