IND vs ENG 4th Test: ಟೀಮ್ ಇಂಡಿಯಾ ಹೇಗೆ ಪುಟಿದೇಳಬಹುದು?: 3ನೇ ದಿನಕ್ಕೆ ಗಿಲ್ ಸೈನ್ಯದ ಪ್ಲ್ಯಾನ್ ಏನು?
India vs England 4th Test, Day 3: ಟೀಮ್ ಇಂಡಿಯಾ ಇನ್ನೂ 133 ರನ್ಗಳ ಮುನ್ನಡೆಯಲ್ಲಿದೆ. ಹೀಗಿರುವಾಗ, ಮೂರನೇ ದಿನದ ಆಟ ಆರಂಭವಾದ ತಕ್ಷಣ ಭಾರತ ತಂಡ ಹೇಗಾದರು ಮಾಡಿ ಆಂಗ್ಲರ ವಿಕೆಟ್ ಪಡೆಯಲೇ ಬೇಕು. ಜಸ್ಪ್ರೀತ್ ಬುಮ್ರಾ ಬೌಲಿಂಗ್ ಲೈನ್ಅಪ್ ಅನ್ನು ಮುನ್ನಡೆಸಬೇಕಾಗುತ್ತದೆ. ಬುಮ್ರಾ ಎರಡನೇ ದಿನ ಪರಿಣಾಮಕಾರಿ ಆಗಿ ಗೋಚರಿಸಲಿಲ್ಲ. ಆದರೆ, ಇಂದಿನ ದಿನ ಮಹತ್ವದ್ದಾಗಿರುವ ಕಾರಣ ಬುಮ್ರಾ ಮಿಂಚಲೇ ಬೇಕಿದೆ.
ಬೆಂಗಳೂರು (ಜು. 25): ಭಾರತ (Indian Cricket Team) ಮತ್ತು ಇಂಗ್ಲೆಂಡ್ ನಡುವಿನ 5 ಪಂದ್ಯಗಳ ಟೆಸ್ಟ್ ಸರಣಿಯ ನಾಲ್ಕನೇ ಪಂದ್ಯ ಮ್ಯಾಂಚೆಸ್ಟರ್ನಲ್ಲಿ ನಡೆಯುತ್ತಿದೆ. ಈ ಪಂದ್ಯದಲ್ಲಿ ಎರಡು ದಿನಗಳ ಆಟ ಮುಗಿದಿದೆ. ಮೊದಲ ಇನ್ನಿಂಗ್ಸ್ನಲ್ಲಿ ಟೀಮ್ ಇಂಡಿಯಾ ಗಳಿಸಿದ 358 ರನ್ಗಳಿಗೆ ಉತ್ತರವಾಗಿ, ಇಂಗ್ಲೆಂಡ್ ತಂಡವು 2 ವಿಕೆಟ್ ಕಳೆದುಕೊಂಡು 225 ರನ್ ಗಳಿಸಿದೆ. ಅಂತಹ ಪರಿಸ್ಥಿತಿಯಲ್ಲಿ, ಟೀಮ್ ಇಂಡಿಯಾ ಪ್ರಸ್ತುತ ಈ ಪಂದ್ಯದಲ್ಲಿ ಸಂಕಷ್ಟಕ್ಕೆ ಸಿಲುಕಿಕೊಂಡಿದೆ. ಮೂರನೇ ದಿನದಂದು ಶುಭ್ಮನ್ ಗಿಲ್ ಪಡೆ ಈ ಕಷ್ಟದಿಂದ ಹೇಗೆ ಹೊರಬರಬಹುದು ಎಂಬುದನ್ನು ನೋಡಲು ಆಸಕ್ತಿದಾಯಕವಾಗಿದೆ.
ಟೀಮ್ ಇಂಡಿಯಾ ಇನ್ನೂ 133 ರನ್ಗಳ ಮುನ್ನಡೆಯಲ್ಲಿದೆ. ಹೀಗಿರುವಾಗ, ಮೂರನೇ ದಿನದ ಆಟ ಆರಂಭವಾದ ತಕ್ಷಣ ಭಾರತ ತಂಡ ಹೇಗಾದರು ಮಾಡಿ ಆಂಗ್ಲರ ವಿಕೆಟ್ ಪಡೆಯಲೇ ಬೇಕು. ಜಸ್ಪ್ರೀತ್ ಬುಮ್ರಾ ಬೌಲಿಂಗ್ ಲೈನ್ಅಪ್ ಅನ್ನು ಮುನ್ನಡೆಸಬೇಕಾಗುತ್ತದೆ. ಬುಮ್ರಾ ಎರಡನೇ ದಿನ ಪರಿಣಾಮಕಾರಿ ಆಗಿ ಗೋಚರಿಸಲಿಲ್ಲ. ಆದರೆ, ಇಂದಿನ ದಿನ ಮಹತ್ವದ್ದಾಗಿರುವ ಕಾರಣ ಬುಮ್ರಾ ಮಿಂಚಲೇ ಬೇಕಿದೆ. ಇವರಿಗೆ ಮೊಹಮ್ಮದ್ ಸಿರಾಜ್ ಮತ್ತು ಅನ್ಶುಲ್ ಕಾಂಬೋಜ್ ಬೆಂಬಲ ನೀಡಬೇಕಾಗುತ್ತದೆ.
ನಾಲ್ಕನೇ ಟೆಸ್ಟ್ನ ಎರಡನೇ ದಿನದಂದು ಬೆನ್ ಡಕೆಟ್ ಮತ್ತು ಜ್ಯಾಕ್ ಕ್ರಾಲೆ ಆರಂಭಿಕರಾಗಿ ನೂರು ರನ್ಗಳ ಜೊತೆಯಾಟ ನಡೆಸಿ ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್ನಲ್ಲಿ 225/2 ತಲುಪಲು ಸಹಾಯ ಮಾಡಿದರು. ಇದಕ್ಕೂ ಮುನ್ನ ಇಂಗ್ಲೆಂಡ್ ನಾಯಕ ಬೆನ್ ಸ್ಟೋಕ್ಸ್ (5/72) ಎಂಟು ವರ್ಷಗಳಲ್ಲಿ ಮೊದಲ ಐದು ವಿಕೆಟ್ ಗೊಂಚಲು ಪಡೆದು ಭಾರತವನ್ನು 358 ರನ್ಗಳಿಗೆ ಆಲೌಟ್ ಮಾಡುವಲ್ಲಿ ಪ್ರಮುಖ ಪಾತ್ರವಹಿಸಿದರು.
Ab De Villiers: 41ನೇ ವಯಸ್ಸಿನಲ್ಲಿ 41 ಎಸೆತಗಳಲ್ಲಿ ಶತಕ: ಮಧ್ಯರಾತ್ರಿ ವಿನಾಶ ಸೃಷ್ಟಿಸಿದ ಎಬಿ ಡಿವಿಲಿಯರ್ಸ್
ಬೆನ್ ಡಕೆಟ್ 100 ಎಸೆತಗಳಲ್ಲಿ 13 ಬೌಂಡರಿಗಳ ಸಹಾಯದಿಂದ 94 ರನ್ ಗಳಿಸಿದರು ಮತ್ತು ಕ್ರಾಲಿ (84) ಅವರೊಂದಿಗೆ ಮೊದಲ ವಿಕೆಟ್ಗೆ 166 ರನ್ಗಳ ಪಾಲುದಾರಿಕೆಯನ್ನು ಹಂಚಿಕೊಂಡರು, ಭಾರತೀಯ ಬೌಲಿಂಗ್ ದಾಳಿಯನ್ನು ಎಚ್ಚರಿಕೆಯಿಂದ ಎದುರಿಸುವ ಮೂಲಕ ಇಂಗ್ಲೆಂಡ್ ಅನ್ನು ಬಲವಾದ ಸ್ಥಾನದಲ್ಲಿ ಇರಿಸಿದರು. ಆರಂಭಿಕರಿಬ್ಬರೂ ಭಾರತೀಯ ವೇಗದ ಬೌಲರ್ಗಳ ದಿಕ್ಕಿಲ್ಲದ ಬೌಲಿಂಗ್ನ ಸಂಪೂರ್ಣ ಲಾಭವನ್ನು ಪಡೆದರು ಮತ್ತು ಈ ಸಮಯದಲ್ಲಿ ತಂಡವು ‘ಬ್ಯಾಡ್ಜ್ಬಾಲ್’ ನ ಒಂದು ನೋಟವನ್ನು ಸಹ ತೋರಿಸಿದರು.
ದಿನದಾಟದ ಅಂತ್ಯಕ್ಕೆ ಓಲಿ ಪೋಪ್ 20 ರನ್ ಗಳಿಸಿ ಆಡುತ್ತಿದ್ದರೆ, ಜೋ ರೂಟ್ 11 ರನ್ ಗಳಿಸಿ ಆಡುತ್ತಿದ್ದರು. ಭಾರತದ ಮೊದಲ ಇನ್ನಿಂಗ್ಸ್ ಸ್ಕೋರ್ 358 ರನ್ ಗಿಂತ ಇಂಗ್ಲೆಂಡ್ ಈಗ ಕೇವಲ 133 ರನ್ ಗಳ ಹಿಂದಿದೆ, ಇನ್ನೂ ಎಂಟು ವಿಕೆಟ್ ಗಳು ಬಾಕಿ ಇವೆ. ಭಾರತ ಆಂಗ್ಲರನ್ನು ಆದಷ್ಟು ಬೇಗ ಆಲೌಟ್ ಮಾಡಬೇಕಿದೆ. ಈಗಾಗಲೇ ಟೀಮ್ ಇಂಡಿಯಾ ಸರಣಿಯಲ್ಲಿ 1-2 ರ ಹಿನ್ನಡೆಯಲ್ಲಿರುವ ಕಾರಣ ಈ ಟೆಸ್ಟ್ನಲ್ಲಿ ಗೆಲುವು ಅನಿವಾರ್ಯ. ಸೋತರೆ ಸರಣಿ ಕಳೆದುಕೊಳ್ಳಲಿದೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ