ದೇವಧರ್ ಟ್ರೋಫಿ ರಿಟರ್ನ್; 2023-24ರ ದೇಶಿಯ ಕ್ರಿಕೆಟ್ ವೇಳಾಪಟ್ಟಿ ಬಿಡುಗಡೆ ಮಾಡಿದ ಬಿಸಿಸಿಐ
India Domestic Cricket Schedule: ಬಿಸಿಸಿಐ ಘೋಷಿಸಿದ ವೇಳಾಪಟ್ಟಿಯು 28 ಜೂನ್ 2023 ರಿಂದ ದುಲೀಪ್ ಟ್ರೋಫಿಯೊಂದಿಗೆ ಪ್ರಾರಂಭವಾಗಲಿದೆ.
ಪ್ರಾತಿನಿಧಿಕ ಚಿತ್ರ
2023-24ರ ಭಾರತದ ದೇಶಿ ಕ್ರಿಕೆಟ್ನ ವೇಳಾಪಟ್ಟಿಯನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI) ಏಪ್ರಿಲ್ 10 ರಂದು ಪ್ರಕಟಿಸಿದೆ. ಬಿಸಿಸಿಐ ಘೋಷಿಸಿದ ವೇಳಾಪಟ್ಟಿಯು 28 ಜೂನ್ 2023 ರಿಂದ ದುಲೀಪ್ ಟ್ರೋಫಿಯೊಂದಿಗೆ ಪ್ರಾರಂಭವಾಗಲಿದೆ. ಅಲ್ಲದೆ ಇದರಲ್ಲಿ ಇನ್ನೊಂದು ವಿಶೇಷತೆ ಎಂದರೆ ಕೊರೊನಾದಿಂದಾಗಿ ಸ್ಥಗಿತಗೊಂಡಿದ್ದ ದೇವಧರ್ ಟ್ರೋಫಿಯನ್ನು ಬರೋಬ್ಬರಿ 3 ವರ್ಷಗಳ ನಂತರ ಪ್ರಾರಂಭಿಸಲು ಬಿಸಿಸಿಐ ನಿರ್ಧರಿಸಿದೆ. ದೇವಧರ್ ಟ್ರೋಫಿ ಜೂನ್ 24 ರಿಂದ ಪ್ರಾರಂಭವಾಗಲಿದ್ದು, ಒಟ್ಟು 6 ವಲಯ ತಂಡಗಳು (ಮಧ್ಯ, ದಕ್ಷಿಣ, ಉತ್ತರ, ಪೂರ್ವ, ಪಶ್ಚಿಮ ಮತ್ತು ಈಶಾನ್ಯ ವಲಯಗಳು) ಈ ಟ್ರೋಫಿಯಲ್ಲಿ ಆಡಲಿವೆ.
ದೇಶಿ ಕ್ರಿಕೆಟ್ನ ಪೂರ್ಣ ವೇಳಾಪಟ್ಟಿ
- 1. ದುಲೀಪ್ ಟ್ರೋಫಿ – ದುಲೀಪ್ ಟ್ರೋಫಿ ಪಂದ್ಯಾವಳಿಯ ನಾಕೌಟ್ ಪಂದ್ಯಗಳು 28 ಜೂನ್ 2023 ರಿಂದ ಪ್ರಾರಂಭವಾಗಲಿದ್ದು, ಕೊನೆಯ ಪಂದ್ಯವು ಜೂನ್ 16 ರಂದು ನಡೆಯಲಿದೆ.
- 2. ದೇವಧರ್ ಟ್ರೋಫಿ – ಪಂದ್ಯಾವಳಿಯು ಜುಲೈ 24 ರಿಂದ ಪ್ರಾರಂಭವಾಗಲಿದ್ದು, ಲೀಗ್ ಪಂದ್ಯಗಳು ಜುಲೈ 24 ರಿಂದ ಆಗಸ್ಟ್ 1, 2023 ರವರೆಗೆ ನಡೆಯಲಿವೆ. ನಾಕೌಟ್ ಪಂದ್ಯಗಳು ಆಗಸ್ಟ್ 3 ರಂದು ನಡೆಯಲಿವೆ.
- 3. ಇರಾನಿ ಕಪ್ – ನಾಕೌಟ್ ಪಂದ್ಯಗಳು – 1 ಅಕ್ಟೋಬರ್ 2023 ರಿಂದ 5 ಅಕ್ಟೋಬರ್ 2023 ರವರೆಗೆ ನಡೆಯಲ್ಲಿವೆ.
- 4. ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ – 16 ಅಕ್ಟೋಬರ್ನಿಂದ 27 ಅಕ್ಟೋಬರ್ 2023ರವರೆಗೆ ಲೀಗ್ ಪಂದ್ಯಗಳು ನಡೆಯಲಿದ್ದು, ನಾಕೌಟ್ ಪಂದ್ಯಗಳು 31 ಅಕ್ಟೋಬರ್ 2023 ರಿಂದ 6 ನವೆಂಬರ್ 2023ರವರೆಗೆ ನಡೆಯಲ್ಲಿವೆ.
- 5. ವಿಜಯ್ ಹಜಾರೆ ಟ್ರೋಫಿ – 23 ನವೆಂಬರ್ 2023 ರಿಂದ 5 ಡಿಸೆಂಬರ್ 2023ರವರೆಗೆ ಲೀಗ್ ಪಂದ್ಯಗಳ ನಡೆಯಲ್ಲಿವೆ. ಹಾಗೆಯೇ 9 ಡಿಸೆಂಬರ್ 2023 ರಿಂದ 15 ಡಿಸೆಂಬರ್ 2023ರವರೆಗೆ ನಾಕೌಟ್ ಪಂದ್ಯಗಳು ನಡೆಯಲ್ಲಿವೆ
- 6. ರಣಜಿ ಟ್ರೋಫಿ – 5 ಜನವರಿ 2024 ರಿಂದ 14 ಮಾರ್ಚ್ 2024 ರವರೆಗೆ ನಡೆಯಲ್ಲಿದೆ.
ಮಹಿಳೆಯರ ವೇಳಾಪಟ್ಟಿ ಹೀಗಿದೆ
- ರಾಷ್ಟ್ರೀಯ ಟಿ20 ಚಾಂಪಿಯನ್‌ಶಿಪ್‌ನೊಂದಿಗೆ ಸೀನಿಯರ್ ಮಹಿಳಾ ಋತುವು ಆರಂಭವಾಗಲಿದ್ದು, ಈ ಟೂರ್ನಿಯನ್ನು 19 ಅಕ್ಟೋಬರ್ನಿಂದ 9 ನವೆಂಬರ್ 2023 ರವರೆಗೆ ಆಡಲಾಗುತ್ತದೆ.
- ಇದರ ನಂತರ, ಇಂಟರ್-ಝೋನಲ್ ಟಿ20 ಟ್ರೋಫಿಯನ್ನು ನವೆಂಬರ್ 24 ರಿಂದ ಡಿಸೆಂಬರ್ 4, 2023 ರವರೆಗೆ ಆಡಲಾಗುತ್ತದೆ.
- ಸೀನಿಯರ್ ಮಹಿಳೆಯರ ಏಕದಿನ ಟ್ರೋಫಿ ಮುಂದಿನ ವರ್ಷ 4 ಜನವರಿ 2024 ರಿಂದ 26 ಜನವರಿ 2024 ರವರೆಗೆ ನಡೆಯಲಿದೆ.
- ಅಂತಿಮವಾಗಿ ವಿಜಯ್ ಟ್ರೋಫಿಯನ್ನು 10 ಮಾರ್ಚ್ 2024 ರಿಂದ 16 ಮಾರ್ಚ್ 2024 ರವರೆಗೆ ಆಡಲಾಗುತ್ತದೆ.
Published On - 6:43 pm, Mon, 10 April 23