IND vs ENG: 3ನೇ ಟೆಸ್ಟ್ ಗೆದ್ದು ಬೀಗಿದ ಇಂಗ್ಲೆಂಡ್; ಬ್ಯಾಟ್ಸ್​ಮನ್​ಗಳ ಪೆವಿಲಿಯನ್ ಪರೇಡ್, ಭಾರತಕ್ಕೆ ಇನ್ನಿಂಗ್ಸ್ ಸೋಲು

ಹೆಡಿಂಗ್ಲೆ ಕ್ರೀಡಾಂಗಣದಲ್ಲಿ ನಡೆದ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ಭಾರತವನ್ನು ಇನ್ನಿಂಗ್ಸ್ ಮತ್ತು 76 ರನ್ಗಳಿಂದ ಸೋಲಿಸಿತು ಮತ್ತು ಇದರೊಂದಿಗೆ ಐದು ಪಂದ್ಯಗಳ ಸರಣಿಯನ್ನು 1-1 ಸಮಬಲಗೊಳಿಸಿತು. ಈ ಪಂದ್ಯದಲ್ಲಿ ಇಂಗ್ಲೆಂಡ್ ಭಾರತದ ಮೇಲೆ ಒತ್ತಡ ಹೇರಿತು. ಟಾಸ್ ಗೆದ್ದ ಭಾರತ ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿತು ಆದರೆ ಅವರ ನಿರ್ಧಾರ ಯಶಸ್ವಿಯಾಗಲಿಲ್ಲ. ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರತವನ್ನು 78 ರನ್ ಗಳಿಗೆ ಆಲೌಟ್ ಮಾಡಿತ್ತು. ನಂತರ ಇಂಗ್ಲೆಂಡ್ ತನ್ನ ಮೊದಲ ಇನ್ನಿಂಗ್ಸ್ ನಲ್ಲಿ 432 ರನ್ ಗಳಿಸಿ ಭಾರತದ ಮೇಲೆ 354 ರನ್ ಗಳ ಮುನ್ನಡೆ ಸಾಧಿಸಿತು. ಈ ಮುನ್ನಡೆಯ ಮುಂದೆ, ಭಾರತವು ಎರಡನೇ ಇನ್ನಿಂಗ್ಸ್‌ನಲ್ಲಿ ಕೇವಲ 278 ರನ್ ಗಳಿಗೆ ಆಲೌಟ್ ಆಗಿ ಪಂದ್ಯವನ್ನು ಕಳೆದುಕೊಂಡಿತು.

ಚೇತೇಶ್ವರ ಪೂಜಾರ ಭಾರತದ ಪರ ಗರಿಷ್ಠ 91 ರನ್ ಗಳಿಸಿದರು. ನಾಯಕ ವಿರಾಟ್ ಕೊಹ್ಲಿ 55 ರನ್ ಗಳಿಸಿದರು. ಈ ಇಬ್ಬರ ಹೊರತಾಗಿ ರೋಹಿತ್ ಶರ್ಮಾ 59 ರನ್ ಗಳಿಸಿದ್ದರು. ಆದರೆ ಈ ಮೂವರನ್ನು ಹೊರತುಪಡಿಸಿ ಭಾರತದ ಯಾವುದೇ ಇತರ ಬ್ಯಾಟ್ಸ್‌ಮನ್‌ಗಳು ಹೆಚ್ಚು ರನ್​ ಗಳಿಸಲು ಸಾಧ್ಯವಾಗಲಿಲ್ಲ. ಭಾರತ ದಿನದಾಟ ಆರಂಭಿಸಿದ್ದು ಎರಡು ವಿಕೆಟ್ ನಷ್ಟಕ್ಕೆ 215 ರನ್. ಮೊದಲ ಸೆಷನ್‌ನಲ್ಲಿ ಉಳಿದ ಎಂಟು ವಿಕೆಟ್‌ಗಳನ್ನು ಪಡೆಯುವ ಮೂಲಕ ಇಂಗ್ಲೆಂಡ್ ಭಾರತವನ್ನು ನಾಲ್ಕನೇ ದಿನದಂದೇ ಸೋಲಿನ ಸುಳಿಗೆ ತಳ್ಳಿತು. ರಾಬಿನ್ಸನ್ ಭಾರತದ ಬ್ಯಾಟ್ಸ್‌ಮನ್‌ಗಳ ಸಮಾಧಿಯನ್ನು ಅಗೆದರು, ಅವರು ಪೂಜಾರ ಮತ್ತು ಕೊಹ್ಲಿಯನ್ನು ಔಟ್ ಮಾಡುವ ಮೂಲಕ ಭಾರತದ 5 ವಿಕೆಟ್ ಪಡೆದರು.

ಪೂಜಾರ-ಕೊಹ್ಲಿ ಅಗ್ಗವಾಗಿ ಔಟಾದರು ಪೂಜಾರ ಮತ್ತು ಕೊಹ್ಲಿ ನಾಲ್ಕನೇ ದಿನ ಆರಂಭಿಸಿದರು. ಆದಾಗ್ಯೂ, ಪೂಜಾರ ಅವರ ಖಾತೆಗೆ ಒಂದೇ ಒಂದು ರನ್ ಸೇರಿಸಲು ಸಾಧ್ಯವಾಗಲಿಲ್ಲ. ಹೀಗಾಗಿ 91 ರನ್​ಗಳಿಗೆ ಔಟ್ ಆದರು. ಅವರು 189 ಎಸೆತಗಳಲ್ಲಿ 15 ಬೌಂಡರಿಗಳ ಸಹಾಯದಿಂದ ಈ ರನ್ ಗಳಿಸಿದರು. ಇದರ ನಂತರ ಕೊಹ್ಲಿ ತಮ್ಮ ಅರ್ಧಶತಕವನ್ನು ಪೂರೈಸಿದರು. ಆದರೆ ಕೊಹ್ಲಿ ಮತ್ತೆ ದೀರ್ಘಕಾಲ ಉಳಿಯಲು ಸಾಧ್ಯವಾಗಲಿಲ್ಲ. ಅವರು 125 ಎಸೆತಗಳಲ್ಲಿ 55 ರನ್ ಗಳಿಸಿದರು. ಜೊತೆಗೆ ತಮ್ಮ ಇನ್ನಿಂಗ್ಸ್‌ನಲ್ಲಿ ಎಂಟು ಬೌಂಡರಿಗಳನ್ನು ಬಾರಿಸಿದರು. ಅಜಿಂಕ್ಯ ರಹಾನೆ ಬ್ಯಾಟ್‌ನಿಂದ ಹೆಚ್ಚು ರನ್ ಬರಲಿಲ್ಲ. ಅವರು 10 ರನ್ ಗಳ ವೈಯಕ್ತಿಕ ಸ್ಕೋರ್ ನಲ್ಲಿ ಜೇಮ್ಸ್ ಆಂಡರ್ಸನ್ ಗೆ ಬಲಿಯಾದರು. ರಾಬಿನ್ಸನ್ ರಿಷಭ್ ಪಂತ್ ಗೆ ಪೆವಿಲಿಯನ್ ದಾರಿ ತೋರಿಸಿದರು. ಪಂತ್ ಕೇವಲ ಒಂದು ರನ್ ಗಳಿಸಲು ಸಾಧ್ಯವಾಯಿತು. ಮೊಯೀನ್ ಅಲಿ, ಮೊಹಮ್ಮದ್ ಶಮಿಯನ್ನು ಔಟ್ ಮಾಡಿದರು. ಇದರ ನಂತರ, ಭಾರತವು ಉಳಿದ ವಿಕೆಟ್‌ಗಳನ್ನು ಬೇಗನೆ ಕಳೆದುಕೊಂಡು ಪಂದ್ಯವನ್ನು ಕಳೆದುಕೊಂಡಿತು.

Published On - 5:15 pm, Sat, 28 August 21