India vs West Indies 2nd T20 Playing 11: 3 ಗಂಟೆ ತಡವಾಗಿ ಆರಂಭವಾದ ಪಂದ್ಯ; ಉಭಯ ತಂಡಗಳು ಹೀಗಿವೆ
India vs West Indies 2nd T20 Playing 11: ಈ ಪಂದ್ಯಕ್ಕಾಗಿ ಉಭಯ ತಂಡಗಳು ಕೆಲವು ಬದಲಾವಣೆಗಳನ್ನು ಮಾಡಿಕೊಂಡಿವೆ. ಮೊದಲು ಟೀಮ್ ಇಂಡಿಯಾ ಬಗ್ಗೆ ಮಾತನಾಡೋಣ. ಲೆಗ್ ಸ್ಪಿನ್ನರ್ ರವಿ ಬಿಷ್ಣೋಯ್ ಬದಲಿಗೆ ವೇಗದ ಬೌಲರ್ ಅವೇಶ್ ಖಾನ್ ಅವರನ್ನು ಸೇರಿಸಿಕೊಳ್ಳಲಾಗಿದೆ
Updated on:Aug 01, 2022 | 10:58 PM
ಮೂರು ಗಂಟೆಗಳ ವಿಳಂಬದ ನಂತರ, ಭಾರತ ಮತ್ತು ವೆಸ್ಟ್ ಇಂಡೀಸ್ (India and West Indies) ನಡುವಿನ ಐದು ಪಂದ್ಯಗಳ ಟಿ20 ಸರಣಿಯ (T20 series) ಎರಡನೇ ಪಂದ್ಯ ಆರಂಭವಾಗಿದೆ. ಸೇಂಟ್ ಕಿಟ್ಸ್‌ನ ಕೆ ವಾರ್ನರ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯವು ಭಾರತೀಯ ಕಾಲಮಾನ ರಾತ್ರಿ 8 ಗಂಟೆಗೆ ಪ್ರಾರಂಭವಾಗಬೇಕಿತ್ತು, ಆದರೆ ಆಟಗಾರರು ಕಿಟ್ಸ್‌ ತರುವಲ್ಲಿ ವಿಳಂಬವಾದ ಕಾರಣ, ಅದನ್ನು ಮೂರು ಗಂಟೆಗಳ ಕಾಲ ಮುಂದೂಡಬೇಕಾಯಿತು. 10.30ಕ್ಕೆ ಟಾಸ್ ಆದಾಗ ಈಗ ಪಂದ್ಯ ಆರಂಭ ಎಂದು ನಿರ್ಧರಿಸಲಾಯಿತು. ಟಾಸ್ ಬಗ್ಗೆ ಮಾತನಾಡುವುದಾದರೆ, ವೆಸ್ಟ್ ಇಂಡೀಸ್ ನಾಯಕ ನಿಕೋಲಸ್ ಪೂರನ್ ಇಲ್ಲಿ ಟಾಸ್ ಗೆದ್ದು ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ.
ಈ ಪಂದ್ಯಕ್ಕಾಗಿ ಉಭಯ ತಂಡಗಳು ಕೆಲವು ಬದಲಾವಣೆಗಳನ್ನು ಮಾಡಿಕೊಂಡಿವೆ. ಮೊದಲು ಟೀಮ್ ಇಂಡಿಯಾ ಬಗ್ಗೆ ಮಾತನಾಡೋಣ. ಲೆಗ್ ಸ್ಪಿನ್ನರ್ ರವಿ ಬಿಷ್ಣೋಯ್ ಬದಲಿಗೆ ವೇಗದ ಬೌಲರ್ ಅವೇಶ್ ಖಾನ್ ಅವರನ್ನು ಸೇರಿಸಿಕೊಳ್ಳಲಾಗಿದೆ ಎಂದು ನಾಯಕ ರೋಹಿತ್ ಶರ್ಮಾ ಟಾಸ್ ಸಮಯದಲ್ಲಿ ತಿಳಿಸಿದರು. ಈ ಬದಲಾವಣೆಯ ಬಗ್ಗೆ ಕ್ಯಾಪ್ಟನ್ ರೋಹಿತ್ ಮಾತನಾಡಿದ್ದು, ಇದು ಕೇವಲ ಸಂದರ್ಭಗಳಿಂದಾಗಿ ಮತ್ತು ದುರದೃಷ್ಟವಶಾತ್ ಬಿಷ್ಣೋಯ್ ಔಟ್ ಆಗಬೇಕಾಯಿತು. ಸೇಂಟ್ ಕಿಟ್ಸ್‌ನಲ್ಲಿ ಬೀಸುತ್ತಿರುವ ಬಲವಾದ ಗಾಳಿಯನ್ನು ಗಮನದಲ್ಲಿಟ್ಟುಕೊಂಡು ಭಾರತ ತಂಡವು ವೇಗಿಗಳ ದಾಳಿಗೆ ಆದ್ಯತೆ ನೀಡಿದೆ ಎಂದರು. ವೆಸ್ಟ್ ಇಂಡೀಸ್ ಎರಡು ಬದಲಾವಣೆಗಳನ್ನು ಮಾಡಿದ್ದು, ಬ್ರಾಂಡನ್ ಕಿಂಗ್ ಮತ್ತು ಡೆವೊನ್ ಥಾಮಸ್ ಅವರನ್ನು ತಂಡದಲ್ಲಿ ಸೇರಿಸಿಕೊಳ್ಳಲಾಗಿದೆ.
ಸರಣಿಯಲ್ಲಿ ಭಾರತ ಮುನ್ನಡೆ
ಇಲ್ಲಿಯವರೆಗೆ ಐದು ಪಂದ್ಯಗಳ ಸರಣಿಯಲ್ಲಿ ಭಾರತ ತಂಡ 1-0 ಮುನ್ನಡೆ ಸಾಧಿಸಿದೆ. ಟ್ರಿನಿಡಾಡ್ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಭಾರತ ತಂಡ ಮೊದಲು ಬ್ಯಾಟ್ ಮಾಡಿತ್ತು. ನಾಯಕ ರೋಹಿತ್ ಶರ್ಮಾ ತಂಡಕ್ಕೆ ಬಲಿಷ್ಠ ಅರ್ಧಶತಕ ಗಳಿಸಿದರೆ, ದಿನೇಶ್ ಕಾರ್ತಿಕ್ ಕೂಡ ಅದ್ಭುತ ಇನ್ನಿಂಗ್ಸ್ ಆಡಿದರು, ಇದರ ಆಧಾರದ ಮೇಲೆ ಭಾರತ 190 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ ಭಾರತ ತನ್ನ ಸ್ಪಿನ್ನರ್‌ಗಳ ಬಲದಿಂದ ವಿಂಡೀಸ್ ಇನ್ನಿಂಗ್ಸ್ ಅನ್ನು ಕೇವಲ 122 ರನ್‌ಗಳಿಗೆ ಸೀಮಿತಗೊಳಿಸಿತು ಮತ್ತು ಪಂದ್ಯದಲ್ಲಿ 68 ರನ್‌ಗಳ ಬೃಹತ್ ಜಯವನ್ನು ದಾಖಲಿಸಿತು.
ಉಭಯ ತಂಡಗಳ ಇಂದಿನ ಪ್ಲೇಯಿಂಗ್ XI
ವೆಸ್ಟ್ ಇಂಡೀಸ್: ನಿಕೋಲಸ್ ಪೂರನ್ (ನಾಯಕ), ಕೈಲ್ ಮೇಯರ್ಸ್, ಬ್ರಾಂಡನ್ ಕಿಂಗ್, ರೋವ್ಮನ್ ಪೊವೆಲ್, ಶಿಮ್ರಾನ್ ಹೆಟ್ಮೆಯರ್, ಜೇಸನ್ ಹೋಲ್ಡರ್, ಓಡಿಯನ್ ಸ್ಮಿತ್, ಡೆವೊನ್ ಥಾಮಸ್, ಅಕಿಲ್ ಹೊಸೈನ್, ಅಲ್ಜಾರಿ ಜೋಸೆಫ್, ಓಬೆಡ್ ಮೆಕಾಯ್
ಭಾರತ: ರೋಹಿತ್ ಶರ್ಮಾ (ನಾಯಕ), ಸೂರ್ಯಕುಮಾರ್ ಯಾದವ್, ಶ್ರೇಯಸ್ ಅಯ್ಯರ್, ರಿಷಭ್ ಪಂತ್, ಹಾರ್ದಿಕ್ ಪಾಂಡ್ಯ, ದಿನೇಶ್ ಕಾರ್ತಿಕ್, ರವೀಂದ್ರ ಜಡೇಜಾ, ರವಿಚಂದ್ರನ್ ಅಶ್ವಿನ್, ಭುವನೇಶ್ವರ್ ಕುಮಾರ್, ಅವೇಶ್ ಖಾನ್, ಅರ್ಷದೀಪ್ ಸಿಂಗ್
Published On - 10:54 pm, Mon, 1 August 22
