IND vs ZIM 1st T20 Highlights: ಟೀಂ ಇಂಡಿಯಾವನ್ನು ಮಣಿಸಿದ ಜಿಂಬಾಬ್ವೆ

ಜಿಂಬಾಬ್ವೆ ಮೊದಲ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾವನ್ನು ಸೋಲಿಸುವ ಮೂಲಕ ಎಲ್ಲರನ್ನೂ ಅಚ್ಚರಿಗೊಳಿಸಿದೆ. ಯುವ ತಾರೆಗಳಿಂದ ಕೂಡಿದ ಟೀಂ ಇಂಡಿಯಾ ಜಿಂಬಾಬ್ವೆ ನೀಡಿದ್ದ 116 ರನ್​ಗಳ ಗುರಿಯನ್ನೂ ಸಾಧಿಸಲು ಸಾಧ್ಯವಾಗದೆ 19.5 ಓವರ್ ಗಳಲ್ಲಿ ಕೇವಲ 102 ರನ್ ಗಳಿಗೆ ಆಲೌಟ್ ಆಯಿತು.

ಭಾರತ 9ನೇ ವಿಕೆಟ್ ಕಳೆದುಕೊಂಡಿದೆ. ನಾಯಕ ಸಿಕಂದರ್ ರಜಾ ಅವರು ಮುಖೇಶ್ ಕುಮಾರ್ ಅವರನ್ನು ಬೌಲ್ಡ್ ಮಾಡುವ ಮೂಲಕ ಟೀಂ ಇಂಡಿಯಾವನ್ನು ಸೋಲಿನ ಹತ್ತಿರಕ್ಕೆ ತಳ್ಳಿದ್ದಾರೆ.

ಕೆಲವು ಬಿಗ್ ಶಾಟ್​ಗಳನ್ನು ಬಾರಿಸುವ ಮೂಲಕ ಟೀಂ ಇಂಡಿಯಾಕ್ಕೆ ಭರವಸೆ ತುಂಬಿದ್ದ ಅವೇಶ್ ಖಾನ್ (16) ಕೂಡ ಔಟಾಗಿದ್ದು, ಇದರೊಂದಿಗೆ ಟೀಂ ಇಂಡಿಯಾದ 8 ವಿಕೆಟ್ ಪತನವಾಗಿದೆ.

ಟೀಂ ಇಂಡಿಯಾ ಹೀನಾಯ ಸೋಲಿನ ಅಂಚಿಗೆ ತಲುಪಿದೆ. 13ನೇ ಓವರ್‌ನಲ್ಲಿ ರವಿ ಬಿಷ್ಣೋಯ್ ಅವರನ್ನು ಎಲ್‌ಬಿಡಬ್ಲ್ಯು ಔಟ್ ಮಾಡುವ ಮೂಲಕ ಸಿಕಂದರ್ ರಜಾ ಭಾರತಕ್ಕೆ ಏಳನೇ ಹೊಡೆತ ನೀಡಿದರು.

ಕೊನೆಯ ಭರವಸೆಯಾಗಿದ್ದ ನಾಯಕ ಶುಭಮನ್ ಗಿಲ್ (31) ಕೂಡ ಔಟಾಗಿರುವುದರಿಂದ ಟೀಂ ಇಂಡಿಯಾ ದೊಡ್ಡ ಹೊಡೆತ ಅನುಭವಿಸಿದೆ. ಜಿಂಬಾಬ್ವೆ ನಾಯಕ ಸಿಕಂದರ್ ರಝಾ, ಗಿಲ್ ಅವರನ್ನು ಬೌಲ್ಡ್ ಮಾಡಿದರು.

ಭಾರತ ಕೂಡ 50 ರನ್ ಆಗುವ ಮೊದಲೇ 5ನೇ ವಿಕೆಟ್ ಕಳೆದುಕೊಂಡಿದೆ. ಸರಳ ಕ್ಯಾಚ್ ನೀಡಿದ ಧ್ರುವ್ ಜುರೆಲ್ ಅವರ ಇನ್ನಿಂಗ್ಸ್ ಅನ್ನು ಲ್ಯೂಕ್ ಜೊಂಗ್ವೆ ಕೊನೆಗೊಳಿಸಿದರು. ಜುರೆಲ್ ಅವರ ಚೊಚ್ಚಲ ಪಂದ್ಯವೂ ಉತ್ತಮವಾಗಿರಲಿಲ್ಲ.

ಪವರ್‌ಪ್ಲೇಯೊಳಗೆ ಟೀಂ ಇಂಡಿಯಾದ ಸ್ಥಿತಿ ಇಷ್ಟು ಹದಗೆಡುತ್ತದೆ ಎಂದು ಯಾರೂ ಭಾವಿಸಿರಲಿಲ್ಲ. ಪವರ್‌ಪ್ಲೇಯಲ್ಲಿ ಟೀಂ ಇಂಡಿಯಾ 4 ವಿಕೆಟ್ ಕಳೆದುಕೊಂಡು ಕೇವಲ 28 ರನ್ ಗಳಿಸಲಷ್ಟೇ ಶಕ್ತವಾಯಿತು. ನಾಯಕ ಶುಭಮನ್ ಗಿಲ್ ಕೂಡ ಡಿಆರ್‌ಎಸ್ ನೆರವಿನಿಂದ ಎಲ್‌ಬಿಡಬ್ಲ್ಯೂ ಆಗದಂತೆ ಪಾರಾದರು.

ಟೀಂ ಇಂಡಿಯಾ ಸ್ಥಿತಿ ಹದಗೆಟ್ಟಿದ್ದು, ಕೇವಲ 22 ರನ್‌ಗಳಿಗೆ 4 ವಿಕೆಟ್‌ಗಳು ಬಿದ್ದಿವೆ. ಚಟಾರಾ ಅವರ ಓವರ್‌ನ ಕೊನೆಯ ಎಸೆತದಲ್ಲಿ ರಿಂಕು ಸಿಂಗ್ ಕೂಡ ಖಾತೆ ತೆರೆಯದೆ ಔಟಾದರು. ಚಟಾರಾ ಒಂದೇ ಓವರ್‌ನಲ್ಲಿ 2 ವಿಕೆಟ್ ಪಡೆದರು.

ಚೊಚ್ಚಲ ಪಂದ್ಯವನ್ನಾಡುತ್ತಿದ್ದ ರಿಯಾನ್ ಪರಾಗ್ ಕೂಡ ಕೇವಲ 3 ಎಸೆತಗಳಲ್ಲಿ 2 ರನ್ ಬಾರಿಸಿ ಪೆವಿಲಿಯನ್​ಗೆ ಮರಳಿದರು. ತೆಂಡೈ ಚಟಾರಾ ಈ ವಿಕೆಟ್ ಪಡೆದರು.

ರುತುರಾಜ್ ಗಾಯಕ್ವಾಡ್ ನಾಲ್ಕನೇ ಓವರ್​ನಲ್ಲಿ ಔಟಾದರು. ಗಾಯಕ್ವಾಡ್ ಸ್ಲಿಪ್‌ನಲ್ಲಿ ಕ್ಯಾಚ್ ನೀಡಿ ಪೆವಿಲಿಯನ್‌ಗೆ ಮರಳಿದರು.

ಮೊದಲ ಓವರ್‌ನಲ್ಲಿ ವಿಕೆಟ್ ಮೇಡನ್ ಆದ ನಂತರ, ಟೀಂ ಇಂಡಿಯಾ ನಾಯಕ ಶುಭಮನ್ ಗಿಲ್ ಎರಡನೇ ಓವರ್‌ನಲ್ಲಿ ಫೋರ್‌ನೊಂದಿಗೆ ತಮ್ಮ ಮತ್ತು ತಂಡದ ಖಾತೆಯನ್ನು ತೆರೆದರು.

ಅಭಿಷೇಕ್ ಶರ್ಮಾ ಮೊದಲ ಓವರ್‌ನಲ್ಲಿಯೇ ಔಟಾದರು. ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡುತ್ತಿದ್ದ ಅಭಿಷೇಕ್ 4 ಎಸೆತಗಳಲ್ಲಿ ಖಾತೆ ತೆರೆಯದೆ ಔಟಾದರು.

ಟೀಂ ಇಂಡಿಯಾ ರನ್ ಚೇಸ್ ಆರಂಭಿಸಿದ್ದು, ಅದಕ್ಕಾಗಿ ಶುಭ್​ಮನ್ ಗಿಲ್ ಮತ್ತು ಅಭಿಷೇಕ್ ಶರ್ಮಾ ಜೋಡಿ ಮೈದಾನಕ್ಕೆ ಇಳಿದಿದೆ.

ಜಿಂಬಾಬ್ವೆ ಅಂತಿಮವಾಗಿ 20 ಓವರ್‌ಗಳಲ್ಲಿ ಆಲೌಟ್ ಆಗದೆ 115 ರನ್ ಗಳಿಸಿತು. ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ಕ್ಲೈವ್ ಮದಾಂಡೆ ಕೊನೆಯ ಓವರ್​ನಲ್ಲಿ ಅವೇಶ್ ಖಾನ್ ಮೇಲೆ 3 ಬೌಂಡರಿ ಬಾರಿಸಿ ತಂಡವನ್ನು ಈ ಹಂತಕ್ಕೆ ಕೊಂಡೊಯ್ದರು. ಮದಂಡೆ 29 ರನ್ ಗಳಿಸಿ ಅಜೇಯರಾಗಿ ಮರಳಿದರು.

ಜಿಂಬಾಬ್ವೆ 100 ರನ್‌ಗಳ ಗಡಿ ದಾಟಿದೆ. 19ನೇ ಓವರ್​ನ ಮೊದಲ ಎಸೆತದಲ್ಲಿ 2 ರನ್ ಗಳಿಸಿದ ಜಿಂಬಾಬ್ವೆ 100 ರನ್ ಪೂರೈಸಿದ್ದು, ಇದು ನಡೆದ ತಕ್ಷಣ ಜಿಂಬಾಬ್ವೆ ಅಭಿಮಾನಿಗಳು ಸಂಭ್ರಮಾಚರಣೆ ಮಾಡಿದರು.

90 ರನ್ ಗಳಿಸುವಷ್ಟರಲ್ಲಿ ಜಿಂಬಾಬ್ವೆಯ ಒಂಬತ್ತನೇ ವಿಕೆಟ್ ಕೂಡ ಪತನವಾಯಿತು. ರವಿ ಬಿಷ್ಣೋಯ್ 16ನೇ ಓವರ್‌ನಲ್ಲಿ ಲ್ಯೂಕ್ ಮತ್ತು ಬ್ಲೆಸ್ಸಿಂಗ್ ಅವರನ್ನು ಔಟ್ ಮಾಡಿದರು.

ರವಿ ಬಿಷ್ಣೋಯ್ ಜಿಂಬಾಬ್ವೆಯ ಬ್ಯಾಟ್ಸ್‌ಮನ್ ಲ್ಯೂಕ್ ಯೊಂಗ್ವೆ ಎಲ್‌ಬಿಡಬ್ಲ್ಯೂ ಅವರನ್ನು ಔಟ್ ಮಾಡುವ ಮೂಲಕ ತಮ್ಮ ಮೂರನೇ ವಿಕೆಟ್ ಪಡೆದರು. ಇದು ಜಿಂಬಾಬ್ವೆಗೆ 8ನೇ ವಿಕೆಟ್ ಆಗಿತ್ತು.

ಸುದೀರ್ಘ ಸಮಯದ ಬಳಿಕ ಟೀಂ ಇಂಡಿಯಾಕ್ಕೆ ಮರಳಿರುವ ಆಫ್ ಸ್ಪಿನ್ನರ್ ವಾಷಿಂಗ್ಟನ್ ಸುಂದರ್ ಸತತ 2 ಎಸೆತಗಳಲ್ಲಿ 2 ವಿಕೆಟ್ ಪಡೆದರು. ಮೊದಲು ಅವರು ಡಿಯೋನ್ ಮೈಯರ್ಸ್ ಅವರ ಕ್ಯಾಚ್ ಪಡೆದರು. ನಂತರದ ಎಸೆತದಲ್ಲಿ ವೆಲ್ಲಿಂಗ್ಟನ್ ಮಸಕಡ್ಜಾ ಅವರನ್ನು ಎಲ್ಬಿಡಬ್ಲ್ಯೂ ಮಾಡಿದರು.

ಸಿಕಂದರ್ ರಾಝಾ ವಿಕೆಟ್ ಬಳಿಕ ಬಂದಿದ್ದ ಕ್ಯಾಂಪ್ಬೆಲ್ ಮೊದಲ ಎಸೆತದಲ್ಲೇ ರನೌಟ್​ಗೆ ಬಲಿಯಾಗಿದ್ದಾರೆ. ಕ್ಲೈವ್ ಮಡ್ನಾಡೆ ಏಳನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ಗೆ ಬಂದಿದ್ದಾರೆ.

ನಾಯಕ ಸಿಕಂದರ್ ರಜಾ (17) ಔಟಾಗಿದ್ದರಿಂದ ಜಿಂಬಾಬ್ವೆಗೆ ದೊಡ್ಡ ಪೆಟ್ಟು ಬಿದ್ದಿದೆ. ಅವೇಶ್ ಖಾನ್ ಅವರ ಹಿಂದಿನ ಓವರ್‌ನಲ್ಲಿ ಸಿಕಂದರ್ ಅದ್ಭುತ ಸಿಕ್ಸರ್ ಬಾರಿಸಿದ್ದರು ಆದರೆ ಈ ಬಾರಿ ಅವೇಶ್ ಅವರ ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾದರು. ರವಿ ಬಿಷ್ಣೋಯ್ ಅತ್ಯುತ್ತಮ ಕ್ಯಾಚ್ ಪಡೆದರು.

10 ಓವರ್‌ಗಳ ನಂತರ ಜಿಂಬಾಬ್ವೆ ಸ್ಕೋರ್ 69/3. ಸದ್ಯ ನಾಯಕ ಸಿಕಂದರ್ ರಜಾ (17) ಮತ್ತು ಡಿಯೋನ್ ಮೇಯರ್ಸ್ (9) ಕ್ರೀಸ್‌ನಲ್ಲಿದ್ದಾರೆ.

ತಮ್ಮ ಖೋಟಾದ 2ನೇ ಓವರ್​ ದಾಳಿಗಿಳಿದ ರವಿ ಬಿಷ್ಣೋಯಿ ಎರಡನೇ ವಿಕೆಟ್ ಕಬಳಿಸಿದ್ದಾರೆ. ಆರಂಭಿಕ ವೆಸ್ಲಿ ಮಾಧೆವೆರೆ 21 ರನ್ ಬಾರಿಸಿ ವಿಕೆಟ್ ಒಪ್ಪಿಸಿದರು.

ಜಿಂಬಾಬ್ವೆ 51/3

ಪವರ್ ಪ್ಲೇಯ ಕೊನೆಯ ಓವರ್​ನಲ್ಲಿ ರವಿ ಬಿಷ್ಣೋಯಿ ಜಿಂಬಾಬ್ವೆ ತಂಡದ 2ನೇ ವಿಕೆಟ್ ಉರುಳಿಸಿದರು. ಬ್ರಿಯಾನ್ ಬೆನೆಟ್ 22 ರನ್ ಬಾರಿಸಿ ವಿಕೆಟ್ ಒಪ್ಪಿಸಿದರು.

ಜಿಂಬಾಬ್ವೆ 40/2

ಮೊದಲ ಹಿನ್ನಡೆಯ ನಂತರ ಬ್ರಿಯಾನ್ ಬೆನೆಟ್ ಮತ್ತು ವೆಸ್ಲಿ ಮಾಧವರೆ ಜಿಂಬಾಬ್ವೆ ಇನ್ನಿಂಗ್ಸ್‌ನ ಜವಾಬ್ದಾರಿಯನ್ನು ವಹಿಸಿಕೊಂಡರು. ಈ ಇಬ್ಬರು ಬ್ಯಾಟ್ಸ್‌ಮನ್‌ಗಳ ಅದ್ಭುತ ಇನ್ನಿಂಗ್ಸ್‌ನಿಂದಾಗಿ ಜಿಂಬಾಬ್ವೆ ನಾಲ್ಕು ಓವರ್‌ಗಳ ಅಂತ್ಯಕ್ಕೆ ಒಂದು ವಿಕೆಟ್‌ಗೆ 23 ರನ್ ಗಳಿಸಿದೆ.

ಮುಖೇಶ್ ಕುಮಾರ್ ಇನ್ನಿಂಗ್ಸ್​ನ ಎರಡನೇ ಓವರ್​ನಲ್ಲಿ ವಿಕೆಟ್ ಉರುಳಿಸಿದ್ದಾರೆ. ಆರಂಭಿಕ ಇನೋಸೆಂಟ್ ಕಯಾ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರು.

ಜಿಂಬಾಬ್ವೆ 6/1

ಭಾರತ ಟಾಸ್ ಗೆದ್ದು ಜಿಂಬಾಬ್ವೆಯನ್ನು ಮೊದಲು ಬ್ಯಾಟಿಂಗ್ ಮಾಡಲು ಆಹ್ವಾನಿಸಿತು. ಜಿಂಬಾಬ್ವೆ ಇನ್ನಿಂಗ್ಸ್ ಆರಂಭವಾಗಿದೆ. ಆರಂಭಿಕ ಬ್ಯಾಟಿಂಗ್‌ಗಾಗಿ ವೆಸ್ಲಿ ಮಧೆವೆರೆ ಮತ್ತು ಇನ್ನೋಸೆಂಟ್ ಕಿಯಾ ಕ್ರೀಸ್‌ನಲ್ಲಿದ್ದಾರೆ.

ತಡಿವಾನಾಶೆ ಮರುಮಣಿ, ಇನೋಸೆಂಟ್ ಕಯಾ, ಬ್ರಿಯಾನ್ ಬೆನೆಟ್, ಸಿಕಂದರ್ ರಜಾ (ನಾಯಕ), ಡಿಯೋನ್ ಮೈಯರ್ಸ್, ಜೊನಾಥನ್ ಕ್ಯಾಂಪ್‌ಬೆಲ್, ಕ್ಲೈವ್ ಮಡ್ನಾಡೆ (ವಿಕೆಟ್ ಕೀಪರ್), ವೆಸ್ಲಿ ಮಾಧೆವೆರೆ, ಲ್ಯೂಕ್ ಜೊಂಗ್ವೆ, ಬ್ಲೆಸ್ಸಿಂಗ್ ಮುಜರಬಾನಿ, ತೆಂಡೈ ಚಟಾರಾ.

ಶುಭ್​ಮನ್ ಗಿಲ್ (ನಾಯಕ), ಅಭಿಷೇಕ್ ಶರ್ಮಾ, ರುತುರಾಜ್ ಗಾಯಕ್ವಾಡ್, ರಿಯಾನ್ ಪರಾಗ್, ರಿಂಕು ಸಿಂಗ್, ಧ್ರುವ್ ಜುರೆಲ್ (ವಿಕೆಟ್ ಕೀಪರ್), ವಾಷಿಂಗ್ಟನ್ ಸುಂದರ್, ರವಿ ಬಿಷ್ಣೋಯ್, ಅವೇಶ್ ಖಾನ್, ಮುಖೇಶ್ ಕುಮಾರ್, ಖಲೀಲ್ ಅಹ್ಮದ್.

ಟಾಸ್ ಗೆದ್ದ ಟೀಂ ಇಂಡಿಯಾ ನಾಯಕ ಶುಭ್​ಮನ್ ಗಿಲ್ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದ್ದಾರೆ.