KKR vs LSG Highlights, IPL 2022: ರೋಚಕ ಪಂದ್ಯದಲ್ಲಿ ಸೋತ ಕೆಕೆಆರ್; ಪ್ಲೇ ಆಫ್ಗೆ ಲಕ್ನೋ ಎಂಟ್ರಿ
Updated on:May 18, 2022 | 11:25 PM
KKR vs LSG, IPL 2022: ಪಟಾಕಿ ಸಿಡಿಸುವ ಪಂದ್ಯದಲ್ಲಿ ಕೋಲ್ಕತ್ತಾವನ್ನು ಕೇವಲ 2 ರನ್‌ಗಳ ಅಂತರದಿಂದ ಸೋಲಿಸುವ ಮೂಲಕ ಲಕ್ನೋ ಸೂಪರ್ ಜೈಂಟ್ಸ್ ಪ್ಲೇಆಫ್ ಟಿಕೆಟ್ ಗೆದ್ದುಕೊಂಡಿತು.
ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ನಡುವಿನ ರೋಚಕ ಮುಖಾಮುಖಿ ಡಿವೈ ಪಾಟೀಲ್ ಕ್ರೀಡಾಂಗಣದಲ್ಲಿ ನಡೆಯಿತು. ಈ ಪಂದ್ಯದಲ್ಲಿ ಕೆಕೆಆರ್ ರೋಚಕ ಸೋಲನ್ನು ಎದುರಿಸಬೇಕಾಯ್ತು. ಇದರೊಂದಿಗೆ ಕೋಲ್ಕತ್ತಾದ ಐಪಿಎಲ್ 2022 ರ ಪಯಣ ಅಂತ್ಯಗೊಂಡಿದೆ. ಪಟಾಕಿ ಸಿಡಿಸುವ ಪಂದ್ಯದಲ್ಲಿ ಕೋಲ್ಕತ್ತಾವನ್ನು ಕೇವಲ 2 ರನ್‌ಗಳ ಅಂತರದಿಂದ ಸೋಲಿಸುವ ಮೂಲಕ ಲಕ್ನೋ ಸೂಪರ್ ಜೈಂಟ್ಸ್ ಪ್ಲೇಆಫ್ ಟಿಕೆಟ್ ಗೆದ್ದುಕೊಂಡಿತು. ಆರಂಭಿಕ ಆಟಗಾರ ಕ್ವಿಂಟನ್ ಡಿ ಕಾಕ್ ಅವರ ಅಮೋಘ ಶತಕ ಮತ್ತು ನಾಯಕ ಕೆಎಲ್ ರಾಹುಲ್ ಅವರ ದಾಖಲೆಯ ಜೊತೆಯಾಟದ ಆಧಾರದ ಮೇಲೆ, ಲಕ್ನೋ ತನ್ನ ಕೊನೆಯ ಲೀಗ್ ಪಂದ್ಯದಲ್ಲಿ 210 ರನ್ ಗಳಿಸಿತು. ಇದೇ ವೇಳೆ ಕಠಿಣ ಗುರಿಯ ಮುಂದೆ ಸಾಕಷ್ಟು ಹೋರಾಟ ನಡೆಸಿ ಸೋತಿದ್ದ ಕೋಲ್ಕತ್ತಾ ಕಳೆದ ಪಂದ್ಯದಲ್ಲಿ ಸೋತು ಪ್ಲೇಆಫ್ ರೇಸ್ ನಿಂದ ಹೊರಬಿದ್ದಿತ್ತು.
LIVE NEWS & UPDATES
-
ಪ್ಲೇಆಫ್ ಟಿಕೆಟ್ ಗೆದ್ದ ಲಕ್ನೋ
ಪಟಾಕಿ ಸಿಡಿಸುವ ಪಂದ್ಯದಲ್ಲಿ ಕೋಲ್ಕತ್ತಾವನ್ನು ಕೇವಲ 2 ರನ್‌ಗಳ ಅಂತರದಿಂದ ಸೋಲಿಸುವ ಮೂಲಕ ಲಕ್ನೋ ಸೂಪರ್ ಜೈಂಟ್ಸ್ ಪ್ಲೇಆಫ್ ಟಿಕೆಟ್ ಗೆದ್ದುಕೊಂಡಿತು.
-
ಹೋಲ್ಡರ್ ದುಬಾರಿ
ಹೋಲ್ಡರ್ ಅವರ 19 ನೇ ಓವರ್ನಲ್ಲಿ ಅವರು 17 ರನ್ ಬಿಟ್ಟುಕೊಟ್ಟರು. ಓವರ್ನ ಮೊದಲ ಎಸೆತದಲ್ಲಿ ನರೈನ್ ಲಾಂಗ್ ಆನ್‌ನಲ್ಲಿ ಸಿಕ್ಸರ್ ಬಾರಿಸಿದರು. ಅದೇ ಸಮಯದಲ್ಲಿ, ಮೂರನೇ ಎಸೆತದಲ್ಲಿ ಅವರು ಕೌ ಕಾರ್ನರ್‌ನಲ್ಲಿ ಸಿಕ್ಸರ್ ಬಾರಿಸಿದರು. ಕೆಕೆಆರ್‌ನ ನಿರೀಕ್ಷೆ ಇನ್ನೂ ಹೆಚ್ಚಿದೆ
-
ಆಂಡ್ರೆ ರಸೆಲ್ ಔಟ್
ಮೊಹ್ಸಿನ್ ಖಾನ್ 17ನೇ ಓವರ್ನಲ್ಲಿ 12 ರನ್ ಬಿಟ್ಟುಕೊಟ್ಟರು. ಈ ಓವರ್ನಲ್ಲಿ ಆಂಡ್ರೆ ರಸೆಲ್ ಅವರ ಮಹತ್ವದ ವಿಕೆಟ್ ಅನ್ನು ಕೆಕೆಆರ್ ಕಳೆದುಕೊಂಡಿತು. ರಸ್ಸೆಲ್ ಲಾಂಗ್ ಆಫ್ ಕಡೆಗೆ ಆಫ್ ಕಟ್ಟರ್ ಅನ್ನು ಆಡಿದರು, ಅಲ್ಲಿ ನಿಂತಿದ್ದ ಹೂಡಾ ಕ್ಯಾಚ್ ಪಡೆದರು.
ಬಿಲ್ಲಿಂಗ್ಸ್ ಔಟ್
16ನೇ ಓವರ್ನಲ್ಲಿ ರವಿ ಬಿಷ್ಣೋಯ್ ಎಸೆತದಲ್ಲಿ ಬಿಲ್ಲಿಂಗ್ಸ್ ಸ್ಟಂಪ್ ಆದರು. ಬಿಷ್ಣೋಯ್ ನಿಧಾನವಾಗಿ ಗೂಗ್ಲಿ ಬೌಲ್ ಮಾಡಿದರು, ಚೆಂಡು ಬ್ಯಾಟ್‌ನ ಒಳ ಅಂಚಿಗೆ ಬಡಿಯಿತು, ಅವರು ತುಂಬಾ ಮುಂದೆ ಆಡುತ್ತಿದ್ದರು ಮತ್ತು ಕ್ವಿಂಟನ್ ಡಿ ಕಾಕ್ ಅವರನ್ನು ಸ್ಟಂಪ್ ಮಾಡಿದರು. 24 ಎಸೆತಗಳಲ್ಲಿ 36 ರನ್ ಗಳಿಸಿ ವಾಪಸಾದರು.
ಅವೇಶ್ ಖಾನ್ ಉತ್ತಮ ಓವರ್
ಅವೇಶ್ ಖಾನ್ 15ನೇ ಓವರ್ನಲ್ಲಿ ಎರಡು ರನ್ ನೀಡಿದರು. ಕೊನೆಯ ಎರಡು ಓವರ್‌ಗಳಲ್ಲಿ ಲಕ್ನೋ ಅದ್ಭುತ ಪುನರಾಗಮನ ಮಾಡಿದೆ. ಇನ್ನು 30 ಎಸೆತಗಳಲ್ಲಿ ಗೆಲ್ಲಲು 77 ರನ್ ಗಳಿಸಬೇಕಿದೆ.
ಶ್ರೇಯಸ್ ಅಯ್ಯರ್ ಔಟ್
ಮಾರ್ಕಸ್ ಸ್ಟೊಯಿನಿಸ್ 14ನೇ ಓವರ್ ನಲ್ಲಿ ಶ್ರೇಯಸ್ ಅಯ್ಯರ್ ಅವರನ್ನು ಔಟ್ ಮಾಡಿದರು. ಓವರ್ನ ನಾಲ್ಕನೇ ಎಸೆತದಲ್ಲಿ ಅಯ್ಯರ್ ಕೌ ಕಾರ್ನರ್‌ನಲ್ಲಿ ಚೆಂಡನ್ನು ಆಡಿದರು ಆದರೆ ಹೂಡಾಗೆ ಕ್ಯಾಚ್ ನೀಡಿದರು. ಅದಕ್ಕೂ ಮುನ್ನ ಒಂದು ಎಸೆತದಲ್ಲಿ ಅರ್ಧಶತಕ ಪೂರೈಸಿದ್ದರು. ಅವರು 29 ಎಸೆತಗಳಲ್ಲಿ 50 ರನ್ ಗಳಿಸಿದ ನಂತರ ಮರಳಿದರು. ಅವರು ತಮ್ಮ ಇನ್ನಿಂಗ್ಸ್‌ನಲ್ಲಿ ನಾಲ್ಕು ಬೌಂಡರಿ ಮತ್ತು ಮೂರು ಸಿಕ್ಸರ್‌ಗಳನ್ನು ಹೊಡೆದರು.
ಮೊಹ್ಸಿನ್ ಖಾನ್ ಅದ್ಭುತ ಓವರ್
ಮೊಹ್ಸಿನ್ ಖಾನ್ ಅವರಿಂದ ಅದ್ಭುತವಾದ ಓವರ್. ಈ ಓವರ್ನಲ್ಲಿ ಕೆಕೆಆರ್ಗೆ ಕೇವಲ ಎರಡು ರನ್‌ಗಳನ್ನು ನೀಡಿದರು. ಈ ಓವರ್ ಪಂದ್ಯದಲ್ಲಿ ಅತ್ಯಂತ ನಿರ್ಣಾಯಕ ಎಂದು ಸಾಬೀತುಪಡಿಸಬಹುದು. ಅಂತಹ ಒಂದು ಓವರ್ KKR ಅನ್ನು ಸಂಪೂರ್ಣವಾಗಿ ಪಂದ್ಯದಿಂದ ಹೊರಹಾಕಬಹುದು.
ಪಂದ್ಯ ರೋಚಕ ತಿರುವು ತಲುಪಿದೆ
ಶ್ರೇಯಸ್ ಅಯ್ಯರ್ 12ನೇ ಓವರ್ನ ನಾಲ್ಕನೇ ಎಸೆತವನ್ನು ಎಳೆದು ಡೀಪ್ ಬ್ಯಾಕ್‌ವರ್ಡ್ ಸ್ಕ್ವೇರ್ ಲೆಗ್‌ನಲ್ಲಿ ಸಿಕ್ಸರ್ ಬಾರಿಸಿದರು. ಕೆಕೆಆರ್ ಇನ್ನೂ ಸಂಪೂರ್ಣವಾಗಿ ಪಂದ್ಯದಿಂದ ಹೊರಬಿದ್ದಿಲ್ಲ. ಪಂದ್ಯ ರೋಚಕ ಘಟ್ಟ ತಲುಪಿದೆ.
ಬಿಲ್ಲಿಂಗ್ಸ್ ಸಿಕ್ಸರ್
ರವಿ ಬಿಷ್ಣೋಯ್ 11ನೇ ಓವರ್ನಲ್ಲಿ 16 ರನ್ ನೀಡಿದರು. ಬಿಲ್ಲಿಂಗ್ಸ್ ಜೊತೆಗೆ ಅಯ್ಯರ್ ಕೂಡ ಮುಕ್ತವಾಗಿ ಆಡಲು ಆರಂಭಿಸಿದ್ದಾರೆ. ಓವರ್ನ ಮೊದಲ ಎಸೆತದಲ್ಲಿ ಬಿಷ್ಣೋಯ್ ಲಾಂಗ್ ಆಫ್‌ನಲ್ಲಿ ಬೌಂಡರಿ ತಿಂದರು. ಓವರ್ನ ನಾಲ್ಕನೇ ಎಸೆತದಲ್ಲಿ ಬಿಲ್ಲಿಂಗ್ಸ್ ಡೀಪ್ ಮಿಡ್ ವಿಕೆಟ್ ಮೇಲೆ ಸಿಕ್ಸರ್ ಬಾರಿಸಿದರು. ಅದೇ ಸಮಯದಲ್ಲಿ ಅಯ್ಯರ್ ಕೊನೆಯ ಎಸೆತದಲ್ಲಿ ಮತ್ತೊಂದು ಬೌಂಡರಿ ಬಾರಿಸಿದರು.
ಬಿಲ್ಲಿಂಗ್ಸ್ ಸೂಪರ್ ಬ್ಯಾಟಿಂಗ್
ಅವೇಶ್ ಖಾನ್ ಬೌಲ್ ಮಾಡಿದ 10ನೇ ಓವರ್ ತುಂಬಾ ದುಬಾರಿಯಾಗಿತ್ತು. ಬಿಲ್ಲಿಂಗ್ಸ್ ಒಂದರ ನಂತರ ಒಂದರಂತೆ ಹಲವಾರು ದೊಡ್ಡ ಹೊಡೆತಗಳನ್ನು ಆಡಿದರು. ಬಿಲ್ಲಿಂಗ್ಸ್ ಓವರ್ನ ಮೂರನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು. ಆ ಓವರ್ನ ಮುಂದಿನ ಎಸೆತ ನೋ ಬಾಲ್ ಆಗಿದ್ದು, ಬಿಲ್ಲಿಂಗ್ಸ್ ಫೈನ್ ಲೆಗ್‌ನಲ್ಲಿ ಸಿಕ್ಸರ್ ಬಾರಿಸಿದರು. ಫ್ರೀ ಹಿಟ್‌ನಲ್ಲಿ ಅವರು ಎಕ್ಸ್ಟ್ರಾ ಕವರ್‌ನಲ್ಲಿ ಬೌಂಡರಿ ಬಾರಿಸಿದರು. ಅದೇ ಸಮಯದಲ್ಲಿ, ನಾಲ್ಕನೇ ಬಾರಿಗೆ ಮತ್ತೊಂದು ಫೋರ್ ಹೊಡೆದರು. ಈ ಓವರ್ನಲ್ಲಿ ಅವರು 20 ರನ್ ನೀಡಿದರು.
ನಿತೀಶ್ ರಾಣಾ ಔಟ್
ನಿತೀಶ್ ರಾಣಾ ಅವರನ್ನು ಔಟ್ ಮಾಡುವ ಮೂಲಕ ಲಕ್ನೋ ತನ್ನ ತಂಡಕ್ಕೆ ಉತ್ತಮ ಯಶಸ್ಸನ್ನು ನೀಡಿತು. ಎಂಟನೇ ಓವರ್ ನಲ್ಲಿ ಕೃಷ್ಣಪ್ಪ ಗೌತಮ್ ನಿತೀಶ್ ರಾಣಾ ಅವರನ್ನು ಪೆವಿಲಿಯನ್ ಗೆ ಕಳುಹಿಸಿದರು.
ರಾಣಾ-ಅಯ್ಯರ್ ಅರ್ಧಶತಕದ ಜೊತೆಯಾಟ
ಏಳನೇ ಓವರ್ನಲ್ಲಿ ರವಿ ಬಿಷ್ಣೋಯ್ ಐದು ರನ್ ನೀಡಿದರು. ಆ ಓವರ್ನಲ್ಲಿ ಕೇವಲ ಐದು ರನ್‌ಗಳು ಬಂದವು. ಕೆಕೆಆರ್ಗೆ, ರಾಣಾ ಮತ್ತು ನಾಯಕ ಅಯ್ಯರ್ ನಡುವಿನ 56 ರನ್‌ಗಳ ಜೊತೆಯಾಟವು ಬಹಳ ಮುಖ್ಯವಾಗಿದೆ.
ಪವರ್‌ಪ್ಲೇ ನಂತರ KKR ಸ್ಕೋರ್ 60/2
ಪವರ್‌ಪ್ಲೇಯಲ್ಲಿ ಕೆಕೆಆರ್ ಎರಡು ವಿಕೆಟ್ ನಷ್ಟಕ್ಕೆ 60 ರನ್ ಗಳಿಸಿತು. ಮೊದಲ ಮೂರು ಓವರ್‌ಗಳಲ್ಲಿ ವಿಕೆಟ್‌ಗಳನ್ನು ಕಳೆದುಕೊಂಡಿದ್ದರಿಂದ ಅವರು ಒತ್ತಡಕ್ಕೆ ಒಳಗಾಗಿದ್ದರು ಆದರೆ 2ನೇ ವಿಕೆಟ್ ನಂತರ ಶ್ರೇಯಸ್ ಅಯ್ಯರ್ ಮತ್ತು ರಾಣಾ ಇನ್ನಿಂಗ್ಸ್ ಅನ್ನು ವಹಿಸಿಕೊಂಡರು.
ರಾಣಾ ಬಿರುಸಿನ ಬ್ಯಾಟಿಂಗ್
ಆರನೇ ಓವರ್ನಲ್ಲಿ ಕೆ ಗೌತಮ್ 13 ರನ್ ನೀಡಿದರು. ನಿತೀಶ್ ಓವರ್ನ ಮೊದಲ ಎಸೆತದಲ್ಲಿ ಬೌಂಡರಿ ಬಾರಿಸಿದರು. ಓವರ್ನ ಮೂರನೇ ಎಸೆತದಲ್ಲಿ, ಅವರು ಸ್ಕ್ವೇರ್ ಲೆಗ್‌ನಲ್ಲಿ ಬೌಂಡರಿ ಹೊಡೆದರು. ನಂತರ ಸ್ವೀಪ್ ಮಾಡಿ ಬ್ಯಾಕ್‌ವರ್ಡ್ ಪಾಯಿಂಟ್‌ನಲ್ಲಿ ಮತ್ತೊಂದು ಬೌಂಡರಿ ಹೊಡೆದರು.
ಹೋಲ್ಡರ್ ದುಬಾರಿ
ಜೇಸನ್ ಹೋಲ್ಡನ್ ತಮ್ಮ ಮೊದಲ ಓವರ್ನಲ್ಲಿ ನಾಲ್ಕು ರನ್ ನೀಡಿದರು. ಆದರೆ, ಎರಡನೇ ಓವರ್ ನಲ್ಲಿ 16 ರನ್ ನೀಡಿದರು. ಶ್ರೇಯಸ್ ಅಯ್ಯರ್ ಫೋರ್ ಮೂಲಕ ಓವರ್ ಆರಂಭಿಸಿದರು. ಮುಂದಿನ ಎಸೆತದಲ್ಲಿ, ಅವರು ಲಾಂಗ್ ಆಫ್‌ನಲ್ಲಿ ಸಿಕ್ಸರ್ ಬಾರಿಸಿದರು, ಮೂರನೇ ಎಸೆತದಲ್ಲಿ ಮತ್ತೊಂದು ಬೌಂಡರಿ ಬಾರಿಸಿದರು.
ರಾಣಾ ಒಂದೇ ಓವರ್ನಲ್ಲಿ 5 ಬೌಂಡರಿ
ಅವೇಶ್ ಖಾನ್ ನಾಲ್ಕನೇ ಓವರ್ನಲ್ಲಿ 21 ರನ್ ಬಿಟ್ಟುಕೊಟ್ಟರು. ಈ ಓವರ್ನಲ್ಲಿ ನಿತೀಶ್ ರಾಣಾ ಐದು ಬೌಂಡರಿಗಳನ್ನು ಬಾರಿಸಿದರು. ಓವರ್ನ ಮೊದಲ ಎಸೆತದಲ್ಲಿ ರಾಣಾ ಬೌಂಡರಿ ಬಾರಿಸಿದರು. ಮುಂದಿನ ಎಸೆತದಲ್ಲಿ ಅವರು ಮತ್ತೊಂದು ಬೌಂಡರಿ ಬಾರಿಸಿದರು. ಅವರು ಓವರ್ನ ಕೊನೆಯ ಮೂರು ಎಸೆತಗಳಲ್ಲಿ ಹ್ಯಾಟ್ರಿಕ್ ಬೌಂಡರಿಗಳನ್ನು ಬಾರಿಸಿದರು.
ಅಭಿಜಿತ್ ತೋಮರ್ ಔಟ್
ತಮ್ಮ ಎರಡನೇ ಓವರ್ ಎಸೆದ ಮೊಹ್ಸಿನ್ ಖಾನ್ ಮತ್ತು ಈ ಬಾರಿ ಪದಾರ್ಪಣೆ ಮಾಡುತ್ತಿದ್ದ ಅಭಿಜಿತ್ ತೋಮರ್ ಅವರನ್ನು ಔಟ್ ಮಾಡುವ ಮೂಲಕ ತಂಡಕ್ಕೆ ದೊಡ್ಡ ಯಶಸ್ಸು ತಂದುಕೊಟ್ಟರು. ಓವರ್ನ ನಾಲ್ಕನೇ ಎಸೆತದಲ್ಲಿ ಅವರು ಮಿಡ್ ಆನ್‌ನಲ್ಲಿ ಚೆಂಡನ್ನು ಆಡಿದರು ಮತ್ತು ಲಕ್ನೋ ನಾಯಕ ರಾಹುಲ್‌ಗೆ ಕ್ಯಾಚ್ ನೀಡಿದರು.
ಕೇವಲ 4 ರನ್ ನೀಡಿದ ಹೋಲ್ಡರ್
ಜೇಸನ್ ಹೋಲ್ಡರ್ ಎರಡನೇ ಓವರ್ನಲ್ಲಿ ಕೇವಲ ನಾಲ್ಕು ರನ್‌ಗಳನ್ನು ಬಿಟ್ಟುಕೊಟ್ಟರು. ಓವರ್ನ ಮೂರನೇ ಎಸೆತದಲ್ಲಿ ಅಭಿಜಿತ್ ತೋಮರ್ ಡೀಪ್ ಪಾಯಿಂಟ್‌ನಲ್ಲಿ ಬೌಂಡರಿ ಬಾರಿಸಿದರು. ಆರಂಭದಿಂದಲೇ ಒತ್ತಡಕ್ಕೆ ಸಿಲುಕುವಂತೆ ಮಾಡಿದ ಕೆಕೆಆರ್ ಮೊದಲ ಓವರ್‌ನಲ್ಲಿಯೇ ಹಿನ್ನಡೆ ಅನುಭವಿಸಿದೆ
ವೆಂಕಟೇಶ್ ಅಯ್ಯರ್ ಔಟ್
ಮೊಹ್ಸಿನ್ ಖಾನ್ ಮೊದಲ ಓವರ್ ಬೌಲ್ ಮಾಡಿ ನಾಲ್ಕು ರನ್ ನೀಡಿದರು. ಓವರ್ನ ಮೊದಲ ಎರಡು ಎಸೆತಗಳಲ್ಲಿ ಯಾವುದೇ ರನ್ ಬರಲಿಲ್ಲ. ಅಯ್ಯರ್ ಮೂರನೇ ಎಸೆತದಲ್ಲಿ ರನ್ ಔಟ್ ಆಗುವುದನ್ನು ತಪ್ಪಿಸಿದರು ಆದರೆ ನಾಲ್ಕನೇ ಎಸೆತದಲ್ಲಿ ಡಿ ಕಾಕ್ಗೆ ಕ್ಯಾಚ್ ನೀಡಿದರು. ವೆಂಕಟೇಶ್ ಅಯ್ಯರ್ ಡ್ರೈವ್ ಮಾಡಲು ಯತ್ನಿಸುತ್ತಿದ್ದಾಗ ಚೆಂಡು ಬ್ಯಾಟ್ ನ ಅಂಚಿಗೆ ತಾಗಿ ಡಿಕಾಕ್ ಕ್ಯಾಚ್ ಪಡೆದರು.
ಕೆಕೆಆರ್ಗೆ 210 ರನ್ ಟಾರ್ಗೆಟ್
ಮೊದಲು ಬ್ಯಾಟಿಂಗ್ ಮಾಡಿದ ಲಕ್ನೋ ಸೂಪರ್ ಜೈಂಟ್ಸ್ 210 ರನ್ ಗಳಿಸಿತು. ತಂಡದ ಆರಂಭಿಕ ಜೋಡಿ ಕ್ವಿಂಟನ್ ಡಿ ಕಾಕ್ ಮತ್ತು ಕೆಎಲ್ ರಾಹುಲ್ 20 ಓವರ್‌ಗಳನ್ನು ಸಂಪೂರ್ಣ ಆಡಿ ಐತಿಹಾಸಿಕ ಜೊತೆಯಾಟ ನಡೆಸಿದರು. ಡಿ ಕಾಕ್ 140 ಮತ್ತು ರಾಹುಲ್ 68 ರನ್ ಗಳಿಸಿದರು. ಕೆಕೆಆರ್ ತಂಡಕ್ಕೆ ಒಂದೂ ವಿಕೆಟ್ ಪಡೆಯಲು ಸಾಧ್ಯವಾಗಲಿಲ್ಲ.
ಡಿ ಕಾಕ್ ಸತತ 4 ಬೌಂಡರಿ
ಕೊನೆಯ ಓವರ್‌ನಲ್ಲಿಯೂ ಡಿ ಕಾಕ್‌ನ ಬಿರುಗಾಳಿ ನಿಲ್ಲಲಿಲ್ಲ. ಒಂದರ ಹಿಂದೆ ಒಂದರಂತೆ ಸತತ ನಾಲ್ಕು ಬೌಂಡರಿಗಳನ್ನು ಬಾರಿಸಿದರು. ಈ ಓವರ್ನಲ್ಲಿ ಒಟ್ಟಾರೆ 19 ರನ್‌ಗಳು ಬಂದವು
ಡಿ ಕಾಕ್ ಹ್ಯಾಟ್ರಿಕ್ ಸಿಕ್ಸರ್
ಟಿಮ್ ಸೌಥಿ ಅವರ 19ನೇ ಓವರ್ನಲ್ಲಿ 27 ರನ್‌ಗಳು ಬಂದವು. ಈ ಓವರ್ನಲ್ಲಿ ಡಿ ಕಾಕ್ ಮೂರು ಮತ್ತು ರಾಹುಲ್ ಸಿಕ್ಸರ್ ಬಾರಿಸಿದರು. ರಾಹುಲ್ ಓವರ್ ಅನ್ನು ಸಿಕ್ಸರ್ ಮೂಲಕ ಪ್ರಾರಂಭಿಸಿದರು, ನಂತರ ಡಿ ಕಾಕ್ ಮೂರು, ನಾಲ್ಕು ಮತ್ತು ಐದನೇ ಎಸೆತಗಳಲ್ಲಿ ಸಿಕ್ಸರ್ ಬಾರಿಸುವ ಮೂಲಕ ಹ್ಯಾಟ್ರಿಕ್ ಬಾರಿಸಿದರು.
ಡಿ ಕಾಕ್ ಶತಕ
18ನೇ ಓವರ್ನಲ್ಲಿ ರಸೆಲ್ 15 ರನ್ ನೀಡಿದರು. ಓವರ್ನ ಎರಡನೇ ಎಸೆತದಲ್ಲಿ ಡಿ ಕಾಕ್ ಸ್ಕ್ವೇರ್ ಲೆಗ್ ಕಡೆಗೆ ಎಳೆದು ಸಿಕ್ಸರ್ ಬಾರಿಸಿದರು. ಓವರ್ ನ ನಾಲ್ಕನೇ ಎಸೆತದಲ್ಲಿ ಕಟ್ ಮಾಡಿ ಮತ್ತೊಂದು ಸಿಕ್ಸರ್ ಬಾರಿಸಿದರು. ಡಿಕಾಕ್ ಅವರ ಶತಕವೂ ಪೂರ್ಣಗೊಂಡಿತು. ಅವರು 59 ಎಸೆತಗಳಲ್ಲಿ 100 ರನ್ ಪೂರೈಸಿದರು
ರಸೆಲ್ ದುಬಾರಿ ಓವರ್
18ನೇ ಓವರ್ನಲ್ಲಿ ರಸೆಲ್ 15 ರನ್ ನೀಡಿದರು. ಓವರ್ನ ಎರಡನೇ ಎಸೆತದಲ್ಲಿ ಡಿ ಕಾಕ್ ಸ್ಕ್ವೇರ್ ಲೆಗ್ ಕಡೆಗೆ ಎಳೆದು ಸಿಕ್ಸರ್ ಬಾರಿಸಿದರು. ಓವರ್ ನ ನಾಲ್ಕನೇ ಎಸೆತದಲ್ಲಿ ಕಟ್ ಮಾಡಿ ಮತ್ತೊಂದು ಸಿಕ್ಸರ್ ಬಾರಿಸಿದರು.
9 ರನ್ ನೀಡಿದ ಸೌಥಿ
17ನೇ ಓವರ್ನಲ್ಲಿ ಟಿಮ್ ಸೌಥಿ 9 ರನ್ ನೀಡಿದರು. ರಾಹುಲ್ ಫೋರ್ ನೊಂದಿಗೆ ಓವರ್ ಆರಂಭಿಸಿದರು. ಕೆಕೆಆರ್ಗೆ ವಿಕೆಟ್ ಸಿಕ್ಕಿಲ್ಲ ಆದರೆ ರನ್‌ಗಳ ವೇಗ ಹೆಚ್ಚಲು ಬಿಡಲಿಲ್ಲ
16 ಓವರ್‌ಗಳಲ್ಲಿ ಲಕ್ನೋ ಸ್ಕೋರ್ ..
16 ಓವರ್‌ಗಳ ಅಂತ್ಯಕ್ಕೆ ಲಖನೌ ತಂಡ ವಿಕೆಟ್ ನಷ್ಟವಿಲ್ಲದೆ 140 ರನ್ ಗಳಿಸಿತು. ಕೆಎಲ್ ರಾಹುಲ್ (53) ಮತ್ತು ಡಿಕಾಕ್ (86) ಬ್ಯಾಟಿಂಗ್ ಮಾಡುತ್ತಿದ್ದಾರೆ.
ರಾಹುಲ್ ಅರ್ಧಶತಕ
ಉಮೇಶ್ ಯಾದವ್ 14ನೇ ಓವರ್ ನಲ್ಲಿ ಆರು ರನ್ ನೀಡಿದರು. ಓವರ್ನ ಐದನೇ ಎಸೆತದಲ್ಲಿ ರಾಹುಲ್ ಸಿಂಗಲ್ ರನ್ ಗಳಿಸುವ ಮೂಲಕ ಅರ್ಧಶತಕ ಪೂರೈಸಿದರು. ರಾಹುಲ್ 43 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು.
13 ಓವರ್‌ಗಳ ನಂತರವೂ ಕೆಕೆಆರ್ ಖಾಲಿ ಕೈಯಲ್ಲಿ
13ನೇ ಓವರ್ನಲ್ಲಿ ಸುನಿಲ್ ನರೈನ್ 8 ರನ್ ನೀಡಿದರು. ಓವರ್ನ ನಾಲ್ಕನೇ ಎಸೆತದಲ್ಲಿ ಡಿ ಕಾಕ್ ಬ್ಯಾಕ್‌ವರ್ಡ್ ಪಾಯಿಂಟ್‌ನಲ್ಲಿ ಸಿಕ್ಸರ್ ಬಾರಿಸಿದರು. ಲಕ್ನೋ 13 ಓವರ್‌ಗಳಲ್ಲಿ 15 ರನ್ ಗಳಿಸಿತು ಆದರೆ ಕೆಕೆಆರ್ ಇನ್ನೂ ಖಾಲಿ ಕೈಯಲ್ಲಿದೆ
ಕ್ವಿಂಟನ್ ಡಿ ಕಾಕ್ ಅರ್ಧಶತಕ
ವರುಣ್ ಚಕ್ರವರ್ತಿ 12ನೇ ಓವರ್ನಲ್ಲಿ ಐದು ರನ್ ನೀಡಿದರು. ಓವರ್ನ ಮೂರನೇ ಎಸೆತದಲ್ಲಿ, ಡಿ ಕಾಕ್ ಲಾಂಗ್ ಆನ್‌ನಲ್ಲಿ ಚೆಂಡನ್ನು ಆಡಿದ ಅವರು ಸಿಂಗಲ್ ಮಾಡುವ ಮೂಲಕ ಅರ್ಧಶತಕ ಪೂರೈಸಿದರು. ಅವರು 36 ಎಸೆತಗಳಲ್ಲಿ 50 ರನ್ ಪೂರೈಸಿದರು. ಅವರು ಎರಡು ಸಿಕ್ಸರ್ ಮತ್ತು ನಾಲ್ಕು ಬೌಂಡರಿಗಳನ್ನು ಬಾರಿಸಿದ್ದಾರೆ.
9 ರನ್ ಬಿಟ್ಟುಕೊಟ್ಟ ರಾಣಾ
11ನೇ ಓವರ್ನಲ್ಲಿ ನಿತೀಶ್ ರಾಣಾ ಒಂಬತ್ತು ರನ್ ನೀಡಿದರು. ಓವರ್ನ ಮೂರನೇ ಎಸೆತದಲ್ಲಿ ಡಿ ಕಾಕ್ ಎಕ್ಸ್ಟ್ರಾ ಕವರ್‌ನಲ್ಲಿ ಬೌಂಡರಿ ಬಾರಿಸಿದರು.
ರಾಹುಲ್ ಸತತ 2 ಸಿಕ್ಸರ್
ಟಿಮ್ ಸೌಥಿ ಅವರ ಮೊದಲ ಓವರ್ ಮಿತವ್ಯಯಕಾರಿಯಾಗಿತ್ತು ಆದರೆ ಅವರು ಎರಡನೇ ಓವರ್ನಲ್ಲಿ 15 ರನ್ ನೀಡಿದರು. ರಾಹುಲ್ ಎರಡನೇ ಎಸೆತದಲ್ಲಿ ಲಾಂಗ್ ಆನ್‌ನಲ್ಲಿ ಸಿಕ್ಸರ್ ಬಾರಿಸಿದರೆ, ಮುಂದಿನ ಬಾಲ್ ಡೀಪ್ ಬ್ಯಾಕ್‌ವರ್ಡ್ ಸ್ಕ್ವೇರ್ ಲೆಗ್‌ನಲ್ಲಿ ಸಿಕ್ಸರ್ ಹೊಯಿತು. ಲಕ್ನೋ 10 ಓವರ್‌ಗಳಲ್ಲಿ 83 ರನ್ ಗಳಿಸಿದೆ.
ಡಿಕಾಕ್ ಅಬ್ಬರ
ಆಂಡ್ರೆ ರಸೆಲ್ ತಮ್ಮ ಮೊದಲ ಓವರ್ ಬೌಲ್ ಮಾಡಿ 11 ರನ್ ನೀಡಿದರು. ಆ ಓವರ್ನ ಐದನೇ ಎಸೆತದಲ್ಲಿ ಡಿ ಕಾಕ್ ಡೀಪ್ ಮಿಡ್ ವಿಕೆಟ್ ಮೇಲೆ ಸಿಕ್ಸರ್ ಬಾರಿಸಿದರು. ಡಿಕಾಕ್ ಕ್ಯಾಚ್ ಕೈಬಿಟ್ಟಿದ್ದು ಕೆಕೆಆರ್ಗೆ ದುಬಾರಿಯಾಗಿದೆ.
ವರುಣ್ ಚಕ್ರವರ್ತಿ ನೋ ಬಾಲ್
ವರುಣ್ ಚಕ್ರವರ್ತಿ ಅವರು ಎಂಟನೇ ಓವರ್ನಲ್ಲಿ ಒಂಬತ್ತು ರನ್ ನೀಡಿದರು. ಓವರ್ನ ಎರಡನೇ ಎಸೆತದಲ್ಲಿ ರಾಹುಲ್ ಲಾಂಗ್ ಆಫ್‌ನಲ್ಲಿ ಬೌಂಡರಿ ಬಾರಿಸಿದರು. ಆ ಓವರ್ನ ಮೂರನೇ ಎಸೆತ ನೋ ಬಾಲ್ ಆಗಿತ್ತು. ಡಿಕಾಕ್ ಫ್ರೀ ಹಿಟ್ ಬಾಲ್ ಅನ್ನು ಎಳೆಯಲು ಪ್ರಯತ್ನಿದರು ಆದರೆ ತಪ್ಪಿಸಿಕೊಂಡರು
ನರೈನ್ ಉತ್ತಮ ಬೌಲಿಂಗ್
ಏಳನೇ ಓವರ್ನಲ್ಲಿ ಸುನಿಲ್ ನರೈನ್ ನಾಲ್ಕು ರನ್ ನೀಡಿದರು. ಓವರ್ನಲ್ಲಿ ಕೇವಲ ನಾಲ್ಕು ಸಿಂಗಲ್‌ಗಳು ಬಂದವು.
ಪವರ್‌ಪ್ಲೇಯಲ್ಲಿ 44 ರನ್ ಗಳಿಸಿದ ಲಕ್ನೋ
ಆರನೇ ಓವರ್ನಲ್ಲಿ ವರುಣ್ ಚಕ್ರವರ್ತಿ ಆರು ರನ್ ನೀಡಿದರು. ಓವರ್ನ ನಾಲ್ಕನೇ ಎಸೆತದಲ್ಲಿ ಡಿ ಕಾಕ್ ಎಕ್ಸ್ಟ್ರಾ ಕವರ್‌ನಲ್ಲಿ ಬೌಂಡರಿ ಬಾರಿಸಿದರು. ಪವರ್‌ಪ್ಲೇಯಲ್ಲಿ ಲಕ್ನೋ ಕೇವಲ ಒಂದು ವಿಕೆಟ್ ನಷ್ಟಕ್ಕೆ 44 ರನ್ ಗಳಿಸಿತು. ಡಿಕಾಕ್ 26 ಮತ್ತು ರಾಹುಲ್ 18 ರನ್ ಗಳಿಸಿ ಆಡುತ್ತಿದ್ದಾರೆ.
ಉಮೇಶ್ ಯಾದವ್ ದುಬಾರಿ ಓವರ್
ಉಮೇಶ್ ಯಾದವ್ ಅವರ ಎರಡನೇ ಓವರ್ ತುಂಬಾ ದುಬಾರಿಯಾಗಿದ್ದು, ಅದರಲ್ಲಿ ಅವರು 12 ರನ್ ಬಿಟ್ಟುಕೊಟ್ಟರು. ಓವರ್ನ ಮೂರನೇ ಎಸೆತದಲ್ಲಿ ರಾಹುಲ್ ಡೀಪ್ ಬ್ಯಾಕ್‌ವರ್ಡ್ ಸ್ಕ್ವೇರ್ ಲೆಗ್‌ನಲ್ಲಿ ಸಿಕ್ಸರ್ ಬಾರಿಸಿದರು. ಐದನೇ ಎಸೆತದಲ್ಲಿ ಅವರು ಮಿಡ್ ಆಫ್‌ನಲ್ಲಿ ಬೌಂಡರಿ ಬಾರಿಸಿದರು.
ನರೇನ್ ಉತ್ತಮ ಓವರ್
ನಾಲ್ಕನೇ ಓವರ್ನಲ್ಲಿ ಸುನಿಲ್ ನರೇನ್ ನಾಲ್ಕು ರನ್ ನೀಡಿದರು. ಲಕ್ನೋ ಉತ್ತಮವಾಗಿ ಆರಂಭ ಮಾಡಿದೆ ವಿಶೇಷವಾಗಿ ಡಿಕಾಕ್ ಆಕ್ರಮಣಕಾರಿ ಮೂಡ್‌ನಲ್ಲಿರುವಂತೆ ತೋರುತ್ತಿದೆ. ರಾಹುಲ್ ಅವರ ವೇಗ ಸ್ವಲ್ಪ ನಿಧಾನ, ಅವರು 10 ಎಸೆತಗಳಲ್ಲಿ ಕೇವಲ ಆರು ರನ್ ಗಳಿಸಿದ್ದಾರೆ.
ಡಿಕಾಕ್ಗೆ ಜೀವದಾನ
ಉಮೇಶ್ ಯಾದವ್ ಮೂರನೇ ಓವರ್ ಮಾಡಿ 8 ರನ್ ನೀಡಿದರು. ಅಭಿಜಿತ್ ತೋಮರ್ ಥರ್ಡ್ ಮ್ಯಾನ್ನಲ್ಲಿ ಕ್ಯಾಚ್ ಕೈಬಿಟ್ಟಿದ್ದರಿಂದ ಡಿ ಕಾಕ್ ಗೆ ಈ ಓವರ್ನಲ್ಲಿ ಜೀವದಾನವಾಯಿತು. ಆ ಓವರ್ನ ಕೊನೆಯ ಎಸೆತದಲ್ಲಿ ಡಿ ಕಾಕ್ ಡೀಪ್ ಮಿಡ್ ವಿಕೆಟ್‌ನಲ್ಲಿ ಅದ್ಭುತ ಸಿಕ್ಸರ್ ಬಾರಿಸಿದರು.
ಡಿ ಕಾಕ್ ಮತ್ತೊಂದು ಅದ್ಭುತ ಬೌಂಡರಿ
ಟಿಮ್ ಸೌಥಿ ಎರಡನೇ ಓವರ್ ಎಸೆದು ಆರು ರನ್ ನೀಡಿದರು. ಡಿ ಕಾಕ್ ಅವರ ಬ್ಯಾಟ್‌ನಿಂದ ಮತ್ತೊಂದು ಫೋರ್ ಬಂತು. ಓವರ್ನ ಮೂರನೇ ಎಸೆತದಲ್ಲಿ ಅವರು ಬ್ಯಾಕ್‌ವರ್ಡ್ ಸ್ಕ್ವೇರ್ ಲೆಗ್‌ನಲ್ಲಿ ಬೌಂಡರಿಗೆ ಫ್ಲಿಕ್ ಮಾಡಿದರು.
ಮೊದಲ ಓವರ್ನಲ್ಲಿ 8 ರನ್
ಉಮೇಶ್ ಯಾದವ್ ಮೊದಲ ಓವರ್ನಲ್ಲಿ ಎಂಟು ರನ್ ನೀಡಿದರು. ಐದನೇ ಎಸೆತದಲ್ಲಿ ಕ್ವಿಂಟನ್ ಡಿ ಕಾಕ್ ಫೈನ್ ಲೆಗ್ ನಲ್ಲಿ ಬೌಂಡರಿ ಬಾರಿಸಿದರು.
ಲಕ್ನೋ ಬ್ಯಾಟಿಂಗ್ ಆರಂಭ
ಲಕ್ನೋದ ಬ್ಯಾಟಿಂಗ್ ಆರಂಭವಾಗಿದೆ. ಕೆಕೆಆರ್‌ನ ಉಮೇಶ್ ಯಾದವ್ ಬೌಲಿಂಗ್ ಆರಂಭಿಸಿದ್ದರೆ, ಕ್ವಿಂಟನ್ ಡಿ ಕಾಕ್ ಮತ್ತು ಕೆಎಲ್ ರಾಹುಲ್ ಓಪನಿಂಗ್ ಮಾಡಿದ್ದಾರೆ.
KKR ಪ್ಲೇಯಿಂಗ್ XI
ಶ್ರೇಯಸ್ ಅಯ್ಯರ್ (ನಾಯಕ), ಅಭಿಜಿತ್ ತೋಮರ್, ವೆಂಕಟೇಶ್ ಅಯ್ಯರ್, ನಿತೀಶ್ ರಾಣಾ, ರಿಂಕು ಸಿಂಗ್, ಆಂಡ್ರೆ ರಸೆಲ್, ಸುನಿಲ್ ನರೈನ್, ಸ್ಯಾಮ್ ಬಿಲ್ಲಿಂಗ್ಸ್, ಉಮೇಶ್ ಯಾದವ್, ಟಿಮ್ ಸೌಥಿ ಮತ್ತು ವರುಣ್ ಚಕ್ರವರ್ತಿ
ಲಕ್ನೋ ಪ್ಲೇಯಿಂಗ್ XI
ಮನನ್ ವೋಹ್ರಾ ಇಂದು ಲಕ್ನೋ ಪರ ಪಾದಾರ್ಪಣೆ ಮಾಡುತ್ತಿದ್ದಾರೆ.
ಕೆಎಲ್ ರಾಹುಲ್, ಕ್ವಿಂಟನ್ ಡಿ ಕಾಕ್, ಎವಿನ್ ಲೂಯಿಸ್, ದೀಪಕ್ ಹೂಡಾ, ಮನನ್ ವೋಹ್ರಾ, ಮಾರ್ಕಸ್ ಸ್ಟೋನಿಸ್, ಕೃಷ್ಣಪ್ಪ ಗೌತಮ್, ಜೇಸನ್ ಹೋಲ್ಡರ್, ಅವೇಶ್ ಖಾನ್, ಮೊಹ್ಸಿನ್ ಖಾನ್, ರವಿ ಬಿಷ್ಣೋಯ್
ಟಾಸ್ ಗೆದ್ದ ಲಕ್ನೋ
ಲಕ್ನೋ ಸೂಪರ್ ಜೈಂಟ್ಸ್ ನಾಯಕ ಕೆಎಲ್ ರಾಹುಲ್ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿದ್ದಾರೆ.
ಕೆಕೆಆರ್ಗೆ ದೊಡ್ಡ ಗೆಲುವಿನ ಅಗತ್ಯವಿದೆ
ಕೆಕೆಆರ್ 13 ಪಂದ್ಯಗಳಿಂದ ಆರು ಗೆಲುವಿನಿಂದ 12 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ ಆರನೇ ಸ್ಥಾನದಲ್ಲಿದೆ ಮತ್ತು ತಂಡವು ಈ ಪಂದ್ಯವನ್ನು ಭಾರಿ ಅಂತರದಿಂದ ಗೆಲ್ಲುವಲ್ಲಿ ಯಶಸ್ವಿಯಾದರೂ, ಪ್ಲೇಆಫ್‌ಗೆ ಅರ್ಹತೆ ಪಡೆಯಲು ಅವರು ಇನ್ನೂ ಇತರ ಪಂದ್ಯಗಳ ಫಲಿತಾಂಶಗಳನ್ನು ಅವಲಂಬಿಸಬೇಕಾಗುತ್ತದೆ.
Published On - May 18,2022 7:05 PM
