‘ಶಾಂತ’ ಸಾರ್ವಕಾಲಿಕ ಇಲೆವೆನ್ ಹೆಸರಿಸಿದ ಶ್ರೀಶಾಂತ್

ಭಾರತ ತಂಡದ ಮಾಜಿ ವೇಗಿ ಶ್ರೀಶಾಂತ್ ಅವರ ಹೆಸರಿಸಿರುವ ಆಲ್ಟೈಮ್ ಇಲೆವೆನ್ನಲ್ಲಿ ಸೌರವ್ ಗಂಗೂಲಿ 4ನೇ ಸ್ಥಾನದಲ್ಲಿ ಕಾಣಿಸಿಕೊಂಡರೆ, ಪಾಕಿಸ್ತಾನ್ ತಂಡದ ಮಾಜಿ ನಾಯಕ ಶಾಹಿದ್ ಅಫ್ರಿದಿಗೆ 5ನೇ ಸ್ಥಾನ ನೀಡಿದ್ದಾರೆ. ಹಾಗೆಯೇ ಬಾಂಗ್ಲಾದೇಶ್ ಆಲ್ರೌಂಡರ್ ಶಕೀಬ್ ಅಲ್ ಹಸನ್ ಅವರನ್ನು 6ನೇ ಕ್ರಮಾಂಕಕ್ಕೆ ಹೆಸರಿಸಿದ್ದಾರೆ.

Sreesanth

Updated on:Sep 15, 2024 | 2:15 PM

ಟೀಮ್ ಇಂಡಿಯಾದ ಮಾಜಿ ಆಟಗಾರ ಶಾಂತಕುಮಾರನ್ ಶ್ರೀಶಾಂತ್ ವಿಶ್ವ ಕ್ರಿಕೆಟ್ ಕಂಡಂತಹ ಆಕ್ರೋಶಭರಿತ ಆಟಗಾರರ ಇಲೆವೆನ್ ಹೆಸರಿಸಿದ್ದಾರೆ. ಆದರೆ ಈ ಇಲೆವೆನ್ಗೆ ಅವರು ನೀಡಿರುವ ಹೆಸರು ಸಾರ್ವಕಾಲಿಕ ಶಾಂತ ಆಟಗಾರರ ಆಡುವ ಬಳಗ ಎಂಬುದು ವಿಶೇಷ. ಮೈದಾನದಲ್ಲಿ ತಮ್ಮ ಕೋಪ-ತಾಪಗಳಿಂದ ಸುದ್ದಿಯಲ್ಲಿದ್ದ ಆಟಗಾರರನ್ನು ಒಳಗೊಂಡಿರುವ ಈ ಪ್ಲೇಯಿಂಗ್ ಇಲೆವೆನ್ನಲ್ಲಿ ಟೀಮ್ ಇಂಡಿಯಾದ ಐವರು ಆಟಗಾರರು ಇರುವುದು ವಿಶೇಷ. ಅದರಲ್ಲೂ ಶ್ರೀಶಾಂತ್ ತಮ್ಮನ್ನೂ ಕೂಡ ಆಯ್ಕೆ ಮಾಡಿಕೊಂಡಿದ್ದಾರೆ.

ವಿಶೇಷ ಎಂದರೆ ಈ ತಂಡದ ನಾಯಕರಾಗಿ ಆಯ್ಕೆ ಮಾಡಿಕೊಂಡಿರುವ ಟೀಮ್ ಇಂಡಿಯಾದ ಮಾಜಿ ನಾಯಕ ಸೌರವ್ ಗಂಗೂಲಿ ಅವರನ್ನು. ಇನ್ನು ಆರಂಭಿಕರಾಗಿ ಗೌತಮ್ ಗಂಭೀರ್ ಹಾಗೂ ವಿರಾಟ್ ಕೊಹ್ಲಿಯನ್ನು ಹೆಸರಿಸಿದ್ದಾರೆ. ಹಾಗೆಯೇ ಮೂರನೇ ಕ್ರಮಾಂಕದಲ್ಲಿ ಆಸ್ಟ್ರೇಲಿಯಾ ಮಾಜಿ ನಾಯಕ ರಿಕಿ ಪಾಂಟಿಂಗ್ಗೆ ಸ್ಥಾನ ನೀಡಿದ್ದಾರೆ.

ಇನ್ನು ಸೌರವ್ ಗಂಗೂಲಿ 4ನೇ ಸ್ಥಾನದಲ್ಲಿ ಕಾಣಿಸಿಕೊಂಡರೆ, ಪಾಕಿಸ್ತಾನ್ ತಂಡದ ಮಾಜಿ ನಾಯಕ ಶಾಹಿದ್ ಅಫ್ರಿದಿಗೆ 5ನೇ ಸ್ಥಾನ ನೀಡಿದ್ದಾರೆ. ಹಾಗೆಯೇ ಬಾಂಗ್ಲಾದೇಶ್ ಆಲ್ರೌಂಡರ್ ಶಕೀಬ್ ಅಲ್ ಹಸನ್ ಅವರನ್ನು 6ನೇ ಕ್ರಮಾಂಕಕ್ಕೆ ಹಾಗೂ ವೆಸ್ಟ್ ಇಂಡೀಸ್ನ ಕೀರನ್ ಪೊಲಾರ್ಡ್ ಅವರನ್ನು 7ನೇ ಕ್ರಮಾಂಕದಲ್ಲಿ ಹೆಸರಿಸಿದ್ದಾರೆ.

ಇದನ್ನೂ ಓದಿ: ಒಂದೇ ವರ್ಷ ಟೀಮ್ ಇಂಡಿಯಾದ 8 ಆಟಗಾರರು ನಿವೃತ್ತಿ..!

ಹಾಗೆಯೇ ಸ್ಪಿನ್ನರ್ ಆಗಿ ಹರ್ಭಜನ್ ಸಿಂಗ್ ಅವರನ್ನು ಹೆಸರಿಸಿರುವ ಶ್ರೀಶಾಂತ್ ವೇಗಿಗಳಾಗಿ ಪಾಕಿಸ್ತಾನದ ಶೊಯೇಬ್ ಅಖ್ತರ್ ಹಾಗೂ ಸೌತ್ ಆಫ್ರಿಕಾದ ಆಂಡ್ರೆ ನೆಲ್ ಅವರನ್ನು ಆಯ್ಕೆ ಮಾಡಿದ್ದಾರೆ. ಇದರ ಜೊತೆಗೆ 11ನೇ ಆಟಗಾರನಾಗಿ ಶ್ರೀಶಾಂತ್ ಕೂಡ ಈ ಬಳಗದಲ್ಲಿ ಕಾಣಿಸಿಕೊಂಡಿದ್ದಾರೆ. ಅದರಂತೆ ಶಾಂತಕುಮಾರ್ ಶ್ರೀಶಾಂತ್ ಅವರ ಶಾಂತವಲ್ಲದ ಇಲೆವೆನ್ ಈ ಕೆಳಗಿನಂತಿದೆ…