SRH vs CSK Highlights, IPL 2022: ಶತಕ ವಂಚಿತ ರುತುರಾಜ್; ಧೋನಿ ನಾಯಕತ್ವದಲ್ಲಿ ಗೆದ್ದ ಚೆನ್ನೈ
Updated on:May 01, 2022 | 11:09 PM
SRH vs CSK, IPL 2022: ಎಂಎಸ್ ಧೋನಿ ನಾಯಕತ್ವದಲ್ಲಿ ಆಡಿದ ಮೊದಲ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಗೆಲುವು ಸಾಧಿಸಿದೆ. ಈ ಋತುವಿನಲ್ಲಿ ಇದುವರೆಗೆ ಆಡಿದ 9 ಪಂದ್ಯಗಳಲ್ಲಿ ಚೆನ್ನೈಗೆ ಇದು ಮೂರನೇ ಗೆಲುವು.
ಎಂಎಸ್ ಧೋನಿ ನಾಯಕತ್ವದಲ್ಲಿ ಆಡಿದ ಮೊದಲ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಗೆಲುವು ಸಾಧಿಸಿದೆ. ಈ ಋತುವಿನಲ್ಲಿ ಇದುವರೆಗೆ ಆಡಿದ 9 ಪಂದ್ಯಗಳಲ್ಲಿ ಚೆನ್ನೈಗೆ ಇದು ಮೂರನೇ ಗೆಲುವು. ಅದೇ ಸಮಯದಲ್ಲಿ, ಅದೇ ಸಂಖ್ಯೆಯ ಪಂದ್ಯಗಳ ನಂತರ, ಸನ್‌ರೈಸರ್ಸ್ ಹೈದರಾಬಾದ್ ನಾಲ್ಕನೇ ಸೋಲನ್ನು ಎದುರಿಸಬೇಕಾಯ್ತು. IPL 2022 ರಲ್ಲಿ ಪ್ಲೇಆಫ್ ತಲುಪಲು ಕಠಿಣ ಹೋರಾಟ ನಡೆಸುತ್ತಿರುವ ಚೆನ್ನೈ ತಂಡಕ್ಕೆ, ಗುಂಪು ಹಂತದ ಉಳಿದ ಎಲ್ಲಾ ಪಂದ್ಯಗಳನ್ನು ಗೆಲ್ಲುವುದು ಈಗ ಅಗತ್ಯವಾಗಿದೆ.
LIVE NEWS & UPDATES
-
ಪೂರನ್ 4 ಸಿಕ್ಸರ್, ಚೆನ್ನೈಗೆ ಗೆಲುವು
ಕೊನೆಯ ಓವರ್ನಲ್ಲಿ ಹೈದರಾಬಾದ್ಗೆ 38 ರನ್ ಅಗತ್ಯವಿತ್ತು. ಮುಖೇಶ್ ಚೌಧರಿ ಓವರ್ನಲ್ಲಿ ಪೂರನ್ ಬರೋಬ್ಬರಿ 4 ಸಿಕ್ಸರ್ ಸಿಡಿಸಿದರು. ಆದರೆ ತಂಡದ ಗೆಲುವಿಗೆ ಈ ಹೊಡೆತ ಸಾಕಾಗಲಿಲ್ಲ. ಅಂತಿಮವಾಗಿ ಚೆನ್ನೈ ತನ್ನ 3ನೇ ಗೆಲುವನ್ನು ಸಾಧಿಸಿತು.
-
ಪೂರನ್ ಬೌಂಡರಿ
ಪಂದ್ಯ ಬಹುತೇಕ ಹೈದರಾಬಾದ್‌ನ ಕೈಯಿಂದ ಹೊರಗುಳಿದಿದ್ದು, ಇದೀಗ ಪೂರನ್ ರನ್‌ಗಳ ವ್ಯತ್ಯಾಸವನ್ನು ಕಡಿಮೆ ಮಾಡುತ್ತಿದ್ದಾರೆ. 19ನೇ ಓವರ್ನಲ್ಲಿ ಪೂರನ್ ಪ್ರಿಟೋರಿಯಸ್ ವಿರುದ್ಧ ಎರಡು ಬೌಂಡರಿಗಳನ್ನು ಗಳಿಸಿದರು. ಓವರ್‌ನಿಂದ 14 ರನ್.
19 ಓವರ್, SRH- 167/6
-
ಆರನೇ ವಿಕೆಟ್ ಪತನ
ಹೈದರಾಬಾದ್ ತಂಡದ ಆರನೇ ವಿಕೆಟ್ ಕೂಡ ಪತನವಾಗಿದ್ದು, ವಾಷಿಂಗ್ಟನ್ ಸುಂದರ್ ಔಟಾಗಿದ್ದಾರೆ. ಮುಖೇಶ್ ಚೌಧರಿ ಮತ್ತೊಂದು ವಿಕೆಟ್ ಪಡೆದರು.
ವಾಷಿಂಗ್ಟನ್ ಸುಂದರ್: 2 ರನ್ (2 ಎಸೆತ); SRH- 153/6
ಐದನೇ ವಿಕೆಟ್ ಪತನ
ಹೈದರಾಬಾದ್ ಐದನೇ ವಿಕೆಟ್ ಪತನವಾಗಿದೆ, ಶಶಾಂಕ್ ಸಿಂಗ್ ಔಟಾದರು. ಮೊದಲ ಎಸೆತದಲ್ಲಿ ಬೌಂಡರಿ ಬಾರಿಸಿದ ಮುಖೇಶ್ ಚೌಧರಿ ನಾಲ್ಕನೇ ಎಸೆತದಲ್ಲಿ ಶಶಾಂಕ್ ಗೆ ಪೆವಿಲಿಯನ್ ಹಾದಿ ತೋರಿದರು.
ಶಶಾಂಕ್ ಸಿಂಗ್: 15 ರನ್ (14 ಎಸೆತ, 1×4); SRH- 151/5
ಹೈದರಾಬಾದ್ 150 ರನ್ ಪೂರ್ಣ
ಹೈದರಾಬಾದ್ 18ನೇ ಓವರ್ನಲ್ಲಿ 150 ರನ್ ಪೂರೈಸಿದೆ. ಬೌಲ್ ಮಾಡಲು ಬಂದ ಮುಖೇಶ್ ಚೌಧರಿ ಅವರ ಮೊದಲ ಎಸೆತವನ್ನು ಶಶಾಂಕ್ ಸಿಂಗ್ ಕವರ್‌ ಮೇಲೆ ಆಡುವ ಮೂಲಕ ಒಂದು ಬೌಂಡರಿ ಪಡೆದರು ಮತ್ತು ತಂಡವನ್ನು 150 ಕ್ಕಿಂತ ಹೆಚ್ಚು ಕೊಂಡೊಯ್ದರು.
ಪೂರನ್ ಎತ್ತರದ ಸಿಕ್ಸರ್
ಕೊನೆಯ 4 ಓವರ್‌ಗಳಲ್ಲಿ SRH ಗೆ 68 ರನ್‌ಗಳ ಅಗತ್ಯವಿದೆ. ಅಂದರೆ, ಪ್ರತಿ ಓವರ್ನಲ್ಲಿ ರನ್‌ಗಳನ್ನು ತೀವ್ರವಾಗಿ ಗಳಿಸಬೇಕಾಗುತ್ತದೆ. 17 ನೇ ಓವರ್ನಲ್ಲಿ, ಪೂರನ್ ಅದನ್ನು ಮೊದಲ ಎಸೆತದಲ್ಲಿ ಪ್ರಾರಂಭಿಸಿದರು. ಪ್ರಿಟೋರಿಯಸ್‌ನ ಈ ಚೆಂಡನ್ನು ಪೂರನ್ ಸಿಕ್ಸರ್ ಬಾರಿಸಿದರು.
ತೀಕ್ಷಣ ಸೂಪರ್ ಬೌಲಿಂಗ್
ಮಹಿಷ ತೀಕ್ಷಣದ ಪ್ರಚಂಡ ಸ್ಪೆಲ್ ಪೂರ್ಣಗೊಂಡಿದೆ. ಈ ಶ್ರೀಲಂಕಾದ ಸ್ಪಿನ್ನರ್ SRH ನ ಬ್ಯಾಟ್ಸ್‌ಮನ್‌ಗಳಿಗೆ ಯಾವುದೇ ಅವಕಾಶವನ್ನು ನೀಡಲಿಲ್ಲ. ತನ್ನ ಕೊನೆಯ ಓವರ್‌ನಲ್ಲಿಯೂ ಸಹ, ಟೀಕ್ಷಣಾ ವೇಗದ ಚೆಂಡನ್ನು ಸ್ಟಂಪ್‌ನ ಲೈನ್‌ನಲ್ಲಿ ಇರಿಸಿದರು, ಇದರಿಂದಾಗಿ ಪೂರನ್ ಮತ್ತು ಶಶಾಂಕ್ ಸಿಂಗ್ ಅವರಿಗೆ ಒಂದೇ ಒಂದು ದೊಡ್ಡ ಹೊಡೆತವನ್ನು ಆಡುವ ಅವಕಾಶ ಸಿಗಲಿಲ್ಲ ಮತ್ತು ಕೇವಲ ರನ್ ಮಾತ್ರ ಸಿಕ್ಕಿತು. ತೀಕ್ಷಣಾ 4 ಓವರ್‌ಗಳಲ್ಲಿ ಕೇವಲ 26 ರನ್‌ಗಳನ್ನು ನೀಡಿದರು.
16 ಓವರ್‌ಗಳು, SRH- 135/4
ನಾಲ್ಕನೇ ವಿಕೆಟ್ ಪತನ
ಹೈದರಾಬಾದ್ ತಂಡದ ನಾಲ್ಕನೇ ವಿಕೆಟ್ ಪತನವಾಗಿದ್ದು, ನಾಯಕ ಕೇನ್ ವಿಲಿಯಮ್ಸನ್ ಔಟಾಗಿದ್ದಾರೆ.
ಕೇನ್ ವಿಲಿಯಮ್ಸನ್: 47 ರನ್ (37 ಎಸೆತಗಳು, 2×4, 2×6); SRH- 126/4
ಪೂರನ್ ರಿವರ್ಸ್ ಸ್ವೀಪ್
ನಿಕೋಲಸ್ ಪೂರನ್ ಅಪಾಯಕಾರಿ ರಿವರ್ಸ್ ಸ್ವೀಪ್ ಶಾಟ್ ಆಡುವ ಮೂಲಕ ಸಿಕ್ಸರ್ ಬಾರಿಸಿದರು. 14ನೇ ಓವರ್ನಲ್ಲಿ, ಮಹಿಷ್ ಟೀಕ್ಷಣ ಅವರ ಎರಡನೇ ಎಸೆತವನ್ನು ರಿವರ್ಸ್ ಸ್ವೀಪ್ ಮಾಡಿ ಬ್ಯಾಕ್‌ವರ್ಡ್ ಪಾಯಿಂಟ್ ಕಡೆ ಸಿಕ್ಸರ್ ಹೊಡೆದರು. ಓವರ್‌ನಿಂದ 12 ರನ್.
14 ಓವರ್, SRH- 125/3
ವಿಲಿಯಮ್ಸನ್ ಸಿಕ್ಸರ್
ಕೇನ್ ವಿಲಿಯಮ್ಸನ್ ಇನ್ನೂ ತಮ್ಮ ತಂಡಕ್ಕೆ ಮುನ್ನಡೆ ಸಾಧಿಸುತ್ತಿದ್ದಾರೆ ಮತ್ತು ಬೌಂಡರಿಗಳನ್ನು ಪಡೆಯಲು ಪ್ರಯತ್ನಿಸುತ್ತಿದ್ದಾರೆ. ಬಹಳ ಸಮಯದ ನಂತರ ಅವರಿಗೆ ಯಶಸ್ಸು ಸಿಕ್ಕಿತು. 13ನೇ ಓವರ್ನಲ್ಲಿ, ಡ್ವೇನ್ ಪ್ರಿಟೋರಿಯಸ್ ಅವರ ಮೂರನೇ ಎಸೆತದಲ್ಲಿ ವಿಲಿಯಮ್ಸನ್ ಸ್ಟೆಪ್‌ಗಳನ್ನು ಬಳಸಿ ಲಾಂಗ್ ಆನ್‌ನಲ್ಲಿ ಸಿಕ್ಸರ್ ಪಡೆದರು. ಓವರ್‌ನಿಂದ 11 ರನ್.
13 ಓವರ್, SRH – 113/3
ಪೂರನ್ ಸಿಕ್ಸರ್
ಕ್ರೀಸ್‌ಗೆ ಬಂದ ಹೊಸ ಬ್ಯಾಟ್ಸ್‌ಮನ್ ನಿಕೋಲಸ್ ಪೂರನ್ 11ನೇ ಓವರ್ನಲ್ಲಿ ಸಿಕ್ಸರ್ ಬಾರಿಸಿದರು. ರವೀಂದ್ರ ಜಡೇಜಾ ಅವರ ಮೊದಲ ಬಾಲ್ ಶಾರ್ಟ್ ಆಗಿತ್ತು ಮತ್ತು ಪೂರನ್ ಅದನ್ನು ಎಳೆದು ಡೀಪ್ ಸ್ಕ್ವೇರ್ ಲೆಗ್ನಲ್ಲಿ ಸಿಕ್ಸರ್ ಬಾರಿಸಿದರು. ಆದರೆ, ಓವರ್‌ನಿಂದ ಮತ್ತೆ ಹೆಚ್ಚು ರನ್ ಬರಲಿಲ್ಲ. ಓವರ್‌ನಿಂದ 8 ರನ್.
11 ಓವರ್‌ಗಳು, SRH- 97/3
ಮೂರನೇ ವಿಕೆಟ್ ಪತನ
ಹೈದರಾಬಾದ್‌ನ ಮೂರನೇ ವಿಕೆಟ್ ಕೂಡ ಪತನಗೊಂಡಿದ್ದು, ಏಡನ್ ಮರ್ಕ್ರಾಮ್ ಔಟಾಗಿದ್ದಾರೆ. ಸ್ಯಾಂಟಂಡರ್ ಮಾರ್ಕ್ರಾಮ್ ಮೇಲೆ ಸೇಡು ತೀರಿಸಿಕೊಂಡಿದ್ದಾರೆ. 10ನೇ ಓವರ್ ನಲ್ಲಿ ಮಾರ್ಕ್ರಾಮ್ ಸತತ ಎರಡು ಸಿಕ್ಸರ್ ಬಾರಿಸಿದರು. ನಂತರ ಮೂರನೇ ಎಸೆತದಲ್ಲಿ ಡೀಪ್ ಮಿಡ್ ವಿಕೆಟ್ನಲ್ಲಿ ಕ್ಯಾಚ್ ನೀಡಿದರು.
ಏಡನ್ ಮಾರ್ಕ್ರಾಮ್: 17 ರನ್ (10 ಎಸೆತಗಳು, 2×6), SRH – 88/3
ಮಾರ್ಕ್ರಾಮ್ ಸತತ ಎರಡು ಸಿಕ್ಸರ್
ಜಡೇಜಾ ಒಂದು ಕಡೆಯಿಂದ ರನ್‌ಗಳನ್ನು ನಿಯಂತ್ರಿಸುತ್ತಿದ್ದರೆ, ಹೈದರಾಬಾದ್ ಬ್ಯಾಟ್ಸ್‌ಮನ್‌ಗಳು ಇತರ ಬೌಲರ್‌ಗಳನ್ನು ಗುರಿಯಾಗಿಸಿಕೊಂಡಿದ್ದಾರೆ. ಈ ಸಮಯದಲ್ಲಿ ಮಾರ್ಕ್ರಾಮ್ ಮಿಚೆಲ್ ಸ್ಯಾಂಟ್ನರ್ ಅವರನ್ನು ಗುರಿಯತ್ತ ತೆಗೆದುಕೊಂಡು ಸತತ ಎರಡು ಎಸೆತಗಳಲ್ಲಿ ಎರಡು ಸಿಕ್ಸರ್ಗಳನ್ನು ಬಾರಿಸಿದರು. ಮಾರ್ಕ್ರಾಮ್ ಅವರ ಎರಡೂ ಸಿಕ್ಸರ್‌ಗಳು ನೇರ ಬೌಂಡರಿಯಿಂದ ಹೊರಗೆ ಬಿದ್ದವು.
ಜಡೇಜಾ ಬೆಸ್ಟ್ ಓವರ್
ನಾಯಕತ್ವ ತೊರೆದ ನಂತರ ಮೊದಲ ಪಂದ್ಯವನ್ನು ಆಡುತ್ತಿರುವ ಜಡೇಜಾ, ಸತತ ಎರಡನೇ ಓವರ್ ಅನ್ನು ಉತ್ತಮವಾಗಿ ಹಾಕಿದ್ದಾರೆ. ಈ ಬಾರಿ ಜಡೇಜಾ ವಿಶೇಷವಾಗಿ ವಿಲಿಯಮ್ಸನ್ ಅವರನ್ನು ಕಟ್ಟಿಹಾಕಿದರು. ಓವರ್‌ನಿಂದ ಕೇವಲ 3 ರನ್.
9 ಓವರ್‌ಗಳು, SRH- 75/2
ವಿಲಿಯಮ್ಸನ್ ಫೋರ್
ಅದೃಷ್ಟ ವಿಲಿಯಮ್ಸನ್ ಅವರನ್ನು ಬೆಂಬಲಿಸುತ್ತಿದೆ. ಒಂದು ಓವರ್ನಲ್ಲಿ ಕ್ಯಾಚ್ ಡ್ರಾಪ್ ಮಾಡಿದರೆ ಮುಂದಿನ ಓವರ್ನಲ್ಲಿ ಮತ್ತೆ ಔಟಾಗದಂತೆ ಪಾರಾದರು. ಸ್ಯಾಂಟ್ನರ್ ಅವರ ಓವರ್ನಲ್ಲಿ ವಿಲಿಯಮ್ಸನ್ ಕಟ್ ಶಾಟ್ ಹಾಕಲು ಪ್ರಯತ್ನಿಸಿದರು, ಆದರೆ ಸಂಪೂರ್ಣವಾಗಿ ಯಶಸ್ವಿಯಾಗಲಿಲ್ಲ ಮತ್ತು ಚೆಂಡು ಮೊದಲ ಸ್ಲಿಪ್‌ನಿಂದ 4 ರನ್‌ಗಳಿಗೆ ಹೋಯಿತು. ಓವರ್‌ನಿಂದ 10 ರನ್.
8 ಓವರ್, SRH- 72/2
ಕ್ಯಾಚ್ ಕೈಬಿಟ್ಟ ಧೋನಿ
ಎಸ್‌ಆರ್‌ಎಚ್ ನಾಯಕ ಕೇನ್ ವಿಲಿಯಮ್ಸನ್ ಜೀವದಾನ ಪಡೆದಿದ್ದು, ಸಿಎಸ್‌ಕೆ ನಾಯಕ ಎಂಎಸ್ ಧೋನಿ ಜೀವದಾನ ನೀಡಿದ್ದಾರೆ. 7ನೇ ಓವರ್ನಲ್ಲಿ ರವೀಂದ್ರ ಜಡೇಜಾ ಅವರ ಎರಡನೇ ಎಸೆತವನ್ನು ಥರ್ಡ್‌ಮ್ಯಾನ್‌ ಕಡೆ ಆಡುವ ಪ್ರಯತ್ನದಲ್ಲಿ ವಿಲಿಯಮ್ಸನ್ ಅವರು ಧೋನಿಗೆ ಕ್ಯಾಚ್ ನೀಡುವ ಅವಕಾಶವನ್ನು ನೀಡಿದರು, ಆದರೆ ಅನುಭವಿ ವಿಕೆಟ್‌ಕೀಪರ್ ಕ್ಯಾಚ್ ಅನ್ನು ಕೈಬಿಟ್ಟು ಎಲ್ಲರನ್ನು ಅಚ್ಚರಿಗೊಳಿಸಿದರು. ಓವರ್‌ನಿಂದ 4 ರನ್.
7 ಓವರ್‌ಗಳು, SRH- 62/2
ಎರಡನೇ ವಿಕೆಟ್ ಪತನ
ಹೈದರಾಬಾದ್ ಎರಡನೇ ವಿಕೆಟ್ ಕೂಡ ಪತನಗೊಂಡಿತು, ರಾಹುಲ್ ತ್ರಿಪಾಠಿ ಕೂಡ ಔಟಾದರು. ಮುಖೇಶ್ ಚೌಧರಿ ಸತತ ಎರಡು ಎಸೆತಗಳಲ್ಲಿ ಎರಡು ವಿಕೆಟ್ ಪಡೆದರು. ಅಭಿಷೇಕ್ ಶರ್ಮಾ ವಿಕೆಟ್ ಪಡೆದ ಬಳಿಕ ಕ್ರೀಸ್ ಗೆ ಬಂದ ತ್ರಿಪಾಠಿ ಅವರನ್ನು ಮೊದಲ ಎಸೆತದಲ್ಲಿಯೇ ಮುಖೇಶ್ ಪೆವಿಲಿಯನ್ಗೆ ಕಳುಹಿಸಿದರು. ಮುಖೇಶ್ಗೆ ಎರಡನೇ ವಿಕೆಟ್.
ರಾಹುಲ್ ತ್ರಿಪಾಠಿ: 0 (1 ಎಸೆತ); SRH- 58/2
ಮೊದಲ ವಿಕೆಟ್ ಪತನ
ಹೈದರಾಬಾದ್ಗೆ ಮೊದಲ ಹೊಡೆತ ಬಿದ್ದಿದ್ದು, ಅಭಿಷೇಕ್ ಶರ್ಮಾ ಔಟಾಗಿದ್ದಾರೆ.
ಅಭಿಷೇಕ್ ಶರ್ಮಾ: 39 ರನ್ (24 ಎಸೆತ, 5×4, 1×6); SRH- 58/1
SRH ಅರ್ಧಶತಕ
ಹೈದರಾಬಾದ್ ಕೇವಲ 5 ಓವರ್‌ಗಳಲ್ಲಿ 50 ರನ್ ಪೂರೈಸಿದೆ. ಐದನೇ ಓವರ್ನಲ್ಲಿ ಬೌಲಿಂಗ್ ಮಾಡಲು ಬಂದ ಸ್ಪಿನ್ನರ್ ಮಹಿಷ್ ಟೀಕ್ಷಣ ಅವರ ಓವರ್ನಲ್ಲಿ ಹೈದರಾಬಾದ್ ಯಾವುದೇ ಬೌಂಡರಿ ಪಡೆಯದಿದ್ದರೂ, ಆರಂಭಿಕ ವೇಗದ ಲಾಭ ಪಡೆದ ತಂಡವು 5 ಓವರ್‌ಗಳಲ್ಲಿ 50 ರನ್ ಪೂರೈಸಿತು. ಈ ಓವರ್‌ನಿಂದ 6 ರನ್.
5 ಓವರ್‌ಗಳು, SRH- 52/0
ಅಭಿಷೇಕ್ ಜೀವದಾನ
ಸ್ಯಾಂಟ್ನರ್ ಮೇಲೆ ಬೌಂಡರಿ ಮತ್ತು ಸಿಕ್ಸರ್ ಬಾರಿಸಿದ ನಂತರ ಅಭಿಷೇಕ್ ಶರ್ಮಾ ಕೂಡ ಜೀವದಾನ ಪಡೆದರು. ಅಭಿಷೇಕ್ ಸ್ಯಾಂಟ್ನರ್ ಅವರ ಐದನೇ ಚೆಂಡನ್ನು ಮಿಡ್-ಆಫ್ ಮೇಲೆ ಎಳೆಯಲು ಪ್ರಯತ್ನಿಸಿದರು, ಆದರೆ ಯಶಸ್ವಿಯಾಗಲಿಲ್ಲ. ನೇರ ಮತ್ತು ಸುಲಭವಾದ ಕ್ಯಾಚ್ ಅಲ್ಲಿಯೇ ನಿಂತಿದ್ದ ಫೀಲ್ಡರ್ ಮುಖೇಶ್ ಚೌಧರಿ ಅವರ ಕೈಗೆ ಬಂದಿತು, ಅದನ್ನು ಅವರು ಕೈಬಿಟ್ಟರು. ಈ ಓವರ್‌ನಿಂದ 12 ರನ್.
3 ಓವರ್, SRH- 36/0
ವಿಲಿಯಮ್ಸನ್ ಸಿಕ್ಸರ್
ಐಪಿಎಲ್‌ಗೆ ಪದಾರ್ಪಣೆ ಮಾಡುತ್ತಿರುವ ಬಲಗೈ ವೇಗದ ಬೌಲರ್ ಸಿಮರ್‌ಜಿತ್ ಸಿಂಗ್ ಅವರ ಆರಂಭ ಉತ್ತಮವಾಗಿರಲಿಲ್ಲ. ಕೇನ್ ವಿಲಿಯಮ್ಸನ್ ಓವರ್‌ನ ಎರಡನೇ ಎಸೆತವನ್ನು ಕಟ್ ಮಾಡಿ ಬ್ಯಾಕ್‌ವರ್ಡ್ ಪಾಯಿಂಟ್‌ನಲ್ಲಿ ಬೌಂಡರಿ ಪಡೆದರು. ನಂತರ ಸಿಮರ್ಜೀತ್ ನೋ-ಬಾಲ್ ಎಸೆದರು, ವಿಲಿಯಮ್ಸನ್ ಅದರ ಮೇಲೆ ಸ್ಕ್ವೇರ್ ಲೆಗ್ನಲ್ಲಿ ಸಿಕ್ಸರ್ ಹೊಡೆದರು. ಎರಡನೇ ಓವರ್ನಲ್ಲಿ 14 ರನ್.
2 ಓವರ್‌ಗಳು, SRH – 24/0
ಅಭಿಷೇಕ್ ಆಕ್ರಮಣಕಾರಿ ಆರಂಭ
ಸನ್‌ರೈಸರ್ಸ್ ಹೈದರಾಬಾದ್ ಇನ್ನಿಂಗ್ಸ್ ಆರಂಭವಾಗಿದ್ದು, ಮೊದಲ ಓವರ್‌ನಲ್ಲೇ ಆರಂಭಿಕ ಆಟಗಾರ ಅಭಿಷೇಕ್ ಶರ್ಮಾ ಮುಖೇಶ್ ಚೌಧರಿ ಅವರ ಕೊನೆಯ ಎರಡು ಎಸೆತಗಳಲ್ಲಿ ಎರಡು ಬೌಂಡರಿಗಳನ್ನು ಬಾರಿಸಿದರು. ಮೊದಲ ಓವರ್‌ನಿಂದ 10 ರನ್.
1 ಓವರ್, SRH – 10/0
ಹೈದರಾಬಾದ್ಗೆ 202 ರನ್ ಟಾರ್ಗೆಟ್
ಅಂತಿಮವಾಗಿ CSK 200ರ ಗಡಿ ದಾಟಿದೆ. ಕೊನೆಯ ಓವರ್ನಲ್ಲಿ, ಕಾನ್ವೇ ಅವರು ನಟರಾಜನ್ ಅವರ ನಾಲ್ಕು ಮತ್ತು ಐದನೇ ಎಸೆತಗಳನ್ನು ಲಾಂಗ್ ಆನ್ ಮತ್ತು ಫೈನ್ ಲೆಗ್ ಕಡೆಗೆ ಆಡಿ ಸತತ ಎರಡು ಬೌಂಡರಿಗಳನ್ನು ಗಳಿಸಿದರು ಮತ್ತು ತಂಡವನ್ನು 202 ರನ್‌ಗಳಿಗೆ ಕೊಂಡೊಯ್ದರು. ಕಾನ್ವೆ ಕೊನೆಯ ಓವರ್ನಲ್ಲಿ 11 ರನ್ ಹಾಗೂ 85 ರನ್ ಗಳಿಸಿ ಅಜೇಯರಾಗಿ ಮರಳಿದರು.
20 ಓವರ್‌ಗಳು, CSK – 202/2
ಎರಡನೇ ವಿಕೆಟ್ ಪತನ
ಚೆನ್ನೈನ ಎರಡನೇ ವಿಕೆಟ್ ಪತನವಾಗಿದ್ದು, ಎಂಎಸ್ ಧೋನಿ ಔಟಾಗಿದ್ದಾರೆ.
ಧೋನಿ ಫೋರ್
ಧೋನಿ ಇಂದು ಸ್ವತಃ ಬಡ್ತಿ ಪಡೆದು ಮೂರನೇ ಸ್ಥಾನದಲ್ಲಿ ಬ್ಯಾಟಿಂಗ್ಗಿಳಿದರು. 19ನೇ ಓವರ್ನಲ್ಲಿ ಉಮ್ರಾನ್ ಮಲಿಕ್ ಅವರ ಕೊನೆಯ ಎಸೆತದಲ್ಲಿ ಧೋನಿ 4 ರನ್‌ಗಳಿಗೆ ಕಳುಹಿಸಿದರು. ಓವರ್‌ನಿಂದ 8 ರನ್.
19 ಓವರ್‌ಗಳು, CSK – 191/1
ಮೊದಲ ವಿಕೆಟ್ ಪತನ
ಚೆನ್ನೈನ ಮೊದಲ ವಿಕೆಟ್ ಪತನವಾಗಿದ್ದು, ರಿತುರಾಜ್ ಗಾಯಕ್ವಾಡ್ ಶತಕ ವಂಚಿತರಾದರು. ರಿತುರಾಜ್ ಕೇವಲ 1 ರನ್ ಅಂತರದಿಂದ ತಮ್ಮ ಎರಡನೇ ಐಪಿಎಲ್ ಶತಕವನ್ನು ತಪ್ಪಿಸಿಕೊಂಡರು. 18ನೇ ಓವರ್ನಲ್ಲಿ ನಟರಾಜನ್ ಅವರ ಐದನೇ ಎಸೆತವನ್ನು ಥರ್ಡ್ ಮ್ಯಾನ್ ಕಡೆಗೆ ಆಡಲು ರಿತುರಾಜ್ ಪ್ರಯತ್ನಿಸಿದರು, ಆದರೆ ಅವರ ಕಟ್ ಶಾಟ್ ಬ್ಯಾಕ್‌ವರ್ಡ್ ಪಾಯಿಂಟ್ ಫೀಲ್ಡರ್ ಕೈಗೆ ಹೋಯಿತು. ಅಮೋಘ ಇನ್ನಿಂಗ್ಸ್ ನಿರಾಶಾದಾಯಕ ಅಂತ್ಯ ಕಂಡಿತು.
ಭುವಿ ಸೂಪರ್ ಸ್ಪೆಲ್
ಭುವನೇಶ್ವರ್ ಕುಮಾರ್ ಮತ್ತೊಂದು ಉತ್ತಮ ಓವರ್ ಹಾಕಿದ್ದು, ಇದು ರನ್‌ಗಳ ವೇಗಕ್ಕೆ ಮತ್ತೆ ಸ್ವಲ್ಪ ಹಿಡಿತವನ್ನುಂಟು ಮಾಡಿದೆ. 17ನೇ ಓವರ್ನಲ್ಲಿ ಬೌಲಿಂಗ್ ಮಾಡಲು ಬಂದ ಭುವನೇಶ್ವರ್, ಕಾನ್ವೆ ಮತ್ತು ರಿತುರಾಜ್ಗೆ ಮತ್ತೆ ಯಾವುದೇ ಬೌಂಡರಿ ಪಡೆಯಲು ಅವಕಾಶ ನೀಡಲಿಲ್ಲ ಮತ್ತು ಇಡೀ ಓವರ್ನಲ್ಲಿ ಕೇವಲ 6 ರನ್ ನೀಡಿದರು.
17 ಓವರ್‌ಗಳು, CSK – 172/0
ನರ್ವಸ್ ನೈಂಟಿಗೆ ರುತುರಾಜ್ ಎಂಟ್ರಿ
ರುತುರಾಜ್ ಗಾಯಕ್ವಾಡ್ ಶತಕದ ಸನಿಹದಲ್ಲಿದ್ದಾರೆ. 16ನೇ ಓವರ್ನಲ್ಲಿ ಟಿ ನಟರಾಜನ್ ಅವರ ನಾಲ್ಕನೇ ಎಸೆತವನ್ನು ಸ್ಕ್ವೇರ್ ಲೆಗ್ ಕಡೆಗೆ ಆಡಿದ ರಿತು ಬೌಂಡರಿ ಪಡೆದರು. ಇದರೊಂದಿಗೆ ರಿತುರಾಜ್ 90 ರನ್ ಗಡಿ ದಾಟಿದ್ದಾರೆ. CSK ಗೆ ಮತ್ತೊಂದು ಉತ್ತಮ ಓವರ್, 13 ರನ್ಗಳು ಬಂದವು.
16 ಓವರ್, CSK – 166/0
ಕಾನ್ವೇ ಅಬ್ಬರ
ಮೊದಲ ಎಸೆತದಲ್ಲಿ ಸಿಕ್ಸರ್ ಬಾರಿಸಿದ ನಂತರವೂ ಕಾನ್ವೇ ನಿಲ್ಲಲಿಲ್ಲ. ಸಿಕ್ಸರ್ ನಂತರ, ಕಾನ್ವೇ ಸ್ಕ್ವೇರ್ ಲೆಗ್ನಲ್ಲಿ ಬೌಂಡರಿ ಬಾರಿಸಿದರು ಮತ್ತು ನಂತರ ನಾಲ್ಕನೇ ಚೆಂಡನ್ನು ಲಾಂಗ್ ಆಫ್ ಬೌಂಡರಿ ಹೊರಗೆ ಸಿಕ್ಸರ್‌ಗೆ ಕಳುಹಿಸಿದರು. ಓವರ್‌ನಿಂದ 20 ರನ್ ಬಂದಿದ್ದು CSK ಗೆ 150 ರನ್ ಕೂಡ ಪೂರ್ಣಗೊಂಡಿತು.
15 ಓವರ್, CSK – 153/0
ಕಾನ್ವೇ ಅರ್ಧಶತಕ
ಡೆವೊನ್ ಕಾನ್ವೆ ಕೂಡ ಮೊದಲ ಅರ್ಧಶತಕ ಪೂರೈಸಿದ್ದಾರೆ. ಎರಡನೇ ಐಪಿಎಲ್ ಪಂದ್ಯವನ್ನಾಡುತ್ತಿರುವ ಕಾನ್ವೆ 39 ಎಸೆತಗಳಲ್ಲಿ ತಮ್ಮ ಅರ್ಧಶತಕ ಪೂರೈಸಿದರು.
ಕಾನ್ವೇ ಫೋರ್
ಕಾನ್ವೆ ರಿತುರಾಜ್ ಅವರ ವೇಗದಲ್ಲಿ ಬ್ಯಾಟಿಂಗ್ ಮಾಡದಿರಬಹುದು, ಆದರೆ ನಡುವೆ ಬೌಂಡರಿಗಳನ್ನು ಹೊಡೆಯುತ್ತಿದ್ದಾರೆ. 14 ನೇ ಓವರ್ನಲ್ಲಿ, ಶಶಾಂಕ್ ಸಿಂಗ್ ಬೌಲಿಂಗ್ಗೆ ಬಂದರು. ಕಾನ್ವೇ ಎರಡನೇ ಎಸೆತವನ್ನು ಕಟ್ ಮಾಡಿ ಡೀಪ್ ಬ್ಯಾಕ್‌ವರ್ಡ್ ಪಾಯಿಂಟ್‌ನಲ್ಲಿ 4 ರನ್ ಗಳಿಸಿದರು. ಓವರ್‌ನಿಂದ 10 ರನ್.
14 ಓವರ್, CSK- 133/0
ಭುವನೇಶ್ವರ್ ಉತ್ತಮ ಓವರ್
ಭುವನೇಶ್ವರ್ ಕುಮಾರ್ ಕೊನೆಯ 4-5 ಓವರ್‌ಗಳಲ್ಲಿ ಸತತ ರನ್‌ಗಳ ಮಳೆಗೆ ಲಗಾಮು ಹಾಕಿದರು. 13ನೇ ಓವರ್ನಲ್ಲಿ ಬೌಲಿಂಗ್ ಮಾಡಲು ಬಂದ ಅನುಭವಿ ವೇಗಿ ಕಾನ್ವೆ ಹಾಗೂ ರಿತುರಾಜ್ಗೆ ಯಾವುದೇ ಬೌಂಡರಿ ಕಲೆಹಾಕಲು ಅವಕಾಶ ನೀಡಲಿಲ್ಲ. ಹೈದರಾಬಾದ್ಗೆ ಉತ್ತಮ ಓವರ್, ಅದರಲ್ಲಿ ಕೇವಲ 6 ರನ್ ಬಂದವು.
13 ಓವರ್, CSK- 123/0
ರುತುರಾಜ್ ಅಮೋಘ ಸಿಕ್ಸರ್
ಸದ್ಯ ರುತುರಾಜ್ ಎದುರು ಸನ್ ರೈಸರ್ಸ್ ಬೌಲರ್ಗಳು ಯಾರೂ ಪ್ರಭಾವ ಬೀರಲು ಸಾಧ್ಯವಾಗಿಲ್ಲ. ಅದರಲ್ಲೂ ಉಮ್ರಾನ್ ವೇಗ ಸಂಪೂರ್ಣ ವಿಫಲವಾಗಿದ್ದಾರೆ. 12ನೇ ಓವರ್ನಲ್ಲಿ ಬಂದ ಉಮ್ರಾನ್ ವಿರುದ್ಧ ರಿತುರಾಜ್ ಮತ್ತೊಮ್ಮೆ ಮಿಡ್ ಆನ್ ಕಡೆಗೆ ಬೌಂಡರಿ ಬಾರಿಸಿದರು. ಈ ಓವರ್‌ನಿಂದ 17 ರನ್ಗಳು ಬಂದವು.
12 ಓವರ್, CSK – 117/0
ರುತುರಾಜ್ ಬಲಿಷ್ಠ ಅರ್ಧಶತಕ
ರುತುರಾಜ್ ಗಾಯಕ್ವಾಡ್ ಅಮೋಘ ಅರ್ಧಶತಕ ಬಾರಿಸಿದ್ದಾರೆ. 10ನೇ ಓವರ್ನಲ್ಲಿ ಉಮ್ರಾನ್ ಎಸೆತಗಳಲ್ಲಿ ಸತತ ಎರಡು ಬೌಂಡರಿಗಳನ್ನು ಗಳಿಸಿದ ರಿತುರಾಜ್ ಕೇವಲ 33 ಎಸೆತಗಳಲ್ಲಿ ಅರ್ಧಶತಕ ಗಳಿಸಿದರು. ಇದು ಈ ಋತುವಿನಲ್ಲಿ ರಿತುರಾಜ್ ಅವರ ಎರಡನೇ ಅರ್ಧಶತಕ ಮತ್ತು ಅವರ ಐಪಿಎಲ್ ವೃತ್ತಿಜೀವನದ 10 ನೇ ಅರ್ಧಶತಕವಾಗಿದೆ. ಈ ಓವರ್ನಲ್ಲಿ 11 ರನ್.
10 ಓವರ್‌ಗಳು, CSK- 85/0
ಕಾನ್ವೇ ಫೋರ್
ರಿತುರಾಜ್ ದಾಳಿಯು ಕಾನ್ವೆಗೆ ಉತ್ತೇಜನ ನೀಡಿದ್ದು ಎಡಗೈ ಬ್ಯಾಟ್ಸ್‌ಮನ್ 9 ನೇ ಓವರ್ನಲ್ಲಿ ಮಾರ್ಕ್ರಾಮ್ ವಿರುದ್ಧ ಸತತ ಎಸೆತಗಳಲ್ಲಿ ಬೌಂಡರಿ ಮತ್ತು ಸಿಕ್ಸರ್ಗಳನ್ನು ಹೊಡೆದರು. CSK ಗೆ ಮತ್ತೊಂದು ಉತ್ತಮ ಓವರ್, ಅದರಲ್ಲಿ 14 ರನ್.
9 ಓವರ್‌ಗಳು, CSK- 74/0
ಗಾಯಕ್ವಾಡ್ ಅಬ್ಬರ
ಎಂಟನೇ ಓವರ್ನಲ್ಲಿ ಬೌಲಿಂಗ್ ಮಾಡಲು ಬಂದ ಉಮ್ರಾನ್ ಮಲಿಕ್ ಅವರ ಮೊದಲ ಓವರ್ ತುಂಬಾ ದುಬಾರಿಯಾಗಿತ್ತು. ಉಮ್ರಾನ್ ವೇಗ ಹೆಚ್ಚಿಸಿದ ತಕ್ಷಣ ಗಾಯಕ್ವಾಡ್ ಸತತ ಎರಡು ಎಸೆತಗಳಿಗೆ ಬೌಂಡರಿಯ ದಿಕ್ಕನ್ನು ತೋರಿಸಿದರು. ಮೊದಲು ಗಾಯಕ್ವಾಡ್ ಕವರ್‌ ಮೇಲೆ ಶಾಟ್ ಆಡಿ 4 ರನ್ ಗಳಿಸಿದರು. ನಂತರ ಮುಂದಿನ ಚೆಂಡನ್ನು ಲಾಂಗ್ ಆನ್ ಕಡೆಗೆ ಆಡುತ್ತಾ, ಸಿಕ್ಸರ್ ಬಾರಿಸಿದರು. ಓವರ್‌ನಿಂದ 13 ರನ್.
8 ಓವರ್‌ಗಳು, CSK – 60/0
ಕಾನ್ವೆ ಸ್ವೀಪ್ ಶಾಟ್
ಏಳನೇ ಓವರ್ನಲ್ಲಿ ಮೊದಲ ಬಾರಿಗೆ ಸ್ಪಿನ್ ಬೌಲಿಂಗ್ ಮಾಡಿದ್ದು ಏಡನ್ ಮಾರ್ಕ್ರಾಮ್ ಬೌಲಿಂಗ್ ಹಾಕಿದರು. ಕಾನ್ವೇ ಸ್ವೀಪ್ ಮಾಡಿ ಸ್ಕ್ವೇರ್ ಲೆಗ್ನಲ್ಲಿ 4 ರನ್ ಗಳಿಸಿದರು. ಓವರ್‌ನಿಂದ 7 ರನ್.
7 ಓವರ್, CSK – 47/0
ಐಪಿಎಲ್ನಲ್ಲಿ 1000 ರನ್ ಪೂರೈಸಿದ ರುತುರಾಜ್
ರಿತುರಾಜ್ ಐಪಿಎಲ್ನಲ್ಲಿ 1000 ರನ್ ಪೂರೈಸಿದ್ದಾರೆ ಮತ್ತು ಈ ಮೂಲಕ ಸಚಿನ್ ತೆಂಡೂಲ್ಕರ್ ಅವರ ದಾಖಲೆಯನ್ನು ಸರಿಗಟ್ಟಿದ್ದಾರೆ. ರಿತುರಾಜ್ ಈ 1000 ರನ್‌ಗಳನ್ನು ಕೇವಲ 31 ಪಂದ್ಯಗಳಲ್ಲಿ ಪೂರ್ಣಗೊಳಿಸಿದರು ಮತ್ತು ಈ ಮೂಲಕ ವೇಗವಾಗಿ 1000 ರನ್ ಗಳಿಸಿದ ಭಾರತೀಯ ಬ್ಯಾಟ್ಸ್‌ಮನ್‌ಗಳಲ್ಲಿ ತೆಂಡೂಲ್ಕರ್ ಅವರ ದಾಖಲೆಯನ್ನು ಸರಿಗಟ್ಟಿದರು. ಮುಂಬೈ ಪರ ಆಡುವಾಗ ಸಚಿನ್ 31 ಇನ್ನಿಂಗ್ಸ್‌ಗಳಲ್ಲಿ 1000 ರನ್ ಪೂರೈಸುವ ಮೂಲಕ ದಾಖಲೆ ಬರೆದಿದ್ದಾರೆ.
ರುತುರಾಜ್ ಮತ್ತೊಂದು ಸಿಕ್ಸರ್
ರುತುರಾಜ್ ಗಾಯಕ್ವಾಡ್ ಇಂದಿನ ಇನ್ನಿಂಗ್ಸ್‌ನ ಎರಡನೇ ಸಿಕ್ಸರ್ ಬಾರಿಸಿದ್ದಾರೆ. ಆರನೇ ಓವರ್‌ನಲ್ಲೂ ಗಾಯಕ್ವಾಡ್ ಅದೇ ಹುಕ್ ಶಾಟ್‌ನಲ್ಲಿ ಫೈನ್ ಲೆಗ್ನಲ್ಲಿ ಸಿಕ್ಸರ್ ಬಾರಿಸಿದರು. ಓವರ್‌ನಿಂದ 9 ರನ್ಗಳು ಬಂದಿದ್ದು ಪವರ್‌ಪ್ಲೇ ಮುಗಿದಿದೆ.
6 ಓವರ್, CSK – 40/0
ರಿತುರಾಜ್ ಅಮೋಘ ಪುಲ್ ಶಾಟ್
ರಿತುರಾಜ್ ಗಾಯಕ್ವಾಡ್ ಮತ್ತೊಂದು ಪುಲ್ ಶಾಟ್ ಆಡಿದ್ದು ಈ ಬಾರಿ ಬೌಂಡರಿ ಗಳಿಸಿದ್ದಾರೆ. ಐದನೇ ಓವರ್ನಲ್ಲಿ ಬೌಲಿಂಗ್ ಮಾಡಲು ಬಂದ ಎಡಗೈ ವೇಗಿ ಟಿ ನಟರಾಜನ್ ಅವರ ಐದನೇ ಎಸೆತವನ್ನು ಗಾಯಕ್ವಾಡ್ ಎಳೆದು ಡೀಪ್ ಸ್ಕ್ವೇರ್ ಲೆಗ್ನಲ್ಲಿ ಬೌಂಡರಿ ಬಾರಿಸಿದರು. ಓವರ್‌ನಿಂದ 8 ರನ್.
5 ಓವರ್, CSK – 31/0
ಸುಂದರ್ ವಿಚಿತ್ರ ಫೀಲ್ಡಿಂಗ್
ಇಂದಿನ ದಿನದಲ್ಲಿ, ಆಟಗಾರರು ಫೀಲ್ಡಿಂಗ್ನಲ್ಲಿ ಪ್ರಭಾವ ಬೀರುತ್ತಿಲ್ಲ. ದೆಹಲಿ ವಿರುದ್ಧ ಲಕ್ನೋದ ಫೀಲ್ಡರ್‌ಗಳು ಲೆಕ್ಕವಿಲ್ಲದಷ್ಟು ತಪ್ಪುಗಳನ್ನು ಮಾಡಿದರು. ಇದೀಗ ಹೈದರಾಬಾದ್‌ನ ವಾಷಿಂಗ್ಟನ್ ಸುಂದರ್ ಕೂಡ ವಿಚಿತ್ರ ಫೀಲ್ಡಿಂಗ್ ಮಾಡಿದರು. ನಾಲ್ಕನೇ ಓವರ್ನಲ್ಲಿ ಗಾಯಕ್ವಾಡ್ ಯಾನ್ಸನ್ ಅವರ ಚೆಂಡನ್ನು ಡೀಪ್ ಸ್ಕ್ವೇರ್ ಲೆಗ್ ಕಡೆಗೆ ಎಳೆದರು. ಫೈನ್ ಲೆಗ್ನಲ್ಲಿ ನಿಂತಿದ್ದ ಸುಂದರ್ ಡೈವ್ ಮಾಡಿ ಬೌಂಡರಿಯಿಂದ ಚೆಂಡನ್ನು ನಿಲ್ಲಿಸಿದರು. ಚೆಂಡು ಅವರ ಕೈಯಿಂದ ಚಿಮುಕಿ ನಂತರ ಬೌಂಡರಿ ಕಡೆಗೆ ಹೋಗಲಾರಂಭಿಸಿತು. ಸುಂದರ್ ನಂತರ ಜಿಗಿದು ಅದನ್ನು ಹಿಡಿದರು, ಆದೆ ಚೆಂಡು ಮತ್ತೆ ಅವರ ಕೈಯಿಂದ ಬಿದ್ದಿತು. ಅಂತಿಮವಾಗಿ ಮೂರನೇ ಪ್ರಯತ್ನದಲ್ಲಿ ಯಶಸ್ವಿಯಾಗಿ ಚೆಂಡನ್ನು ಹಿಡಿದರು. CSK 3 ರನ್ ಗಳಿಸಿತು.
4 ಓವರ್, CSK- 23/0
ಕಾನ್ವೇ ಅದ್ಭುತ ಶಾಟ್
ಐಪಿಎಲ್ನಲ್ಲಿ ತಮ್ಮ ಛಾಪು ಮೂಡಿಸಲು ಉತ್ಸುಕರಾಗಿರುವ ನ್ಯೂಜಿಲೆಂಡ್ ಬ್ಯಾಟ್ಸ್‌ಮನ್ ಡೆವೊನ್ ಕಾನ್ವೇ ಈ ಪಂದ್ಯದಲ್ಲಿ ತಮ್ಮ ಮೊದಲ ಬೌಂಡರಿ ಗಳಿಸಿದ್ದಾರೆ. ಓವರ್‌ನಿಂದ 9 ರನ್.
3 ಓವರ್, CSK – 18/0
ಗಾಯಕ್ವಾಡ್ ಮೊದಲ ಸಿಕ್ಸರ್
ಸಿಎಸ್‌ಕೆ ಇನ್ನಿಂಗ್ಸ್‌ನ ಮೊದಲ ಬೌಂಡರಿ ಎರಡನೇ ಓವರ್ನಲ್ಲಿ ಬಂದಿತ್ತು. ಎಡಗೈ ಮಧ್ಯಮ ವೇಗಿ ಮಾರ್ಕೊ ಯಾನ್ಸನ್ ಲೆಗ್-ಸ್ಟಂಪ್‌ನ ಲೈನ್‌ನಲ್ಲಿದ್ದ ಮೂರನೇ ಚೆಂಡನ್ನು ರಿತುರಾಜ್ ಹುಕ್ ಮಾಡಿ ಫೈನ್ ಲೆಗ್ನಲ್ಲಿ ಶಾರ್ಟ್ ಬೌಂಡರಿ ಲಾಭ ಪಡೆದು 6 ರನ್ ಗಳಿಸಿದರು.
CSK ಬ್ಯಾಟಿಂಗ್ ಆರಂಭ
ಚೆನ್ನೈ ಸೂಪರ್ ಕಿಂಗ್ಸ್ ಬ್ಯಾಟಿಂಗ್ ಆರಂಭಿಸಿದ್ದು, ಈ ಬಾರಿ ಡೆವೊನ್ ಕಾನ್ವೇ ಅವರು ರಿತುರಾಜ್ ಗಾಯಕ್ವಾಡ್ ಅವರೊಂದಿಗೆ ಆರಂಭಿಕರಾಗಿ ಆಗಮಿಸಿದ್ದಾರೆ. ಭುವನೇಶ್ವರ್ ಅವರ ಈ ಮೊದಲ ಓವರ್ ನಿರೀಕ್ಷೆಯಂತೆ ಬಿಗಿಯಾಗಿತ್ತು ಮತ್ತು ಕೇವಲ 3 ರನ್ ಬಂತು.
1 ಓವರ್, CSK – 3/0
ಚೆನ್ನೈನ ಪ್ಲೇಯಿಂಗ್ XI
ಎಂಎಸ್ ಧೋನಿ (ನಾಯಕ), ರಿತುರತ್ ಗಾಯಕ್ವಾಡ್, ರಾಬಿನ್ ಉತ್ತಪ್ಪ, ಡೆವೊನ್ ಕಾನ್ವೆ, ಮಿಚೆಲ್ ಸ್ಯಾಂಟ್ನರ್, ಅಂಬಟಿ ರಾಯುಡು, ರವೀಂದ್ರ ಜಡೇಜಾ, ಡ್ವೇನ್ ಪ್ರಿಟೋರಿಯಸ್, ಸಿಮಾರ್ಜಿತ್ ಸಿಂಗ್, ಮುಖೇಶ್ ಚೌಧರಿ ಮತ್ತು ಮಹಿಷ್ ತೀಕ್ಷಣ.
ಸನ್‌ರೈಸರ್ಸ್ ಪ್ಲೇಯಿಂಗ್ XI
ಕೇನ್ ವಿಲಿಯಮ್ಸನ್ (ನಾಯಕ), ಅಭಿಷೇಕ್ ಶರ್ಮಾ, ರಾಹುಲ್ ತ್ರಿಪಾಠಿ, ಏಡನ್ ಮಾರ್ಕ್ರಾಮ್, ನಿಕೋಲಸ್ ಪೂರನ್, ಶಶಾಂಕ್ ಸಿಂಗ್, ವಾಷಿಂಗ್ಟನ್ ಸುಂದರ್, ಭುವನೇಶ್ವರ್ ಕುಮಾರ್, ಮಾರ್ಕೊ ಯಾನ್ಸನ್, ಟಿ. ನಟರಾಜನ್, ಉಮ್ರಾನ್ ಮಲಿಕ್
ಟಾಸ್ ಗೆದ್ದ ಹೈದರಾಬಾದ್
ಸನ್‌ರೈಸರ್ಸ್ ಹೈದರಾಬಾದ್ ನಾಯಕ ಕೇನ್ ವಿಲಿಯಮ್ಸನ್ ಮತ್ತೊಮ್ಮೆ ಟಾಸ್ ಗೆದ್ದು ಮತ್ತೊಮ್ಮೆ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ. ಹಿಂದಿನ ಪಂದ್ಯದಲ್ಲಿ ಸೋತಿದ್ದರೂ, ಆಡುವ XI ನಲ್ಲಿ ಹೈದರಾಬಾದ್ ಯಾವುದೇ ಬದಲಾವಣೆ ಮಾಡಿಲ್ಲ.
Published On - May 01,2022 7:36 PM
