SL vs PAK 1st Test: ಶತಕದತ್ತ ಧನಂಜಯ ಡಿಸಿಲ್ವಾ, ಅಫ್ರಿದಿ 3 ವಿಕೆಟ್: ಮೊದಲ ದಿನದಾಟದ ಅಂತ್ಯಕ್ಕೆ ಶ್ರೀಲಂಕಾ 242-6
ಟಾಸ್ ಗೆದ್ದ ಶ್ರೀಲಂಕಾ ತಂಡದ ನಾಯಕ ದಿಮುತ್ ಕರುಣರತ್ನೆ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಆದರೆ, ಆರಂಭದಲ್ಲೇ ಶಾಹಿನ್ ಅಫ್ರಿದಿ ಲಂಕಾನ್ನರಿಗೆ ಆಘಾತ ನೀಡಿದರು. ತಂಡದ ಮೊತ್ತ 54 ಆಗುವಷ್ಟರಲ್ಲಿ 4 ವಿಕೆಟ್ಗಳು ಪತನಗೊಂಡವು.
ಸಿಂಹಳೀಯರ ನಾಡಿಗೆ ಪ್ರವಾಸ ಬೆಳೆಸಿರುವ ಪಾಕಿಸ್ತಾನ ಕ್ರಿಕೆಟ್ ತಂಡ (SL vs PAK) ಟೆಸ್ಟ್ ಸರಣಿ ಆಡುತ್ತಿದೆ. ಗಲ್ಲೆಯ ಅಂತರರಾಷ್ಟ್ರೀಯ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದ ಮೊದಲ ದಿನ ಪ್ರವಾಸಿ ಪಾಕಿಸ್ತಾನ ತಂಡ ಯಶಸ್ಸು ಸಾಧಿಸಿತು. ಶಾಹಿನ್ ಅಫ್ರಿದಿ (Shaheen Afridi) ಮಾರಕ ಬೌಲಿಂಗ್ ನಡೆಸಿದರು. ಲಂಕಾನ್ನರು ಪ್ರಥಮ ದಿನದಾಟದ ಅಂತ್ಯಕ್ಕೆ 6 ವಿಕೆಟ್ ಕಳೆದುಕೊಂಡು 242 ರನ್ ಗಳಿಸಿದೆ. ಏಕಾಂಗಿ ಹೋರಾಟ ನಡೆಸುತ್ತಿರುವ ಧನಂಜಯ ಡಿಸಿಲ್ವಾ (Dhananjay De Silva) 94 ರನ್ ಗಳಿಸಿ ಎರಡನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.
ಟಾಸ್ ಗೆದ್ದ ಶ್ರೀಲಂಕಾ ತಂಡದ ನಾಯಕ ದಿಮುತ್ ಕರುಣರತ್ನೆ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಆದರೆ, ಆರಂಭದಲ್ಲೇ ಶಾಹಿನ್ ಅಫ್ರಿದಿ ಲಂಕಾನ್ನರಿಗೆ ಆಘಾತ ನೀಡಿದರು. ತಂಡದ ಮೊತ್ತ 54 ಆಗುವಷ್ಟರಲ್ಲಿ 4 ವಿಕೆಟ್ಗಳು ಪತನಗೊಂಡವು. ನಿಶಾನ್ ಮಧುಶ್ಕಾ 4 ರನ್ಗೆ ಔಟಾದರೆ, ಕುಸಲ್ ಮೆಂಡಿಸ್ 12 ರನ್ಗೆ ನಿರ್ಗಮಿಸಿದರು. ನಾಯಕ ಕರುಣರತ್ನೆ ಆಟ 29 ರನ್ಗಳಿಗೆ ಅಂತ್ಯವಾಯಿತು. ದಿನೇಶ್ ಚಂದಿಮಲ್ ಕೂಡ 1 ರನ್ಗೆ ಬ್ಯಾಟ್ ಕೆಳಗಿಟ್ಟರು.
Amanjot Kaur: ಚೊಚ್ಚಲ ಪಂದ್ಯದಲ್ಲೇ ಇತಿಹಾಸ ನಿರ್ಮಿಸಿದ ಅಮನ್ಜೋತ್ ಕೌರ್
4 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ತಂಡಕ್ಕೆ ಹಿರಿಯ ಅನುಭವಿ ಬ್ಯಾಟರ್ಗಳಾದ ಆ್ಯಂಜಲೋ ಮ್ಯಾಥ್ಯೂಸ್ ಹಾಗೂ ಧನಂಜಯ ಡಿಸಿಲ್ವಾ ಆಸರೆಯಾದರು. ಪಾಕ್ ಬೌಲರ್ಗಳು ಎಚ್ಚರಿಕೆಯಿಂದ ಎದುರಿಸಿದ ಈ ಜೋಡಿ 131 ರನ್ಗಳ ಕಾಣಿಕೆ ನೀಡಿತು. ಮ್ಯಾಥ್ಯೂಸ್ 109 ಎಸೆತಗಳಲ್ಲಿ 64 ರನ್ಗೆ ಔಟಾದರು. ಬಳಿಕ ಕ್ರೀಸ್ಗೆ ಬಂದ ವಿಕೆಟ್ ಕೀಪರ್ ಸದೀರ ಸಮರವಿಕ್ರಮ ಚೆನ್ನಾಗಿಯೆ ಬ್ಯಾಟಿಂಗ್ ನಡೆಸುತ್ತಿದ್ದರು. ಆದರೆ, ದಿನದಾಟ ಅಂತ್ಯವಾಗುವ ಹೊತ್ತಿಗೆ ಔಟಾದರು.
ಸದೀರ 57 ಎಸೆತಗಳಲ್ಲಿ 36 ರನ್ ಗಳಿಸಿ ನಿರ್ಗಮಿಸಿದಾಗ ದಿನದಾಟವನ್ನು ಕೊನೆಗೊಳಿಸಲಾಯಿತು. ಶ್ರೀಲಂಕಾ 65.4 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 242 ರನ್ ಬಾರಿಸಿದೆ. ಧನಂಜಯ 157 ಎಸೆತಗಳಲ್ಲಿ 94 ರನ್ ಗಳಿಸಿ ಎರಡನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಪಾಕಿಸ್ತಾನ ಪರ ಶಾಹಿನ್ ಅಫ್ರಿದಿ 3 ವಿಕೆಟ್ ಕಿತ್ತಿದ್ದರೆ, ನಸೀಂ ಶಾ, ಅಬ್ರರ್ ಅಹ್ಮದ್ ಹಾಗೂ ಅಘ ಸಲ್ಮಾನ್ ತಲಾ 1 ವಿಕೆಟ್ ಪಡೆದರು.
100 ವಿಕೆಟ್ ಕಿತ್ತ ಶಾಹಿನ್ ಅಫ್ರಿದಿ:
ಶಾಹಿನ್ ಅಫ್ರಿದಿ ಟೆಸ್ಟ್ ಕ್ರಿಕೆಟ್ನಲ್ಲಿ 100 ವಿಕೆಟ್ ಪಡೆದ ಸಾಧನೆ ಮಾಡಿದ್ದಾರೆ. ಲಂಕಾ ಪರ ಆರಂಭಿಕರಾಗಿ ಕಣಕ್ಕಿಳಿದಿದ್ದ ನಿಶಾನ್ ಮಧುಶಂಕ ಅವರನ್ನು 4 ರನ್ಗಳಿಗೆ ಔಟ್ ಮಾಡುವ ಮೂಲಕ ಆಫ್ರಿದಿ ವಿಕೆಟ್ಗಳ ಶತಕ ಪೂರೈಸಿದರು. ಈ ಪಂದ್ಯಕ್ಕೂ ಮುನ್ನ ಅಫ್ರಿದಿ ತಮ್ಮ ವಿಕೆಟ್ಗಳ ಶತಕಕ್ಕೆ ಕೇವಲ ಒಂದು ವಿಕೆಟ್ ಅಂತರದಲ್ಲಿದ್ದರು. ಆದರೆ ಈ ವಿಕೆಟ್ ಪಡೆಯಲು ಅವರು ಒಂದು ವರ್ಷ ಕಾಯಬೇಕಾಯಿತು. ಈ ಹಿಂದೆ ಜುಲೈನಲ್ಲಿ ಶ್ರೀಲಂಕಾ ವಿರುದ್ಧ ಇದೇ ಮೈದಾನದಲ್ಲಿ ಕೊನೆಯ ಟೆಸ್ಟ್ ಪಂದ್ಯವನ್ನು ಆಡಿದ್ದರು. ಆದರೆ ಈ ಪಂದ್ಯದಲ್ಲಿ ಮೊಣಕಾಲಿನ ಗಾಯಕ್ಕೆ ತುತ್ತಾಗಿ ಕ್ರಿಕೆಟ್ನಿಂದ ಬಹಳ ಕಾಲ ದೂರ ಉಳಿದಿದ್ದರು.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ