ಜನವರಿಯಿಂದ ಡಿಸೆಂಬರ್​ ತನಕ: ಲೀಗ್ ಕ್ರಿಕೆಟ್ ರಸದೌತಣ..!

2024 ರಲ್ಲಿ ಕ್ರಿಕೆಟ್ (Cricket)​ ಪ್ರೇಮಿಗಳಿಗೆ ರಸದೌತಣ ಸಿಗಲಿರುವುದು ಖಚಿತ. ಏಕೆಂದರೆ ಈ ಬಾರಿಯ ವರ್ಷಾರಂಭದಿಂದಲೇ ಲೀಗ್ ಕ್ರಿಕೆಟ್ ಟೂರ್ನಿ​ಗಳು ಶುರುವಾಗುತ್ತಿದೆ. ಹೀಗೆ ಜನವರಿಯಿಂದ ಶುರುವಾಗುವ ಕ್ರಿಕೆಟ್ ಟೂರ್ನಿ ಮುಗಿಯುವುದು ಮುಂದಿನ ವರ್ಷ ಜನವರಿಯಲ್ಲಿ ಎಂಬುದು ವಿಶೇಷ. ಅಂದರೆ ಐಸಿಸಿ ಟೂರ್ನಿ ಹಾಗೂ ಸರಣಿಗಳ ನಡುವೆ ಈ ವರ್ಷ 10 ಲೀಗ್ ಟೂರ್ನಿಗಳು ನಡೆಯಲಿದೆ. ಅದು ಕೂಡ ಬ್ಯಾಕ್ ಟು ಬ್ಯಾಕ್. ಹೀಗಾಗಿಯೇ  ವರ್ಷಂಪೂರ್ತಿ ಕ್ರಿಕೆಟ್​ ಪ್ರೇಮಿಗಳಿಗೆ ಭರ್ಜರಿ ಮನರಂಜನೆಯಂತು ಸಿಗಲಿದೆ.

ಜನವರಿ 9 ರಿಂದ ಸೌತ್ ಆಫ್ರಿಕಾ ಟಿ20 ಲೀಗ್ ಶುರುವಾಗಲಿದೆ. ಈ ಟೂರ್ನಿ ಮುಗಿಯುವುದು ಫೆಬ್ರವರಿ 10 ರಂದು. ಇದೇ ವೇಳೆ ಮತ್ತೊಂದೆಡೆ ಯುಎಇನಲ್ಲಿ ಇಂಟರ್​ನ್ಯಾಷನಲ್​ ಟಿ20 ಲೀಗ್ ಕೂಡ ಜರುಗಲಿದೆ. ಈ ಟೂರ್ನಿ ಜನವರಿ 19 ರಿಂದ ಆರಂಭವಾಗಿ ಫೆಬ್ರವರಿ 17 ಕ್ಕೆ ಮುಗಿಯಲಿದೆ.

ಹಾಗೆಯೇ ಜನವರಿ 19 ರಿಂದ ಮಾರ್ಚ್ 1 ರ ತನಕ ಬಾಂಗ್ಲಾದೇಶ್ ಪ್ರೀಮಿಯರ್ ಲೀಗ್ ನಡೆಯಲಿದೆ. ಹಾಗೆಯೇ ಪಾಕಿಸ್ತಾನ್ ಸೂಪರ್ ಲೀಗ್ ಫೆಬ್ರವರಿ 13 ರಿಂದ ಶುರುವಾಗಿ ಮಾರ್ಚ್ 19 ಕ್ಕೆ ಕೊನೆಗೊಳ್ಳಲಿದೆ.

ಇನ್ನು ರಂಗು ರಂಗಿನ ಕ್ರಿಕೆಟ್ ಟೂರ್ನಿ ಐಪಿಎಲ್​ ಮಾರ್ಚ್ 23 ರಿಂದ ಶುರುವಾಗುವ ಸಾಧ್ಯತೆಯಿದೆ. ಅದರಂತೆ ಮೇ 26 ರಂದು ಫೈನಲ್ ಪಂದ್ಯ ನಡೆಯಬಹುದು. ಮೇ 30 ರಿಂದ ಇಂಗ್ಲೆಂಡ್​ನಲ್ಲಿ ವಿಟಾಲಿಟಿ ಬ್ಲಾಸ್ಟ್ ಟೂರ್ನಿ ಶುರುವಾಗಲಿದ್ದು, ಈ ಟೂರ್ನಿಯ ಫೈನಲ್ ಪಂದ್ಯ ಮೇ 26 ರಂದು ನಡೆಯಲಿದೆ.

ಇದರ ಬೆನ್ನಲ್ಲೇ ಟಿ20 ವಿಶ್ವಕಪ್​ ಕೂಡ ಶುರುವಾಗಲಿದೆ. ಅಂದರೆ ಜೂನ್- 4 ರಿಂದ ಜೂನ್ 30 ತನಕ ಚುಟುಕು ವಿಶ್ವಕಪ್ ಕದನ ನಡೆಯಲಿದೆ.

ಇನ್ನು ಇಂಗ್ಲೆಂಡ್​ನ ಹಂಡ್ರೇಡ್ ಲೀಗ್​ ಅನ್ನು ಆಗಸ್ಟ್​ನಲ್ಲಿ ನಡೆಸಲು ತೀರ್ಮಾನಿಸಲಾಗಿದೆ. ಮತ್ತೊಂದೆಡೆ ವೆಸ್ಟ್ ಇಂಡೀಸ್​ನಲ್ಲಿ ಆಗಸ್ಟ್-ಸೆಪ್ಟೆಂಬರ್ ನಡುವೆ ಕೆರಿಬಿಯನ್ ಪ್ರೀಮಿಯರ್ ಲೀಗ್​ ನಡೆಯಲಿದೆ.

ಹಾಗೆಯೇ ಅಬುಧಾಬಿ ಟಿ10 ಲೀಗ್ ಅಕ್ಟೋಬರ್ ತಿಂಗಳಲ್ಲಿ ಜರುಗಲಿದೆ. ಇನ್ನು ಬಿಗ್ ಬ್ಯಾಷ್ ಲೀಗ್ ಡಿಸೆಂಬರ್​ನಿಂದ ಆರಂಭವಾಗಿ ಮುಂದಿನ ವರ್ಷ ಜನವರಿಯಲ್ಲಿ ಮುಗಿಯಲಿದೆ.

ಅಂದರೆ ಇಲ್ಲಿ ಫ್ರಾಂಚೈಸಿ ಲೀಗ್ ಕ್ರಿಕೆಟ್​ ವರ್ಷಂಪೂರ್ತಿ ನಡೆಯುತ್ತಿರುವುದು ವಿಶೇಷ. ಇದರ ನಡುವೆ ಹಲವು ಸರಣಿಗಳನ್ನು ಕೂಡ ಆಡಲಾಗುತ್ತದೆ. ಹೀಗಾಗಿ ಈ ವರ್ಷವಿಡೀ ಕ್ರಿಕೆಟ್​ ಪ್ರೇಮಿಗಳಿಗೆ ಮನರಂಜನೆಯ ರಸದೌತಣ ಸಿಗುವುದು ಖಚಿತ ಎಂದೇ ಹೇಳಬಹುದು.

ಇದನ್ನೂ ಓದಿ: Virat Kohli: ಹೊಸ ವರ್ಷದಲ್ಲಿ ಕಿಂಗ್ ಕೊಹ್ಲಿ ಮುಂದಿದೆ 10 ದಾಖಲೆಗಳು

ಫ್ರಾಂಚೈಸಿ ಲೀಗ್​ಗಳ ವೇಳಾಪಟ್ಟಿ:

• ಸೌತ್ ಆಫ್ರಿಕಾ 20 ಲೀಗ್ (SA20)- ಜನವರಿ 9 ರಿಂದ ಫೆಬ್ರವರಿ 10
• ಇಂಟರ್​ನ್ಯಾಷನಲ್​ ಲೀಗ್ ಟಿ20 (ILT20)- ಜನವರಿ 19 ರಿಂದ ಫೆಬ್ರವರಿ 17
• ಬಾಂಗ್ಲಾದೇಶ್ ಪ್ರೀಮಿಯರ್ ಲೀಗ್ (BPL)- ಜನವರಿ 19 ರಿಂದ ಮಾರ್ಚ್ 1
• ಪಾಕಿಸ್ತಾನ್ ಸೂಪರ್ ಲೀಗ್ (PSL)- ಫೆಬ್ರವರಿ 13 ರಿಂದ ಮಾರ್ಚ್ 19
• ಇಂಡಿಯನ್ ಪ್ರೀಮಿಯರ್ ಲೀಗ್ (IPL) ಮಾರ್ಚ್ 23 ರಿಂದ ಮೇ 26 (ತಾತ್ಕಾಲಿಕ ದಿನಾಂಕ ನಿಗದಿ)
• ವಿಟಾಲಿಟಿ ಬ್ಲಾಸ್ಟ್ (Vitality Blast)- ಮೇ 30 ರಿಂದ ಸೆಪ್ಟೆಂಬರ್ 14
• ದಿ ಹಂಡ್ರೆಡ್ ಲೀಗ್ (The Hundread)- ಆಗಸ್ಟ್​
• ಕೆರಿಬಿಯನ್ ಪ್ರೀಮಿಯರ್ ಲೀಗ್ (CPL)- ಆಗಸ್ಟ್​-ಸೆಪ್ಟೆಂಬರ್
• ಟಿ10 ಲೀಗ್ (T10 League)- ಅಕ್ಟೋಬರ್
• ಬಿಗ್ ಬ್ಯಾಷ್ ಲೀಗ್ (BBL)- ಡಿಸೆಂಬರ್-ಜನವರಿ

—————————————————————–

• ಟಿ20 ವಿಶ್ವಕಪ್ 2024 (T20 WC 2024)- ಜೂನ್ 4 ರಿಂದ ಜೂನ್ 30