26 ದಿನಗಳಲ್ಲಿ 10 ಟಿ20 ಪಂದ್ಯಗಳನ್ನಾಡಲಿದೆ ಟೀಮ್ ಇಂಡಿಯಾ
ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಣ ಏಕದಿನ ಸರಣಿಯನ್ನು ಟೀಮ್ ಇಂಡಿಯಾ ಗೆದ್ದುಕೊಂಡಿದೆ. ಮೂರು ಮ್ಯಾಚ್ಗಳ ಈ ಸರಣಿ ಮೊದಲೆರಡು ಪಂದ್ಯಗಳಲ್ಲಿ ಭಾರತ ತಂಡ ಗೆದ್ದರೆ, ಮೂರನೇ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ತಂಡ ಜಯ ಸಾಧಿಸಿತ್ತು. ಇದೀಗ ಉಭಯ ತಂಡಗಳು 5 ಪಂದ್ಯಗಳ ಟಿ20 ಸರಣಿಗಾಗಿ ಸಜ್ಜಾಗುತ್ತಿದೆ.
Updated on: Oct 05, 2026 | 8:50 AM
ವೆಸ್ಟ್ ಇಂಡೀಸ್ ವಿರುದ್ಧ ಏಕದಿನ ಸರಣಿ ಮುಗಿಸಿರುವ ಟೀಮ್ ಇಂಡಿಯಾ ಬ್ಯಾಕ್ ಟು ಬ್ಯಾಕ್ 10 ಟಿ20 ಪಂದ್ಯಗಳನ್ನಾಡಲಿದೆ. ಅದು ಸಹ ಕೇವಲ 26 ದಿನಗಳಲ್ಲಿ. ಅದು ಸಹ ಸ್ವದೇಶ ಹಾಗೂ ವಿದೇಶದಲ್ಲಿ ಎಂಬುದು ವಿಶೇಷ. ಅಂದರೆ ಮೊದಲಿಗೆ ತವರಿನಲ್ಲಿ ಟಿ20 ಸರಣಿ ಆಡಲಿರುವ ಭಾರತ, ಇದರ ಬೆನ್ನಲ್ಲೇ ನ್ಯೂಝಿಲೆಂಡ್ಗೆ ತೆರಳಲಿದೆ.
- ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಣ ಟಿ20 ಸರಣಿಯು ಅಕ್ಟೋಬರ್ 6 ರಿಂದ ಶುರುವಾಗಲಿದೆ. ಈ ಸರಣಿ ಮುಗಿಯುವುದು ಅಕ್ಟೋಬರ್ 17 ರಂದು.
- ಅಕ್ಟೋಬರ್ 22 ರಿಂದ ಭಾರತ ಮತ್ತು ನ್ಯೂಝಿಲೆಂಡ್ ನಡುವಣ ಟಿ20 ಸರಣಿ ಆರಂಭವಾಗಲಿದೆ. ಈ ಸರಣಿ ಮುಗಿಯುವುದು ನವೆಂಬರ್ 1 ರಂದು.
ಸ್ವದೇಶ-ವಿದೇಶದಲ್ಲಿ ನಡೆಯಲಿರುವ ಈ ಮ್ಯಾರಾಥಾನ್ ಸರಣಿಯಲ್ಲಿ ಟೀಮ್ ಇಂಡಿಯಾ 10 ಟಿ20 ಪಂದ್ಯಗಳಲ್ಲಿ ಕಣಕ್ಕಿಳಿಯಲಿದ್ದು, ಈ ಪಂದ್ಯಗಳ ವೇಳಾಪಟ್ಟಿ ಈ ಕೆಳಗಿನಂತಿದೆ…
ಭಾರತ vs ವೆಸ್ಟ್ ಇಂಡೀಸ್ ಟಿ20 ಸರಣಿ ವೇಳಾಪಟ್ಟಿ:
| ಪಂದ್ಯ | ದಿನಾಂಕ | ಕ್ರೀಡಾಂಗಣ | ಸಮಯ (IST) |
|---|---|---|---|
| ಮೊದಲ ಟಿ20 ಪಂದ್ಯ | 6 ಅಕ್ಟೋಬರ್ 2026 | ಏಕನಾ ಕ್ರಿಕೆಟ್ ಸ್ಟೇಡಿಯಂ, ಲಕ್ನೋ | ಸಂಜೆ 7:00 |
| ಎರಡನೇ ಟಿ20 ಪಂದ್ಯ | 9 ಅಕ್ಟೋಬರ್ 2026 | JSCA ಇಂಟರ್ನ್ಯಾಷನಲ್ ಸ್ಟೇಡಿಯಂ, ರಾಂಚಿ | ಸಂಜೆ 7:00 |
| ಮೂರನೇ ಟಿ20 ಪಂದ್ಯ | 11 ಅಕ್ಟೋಬರ್ 2026 | ಹೋಳ್ಕರ್ ಸ್ಟೇಡಿಯಂ, ಇಂದೋರ್ | ಸಂಜೆ 7:00 |
| ನಾಲ್ಕನೇ ಟಿ20 ಪಂದ್ಯ | 14 ಅಕ್ಟೋಬರ್ 2026 | ರಾಜೀವ್ ಗಾಂಧಿ ಸ್ಟೇಡಿಯಂ, ಹೈದರಾಬಾದ್ | ಸಂಜೆ 7:00 |
| ಐದನೇ ಟಿ20 ಪಂದ್ಯ | 17 ಅಕ್ಟೋಬರ್ 2026 | ಎಂ. ಚಿನ್ನಸ್ವಾಮಿ ಸ್ಟೇಡಿಯಂ, ಬೆಂಗಳೂರು | ಸಂಜೆ 7:00 |
ಭಾರತ vs ನ್ಯೂಝಿಲೆಂಡ್ ಟಿ20 ಸರಣಿ ವೇಳಾಪಟ್ಟಿ:
| ಪಂದ್ಯ | ದಿನಾಂಕ | ಕ್ರೀಡಾಂಗಣ | ಸಮಯ (IST) |
|---|---|---|---|
| ಮೊದಲ ಟಿ20 ಪಂದ್ಯ | 22 ಅಕ್ಟೋಬರ್ 2026 | ಹ್ಯಾಗ್ಲಿ ಓವಲ್, ಕ್ರೈಸ್ಟ್‌ಚರ್ಚ್ | ಮಧ್ಯಾಹ್ನ 12:30 |
| ಎರಡನೇ ಟಿ20 ಪಂದ್ಯ | 24 ಅಕ್ಟೋಬರ್ 2026 | ಹ್ಯಾಗ್ಲಿ ಓವಲ್, ಕ್ರೈಸ್ಟ್‌ಚರ್ಚ್ | ಮಧ್ಯಾಹ್ನ 12:30 |
| ಮೂರನೇ ಟಿ20 ಪಂದ್ಯ | 27 ಅಕ್ಟೋಬರ್ 2026 | ಸ್ಕೈ ಸ್ಟೇಡಿಯಂ, ವೆಲ್ಲಿಂಗ್ಟನ್ | ಮಧ್ಯಾಹ್ನ 12:30 |
| ನಾಲ್ಕನೇ ಟಿ20 ಪಂದ್ಯ | 30 ಅಕ್ಟೋಬರ್ 2026 | ಈಡನ್ ಪಾರ್ಕ್, ಆಕ್ಲೆಂಡ್ | ಮಧ್ಯಾಹ್ನ 12:30 |
| ಐದನೇ ಟಿ20 ಪಂದ್ಯ | 1 ನವೆಂಬರ್ 2026 | ಸೆಡ್ಡನ್ ಪಾರ್ಕ್, ಹ್ಯಾಮಿಲ್ಟನ್ | ಮಧ್ಯಾಹ್ನ 12:30 |
ಯಾವ ಚಾನೆಲ್ಗಳಲ್ಲಿ ನೇರ ಪ್ರಸಾರ?
ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಣ ಟಿ20 ಸರಣಿಯನ್ನು ಸ್ಟಾರ್ ಸ್ಪೋರ್ಟ್ಸ್ ನೆಟ್ವರ್ಕ್ನ ಚಾನೆಲ್ಗಳಲ್ಲಿ ವೀಕ್ಷಿಸಬಹುದು. ಹಾಗೆಯೇ ಜಿಯೋ ಹಾಟ್ಸ್ಟಾರ್ ಆ್ಯಪ್ನಲ್ಲೂ ಲೈವ್ ಸ್ಟ್ರೀಮಿಂಗ್ ಇರಲಿದೆ.
ಇದನ್ನೂ ಓದಿ: ಪ್ರಯೋಗಗಳ ಕಾಲ ಮುಗಿಯಿತು: ಸ್ಪಷ್ಟ ಗುರಿ ತಿಳಿಸಿದ ಶುಭ್ಮನ್ ಗಿಲ್
ಭಾರತ ಮತ್ತು ನ್ಯೂಝಿಲೆಂಡ್ ನಡುವಣ ಟಿ20 ಸರಣಿಯು ಸೋನಿ ಸ್ಪೋರ್ಟ್ಸ್ ನೆಟ್ವರ್ಕ್ನ ಚಾನೆಲ್ಗಳಲ್ಲಿ ಲೈವ್ ಇರಲಿದೆ. ಹಾಗೆಯೇ ಸೋನಿ ಲಿವ್ ಆ್ಯಪ್ನಲ್ಲೂ ಲೈವ್ ಸ್ಟ್ರೀಮಿಂಗ್ ವೀಕ್ಷಿಸಬಹುದು.
