Virat Kohli: ಕ್ರಿಕೆಟ್ ಬದುಕಿಗೆ ಎಬಿಡಿ ವಿದಾಯ! ಜೀವದ ಗೆಳೆಯನ ವಿದಾಯಕ್ಕೆ ಭಾವನಾತ್ಮಕ ಸಂದೇಶ ಬರೆದ ಕೊಹ್ಲಿ
Virat Kohli: ನನ್ನ ಹೃದಯ ಗದ್ಗದಿತವಾಗಿದೆ. ಆದರೆ ಡಿವಿಲಿಯರ್ಸ್ ತನಗಾಗಿ ಮತ್ತು ತನ್ನ ಕುಟುಂಬಕ್ಕಾಗಿ ಸರಿಯಾದ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ ಎಂದು ಬರೆದುಕೊಂಡಿದ್ದಾರೆ.
ದಕ್ಷಿಣ ಆಫ್ರಿಕಾದ ಶ್ರೇಷ್ಠ ಬ್ಯಾಟ್ಸ್ಮನ್ಗಳಲ್ಲಿ ಒಬ್ಬರಾದ ಎಬಿ ಡಿವಿಲಿಯರ್ಸ್ ಶುಕ್ರವಾರ ಎಲ್ಲಾ ಮಾದರಿಯ ಕ್ರಿಕೆಟ್ಗೆ ವಿದಾಯ ಹೇಳಿದ್ದಾರೆ. ಡಿವಿಲಿಯರ್ಸ್ 2018 ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್ ತೊರೆದಿದ್ದರು ಆದರೆ ಫ್ರಾಂಚೈಸಿ ಕ್ರಿಕೆಟ್ ಆಡುತ್ತಿದ್ದರು. ಅವರು ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಆಡುತ್ತಿದ್ದರು. ಡೆಲ್ಲಿ ಡೇರ್ಡೆವಿಲ್ಸ್ನೊಂದಿಗೆ ಐಪಿಎಲ್ ಪಯಣ ಆರಂಭಿಸಿದ ಡಿವಿಲಿಯರ್ಸ್ ನಾಲ್ಕನೇ ಋತುವಿನ ನಂತರ RCB ಗೆ ಬಂದರು. ಅಂದಿನಿಂದ ವಿರಾಟ್ ಕೊಹ್ಲಿ ಮತ್ತು ಅವರ ಸ್ನೇಹ ಪ್ರಾರಂಭವಾಯಿತು. ಈ ಗೆಳೆತನದ ಉದಾಹರಣೆಯನ್ನು ಕ್ರಿಕೆಟ್ ಜಗತ್ತಿನಲ್ಲಿ ನೀಡಲಾಗಿದೆ ಮತ್ತು ಅದರ ವಿಶಿಷ್ಟ ಲಕ್ಷಣ ಇಂದು ಮತ್ತೆ ಕಂಡುಬಂದಿದೆ. ಡಿವಿಲಿಯರ್ಸ್ ಇಂದು ನಿವೃತ್ತಿ ಘೋಷಿಸಿದಾಗ, ಕೊಹ್ಲಿ ತಮ್ಮ ಭಾವನೆಗಳನ್ನು ನಿಯಂತ್ರಿಸಲು ಸಾಧ್ಯವಾಗಲಿಲ್ಲ ಮತ್ತು ಟ್ವಿಟರ್ ಮೂಲಕ ತಮ್ಮ ವಿಶೇಷ ಸ್ನೇಹಿತರಿಗೆ ಭಾವನಾತ್ಮಕ ಸಂದೇಶವನ್ನು ಕಳುಹಿಸಿದ್ದಾರೆ.
ಕೊಹ್ಲಿ ಟ್ವೀಟ್ ಮಾಡಿ, ಎಬಿಡಿ ನಿವೃತ್ತಿ ವಿಚಾರ ನನ್ನ ಹೃದಯವನ್ನು ನೋಯಿಸುತ್ತದೆ, ಆದರೆ ನಿಮಗಾಗಿ ಮತ್ತು ನಿಮ್ಮ ಕುಟುಂಬಕ್ಕಾಗಿ ನೀವು ಯಾವಾಗಲೂ ಸರಿಯಾದ ನಿರ್ಧಾರವನ್ನು ತೆಗೆದುಕೊಂಡಿದ್ದೀರಿ ಎಂದು ನನಗೆ ತಿಳಿದಿದೆ. ಐ ಲವ್ ಯೂ ಎಂದು ಬರೆದುಕೊಂಡಿದ್ದಾರೆ.ಕೊಹ್ಲಿಯ ಈ ಟ್ವೀಟ್ ಅನ್ನು ನೋಡಿದ ಡಿವಿಲಿಯರ್ಸ್, ಲವ್ ಯೂ ಟು ಮೈ ಬ್ರದರ್ ಎಂದು ಬರೆದುಕೊಂಡಿದ್ದಾರೆ.
— ?? (@rsofficial18) November 19, 2021
ನಮ್ಮ ಕಾಲದ ಶ್ರೇಷ್ಠ ಬ್ಯಾಟ್ಸ್ಮನ್
ಮತ್ತೊಂದು ಟ್ವೀಟ್ನಲ್ಲಿ ಕೊಹ್ಲಿ, ಡಿವಿಲಿಯರ್ಸ್ ಅವರ ಕಾಲದ ಅತ್ಯುತ್ತಮ ಬ್ಯಾಟ್ಸ್ಮನ್ ಎಂದು ಬಣ್ಣಿಸಿದ್ದಾರೆ.ನಮ್ಮ ಕಾಲದ ಅತ್ಯುತ್ತಮ ಬ್ಯಾಟ್ಸ್ಮನ್. ನಾನು ಭೇಟಿಯಾದ ಎಲ್ಲ ಜನರಲ್ಲಿ ಅತ್ಯಂತ ಸ್ಪೂರ್ತಿದಾಯಕ ವ್ಯಕ್ತಿ. ನೀವು RCB ಗೆ ಏನು ನೀಡಿದ್ದೀರಿ ಎಂಬುದರ ಬಗ್ಗೆ ನೀವು ಹೆಮ್ಮೆಪಡಬಹುದು. ನಮ್ಮ ಸ್ನೇಹವು ಈ ಆಟಕ್ಕಿಂತ ಮುಂದಿದೆ ಮತ್ತು ಯಾವಾಗಲೂ ಇರುತ್ತದೆ ಎಂದು ಬರೆದುಕೊಂಡಿದ್ದಾರೆ.
ಹಲವು ಪಂದ್ಯಗಳನ್ನು ಗೆದ್ದರೂ ಪ್ರಶಸ್ತಿ ಮಾತ್ರ ಸಿಗಲಿಲ್ಲ
ಇವರಿಬ್ಬರೂ ಈಗಿನ ಶ್ರೇಷ್ಠ ಬ್ಯಾಟ್ಸ್ಮನ್ಗಳಲ್ಲೊಬ್ಬರು. ಇವರಿಬ್ಬರ ಜೋಡಿ ಆರ್ಸಿಬಿಗೆ ಹಲವು ಪಂದ್ಯಗಳನ್ನು ಗೆದ್ದಿತ್ತು. ಆದರೆ ಈ ಜೋಡಿಗೆ ಒಂದೇ ಒಂದು ಐಪಿಎಲ್ ಗೆಲ್ಲಲು ಸಾಧ್ಯವಾಗಲಿಲ್ಲ ಎಂದು ಇಬ್ಬರೂ ಪಶ್ಚಾತ್ತಾಪ ಪಡುತ್ತಾರೆ. ಇವರಿಬ್ಬರ ಬ್ಯಾಟಿಂಗ್ನ ಅಬ್ಬರಕ್ಕೆ ಬೌಲರ್ಗಳು ನಡುಗಿ ಹೋಗಿದ್ದಾರೆ. ಇವರಿಬ್ಬರ ಹೆಸರು ಐಪಿಎಲ್ನಲ್ಲಿ ಅತಿ ದೊಡ್ಡ ಜೊತೆಯಾಟದ ದಾಖಲೆಯಾಗಿದೆ. 14 ಮೇ 2016 ರಂದು ಬೆಂಗಳೂರಿನಲ್ಲಿ ನಡೆದ ಗುಜರಾತ್ ಲಯನ್ಸ್ ವಿರುದ್ಧ ಕೊಹ್ಲಿ ಮತ್ತು ಡಿವಿಲಿಯರ್ಸ್ 229 ರನ್ ಜೊತೆಯಾಟವನ್ನು ಹಂಚಿಕೊಂಡರು. ಐಪಿಎಲ್ ಇತಿಹಾಸದಲ್ಲಿ ಇದುವರೆಗಿನ ಅತಿ ದೊಡ್ಡ ಜೊತೆಯಾಟ ಇದಾಗಿದೆ. ಈ ಪಂದ್ಯದಲ್ಲಿ ಕೊಹ್ಲಿ 55 ಎಸೆತಗಳಲ್ಲಿ ಐದು ಬೌಂಡರಿ ಹಾಗೂ ಎಂಟು ಸಿಕ್ಸರ್ಗಳ ನೆರವಿನಿಂದ ಅಜೇಯ 109 ರನ್ ಗಳಿಸಿದರು. ಅದೇ ಸಮಯದಲ್ಲಿ, ಡಿವಿಲಿಯರ್ಸ್ ಅಜೇಯ 129 ರನ್ ಗಳಿಸಿದರು, ಇದರಲ್ಲಿ ಅವರು 52 ಎಸೆತಗಳನ್ನು ಎದುರಿಸಿದರು ಮತ್ತು 10 ಬೌಂಡರಿ ಮತ್ತು 12 ಸಿಕ್ಸರ್ಗಳನ್ನು ಹೊಡೆದರು.
ಈ ಜೋಡಿ ಇದಕ್ಕೂ ಮೊದಲು 2015ರಲ್ಲಿ ದ್ವಿಶತಕದ ಜೊತೆಯಾಟವನ್ನು ನಡೆಸಿತ್ತು. 10 ಮೇ 2015 ರಂದು ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ RCB ಒಂದು ವಿಕೆಟ್ ನಷ್ಟಕ್ಕೆ 235 ರನ್ ಗಳಿಸಿತು. ಈ ಪಂದ್ಯದಲ್ಲಿ ಇಬ್ಬರೂ ಎರಡನೇ ವಿಕೆಟ್ಗೆ 215 ರನ್ ಸೇರಿಸಿದರು. ವಿರಾಟ್ ಕೊಹ್ಲಿ ಬ್ಯಾಟ್ನಿಂದ 82 ರನ್ಗಳು ಬಂದವು. ಇಷ್ಟು ರನ್ ಗಳಿಸಲು ಕೊಹ್ಲಿ 50 ಎಸೆತಗಳನ್ನು ಎದುರಿಸಿದರು ಮತ್ತು ಆರು ಬೌಂಡರಿಗಳ ಜೊತೆಗೆ ನಾಲ್ಕು ಸಿಕ್ಸರ್ಗಳನ್ನು ಬಾರಿಸಿದರು. ಆದರೆ ನಿಜವಾದ ಗಲಾಟೆ ಸೃಷ್ಟಿಸಿದ್ದು ಡಿವಿಲಿಯರ್ಸ್. ಅವರು 59 ಎಸೆತಗಳಲ್ಲಿ 19 ಬೌಂಡರಿ ಮತ್ತು ನಾಲ್ಕು ಸಿಕ್ಸರ್ಗಳ ಸಹಾಯದಿಂದ ಅಜೇಯ 133 ರನ್ ಗಳಿಸಿದರು. ಇದು ಐಪಿಎಲ್ನಲ್ಲಿ ಡಿವಿಲಿಯರ್ಸ್ನ ಗರಿಷ್ಠ ಸ್ಕೋರ್ ಕೂಡ ಆಗಿದೆ.