WTC 21 Final: ಕನ್ನಡಿಗ ಕೆಎಲ್ ರಾಹುಲ್ ಸೇರಿದಂತೆ ಈ ಐದು ಆಟಗಾರರು ವಿಶ್ವ ಟೆಸ್ಟ್ ಫೈನಲ್ ಪಂದ್ಯಕ್ಕೆ ಆಯ್ಕೆ ಆಗಲಿಲ್ಲ! ಯಾಕೆ?
World Test Championship final ಪಂದ್ಯಕ್ಕೆ (Ageas Bowl, Southampton) ಇನ್ನು ಮೂರು ದಿನಗಳಿರುವಾಗ ಬಿಸಿಸಿಐ 15 ಆಟಗಾರರ ಭಾರತ ತಂಡವನ್ನು ನಿನ್ನೆ ಪ್ರಕಟಿಸಿದೆ. ವಿರಾಟ್ ಕೊಹ್ಲಿ ನಾಯಕನಾಗಿ ಅಜಿಂಕ್ಯ ರಹಾನೆ ಉಪ ನಾಯಕನಾಗಿ ತಂಡವನ್ನು ಮುನ್ನಡೆಸಲಿದ್ದಾರೆ. ಪ್ರಕಟಿತ ತಂಡದಲ್ಲಿ ಆಟಗಾರರ ಆಯ್ಕೆ ಬಗ್ಗೆ ಆಶ್ಚರ್ಯಗಳೇನೂ ಇಲ್ಲವಾದರೂ ಈ ಐದು ಆಟಗಾರರ ಹಿಂದಿನ ಪರ್ಫಾರ್ಮೆನ್ಸ್ ಅನ್ನು ತೂಕ ಹಾಕುವುದಾದರೆ...
ಎಜ್ಬಾಸ್ಟನ್ (ಇಂಗ್ಲೆಂಡ್): ಹಾಲಿ ಟೆಸ್ಟ್ ಕ್ರಿಕೆಟ್ನಲ್ಲಿ ಚಾಂಪಿಯನ್ ತಂಡ ಯಾವುದು ಎಂಬುದು ಜೂನ್ 18 ರಿಂದ ನಡೆಯುವ ಟೆಸ್ಟ್ ಪಂದ್ಯದಲ್ಲಿ ಫೈನಲ್ ಆಗಲಿದೆ. ಆ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಪಂದ್ಯ (World Test Championship final) ಭಾರತ ಮತ್ತು ನ್ಯೂಜಿಲ್ಯಾಂಡ್ ತಂಡಗಳು ಸೆಣಸಲಿವೆ. ಉಭಯ ತಂಡಗಳೂ ಅದಾಗಲೇ ತಂಡಗಳನ್ನು ಪ್ರಕಟಿಸಿದೆ. ಭಾರತ ತಂಡವೂ ಪ್ರಕಟವಾಗಿದೆ. ಆದರೆ… ಕನ್ನಡಿಗ ಕೆಎಲ್ ರಾಹುಲ್ ಆಯ್ಕೆಯಾಗಿಲ್ಲ ಎಂಬ ಕೊರಗೂ ಸೇರಿದಂತೆ ಐದು ಆಟಗಾರರು ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಪಂದ್ಯಕ್ಕೆ ಆಯ್ಕೆ ಆಗಲಿಲ್ಲ! ಯಾಕೆ? ಎಂಬ ಪ್ರಶ್ನೆ ಕಾಡತೊಡಗಿದೆ.
World Test Championship final ಪಂದ್ಯಕ್ಕೆ (Ageas Bowl, Southampton) ಇನ್ನು ಮೂರು ದಿನಗಳಿರುವಾಗ ಬಿಸಿಸಿಐ 15 ಆಟಗಾರರ ಭಾರತ ತಂಡವನ್ನು ನಿನ್ನೆ ಪ್ರಕಟಿಸಿದೆ. ವಿರಾಟ್ ಕೊಹ್ಲಿ ನಾಯಕನಾಗಿ ಅಜಿಂಕ್ಯ ರಹಾನೆ ಉಪ ನಾಯಕನಾಗಿ ತಂಡವನ್ನು ಮುನ್ನಡೆಸಲಿದ್ದಾರೆ. ಪ್ರಕಟಿತ ತಂಡದಲ್ಲಿ ಆಟಗಾರರ ಆಯ್ಕೆ ಬಗ್ಗೆ ಆಶ್ಚರ್ಯಗಳೇನೂ ಇಲ್ಲವಾದರೂ ಈ ಐದು ಆಟಗಾರರ ಹಿಂದಿನ ಪರ್ಫಾರ್ಮೆನ್ಸ್ ಅನ್ನು ತೂಕ ಹಾಕುವುದಾದರೆ…
ಈಗಿನ ಪ್ರಕಟಿತ ತಂಡದಲ್ಲಿ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಶುಭ್ಮನ್ ಗಿಲ್, ಚೇತೇಶ್ವರ ಪೂಜಾರ ಮತ್ತಿತರರು ಬಲಿಷ್ಠ ಬ್ಯಾಟಿಂಗ್ ಅನ್ನು ಕಾಯ್ದುಕೊಳ್ಳಬಲ್ಲರು. ಆರ್ ಅಶ್ವಿನ್ ಮತ್ತು ರವೀಂದ್ರ ಜಡೇಜಾ ಸ್ಪಿನ್ ಬೌಲಿಂಗ್ ಆಲ್ರೌಂಡರ್ ರೂಪದಲ್ಲಿ ವಿರಾಜಮಾನರಾಗಿದ್ದಾರೆ. ಇನ್ನು ಇಶಾಂತ್ ಶರ್ಮಾ, ಜಸ್ಪ್ರೀತ್ ಬುಮ್ರಾ, ಮೊಹಮದ್ ಶಮಿ, ಉಮೇಶ್ ಯಾದವ್ ಹಾಗೂ ಮೊಹಮದ್ ಸಿರಾಜ್ ಕೈಯಲ್ಲಿ ಬಾಲ್ ಹಿಡಿದು ಸನ್ನದ್ಧರಾಗಿದ್ದಾರೆ. ರಿಶಬ್ ಪಂತ್ ಮತ್ತು ವೃದ್ಧಿಮಾನ್ ಸಹ ಇಬ್ಬರು ವಿಕೆಟ್ ಹಿಂದೆ ನಿಲ್ಲಲು ನಾಮುಂದು ತಾಮುಂದು ಎಂದು ನಿಂತಿದ್ದಾರೆ. ಗಮನಾರ್ಹವೆಂದರೆ ಐತಿಹಾಸಿಕ ವಿಶ್ವ ಟೆಸ್ಟ್ ಫೈನಲ್ ಪಂದ್ಯಕ್ಕೆ ಈ 15 ಮಂದಿ ಆಟಗಾರರೇ ಅಂತಿಮ ಅಂತಲ್ಲ. ಆದರೂ ಈ ಸಂದರ್ಭದಲ್ಲಿ ಬೆಂಚ್ ಕಾಯಿಸುತ್ತಿರುವ ಆ ಪಂಚ ಪಾಂಡವರನ್ನು ಒಬ್ಬೊಬ್ಬರಾಗಿ ನೋಡಿದಾಗ…
ಕನ್ನಡಿಗ ಕೆಎಲ್ ರಾಹುಲ್ (KL Rahul)
15 ಆಟಗಾರರ ಭಾರತ ಟೆಸ್ಟ್ ತಂಡದಲ್ಲಿ ಕನ್ನಡಿಗ ಕೆಎಲ್ ರಾಹುಲ್ ಸ್ಥಾನ ಪಡೆದಿಲ್ಲ ಎಂಬುದು ಕೊಂಚ ಬೇಸರವೇ ಆದರೂ… ಈ ಬಲಗೈ ಬ್ಯಾಟ್ಸ್ಮನ್ಗೆ ಅನೇಕ ಛಾನ್ಸ್ಗಳನ್ನು ನೀಡಲಾಗಿತ್ತಾದರೂ ರಾಹುಲ್ ಅದನ್ನು ಸದುಪಯೋಗಪಡಿಸಿಕೊಂಡಿಲ್ಲ ಎಂಬುದು ಖೇದಕರ. 2019 ರಿಂದೀಚೆಗೆ ಕೆಂಪು ಬಾಲ್ ಮ್ಯಾಚ್ಗಳನ್ನು ಆಡಿಲ್ಲ. ಇದನ್ನು ಮತ್ತೊಂದು ಆಯಾಮದಿಂದ ನೋಡಿದಾಗ ಈಗ ಭಾರತ ತಂಡದಲ್ಲಿ ಬ್ಯಾಟ್ಸ್ಮನ್ಗಳಾಗಿ ಸ್ಥಾನ ಪಡೆದಿರುವ ಆಟಗಾರರು ಬಲಿಷ್ಠರಾಗಿದ್ದಾರೆ. ಅವರ ಎದುರು ಇತ್ತೀಚೆಗೆ ಟೆಸ್ಟ್ ಪಂದ್ಯಗಳನ್ನು ಆಡದೇ ಇರುವ ರಾಹುಲ್ ಪೇಲವವಾಗುತ್ತಾರೆ. ಗೊತ್ತಿಲ್ಲ.. ಕೊನೆಯ ಘಳಿಗೆಯಲ್ಲಿ ಛಾನ್ಸ್ ಸಿಕ್ಕಿದರೆ ಮಯಾಂಕ್ ಅಗರ್ವಾಲ್ ಆದ ಮೇಲೆ ಕೆಎಲ್ ರಾಹುಲ್ ಅವರನ್ನೇ ಪರಿಗಣಿಸಬಹುದು.
ಶಾರ್ದೂಲ್ ಠಾಕೂರ್ (Shardul Thakur)
ವೇಗಿ ಆಲ್ರೌಂಡರ್ ಶಾರ್ದೂಲ್ ಠಾಕೂರ್ ಐತಿಹಾಸಿಕ ಟೆಸ್ಟ್ ಫೈನಲ್ ಪಂದ್ಯಕ್ಕೆ ಆಯ್ಕೆಯಾಗಲಿಲ್ಲ ಎಂಬುದು ಶೋಚನೀಯ. ಇದರರ್ಥ ಭಾರತ ತಂಡವು ಕೇವಲ ವೇಗಿ ಬೌಲರ್ಗಳನ್ನೇ ಅಪ್ಪಿಕೊಂಡಿದೆ. ವೇಗಿ ಆಲ್ರೌಂಡರ್ಗೆ ಮಣೆ ಹಾಕಿಲ್ಲ ಅಷ್ಟೇ. ಉಮೇಶ್ ಯಾದವ್ ಒಂದಷ್ಟು ಬ್ಯಾಟ್ ಬೀಸುವುದೂ ಆತನ ಆಯ್ಕೆಗೆ ಪೂರಕವಾಗಿದೆ ಅನ್ನಬಹುದು. ಆಲ್ರೌಂಡರ್ ಶಾರ್ದೂಲ್ ಠಾಕೂರ್ ಈ ಹಿಂದೆ 2018ರ ಇಂಗ್ಲೆಂಡ್ ಸರಣಿಯಲ್ಲಿ ಭಾರತ ತಂಡದಲ್ಲಿದ್ದರು ಎಂಬ ಕಾರಣಕ್ಕೆ ಫೈನಲ್ ಆದ ಮೇಲಿನ ಐದು ಟೆಸ್ಟ್ ಮ್ಯಾಚ್ಗಳ ಸರಣಿಗೆ ಸ್ಥಾನ ಪಡೆಯಬಹುದು ಎಂಬ ಆಶಾಭಾವ ಇದೆ.
ವಾಷಿಂಗ್ಟನ್ ಸುಂದರ್ (Washington Sundar)
ವಾಷಿಂಗ್ಟನ್ ಸುಂದರ್ ಆಯ್ಕೆ ಆಗದಿರುವುದಕ್ಕೆ ಸಕಾರಣವಿದೆ. ಆತ ಆರ್ ಅಶ್ವಿನ್ಗೆ ಅಸಿಸ್ಟಂಟ್ ಆಗಿ, ತದನಂತರ ಕಾಣಿಸಿಕೊಳ್ಳುವವರು. ಅಶ್ವಿನ್ಗೆ ರೆಸ್ಟ್ ಬೇಕು ಅಂದ್ರೆ ಅಥವಾ ಮೈದಾನದಿಂದ ಹೊರಗುಳಿಯುವಂತಾದರೆ ಮಾತ್ರ ವಾಷಿಂಗ್ಟನ್ ಸುಂದರ್ ಮೈದಾನಕ್ಕೆ ಇಳಿಯುವರು! ಇದು ಇಬ್ಬರಿಗೂ ಹೊಸದೇನೂ ಅಲ್ಲ. ಅಶ್ವಿನ್ ಅವರ ಕೆಚ್ಚೆದೆಯ ಆಟವನ್ನು ನೋಡಿದರೆ ರವೀಂದ್ರ ಜಡೇಜಾರನ್ನೂ ಪಕ್ಕಕ್ಕಿಟ್ಟು ಅಶ್ವಿನ್ಗೆ ವಿರಾಟ್ ಕೊಹ್ಲಿ ಮಣೆ ಹಾಕಬಹುದು. ಹಾಗಿದೆ ಅಶ್ವಿನ್ ಎದಯಲ್ಲಿನ ಕಿಚ್ಚು.
ಅಕ್ಸರ್ ಪಟೇಲ್ (Axar Patel)
ಭಾರತ-ಇಂಗ್ಲೆಂಡ್ ಪ್ರವಾಸದಲ್ಲಿ ಅಕ್ಸರ್ ಪಟೇಲ್ ಸ್ಮರಣೀಯ ಪಾದಾರ್ಪಣೆ ಮಾಡಿದರಾದರೂ ಅಕ್ಸರ್ ರವೀಂದ್ರ ಜಡೇಜಾ ನಂತರವೇ ಎಂಬುದು ಮನನೀಯ. ಟೆಸ್ಟ್ ಪಂದ್ಯಗಳಲ್ಲಿ ಆಡಬೇಕು ಅಂದ್ರೆ ಅಕ್ಸರ್ ಪಟೇಲ್ ಇನ್ನೂ ಕಾಯಬೇಕಾದೀತು! ಆರ್ ಅಶ್ವಿನ್ ಮಾದರಿಯಲ್ಲಿ ರವೀಂದ್ರ ಜಡೇಜಾ ನುರಿತ ಮೌಲ್ಯಯುತ ಆಟಗಾರ. ಹಾಗಾಗಿ ಅಕ್ಸರ್, ರವೀಂದ್ರ ಜಡೇಜಾ ನಂತರವೇ ಎಂಬುದು ದಾಖಲಾರ್ಹ. ಅಕ್ಸರ್ ಪಟೇಲ್ಗೆ ಒಂದೇ ಆಶಾಭಾವ ಅಂದ್ರೆ ಅಕ್ಸರ್ ಕೌಂಟಿ ಪಂದ್ಯಗಳನ್ನು ಆಡಿದ ಅನುಭವ ಹೊಂದಿದ್ದಾರೆ. ತಂಡಕ್ಕೆ ಆಯ್ಕೆಯಾಗುವ ವೇಳೆ ವಾಷಿಂಗ್ಟನ್ ಸುಂದರ್ಗಿಂತ ತುಸು ಮುಂದಿರಲು ಇದು ಅನುಕೂಲವಾಗಲಿದೆ. ಜೊತೆಗೆ, ತಂಡದಲ್ಲಿ ಎಕ್ಸ್ಟ್ರಾ ಆಲ್ರೌಂಡರ್ ಒಬ್ಬರಿರಲಿ ಅಂತ ಬಿಸಿಸಿಐ ಚಿಂತಕರ ಚಾವಡಿ ಚಿಂತನೆ ನಡೆಸಿದರೆ ಅಕ್ಸರ್ ಪಟೇಲ್ಗೆ ಮಣೆ ಹಾಕಬಹುದು.
ಮಯಾಂಕ್ ಅಗರ್ವಾಲ್ (Mayank Agarwal)
ರೋಹಿತ್ ಶರ್ಮಾ ಮತ್ತು ಶುಭ್ಮನ್ ಗಿಲ್ ಅದಾಗಲೇ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ ಅಂದರೆ ನನಗೆ ಎಲ್ಲಿಯ ಸ್ಥಾನ ಅಲ್ವಾ? ಎಂಬಂತಾಗಿದೆ ಮಯಾಂಕ್ ಅಗರ್ವಾಲ್ ಸ್ಥಿತಿ. ಮಯಾಂಕ್ ಅಗರ್ವಾಲ್ ಸಹ ತಮಗೆ ದಕ್ಕಿದ್ದ ಛಾನ್ಸ್ಗಳನ್ನು ಅಷ್ಟಾಗಿ ಸದುಪಯೋಗಪಡಿಸಿಕೊಳ್ಳಲಿಲ್ಲ ಎಂಬುದು ಗಮನಾರ್ಹ. ಇತ್ತೀಚಿನ ಭಾರತ-ಇಂಗ್ಲೆಂಡ್ ಸರಣಿಯಲ್ಲಿ ಇತರೆ ಬ್ಯಾಟ್ಸ್ಮನ್ಗಳು ತಂಡದಿಂದ ಹೊರಗುಳಿದಾಗಲಷ್ಟೇ ಮಯಾಂಕ್ ಅಗರ್ವಾಲ್ ನಾಲ್ಕನೆಯ ಟೆಸ್ಟ್ಗೆ ಆಯ್ಕೆಗೊಂಡಿದ್ದು. ಈ ಬಾರಿಯೂ ಅಷ್ಟೇ ಶುಭ್ಮನ್ ಗಿಲ್ ಬ್ಯಾಟ್ ಮಾಡತನಾಡುತ್ತಾ ಹೋದರೆ ಮಯಾಂಕ್ ಅಗರ್ವಾಲ್ ಮೌನವಾಗಿ ಉಳಿಯಬೇಕಾಗುತ್ತದೆ. ಅಗತ್ಯಬಿದ್ದರಷ್ಟೇ ಮಧ್ಯಮ ಕ್ರಮಾಂಕದಲ್ಲಿ ಆಡಲು ಮಯಾಂಕ್ ಅಗರ್ವಾಲ್ ಆಯ್ಕೆಗೊಳ್ಳಬಹುದು.
(five players who failed to make the cut for World Test Championship final against New Zealand)