T20 World Cup : ಟಿ-20 ವಿಶ್ವಕಪ್ ಯುಎಇಗೆ ಸ್ಥಳಾಂತರಗೊಳ್ಳಲು ಪಾಕಿಸ್ತಾನ ಕಾರಣ! ಅವರು ಬಂದರೆ ಗಲಭೆಗಳಾಗಬಹುದು; ಬಿಸಿಸಿಐ
T20 World Cup : ಪಾಕಿಸ್ತಾನ ಮುಂಬೈ ಅಥವಾ ಪುಣೆಯಲ್ಲಿ ಆಡಿದ್ದರೆ ದೊಡ್ಡ ಘರ್ಷಣೆ ಉಂಟಾಗಬಹುದಿತ್ತು. ಈ ರೀತಿಯ ಅನೇಕ ಕಾರಣಗಳಿವೆ. 2008 ರಲ್ಲಿ ಮುಂಬೈ ಭಯೋತ್ಪಾದಕ ದಾಳಿಯಲ್ಲಿ ಪಾಕಿಸ್ತಾನದ ಕೈವಾಡ ಇರುವುದೇ ಇದಕ್ಕೆ ಪ್ರಮುಖ ಕಾರಣ.
Updated on:Jun 28, 2021 | 9:00 PM
ಈ ವರ್ಷದ ಐಸಿಸಿ ಟಿ 20 ವಿಶ್ವಕಪ್ ಆಯೋಜನೆಯ ಬಗ್ಗೆ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಭಾರತದಲ್ಲಿನ ಕೊರೊನಾ ವೈರಸ್ ಪ್ರಕರಣಗಳನ್ನು ಗಮನದಲ್ಲಿಟ್ಟುಕೊಂಡು ಪಂದ್ಯಾವಳಿಯನ್ನು ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಗೆ ಸ್ಥಳಾಂತರಿಸಲು ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ನಿರ್ಧರಿಸಿದೆ. ಈ ಬಗ್ಗೆ ಐಸಿಸಿಗೆ ಮಾಹಿತಿ ನೀಡಲಾಗಿದೆ. ಈ ಪಂದ್ಯಾವಳಿಯನ್ನು ಅಕ್ಟೋಬರ್‌ನಿಂದ ನವೆಂಬರ್‌ವರೆಗೆ ಆಡಲಾಗುವುದು, ಇದನ್ನು 2016 ರಿಂದ ಮೊದಲ ಬಾರಿಗೆ ಆಯೋಜಿಸಲಾಗುತ್ತಿದೆ. ಈ ವಿಶ್ವಕಪ್ ಅನ್ನು ವಾಸ್ತವವಾಗಿ ಭಾರತದಲ್ಲಿಯೇ ಆಯೋಜಿಸಬೇಕಿತ್ತು, ಆದರೆ ಸಾಂಕ್ರಾಮಿಕ ರೋಗದಿಂದಾಗಿ ಪರಿಸ್ಥಿತಿ ಬದಲಾಯಿತು. ಆದರೆ, ಭಾರತೀಯ ಮಂಡಳಿಯು ಪಂದ್ಯಾವಳಿಯನ್ನು ಕೊನೆಯ ನಿಮಿಷದವರೆಗೆ ಆತಿಥ್ಯ ವಹಿಸಲು ಪ್ರಯತ್ನಿಸುತ್ತಿತ್ತು. ಅಂತಿಮ ನಿರ್ಧಾರ ತೆಗೆದುಕೊಳ್ಳುವ ಮೊದಲು ಮೂರು ಸ್ಥಳಗಳನ್ನು ನಿರ್ಧರಿಸಲಾಗಿತ್ತು. ಆದರೆ ಸಾಂಕ್ರಾಮಿಕ ಸೇರಿದಂತೆ ಇತರ ಕೆಲವು ಕಾರಣಗಳಿಂದಾಗಿ ಈ ಯೋಜನೆಯನ್ನು ಬದಲಾಯಿಸಬೇಕಾಯಿತು.
ಈ ವರ್ಷದ ಆರಂಭದಲ್ಲಿ, ಭಾರತದಲ್ಲಿಯೇ ಟಿ 20 ವಿಶ್ವಕಪ್ ಆಯೋಜಿಸಲು ಬಿಸಿಸಿಐ 8 ಸ್ಥಳಗಳನ್ನು ಆಯ್ಕೆ ಮಾಡಿಕೊಂಡಿತ್ತು. ಆದರೆ ಕೊರೊನಾ ವೈರಸ್ ಕಾರಣದಿಂದಾಗಿ, ಮೊದಲ ಐಪಿಎಲ್ 2021 ಅನ್ನು ಮಧ್ಯದಲ್ಲಿ ನಿಲ್ಲಿಸಬೇಕಾಯಿತು. ನಂತರ ಸಾಂಕ್ರಾಮಿಕ ರೋಗದ ಮೂರನೇ ಅಲೆಯ ಭಯದಿಂದಾಗಿ, ಯುಎಇಯಲ್ಲಿಯೇ ಆಡಲು ನಿರ್ಧರಿಸಬೇಕಾಯಿತು. ಆದರೆ, ಸುದ್ದಿ ಸಂಸ್ಥೆ ಪಿಟಿಐ ವರದಿಯ ಪ್ರಕಾರ, ಬಿಸಿಸಿಐ ಅಂತಿಮ ನಿರ್ಧಾರ ತೆಗೆದುಕೊಳ್ಳುವ ಮೊದಲು ಮುಂಬೈ, ಪುಣೆ ಮತ್ತು ಅಹಮದಾಬಾದ್‌ನಲ್ಲಿ ಸಂಪೂರ್ಣ ಪಂದ್ಯಾವಳಿಯನ್ನು ಆಯೋಜಿಸಲು ಚಿಂತಿಸಿತ್ತು.
ಮುಂಬೈ-ಪುಣೆಯಲ್ಲಿ ಆಡಿದರೆ ಪಾಕಿಸ್ತಾನ ತಂಡಕ್ಕೆ ಅಪಾಯ ವರದಿಯ ಪ್ರಕಾರ, ಅರ್ಹತಾ ಪಂದ್ಯದಿಂದ ಸೂಪರ್ -12 ರವರೆಗೆ ಎಲ್ಲಾ ಪಂದ್ಯಗಳನ್ನು ನಡೆಸಲು ಈ ಮೂರು ಸ್ಥಳಗಳನ್ನು ಮಾತ್ರ ಪರಿಗಣಿಸಲಾಗಿತ್ತು. ಪಂದ್ಯಾವಳಿಯ ಅಂತಿಮ ಪಂದ್ಯವನ್ನು ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಆಡಲು ಉದ್ದೇಶಿಸಲಾಗಿತ್ತು. ಆದಾಗ್ಯೂ, ಸಾಂಕ್ರಾಮಿಕವನ್ನು ಹೊರತುಪಡಿಸಿ ಬೇರೆ ಕಾರಣಕ್ಕಾಗಿ ಅದನ್ನು ಬದಲಾಯಿಸಲು ನಿರ್ಧರಿಸಲಾಯಿತು. ಮುಂಬೈನಲ್ಲಿ ಪಾಕಿಸ್ತಾನ ತಂಡ ಆಡಿದ್ದರೆ ಘರ್ಷಣೆ ಉಂಟಾಗಬಹುದೆಂದು ಮಂಡಳಿಗೆ ಸಂಬಂಧಿಸಿದ ಹೆಸರಿಸದ ಮೂಲವನ್ನು ಉಲ್ಲೇಖಿಸಿ ಪಿಟಿಐ ಹೇಳಿದೆ. ಮೂಲದ ಪ್ರಕಾರ, ಪಾಕಿಸ್ತಾನ ಮುಂಬೈ ಅಥವಾ ಪುಣೆಯಲ್ಲಿ ಆಡಿದ್ದರೆ ದೊಡ್ಡ ಘರ್ಷಣೆ ಉಂಟಾಗಬಹುದಿತ್ತು. 2008 ರಲ್ಲಿ ಮುಂಬೈ ಭಯೋತ್ಪಾದಕ ದಾಳಿಯಲ್ಲಿ ಪಾಕಿಸ್ತಾನದ ಕೈವಾಡ ಇರುವುದೇ ಇದಕ್ಕೆ ಪ್ರಮುಖ ಕಾರಣ.
ಬದಲಿ ಮಾಡುವುದು ಸುಲಭವಲ್ಲ ಅಷ್ಟೇ ಅಲ್ಲ, ಒಂದೇ ಸಮಯದಲ್ಲಿ ಅನೇಕ ಆಟಗಾರರ ಸೋಂಕಿಗೆ ಒಳಗಾದರೆ, ದುರ್ಬಲ ತಂಡಗಳು ಬದಲಿ ಆಟಗಾರರನ್ನು ಹೊಂದಿಸುವುದು ತುಂಬಾ ಕಷ್ಟ. ಈ ಸಮಸ್ಯೆಯೂ ಒಂದು ಕಾರಣವಾಗಿತ್ತು. ಐಪಿಎಲ್‌ನಲ್ಲಿ ಅನೇಕ ಆಟಗಾರರು ಕೋವಿಡ್ -19 ಸೋಂಕಿಗೆ ಒಳಗಾದರೆ, ನೀವು ಬದಲಾವಣೆಯಾಗಿ ಉತ್ತಮ ಆಟಗಾರರನ್ನು ಪಡೆಯಬಹುದು. ಆದರೆ ದುರ್ಬಲ ತಂಡಗಳ ಕತೆ ಏನು? ಅವರ 5-6 ಆಟಗಾರರು ಸೋಂಕಿಗೆ ಒಳಗಾದರೆ ಮುಂದೇನು? ಅವರಿಗೆ ಬದಲಿ ಆಟಗಾರರು ಸಿಗುವುದು ಕಷ್ಟ. ಇಂತಹ ವಿಚಾರಗಳಿಂದ ಬಿಸಿಸಿಐ ಪಂದ್ಯಾವಳಿಯನ್ನು ಬೇರೆಡೆಗೆ ಸ್ಥಳಾಂತರಿಸಿತು.
Published On - 8:55 pm, Mon, 28 June 21
