Happy Birthday MS Dhoni: ಮಿಂಚಿನ ವೇಗದಲ್ಲಿ ಸ್ಟಂಪಿಂಗ್! ವಿಶೇಷ ವಿಡಿಯೋ ಹಂಚಿಕೊಂಡು ಧೋನಿಗೆ ಶುಭಾಶಯ ಕೋರಿದ ಐಸಿಸಿ
Happy Birthday MS Dhoni: ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಕೂಡ ಧೋನಿಗೆ ಜನ್ಮದಿನದ ಶುಭಾಶಯಗಳನ್ನು ಕೋರಿ, ಧೋನಿಯ ಕೆಲವೊಂದು ವಿಶಿಷ್ಟ ಸ್ಟಂಪಿಂಗ್‌ಗಳ ವೀಡಿಯೊವನ್ನು ಟ್ವೀಟ್ ಮಾಡಿದೆ.
Updated on: Jul 07, 2021 | 10:30 PM
ಮಹೇಂದ್ರ ಸಿಂಗ್ ಧೋನಿ ಅವರ ಜನ್ಮದಿನ ಇಂದು. ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ನಾಯಕ, ಶ್ರೇಷ್ಠ ವಿಕೆಟ್ ಕೀಪರ್ ಮತ್ತು ಕೆಳ ಕ್ರಮಾಂಕದಲ್ಲಿ ಅತ್ಯುತ್ತಮ ಬ್ಯಾಟ್ಸ್‌ಮನ್‌ಗಳಲ್ಲಿ ಮಹೀ ಕೂಡ ಒಬ್ಬರು. ಜುಲೈ 7, 1981 ರಂದು ರಾಂಚಿಯಲ್ಲಿ ಜನಿಸಿದ ಧೋನಿ ತಮ್ಮ ಕಠಿಣ ಪರಿಶ್ರಮಕ್ಕಾಗಿ ಭಾರತೀಯ ತಂಡದಲ್ಲಿ ಸ್ಥಾನ ಗಳಿಸಿದರು. ನಂತರ ಮೂರು ಐಸಿಸಿ ಟ್ರೋಫಿಗಳನ್ನು ಗೆದ್ದರು, 2007 ಟಿ 20 ವಿಶ್ವಕಪ್, 2011 ಏಕದಿನ ವಿಶ್ವಕಪ್ ಮತ್ತು 2013 ಚಾಂಪಿಯನ್ಸ್ ಟ್ರೋಫಿ. 2019 ರ ವಿಶ್ವಕಪ್‌ನ ಸೆಮಿಫೈನಲ್ ಪಂದ್ಯ ಧೋನಿ ಅವರ ವೃತ್ತಿಜೀವನದ ಕೊನೆಯ ಪಂದ್ಯವಾಗಿತ್ತು. 2020 ರ ಆಗಸ್ಟ್ 15 ರಂದು ಕ್ರಿಕೆಟ್‌ನಿಂದ ನಿವೃತ್ತರಾದ ಧೋನಿ ಇಂದು ಅದೇ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿದ್ದು ಅವರಿಗೆ ಜನ್ಮದಿನದ ಶುಭಾಶಯಗಳನ್ನು ಕೋರಿದ್ದಾರೆ.
ವಿಶಿಷ್ಟ ಸ್ಟಂಪಿಂಗ್‌ಗಳ ವೀಡಿಯೊ ಧೋನಿ ಅವರ ಬಿರುಗಾಳಿಯ ಬ್ಯಾಟಿಂಗ್ ಭಾರತಕ್ಕೆ ಹಲವಾರು ಪಂದ್ಯಗಳನ್ನು ಗೆಲ್ಲಲು ನೆರವಾಯಿತು. ಆದರೆ ವಿಕೆಟ್ ಕೀಪರ್ ಆಗಿ ಸ್ಟಂಪ್ ಹಿಂದೆ ನಿಂತು ಅದಕ್ಕಿಂತ ಹೆಚ್ಚಿನ ಪಂದ್ಯಗಳನ್ನು ಗೆಲ್ಲಿಸಿದ್ದಾರೆ. ಭಾರತಕ್ಕೆ ವಿಕೆಟ್ ತೀರಾ ಅಗತ್ಯವಿದ್ದಾಗ, ಧೋನಿ ಉತ್ತಮ ಆಯ್ಕೆಯಾಗಿ ಕಂಡುಬಂದರು. ನಂತರ ತಂಡದ ನಾಯಕನಾಗಿ ಬೌಲರ್‌ಗೆ ಬೌಲಿಂಗ್ ಮಾಡುವುದು ಮತ್ತು ನಂತರ ಸ್ಟಂಪಿಂಗ್ ಅಥವಾ ಕ್ಯಾಚ್ ಔಟ್ ಮಾಡುವುದು ಭಾರತಕ್ಕೆ ವಿಕೆಟ್ ಪಡೆಯುವುದು. ಹೀಗೆ ಧೋನಿ ತಂಡದ ಎಲ್ಲಾ ವಿಭಾಗಕ್ಕೂ ನೆರವಾಗಿದ್ದಾರೆ. ಹೀಗಾಗಿ ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಕೂಡ ಧೋನಿಗೆ ಜನ್ಮದಿನದ ಶುಭಾಶಯಗಳನ್ನು ಕೋರಿ, ಧೋನಿಯ ಕೆಲವೊಂದು ವಿಶಿಷ್ಟ ಸ್ಟಂಪಿಂಗ್‌ಗಳ ವೀಡಿಯೊವನ್ನು ಟ್ವೀಟ್ ಮಾಡಿದೆ.
ಧೋನಿ ಅವರ ಕ್ರಿಕೆಟ್ ವೃತ್ತಿಜೀವನ ಧೋನಿ 2004 ರಲ್ಲಿ ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ ಭಾರತಕ್ಕೆ ಪಾದಾರ್ಪಣೆ ಮಾಡಿದರು. 350 ಏಕದಿನ ಪಂದ್ಯಗಳಲ್ಲಿ ಧೋನಿ 10 ಶತಕ ಮತ್ತು 73 ಅರ್ಧಶತಕಗಳ ಸಹಾಯದಿಂದ 10,773 ರನ್ ಗಳಿಸಿದ್ದಾರೆ. 2019 ರ ವಿಶ್ವಕಪ್‌ನ ಸೆಮಿಫೈನಲ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧದ ಪಂದ್ಯವು ಧೋನಿಯ ಕೊನೆಯ ಪಂದ್ಯವಾಗಿತ್ತು. ಟೆಸ್ಟ್ ಪಂದ್ಯಗಳನ್ನು ಪರಿಗಣಿಸಿ ಧೋನಿ ಅವರ ವೃತ್ತಿಜೀವನವು ಚಿಕ್ಕದಾದರೂ ರೋಚಕವಾಗಿತ್ತು. ಧೋನಿ 90 ಟೆಸ್ಟ್ ಪಂದ್ಯಗಳಲ್ಲಿ 38.09 ಸರಾಸರಿಯಲ್ಲಿ 4,876 ರನ್ ಗಳಿಸಿದ್ದಾರೆ. ಟೆಸ್ಟ್ ಕ್ರಿಕೆಟ್‌ನಲ್ಲಿ ಧೋನಿ 6 ಶತಕ ಸೇರಿದಂತೆ 33 ಅರ್ಧಶತಕಗಳನ್ನು ಹೊಂದಿದ್ದಾರೆ. ವಿಶ್ವದ ಮೊದಲ ಟಿ 20 ವಿಶ್ವಕಪ್ ಗೆದ್ದ ಧೋನಿ 98 ಟಿ 20 ಪಂದ್ಯಗಳಲ್ಲಿ 1617 ರನ್ ಗಳಿಸಿದ್ದಾರೆ. ಇದು 2 ಅರ್ಧಶತಕಗಳನ್ನು ಒಳಗೊಂಡಿದೆ.
“Only for a fraction of a second and Dhoni, like lightning, had those bails off.”
Happy birthday to one of the sharpest keepers in cricket history ? pic.twitter.com/WNwxngwx5E
— ICC (@ICC) July 7, 2021
