India vs Australia Test Series 2020: ಆಸ್ಟ್ರೇಲಿಯಾ ನೆಲದಲ್ಲಿ ಕಾಂಗರೂಗಳನ್ನು ಆಲ್ಔಟ್ ಮಾಡಿದ ಟೀಂ ಇಂಡಿಯಾ

ಭಾರತ 244 ರನ್ಗಳಿಗೆ ಆಲ್ಔಟ್ ಆಗಿತ್ತು. ಈಗ ಆಸ್ಟ್ರೇಲಿಯಾ 191 ರನ್ಗಳಿಗೆ ಎಲ್ಲ ವಿಕೆಟ್ ಕಳೆದುಕೊಂಡಿದೆ. ಭಾರತ ಈಗ ಎರಡನೇ ಇನ್ನಿಂಗ್ಸ್ ಆರಂಭಿಸಿದೆ.

ರಾಜೇಶ್ ದುಗ್ಗುಮನೆ |
Updated on:Dec 18, 2020 | 5:13 PM

ಅಡಿಲೇಡ್ನಲ್ಲಿ ನಡೆಯುತ್ತಿರುವ ಟೆಸ್ಟ್ನಲ್ಲಿ ಟೀಂ ಇಂಡಿಯಾ ಬೌಲರ್ಗಳು ಮಿಂಚಿದ್ದಾರೆ. ಮೊದಲನೇ ಇನ್ನಿಂಗ್ಸ್ನಲ್ಲಿ ಕಾಂಗರೂಗಳನ್ನು ಕೇವಲ 191 ರನ್ಗಳಿಗೆ ಆಲ್ಔಟ್ ಮಾಡುವ ಮೂಲಕ ಟೀಂ ಇಂಡಿಯಾ ಹೊಸ ಸಾಧನೆ ಬರೆದಿದೆ. ಈ ಮೂಲಕ ಮೊದಲನೇ ಇನ್ನಿಂಗ್ಸ್ನಲ್ಲಿ ಟೀಂ ಇಂಡಿಯಾ 54 ರನ್ಗಳ ಲೀಡ್ ಸಾಧಿಸಿದೆ.

ಮೊದಲು ಟಾಸ್ ಗೆದ್ದು ಬ್ಯಾಟಿಂಗ್ಗೆ ಇಳಿದಿದ್ದ ಟೀಂ ಇಂಡಿಯಾ ಆರಂಭದಲ್ಲೇ ಆಘಾತ ಅನುಭವಿಸಿತ್ತು. ಪೃಥ್ವಿ ಶಾ ಡಕೌಟ್ ಆದರೆ, ಮಯಾಂಕ್ ಅಗರ್ವಾಲ್ 17 ರನ್ಗೆ ಪತನ ಕಂಡರು. ನಂತರ ಪಂದ್ಯಕಟ್ಟಲು ಆರಂಭಿಸಿದ ಪೂಜಾರ ಹಾಗೂ ನಾಯಕ ವಿರಾಟ್ ಕೊಹ್ಲಿ ಅದ್ಭುತ ಪ್ರದರ್ಶನ ನೀಡಿದರು. ಅಂತಿಮವಾಗಿ ಭಾರತ 244 ರನ್ಗಳಿಗೆ ಆಲ್ಔಟ್ ಆಗಿತ್ತು. ಈಗ ಆಸ್ಟ್ರೇಲಿಯಾ 191 ರನ್ಗಳಿಗೆ ಎಲ್ಲ ವಿಕೆಟ್ ಕಳೆದುಕೊಂಡಿದೆ. ಆಸ್ಟ್ರೇಲಿಯಾ ತಂಡದಲ್ಲಿ ಲ್ಯಾಬುಸ್ಚಾಗ್ನೆ ಹಾಗೂ ನಾಯಕ ಪೈನ್ ಮಾತ್ರ ಉತ್ತಮ ಪ್ರದರ್ಶನ ನೀಡಿದರು. ಉಳಿದಂತೆ, ಬಹುತೇಕರು ಅಲ್ಪ ಮೊತ್ತಕ್ಕೆ ಪತನ ಕಂಡರು.

ಮಿಂಚಿದ ಟೀಂ ಇಂಡಿಯಾ ಬೌಲರ್ಗಳು ಇಂದಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಬ್ಯಾಟ್ಸ್ಮನ್ಗಳಿಗೆ ಬೆವರಿಳಿಸುವ ಕೆಲಸವನ್ನು ಭಾರತದ ಬೌಲರ್ಗಳು ಮಾಡಿದರು. ಆರ್ ಅಶ್ವಿನ್ 55 ರನ್ ನೀಡಿ ಬರೋಬ್ಬರಿ 4 ವಿಕೆಟ್ ಕಿತ್ತರು. ಸ್ಮಿತ್, ಹೆಡ್, ಗ್ರೀನ್, ಲಿಯಾನ್ ವಿಕೆಟ್ ಪಡೆದು ಟೀಂ ಇಂಡಿಯಾಗೆ ಅಶ್ವಿನ್ ಆಸರೆಯಾದರು. ಉಮೇಶ್ ಯಾದವ್ ಕೂಡ ಇಂದಿನ ಪಂದ್ಯದಲ್ಲಿ ಮಿಂಚಿದರು. 40 ರನ್ ನೀಡಿ ಬರೋಬ್ಬರಿ ಮೂರು ವಿಕೆಟ್ ಕಿತ್ತರು. ಜಸ್ಪ್ರೀತ್ ಬೂಮ್ರಾ 2 ವಿಕೆಟ್ ಪಡೆದುಕೊಂಡರು.

ಪಿಂಕ್ ಬಾಲ್ನಲ್ಲಿ ಟೀಂ ಇಂಡಿಯಾ ಮಿಂಚಿಂಗ್ ಟೀಂ ಇಂಡಿಯಾಗೆ ಪಿಂಕ್ಬಾಲ್ನಲ್ಲಿದು ಎರಡನೇ ಪಂದ್ಯ. 2019ರಲ್ಲಿ ಬಾಂಗ್ಲಾದೇಶದ ವಿರುದ್ಧ ಭಾರತ ಮೊದಲ ಬಾರಿಗೆ ಪಿಂಕ್ ಬಾಲ್ ಟೆಸ್ಟ್ ಆಡಿತ್ತು. ಇದರಲ್ಲಿ ಟೀಂ ಇಂಡಿಯಾ ಗೆದ್ದು ಬೀಗಿತ್ತು. ಈಗ ಎರಡನೇ ಬಾರಿಗೆ ಪಿಂಕ್ ಬಾಲ್ನಲ್ಲಿ ಟೆಸ್ಟ್ ಆಡುತ್ತಿದ್ದು, ಭರವಸೆ ಮೂಡಿಸಿದೆ. ರನ್ಗಳಿಸಲು ಪರದಾಟ ಎರಡೂ ಟೀಂಗಳು ಪಿಂಕ್ ಬಾಲ್ನಲ್ಲಿ ರನ್ಗಳಿಸೋಕೆ ಪರದಾಡಿವೆ. ಮೊದಲು ಬ್ಯಾಟ್ ಮಾಡಿದ್ದ ಭಾರತಕ್ಕೆ ವಿರಾಟ್ ಕೊಹ್ಲಿ ಆಸರೆಯಿಂದ 244 ರನ್ ಗಳಿಸಿತ್ತು. ಇನ್ನು, ಆಸ್ಟ್ರೇಲಿಯಾ ಕೂಡ 191 ರನ್ ಗಳಿಸಲಷ್ಟೇ ಶಕ್ತವಾಗಿತ್ತು. ಈಗ ಎರಡನೇ ಇನ್ನಿಂಗ್ಸ್ ಆರಂಭವಾಗಿದ್ದು, ಭಾರತ ಮತ್ತೆ ಕಳಪೆ ಆರಂಭ ಕಂಡಿದೆ. ಮೊದಲ ಪಂದ್ಯದಲ್ಲಿ ಡಕ್ಔಟ್ ಆಗಿದ್ದ ಪೃಥ್ವಿ ಶಾ, ಈ ಬಾರಿಯೂ ನಿರಾಸೆ ಮೂಡಿಸಿದ್ದು, 4 ರನ್ಗೆ ಔಟ್ ಆಗಿದ್ದಾರೆ. ಸದ್ಯ, ಮಯಾಂಕ್ (5), ಬೂಮ್ರಾ (0) ಬ್ಯಾಟ್ ಬೀಸುತ್ತಿದ್ದಾರೆ.