India vs England: ಏಕದಿನ ಸರಣಿ ಮೇಲೆ ಕಣ್ಣಿಟ್ಟ ಕೊಹ್ಲಿ ಗ್ಯಾಂಗ್​.. 3 ಪಂದ್ಯಗಳ ಏಕದಿನ ಸರಣಿಯ ಸಂಪೂರ್ಣ ವೇಳಾಪಟ್ಟಿ ಇಲ್ಲಿದೆ

ಪುಣೆ: ನಾಲ್ಕು ಪಂದ್ಯಗಳ ಟೆಸ್ಟ್ ಸರಣಿ ಮತ್ತು ಐದು ಪಂದ್ಯಗಳ ಟಿ 20 ಸರಣಿಗಳು ಈಗ ಹಳೆಯ ವಿಷಯವಾಗಿದೆ. ಎರಡು ಸರಣಿಗಳು ಟೀಂ ಇಂಡಿಯಾದ ಪಾಲಾಗಿವೆ. ಆದರೆ ಏಕದಿನ ಸರಣಿಯಲ್ಲಿ ಯಾರು ವಿಜೇತರಾಗುತ್ತಾರೆ ಎಂಬುದನ್ನು ಊಹಿಸುವುದು ತುಂಬಾ ಕಷ್ಟ. ಈಗ ಉಭಯ ತಂಡಗಳು 50 ಓವರ್ ಸ್ವರೂಪದಲ್ಲಿ ಪರಸ್ಪರ ಮುಖಾಮುಖಿಯಾಗಲಿವೆ. ಇಂತಹ ಪರಿಸ್ಥಿತಿಯಲ್ಲಿ, ಪ್ರೇಕ್ಷಕರು ರೋಮಾಂಚಕ ಸ್ಪರ್ಧೆಯನ್ನು ವೀಕ್ಷಿಸುವುದಂತೂ ಸತ್ಯ. ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಮೂರು ಪಂದ್ಯಗಳ ಏಕದಿನ ಸರಣಿ ಮಾರ್ಚ್ 23 ರಿಂದ ಪ್ರಾರಂಭವಾಗಲಿದೆ. ಸರಣಿಯ ಎಲ್ಲಾ ಪಂದ್ಯಗಳು ಪುಣೆಯಲ್ಲಿ ನಡೆಯಲಿದೆ. ಪುಣೆಯಲ್ಲಿ ಉಭಯ ತಂಡಗಳ ನಡುವೆ ಆಡಿದ ಏಕೈಕ ಏಕದಿನ ಪಂದ್ಯ ಭಾರತದ ಪಾಲಾಗಿದೆ. ಒಟ್ಟು ಏಕದಿನ ಪಂದ್ಯಗಳಿಗೆ ಸಂಬಂಧಿಸಿದಂತೆ, ಭಾರತ-ಇಂಗ್ಲೆಂಡ್ ತಂಡಗಳು ಈ ಸ್ವರೂಪದಲ್ಲಿ 100 ಬಾರಿ ಮುಖಾಮುಖಿಯಾಗಿವೆ. ಇದರಲ್ಲಿ ಭಾರತ 53 ಪಂದ್ಯಗಳನ್ನು ಗೆದ್ದರೆ, 42 ಪಂದ್ಯಗಳಲ್ಲಿ ಇಂಗ್ಲೆಂಡ್ ಗೆದ್ದಿದೆ. ಎರಡು ಪಂದ್ಯಗಳು ಸಮನಾಗಿದ್ದರೆ, ಮೂರು ಪಂದ್ಯಗಳಲ್ಲಿ ಫಲಿತಾಂಶ ಹೊರಬಿದ್ದಿಲ್ಲ.

ಏಕದಿನ ಸರಣಿ ವೇಳಾಪಟ್ಟಿ
1. ಮೊದಲ ಏಕದಿನ, ಮಾರ್ಚ್ 23 (ಮಂಗಳವಾರ), ಮಧ್ಯಾಹ್ನ 1.30 ರಿಂದ ಆರಂಭ.
2. ಎರಡನೇ ಏಕದಿನ, ಮಾರ್ಚ್ 26 (ಶುಕ್ರವಾರ), ಮಧ್ಯಾಹ್ನ 1.30 ರಿಂದ ಆರಂಭ.
3. ಮೂರನೇ ಏಕದಿನ, ಮಾರ್ಚ್ 28 (ಭಾನುವಾರ), ಮಧ್ಯಾಹ್ನ 1.30 ರಿಂದ ಆರಂಭ.

ಟೆಸ್ಟ್​ ಸರಣಿ ಗೆದ್ದ ಭಾರತ
ಉಭಯ ತಂಡಗಳ ನಡುವಿನ ನಾಲ್ಕು ಪಂದ್ಯಗಳ ಸರಣಿಯ ಮೊದಲ ಎರಡು ಪಂದ್ಯಗಳು ಚೆನ್ನೈನಲ್ಲಿ ನಡೆದವು. ಇದರಲ್ಲಿ ಇಂಗ್ಲೆಂಡ್ ತಂಡವು ಮೊದಲ ಪಂದ್ಯದಲ್ಲಿ 227 ರನ್‌ಗಳ ದೊಡ್ಡ ಅಂತರದಿಂದ ಜಯಗಳಿಸಿತು. ಇದರ ನಂತರ, ಎರಡನೇ ಪಂದ್ಯದಲ್ಲಿ, ಬಲವಾದ ಪುನರಾಗಮನವನ್ನು ಮಾಡಿದ ಭಾರತ ತಂಡವು 317 ರನ್ ಗಳಿಂದ 2ನೇ ಟೆಸ್ಟ್​ ಗೆದ್ದಿತ್ತು. ಟೆಸ್ಟ್ ಸರಣಿಯ ಕೊನೆಯ ಎರಡು ಪಂದ್ಯಗಳನ್ನು ಅಹಮದಾಬಾದ್‌ನಲ್ಲಿ ಹೊಸದಾಗಿ ನಿರ್ಮಿಸಲಾದ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಆಡಲಾಯಿತು. ಸರಣಿಯ ಮೂರನೇ ಟೆಸ್ಟ್ ಕೇವಲ ಎರಡು ದಿನಗಳಲ್ಲಿ ಮುಗಿದಿದ್ದು, ಇದರಲ್ಲಿ ಭಾರತ ತಂಡವು 10 ವಿಕೆಟ್‌ಗಳಿಂದ ಜಯಗಳಿಸಿತು. ನಾಲ್ಕನೇ ಪಂದ್ಯವು ಒಂದು ದಿನಕ್ಕಿಂತ ಹೆಚ್ಚು ಸಮಯ ತೆಗೆದುಕೊಂಡು ಮೂರು ದಿನಗಳಲ್ಲಿ ಕೊನೆಗೊಂಡಿತು. ಇನ್ನಿಂಗ್ಸ್ ಮತ್ತು 25 ರನ್​ಗಳಿಂದ ಗೆದ್ದ ಟೀಂ ಇಂಡಿಯಾ ಸರಣಿಯನ್ನು ಕೈವಶ ಮಾಡಿಕೊಂಡಿತು.

ಟಿ 20 ಸರಣಿಯ ರೋಚಕ ಅಂತ್ಯ
ಟೆಸ್ಟ್ ಸರಣಿಯ ನಂತರ, ಭಾರತ ತಂಡವು ಟಿ 20 ಸರಣಿಯಲ್ಲೂ ಪ್ರಾಬಲ್ಯ ಸಾಧಿಸಿದೆ. ಇದರಲ್ಲಿ ಆತಿಥೇಯ ತಂಡವು 3-2ರಿಂದ ಜಯಗಳಿಸಿತು. ಸರಣಿಯ ಎಲ್ಲಾ ಐದು ಪಂದ್ಯಗಳು ಅಹಮದಾಬಾದ್‌ನಲ್ಲಿ ನಡೆದವು. ಮೊದಲ ಪಂದ್ಯದಲ್ಲಿ ಇಂಗ್ಲೆಂಡ್ 8 ವಿಕೆಟ್‌ಗಳಿಂದ ಜಯಗಳಿಸಿತು. ಆದರೆ ಎರಡನೇ ಪಂದ್ಯದಲ್ಲಿ ಭಾರತ 7 ವಿಕೆಟ್‌ಗಳಿಂದ ಜಯಗಳಿಸಿತು. ಮೂರನೇ ಪಂದ್ಯದಲ್ಲಿ ಇಂಗ್ಲೆಂಡ್ ಮತ್ತೆ ಗೆಲುವು ಕಂಡಿತು ಮತ್ತು ಈ ಬಾರಿಯೂ ಗೆಲುವಿನ ವ್ಯತ್ಯಾಸ ಕೇವಲ ಎಂಟು ವಿಕೆಟ್‌ಗಳಾಗಿದ್ದವು. ಭಾರತ ನಾಲ್ಕನೇ ಪಂದ್ಯವನ್ನು 8 ರನ್‌ಗಳಿಂದ ಗೆದ್ದುಕೊಂಡಿತು ಮತ್ತು ಸರಣಿಯಲ್ಲಿ 2-2ರಿಂದ ಸಮ ಸಾಧಿಸಿತು. ನಿರ್ಣಾಯಕ ಪಂದ್ಯದಲ್ಲಿ ಭಾರತ ತಂಡವು ಅಂತಿಮ ಪಂದ್ಯವನ್ನು 36 ರನ್‌ಗಳಿಂದ ಗೆದ್ದು ಸರಣಿಯನ್ನು ಗೆದ್ದುಕೊಂಡಿತು.

ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಗೆ ಟೀಮ್ ಇಂಡಿಯಾ
ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಶುಭ್​ಮನ್ ಗಿಲ್, ಶಿಖರ್ ಧವನ್, ಶ್ರೇಯಸ್ ಅಯ್ಯರ್, ಸೂರ್ಯಕುಮಾರ್ ಯಾದವ್, ಹಾರ್ದಿಕ್ ಪಾಂಡ್ಯ, ರಿಷಭ್ ಪಂತ್, ಕೆ.ಎಲ್. ರಾಹುಲ್, ಕುಲದೀಪ್ ಯಾದವ್, ಯುಜ್ವೇಂದ್ರ ಚಾಹಲ್, ಕ್ರುನಾಲ್ ಪಾಂಡ್ಯ, ಭುವನೇಶ್ವರ್ ಕುಮಾರ್, ಪ್ರಸಿದ್ಧ್ ಕೃಷ್ಣ, ಮತ್ತು ಶಾರ್ದುಲ್ ಠಾಕೂರ್

ಇದನ್ನೂ ಓದಿ: India vs England: ಏಕದಿನ ಸರಣಿಯಲ್ಲಿ ಕೊಹ್ಲಿ ಬಾರಿಸುವ ಒಂದೇ ಒಂದು ಶತಕ ಎಷ್ಟೇಲ್ಲಾ ದಾಖಲೆ ಬರೆಯಲಿದೆ ಗೊತ್ತಾ?