World U-20 Championship: ಮಿಶ್ರ ರಿಲೇ ಫೈನಲ್​ಗೆ ಭಾರತ ತಂಡ, ಹೊಸ ದಾಖಲೆ ನಿರ್ಮಾಣ, ಶಾಟ್ ಪುಟ್‌ನಲ್ಲಿ ಯಶಸ್ಸು

ಅಥ್ಲೆಟಿಕ್ಸ್ ಜಗತ್ತಿನಲ್ಲಿ ಮೊದಲ ಒಲಿಂಪಿಕ್ ಪದಕ ಗೆಲ್ಲುವ ಭಾರತೀಯರ ಆಶಯ ಈ ಕ್ಷೇತ್ರದಲ್ಲಿ ಮತ್ತಷ್ಟು ಹೆಚ್ಚಾಗಿದೆ. ಟೋಕಿಯೊ ಒಲಿಂಪಿಕ್ಸ್ 2020 ರಲ್ಲಿ ಜಾವೆಲಿನ್ ಥ್ರೋನಲ್ಲಿ ನೀರಜ್ ಚೋಪ್ರಾ ಭಾರತದ ಮೊದಲ ಪದಕ ಗೆದ್ದಿದ್ದಲ್ಲದೆ, ಚಿನ್ನದ ಪದಕ ಗೆಲ್ಲುವ ಮೂಲಕ ಇತಿಹಾಸ ಸೃಷ್ಟಿಸಿದರು. ಈ ಐತಿಹಾಸಿಕ ಪ್ರದರ್ಶನದ ನಂತರ, ಅಥ್ಲೆಟಿಕ್ಸ್ ಕಡೆಗೆ ಭಾರತೀಯ ಕ್ರೀಡಾಭಿಮಾನಿಗಳ ಉತ್ಸಾಹವು ಹೆಚ್ಚಾಗಿದೆ ಮತ್ತು ಅದೇ ಉತ್ಸಾಹವನ್ನು ಭಾರತದ ಕಿರಿಯ ಮಿಶ್ರ ರಿಲೇ ತಂಡವು (4*400 ಮೀ) ಉಳಿಸಿಕೊಂಡಿದೆ. ವಿಶ್ವ ಅಥ್ಲೆಟಿಕ್ಸ್ U-20 ಚಾಂಪಿಯನ್‌ಶಿಪ್ ಕೀನ್ಯಾದ ರಾಜಧಾನಿ ನೈರೋಬಿಯಲ್ಲಿ 18 ಆಗಸ್ಟ್ ಬುಧವಾರದಿಂದ ಆರಂಭವಾಗಿದೆ. ಮೊದಲ ದಿನವೇ ಭಾರತ ಉತ್ತಮ ಸಾಧನೆ ಮಾಡಿದೆ. ಭಾರತದ ಮಿಶ್ರ ರಿಲೇ ತಂಡವು ಚಾಂಪಿಯನ್‌ಶಿಪ್​ನಲ್ಲಿ ದಾಖಲೆಯನ್ನು ಸೃಷ್ಟಿಸುವ ಮೂಲಕ ಫೈನಲ್‌ಗೆ ಪ್ರವೇಶಿಸಿದೆ. ಈವೆಂಟ್‌ನ ಫೈನಲ್ ಬುಧವಾರ ಸಂಜೆ ಮಾತ್ರ ನಡೆಯಲಿದೆ.

ಮಿಶ್ರ ರಿಲೇ ಈವೆಂಟ್ ಅನ್ನು ಮೊದಲ ಬಾರಿಗೆ ಅಂಡರ್ -20 ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಸೇರಿಸಲಾಗಿದೆ. ಮೊದಲ ಸಂದರ್ಭದಲ್ಲಿಯೇ, ಭಾರತದ ಕ್ವಾರ್ಟೆಟ್ 4*400 ಮೀಟರ್‌ನಲ್ಲಿ ಅದ್ಭುತ ಪ್ರದರ್ಶನ ನೀಡುವ ಮೂಲಕ ಫೈನಲ್‌ನಲ್ಲಿ ಸ್ಥಾನ ಪಡೆಯಿತು. ಅಬ್ದುಲ್ ರಜಾಕ್, ಪ್ರಿಯಾ ಮೋಹನ್, ಸಮ್ಮಿ ಮತ್ತು ಕಪಿಲ್ ಭಾರತದ ಪರ ಈ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ಅವರು 3.23.36 ನಿಮಿಷದಲ್ಲಿ ಗುರಿ ಮುಟ್ಟುವ ಮೂಲಕ ಮೊದಲ ಸ್ಥಾನ ಪಡೆದರು. ಜೊತೆಗೆ ಜೂನಿಯರ್ ವಿಶ್ವ ಚಾಂಪಿಯನ್‌ಶಿಪ್ ಕೂಟದ ದಾಖಲೆಯನ್ನು ಸಹ ಹೊಂದಿದ್ದರು.

ನೈಜೀರಿಯಾ ದಾಖಲೆ ಮುರಿದಿದೆ
ಆದಾಗ್ಯೂ, ಎರಡನೇ ಹೀಟ್​ನಲ್ಲಿ, ನೈಜೀರಿಯಾದ ತಂಡ 3.21 ನಿಮಿಷಗಳಲ್ಲಿ ಕ್ರಮಿಸುವ ಮೂಲಕ ಭಾರತೀಯ ತಂಡದ ದಾಖಲೆಯನ್ನು ಮುರಿದು ಅಂತಿಮ ಪಟ್ಟಿಯಲ್ಲಿ ಮೊದಲ ಸ್ಥಾನವನ್ನು ಪಡೆದುಕೊಂಡಿತು. ಎರಡೂ ಹೀಟ್‌ಗಳಲ್ಲಿ ಭಾರತ ತಂಡ ಎರಡನೇ ಸ್ಥಾನದಲ್ಲಿದೆ. ಆದಾಗ್ಯೂ, ಭಾರತೀಯ ತಂಡದ ಸಮಯವು ಅವರ ರಾಷ್ಟ್ರೀಯ ದಾಖಲೆಗಿಂತ ಕಡಿಮೆ. ಭಾರತದಲ್ಲಿ ಜೂನಿಯರ್ ರಿಲೇ ದಾಖಲೆ 3.15.71 ನಿಮಿಷಗಳು. ಫೈನಲ್ 8 ತಂಡಗಳ ನಡುವೆ ನಡೆಯಲಿದ್ದು, ಬುಧವಾರ ಸಂಜೆ 7:45 ಕ್ಕೆ (ಭಾರತೀಯ ಕಾಲಮಾನ) ನಡೆಯಲಿದೆ.

ಶಾಟ್ ಪುಟ್​ನಲ್ಲಿ ಅಂತಿಮ ಟಿಕೆಟ್
ಇವುಗಳಲ್ಲದೆ, ಶಾಟ್ ಪುಟ್ ನಿಂದ ಭಾರತಕ್ಕೆ ಒಳ್ಳೆಯ ಸುದ್ದಿಯೂ ಇದೆ. ಪುರುಷರ ಶಾಟ್ ಪುಟ್​ನಲ್ಲಿ ಭಾರತದ ಅಮನ್ ದೀಪ್ ಸಿಂಗ್ ಧಲಿವಾಲ್ ಕೂಡ ಫೈನಲ್​ಗೆ ಅರ್ಹತೆ ಪಡೆದಿದ್ದಾರೆ. ಅವರು ಗ್ರೂಪ್ ಬಿ ಅರ್ಹತೆಯಲ್ಲಿ 17.92 ಮೀಟರ್‌ಗಳ ಗುಂಡು ಎಸೆದು ಫೈನಲ್‌ಗೆ ತಲುಪುವಲ್ಲಿ ಯಶಸ್ವಿಯಾದರು. ಆದಾಗ್ಯೂ, ಫೈನಲ್‌ಗೆ ಅರ್ಹತೆ ಪಡೆದ 12 ಆಟಗಾರರಲ್ಲಿ ಅವರು 11 ನೇ ಸ್ಥಾನದಲ್ಲಿದ್ದಾರೆ. ಅಂತಿಮ ಪಂದ್ಯ ಆಗಸ್ಟ್ 19 ರಂದು ನಡೆಯಲಿದೆ.