ತಪ್ಪದೇ ನೋಡಿ ಈ Video.. ಕೊಹ್ಲಿ ಬಳಗದಲ್ಲಿ ಯಾರ್ಕರ್​ಗಳದ್ದೇ ಹವಾ!

ಮರಳುಗಾಡಿನ ಐಪಿಎಲ್ ಮಹಾಸಂಗ್ರಾಮದಲ್ಲಿ ರನ್ ಮಳೆ ಹರಿಸೋದಕ್ಕೆ ಆರ್​ಸಿಬಿ ಕ್ಯಾಪ್ಟನ್ ವಿರಾಟ್ ಕೊಹ್ಲಿ, ಹೇಗೆಲ್ಲಾ ಬ್ಯಾಟಿಂಗ್ ಪ್ರಾಕ್ಟೀಸ್ ಮಾಡಿ ಖುಷಿಯಾಗಿದ್ದಾರೆ ಅನ್ನೋದನ್ನ ನೀವೆಲ್ಲಾ ಗಮನಿಸಿದ್ದೀರಾ. ಈಗ ಬೌಲರ್​ಗಳ ಸರದಿ.

ಯಾರ್ಕರ್ ಕಾಂಪಿಟೇಷನ್..
ಬ್ಯಾಟಿಂಗ್​ನಲ್ಲಿ ಆರ್​ಸಿಬಿ ಕೊಹ್ಲಿಯಂತೆ ದೈತ್ಯ ಆಟಗಾರರನ್ನೇ ಹೊಂದಿದೆ. ಹೀಗಾಗಿ ಆರ್​ಸಿಬಿ ಕ್ಯಾಂಪ್​ನಲ್ಲಿ ಈಗ ಬೌಲರ್​ಗಳ ವಿಚಾರದಲ್ಲಿ ಹೆಚ್ಚಿನ ಗಮನ ನೀಡಲಾಗ್ತಿದೆ. ಇದೇ ಕಾರಣಕ್ಕೆ ಭಾನುವಾರ ಆರ್​ಸಿಬಿ ಬೌಲಿಂಗ್ ಕೋಚ್ ಌಡಮ್ ಗ್ರಿಫ್ತ್, ಬೌಲರ್​ಗಳಿಗೆ ಯಾರ್ಕರ್ ಕಾಂಪಿಟೇಷನ್ ಏರ್ಪಡಿಸಿದ್ರು.

ಮೊದಲಿಗೆ ಌಡಮ್ ಗ್ರಿಪ್ತ್ ಕ್ರಿಸ್ ಅಕ್ಕ ಪಕ್ಕ ಎರಡು ವಿಕೆಟ್​ಗಳನ್ನ ಇಟ್ಟು, ಮಧ್ಯದಲ್ಲಿ ಒಂದು ಪ್ಲಾಸ್ಟಿಕ್ ಕ್ಯಾಪ್ ಇಡ್ತಾರೆ. ಎರಡು ಬದಿಯ ವಿಕೆಟ್ ತುದಿಗೆ ಬಾಲ್ ಬಿದ್ರೆ ಒಂದು ಪಾಯಿಂಟ್.. ಮಧ್ಯದಲ್ಲಿ ಬಿದ್ರೆ ಮೂರು ಪಾಯಿಂಟ್.. ಪ್ಲಾಸ್ಟಿಕ್ ಕ್ಯಾಪ್​ಗೆ ಬಿದ್ರೆ ಐದು ಪಾಯಿಂಟ್ ನೀಡೋದಾಗಿ, 10 ಬಾಲ್​ಗಳಲ್ಲಿ 6 ಯಾರ್ಕರ್ ಬಾಲ್​ಗಳನ್ನ ಎಸೆಯುವಂತೆ ತಿಳಿಸ್ತಾರೆ. ಅಲ್ಲಿಗೆ ಶುರುವಾಯ್ತು ನೋಡಿ.. ಆರ್​ಸಿಬಿ ಬೌಲರ್​ಗಳ ಶಾರ್ಪ್ ಶೂಟಿಂಗ್.

ಬೌಲರ್​ಗಳಿಗೆ ಕೊಹ್ಲಿ ನೀಡಿದ ಸ್ಫೂರ್ತಿ ಅದ್ಭುತವಾಗಿತ್ತು..
ಇಲ್ಲಿ ನಿಮಗೊಂದು ಇಂಟ್ರಸ್ಟಿಂಗ್ ವಿಷಯವನ್ನು ಹೇಳಲೇಬೇಕು. ಈ ಸ್ಫರ್ದೆಯಲ್ಲಿ ವಿರಾಟ್ ಇರೋದಿಲ್ಲ ಅನ್ನೋದು ಗೊತ್ತಿರೋ ವಿಚಾರ. ಆದ್ರೆ ಆರ್​ಸಿಬಿ ಬೌಲರ್​ಗಳಿಗೆ ಕೊಹ್ಲಿ ನೀಡಿದ ಸ್ಫೂರ್ತಿ ಅದ್ಭುತವಾಗಿತ್ತು. ಮೊದಲಿಗೆ ಗುರುಕೀರತ್ ಸಿಂಗ್, ಪವನ್ ದೇಶಪಾಂಡೆ, ವಾಷಿಂಗ್ಟನ್ ಸುಂದರ್ ಅಕ್ಕ ಪಕ್ಕದ ವಿಕೆಟ್​ಗೆ ಬಾಲ್ ಎಸೆದು ಮೂರು ಪಾಯಿಂಟ್​ಗಳನ್ನ ಪಡೀತಾರೆ.

ಆ ಬಳಿಕ ಲಂಕಾ ವೇಗಿ ಇಸುರು ಉದಾನಾ ಮತ್ತು ಉಮೇಶ್ ಯಾದವ್ ಯಾರ್ಕರ್ ಎಸೆದ್ರೂ, ವಿಕೆಟ್​ಗೆ ಬೀಳೋದಿಲ್ಲ. ಹೀಗಾಗಿ ಕೊಹ್ಲಿ ಸೇರಿದಂತೆ ಆರ್​ಸಿಬಿ ಆಟಗಾರರೆಲ್ಲ ಸರಿಯಾಗೇ ಕಿಚಾಯಿಸ್ತಾರೆ. ಇನ್ನು ನವದೀಪ್ ಸೈನಿ ಮೊದಲ ಬಾಲ್​ನಲ್ಲೇ ವಿಕೆಟ್​ಗೆ ಯಾರ್ಕರ್ ಎಸೆದ್ರೆ, ನೋ ಬಾಲ್ ಆಗಿ ಬಿಡ್ತು. ಆದ್ರೆ 2ನೇ ಬಾಲ್​ನಲ್ಲಿ ಸೈನಿ ಪರ್ಫೆಕ್ಟ್ ಯಾರ್ಕರ್ ಎಸೆದು ಗೆದ್ದು ಬೀಗ್ತಾರೆ.

ಸೈನಿ, ದುಬೆ ಯಾರ್ಕರ್​ಗೆ ಫಿದಾ ಆದ ಕೊಹ್ಲಿ ಸಂಭ್ರಮ!
ನಂತರ ಶಿವಂ ದುಬೆ ಮತ್ತು ಮೊಹಮ್ಮದ್ ಸಿರಾಜ್ ಪರ್ಫೆಕ್ಟ್ ಯಾರ್ಕರ್ ಬಾಲ್ ಹಾಕಿ, ಆರ್​ಸಿಬಿ ಆಟಗಾರರು ಹುಚ್ಚೆದ್ದು ಕುಣಿಯುವಂತೆ ಮಾಡ್ತಾರೆ. ಅದ್ರಲ್ಲೂ ನಾಯಕ ವಿರಾಟ್ ಕೊಹ್ಲಿ ಸಂಬ್ರಮಕ್ಕೆ ಪಾರವೇ ಇರಲಿಲ್ಲ. ಪರ್ಫೆಕ್ಟ್ ಯಾರ್ಕರ್ ಎಸೆದ ಶಿವಂ ದುಬೆ ಮತ್ತು ನವದೀಪ್ ಸೈನಿಯನ್ನ ತಬ್ಬಿಕೊಂಡು ಸಂಬ್ರಮಿಸ್ತಾರೆ.

ಬ್ಯಾಟಿಂಗ್​ನಲ್ಲಿ ಆರ್​ಸಿಬಿಗೆ ಯಾವುದೇ ಸಮಸ್ಯೆ ಇಲ್ಲ. ಆದ್ರೆ ಪ್ರತಿ ಸೀಸನ್​ನಲ್ಲಿ ಆರ್​ಸಿಬಿ ಬೌಲರ್​ಗಳಿಂದಲೇ ಎಡವ್ತಾ ಇತ್ತು. ಆದ್ರೀಗ ವಿರಾಟ್ ಗ್ಯಾಂಗ್​ನಲ್ಲಿ ಪಕ್ಕಾ ಯಾರ್ಕರ್ ಎಸೆಯೋ ಶಾರ್ಪ್ ಶೂಟರ್​ಗಳೆ ತುಂಬಿದ್ದಾರೆ. ನಿಜ.. ತಮ್ಮ ತಂಡದ ಬೌಲರ್​ಗಳ ಶಾರ್ಪ್ ಶೂಟಿಂಗ್ ಯಾರ್ಕರ್​ಗೆ ಕ್ಯಾಪ್ಟನ್ ಕೊಹ್ಲಿ ಫುಲ್ ಫಿದಾ ಆಗಿದ್ದಾರೆ. ಇನ್ಮುಂದೆ ಆರ್​ಸಿಬಿ ಸೋಲಿಗೆ ಬೌಲರ್​ಗಳು ಕಾರಣವಾಗೋದಿಲ್ಲ ಅನ್ನೋ ವಿಶ್ವಾಸ ಬಂದಿದೆ. ಹೀಗಾಗೇ ವಿರಾಟ್ ಪ್ರತಿ ಯಾರ್ಕರ್​ಗೂ ಕುಣಿದು ಕುಪ್ಪಳಿಸಿದ್ರು.