IPL 2020: ಡೆಲ್ಲಿ ಹುಡುಗರ ಮೇಲೆ ಹೈದ್ರಾಬಾದ್ ಅನುಭವಿಗಳು ಸವಾರಿ ನಡೆಸಿದ ಕ್ಷಣಗಳು

ಮರಳುನಾಡಿನ ಮಹಾಯುದ್ಧದಲ್ಲಿ ಸತತ ಎರಡು ಪಂದ್ಯಗಳಲ್ಲಿ ಗೆಲುವಿನ ನಗೆ ಬೀರಿದ್ದ ಡೆಲ್ಲಿ ಕ್ಯಾಪಿಟಲ್ಸ್​ಗೆ, ಸನ್ ರೈಸರ್ಸ್ ಹೈದ್ರಾಬಾದ್ ಮೊದಲ ಸೋಲಿನ ಶಾಕ್ ನೀಡಿದೆ.

ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಹೈದ್ರಾಬಾದ್​ನ ರಶೀದ್ ಖಾನ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದ್ರು. 4 ಓವರ್​ಗಳಲ್ಲಿ 14 ರನ್ ನೀಡಿದ ರಶೀದ್ ಪ್ರಮುಖ ಮೂರು ವಿಕೆಟ್ ಪಡೆಯೋದ್ರೊಂದಿಗೆ, ತಂಡಕ್ಕೆ ಗೆಲುವು ತಂದುಕೊಟ್ಟರು.

ಕಳೆದೆರೆಡು ಪಂದ್ಯಗಳಲ್ಲಿ ಒಂದು ವಿಕೆಟ್ ಪಡೆಯದೇ ನಿರಾಸೆ ಮೂಡಿಸಿದ್ದ ಭುವನೇಶ್ವರ್, ಡೆಲ್ಲಿ ವಿರುದ್ಧ ಎರಡು ವಿಕೆಟ್ ಪಡೆದರು. 4 ಓವರ್​ಗಳಲ್ಲಿ 25 ರನ್ ನೀಡಿದ ಭುವನೇಶ್ವರ್, ಪೃಥ್ವಿ ಶಾ ಹಾಗೂ ಶಿಮ್ರಾನ್ ಹೇಟ್ಮೆರ್ ವಿಕೆಟ್ ಪಡೆದರು.

ಹೈದ್ರಾಬಾದ್ ವಿರುದ್ಧ ಎರಡು ವಿಕೆಟ್ ಪಡೆದ ಡೆಲ್ಲಿ ಕ್ಯಾಪಿಟಲ್ಸ್​ನ ಕಗಿಸೋ ರಬಾಡ, ಮೊಹಮ್ಮದ್ ಶಮಿ ಜೊತೆಗೆ ಪರ್ಪಲ್ ಕ್ಯಾಪ್ ಹಂಚಿಕೊಂಡಿದ್ದಾರೆ. ಮೊಹಮ್ಮದ್ ಶಮಿ ಹಾಗೂ ರಬಾಡ ಇಬ್ಬರೂ ವೇಗಿಗಳು ತಲಾ 7 ವಿಕೆಟ್ ಕಬಳಿಸಿದ್ದಾರೆ.

ಈ ಬಾರಿಯ ಐಪಿಎಲ್​ನ ಮೊದಲ ಪಂದ್ಯದಲ್ಲೇ ಬರೋಬ್ಬರಿ 162 ಸಿಕ್ಸರ್​ಗಳು ದಾಖಲಾಗಿವೆ. ಶಾರ್ಜಾ ಕ್ರಿಕೆಟ್ ಮೈದಾನದಲ್ಲೇ 2 ಪಂದ್ಯಗಳ ಪೈಕಿ 62 ಸಿಕ್ಸರ್ ದಾಖಲಾಗಿದ್ದು, ದುಬೈನಲ್ಲಿ 5 ಪಂದ್ಯಗಳ ಪೈಕಿ 58 ಸಿಕ್ಸ್​ಗಳು ದಾಖಲಾಗಿವೆ.

ಈ ಸೀಸನ್​ನಲ್ಲಿ ಮೊದಲ ಪಂದ್ಯವಾಡಿದ ಕೇನ್ ವಿಲಿಯಮ್ಸನ್, ಸ್ಫೋಟಕ ಬ್ಯಾಟಿಂಗ್ ಮಾಡೋದ್ರೊಂದಿಗೆ ತಂಡದ ಸ್ಕೋರ್ ಹೆಚ್ಚಿಸಿದರು. 26 ಎಸೆತಗಳಲ್ಲಿ 5 ಬೌಂಡರಿ ಬಾರಿಸಿದ ವಿಲಿಯಮ್ಸನ್, 41 ರನ್ ಗಳಿಸಿದರು.

ಹಾಗೇ ಕ್ಯಾಪ್ಟನ್ ವಾರ್ನರ್​ಗೆ ಸಾಥ್ ನೀಡಿದ ಬೇರಿಸ್ಟೋ ಕೂಡ ಅರ್ಧಶತಕ ಬಾರಿಸಿ ಮಿಂಚಿದರು. 48 ಎಸೆತಗಳನ್ನ ಎದುರಿಸಿದ ಬೇರಿಸ್ಟೋ, 53 ರನ್ ಗಳಿಸಿ ರಬಾಡಗೆ ವಿಕೆಟ್ ಒಪ್ಪಿಸಿದರು.

ಈ ಬಾರಿಯ ಐಪಿಎಲ್​ನ ಮೊದಲೆರೆಡು ಪಂದ್ಯಗಳಲ್ಲಿ ಸೋತಿದ್ದ ಸನ್​ರೈಸರ್ಸ್ ಹೈದ್ರಾಬಾದ್, ಅಂಕಪಟ್ಟಿಯಲ್ಲಿ ಗೆಲುವಿನ ಖಾತೆ ಓಪನ್ ಮಾಡಿದೆ. ಹೈದ್ರಾಬಾದ್ ಮೈನಸ್ 0.22 ರನ್​ರೇಟ್​ನೊಂದಿಗೆ ಪಾಯಿಂಟ್ಸ್ ಪಟ್ಟಿಯಲ್ಲಿ 6ನೇ ಸ್ಥಾನದಲ್ಲಿದೆ.