IPL 2021 RCB vs KKR: ಮ್ಯಾಕ್ಸ್ವೆಲ್- ಡಿವಿಲಿಯರ್ಸ್ ದಾಖಲೆಯ ಜೊತೆಯಾಟ! ಐಪಿಎಲ್ನಲ್ಲಿ ಹಿಂದೆಂದೂ ಆಗಿರದ ದಾಖಲೆ ನಿರ್ಮಿಸಿದ ಜೋಡಿ
IPL 2021: ಕ್ಸ್‌ವೆಲ್ 49 ಎಸೆತಗಳಲ್ಲಿ ಒಂಬತ್ತು ಬೌಂಡರಿ ಮತ್ತು ಮೂರು ಸಿಕ್ಸರ್‌ಗಳ ಸಹಾಯದಿಂದ 78 ರನ್ ಗಳಿಸಿದರು ಮತ್ತು ಡಿವಿಲಿಯರ್ಸ್ ಒಂಬತ್ತು ಬೌಂಡರಿ ಮತ್ತು ಮೂರು ಸಿಕ್ಸರ್‌ಗಳ ಸಹಾಯದಿಂದ 34 ಎಸೆತಗಳಲ್ಲಿ ಅಜೇಯ 76 ರನ್ ಗಳಿಸಿದರು.
Updated on: Apr 18, 2021 | 7:25 PM
ಇಂದು ನಡೆದ 10ನೇ ಐಪಿಎಲ್ ಪಂದ್ಯದಲ್ಲಿ ಕೋಲ್ಕತ್ತಾ ವಿರುದ್ಧ ಆರ್ಸಿಬಿ ಭರ್ಜರಿ ಜಯ ಸಾಧಿಸಿದೆ. ಆದರೆ ಈ ಸುದ್ದಿ ಇರುವುದು ಆರ್ಸಿಬಿಯ ಗೆಲುವಿನ ಬಗೆಗಲ್ಲ. ಬದಲಿಗೆ ಮ್ಯಾಕ್ಸ್ವೆಲ್ ಹಾಗೂ ಡಿವಿಲಿಯರ್ಸ್ ನಿರ್ಮಿಸಿದ ದಾಖಲೆಯ ಬಗ್ಗೆ. ಐಪಿಎಲ್ನಲ್ಲಿ ದಾಖಲೆಗಳು ಮುರಿಯುತ್ತಲೇ ಇವೆ. ಕೆಲವೊಮ್ಮೆ ಒಬ್ಬ ಬ್ಯಾಟ್ಸ್‌ಮನ್ ದಾಖಲೆಯನ್ನು ಮುರಿಯುತ್ತಾನೆ, ಕೆಲವೊಮ್ಮೆ ಬೌಲರ್ ಮುರಿಯುತ್ತಾನೆ. ಆದರೆ ಇಂದು ನಡೆದ ಆರ್ಸಿಬಿ ಹಾಗೂ ಕೋಲ್ಕತ್ತಾ ನಡುವಿನ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಬಳಗದ, ಗ್ಲೆನ್ ಮ್ಯಾಕ್ಸ್ ವೆಲ್ ಮತ್ತು ಎಬಿ ಡಿವಿಲಿಯರ್ಸ್ ನೇತೃತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ಇಬ್ಬರು ತಂಡದ ಸದಸ್ಯರು ಅದ್ಭುತ ದಾಖಲೆ ಮಾಡಿದ್ದಾರೆ. ಚೆನ್ನೈನ ಚೆಪಾಕ್ ಕ್ರೀಡಾಂಗಣದಲ್ಲಿ ಆರ್ಸಿಬಿ ಭಾನುವಾರ ಕೋಲ್ಕತಾ ನೈಟ್ ರೈಡರ್ಸ್ ತಂಡವನ್ನು ಎದುರಿಸಿತು. ಈ ಪಂದ್ಯದಲ್ಲಿ ಡಿವಿಲಿಯರ್ಸ್ ಮತ್ತು ಮ್ಯಾಕ್ಸ್ವೆಲ್ ಅರ್ಧಶತಕದ ಪಾಲುದಾರಿಕೆಯನ್ನು ರೂಪಿಸಿದರು. ಇಬ್ಬರೂ ಸಹ ಅರ್ಧಶತಕಗಳನ್ನು ಗಳಿಸಿದರು ಮತ್ತು ಇದರೊಂದಿಗೆ ಅವರು ಐಪಿಎಲ್ನಲ್ಲಿ ಹಿಂದೆಂದೂ ಸಂಭವಿಸದ ದಾಖಲೆಯೊಂದನ್ನು ಮಾಡಿದರು.
ಈ ಪಂದ್ಯದಲ್ಲಿ ಮ್ಯಾಕ್ಸ್ವೆಲ್ 49 ಎಸೆತಗಳಲ್ಲಿ ಒಂಬತ್ತು ಬೌಂಡರಿ ಮತ್ತು ಮೂರು ಸಿಕ್ಸರ್‌ಗಳ ಸಹಾಯದಿಂದ 78 ರನ್ ಗಳಿಸಿದರು ಮತ್ತು ಡಿವಿಲಿಯರ್ಸ್ ಒಂಬತ್ತು ಬೌಂಡರಿ ಮತ್ತು ಮೂರು ಸಿಕ್ಸರ್‌ಗಳ ಸಹಾಯದಿಂದ 34 ಎಸೆತಗಳಲ್ಲಿ ಅಜೇಯ 76 ರನ್ ಗಳಿಸಿದರು. ಮ್ಯಾಕ್ಸ್ವೆಲ್ 4 ನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡಲು ಬಂದರೆ ಡಿವಿಲಿಯರ್ಸ್ 5 ನೇ ಸ್ಥಾನಕ್ಕೆ ಬಂದರು. ಐಪಿಎಲ್ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ತಂಡದ ನಂಬರ್ -4 ಮತ್ತು ನಂಬರ್ -5 ಸ್ಥಾನಕ್ಕೆ ಇಳಿದ ಬ್ಯಾಟ್ಸ್‌ಮನ್‌ಗಳು ಒಂದೇ ಇನ್ನಿಂಗ್ಸ್‌ನಲ್ಲಿ 75 ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ. ಇದು ಹಿಂದೆಂದೂ ಸಂಭವಿಸಿಲ್ಲ.
ತಂಡವನ್ನು ಬಲಪಡಿಸಿದರು ಕೆಕೆಆರ್ ವಿರುದ್ಧ ಟಾಸ್ ಗೆದ್ದ ಆರ್ಸಿಬಿ ಮೊದಲು ಬ್ಯಾಟಿಂಗ್ ಆರಂಭಿಸಿತು. ನಾಯಕ ವಿರಾಟ್ ಕೊಹ್ಲಿ ಮತ್ತು ರಜತ್ ಪಾಟಿದಾರ್ ಅವರ ವಿಕೆಟ್ಗಳನ್ನು ಒಂಬತ್ತು ರನ್ಗಳಿಗೆ ಕಳೆದುಕೊಂಡರು, ನಂತರ ಮ್ಯಾಕ್ಸ್ ವೆಲ್ ಮತ್ತು ದೇವದತ್ ಪಡಿಕ್ಕಲ್ ಅವರೊಂದಿಗೆ 86 ರನ್ಗಳ ಪಾಲುದಾರಿಕೆಯನ್ನು ಹಂಚಿಕೊಂಡರು. ತಂಡದ ಒಟ್ಟು ಸ್ಕೋರ್ 95 ರನ್ ಆಗಿದ್ದಾಗ, 25 ರನ್ ಗಳಿಸಿದ ಪಾಡಿಕ್ಕಲ್ ಔಟಾದರು. ಇದರ ನಂತರ ಮ್ಯಾಕ್ಸ್ವೆಲ್ ಮತ್ತು ಡಿವಿಲಿಯರ್ಸ್ ತಂಡವನ್ನು ಬಲಪಡಿಸಿದರು ಮತ್ತು ನಾಲ್ಕನೇ ವಿಕೆಟ್‌ಗೆ 53 ರನ್ ಸೇರಿಸಿದರು. ಮ್ಯಾಕ್ಸ್ ವೆಲ್ ಒಟ್ಟು 78 ರನ್ ಗಳಿಸಿ ಹರ್ಭಜನ್ ಸಿಂಗ್ಗೆ ಬಲಿಯಾದರು. ಇದರ ನಂತರ, ಡಿವಿಲಿಯರ್ಸ್ ತನ್ನ ಬಿರುಗಾಳಿಯ ಆಟವನ್ನು ತೋರಿಸಿದರು.
ಕೊನೆಯ ಓವರ್‌ನಲ್ಲಿ 21 ರನ್ ಇನ್ನಿಂಗ್ಸ್‌ನ ಕೊನೆಯ ಓವರ್‌ನಲ್ಲಿ ಡಿವಿಲಿಯರ್ಸ್ ಆಂಡ್ರೆ ರಸ್ಸೆಲ್‌ರನ್ನು ತೀವ್ರವಾಗಿ ದಂಡಿಸಿ ಒಟ್ಟು 21 ರನ್ ಗಳಿಸಿದರು. ರಸ್ಸೆಲ್ ಅವರ ಓವರ್‌ನ ಮೊದಲ ಎಸೆತದಲ್ಲಿ ಡಿವಿಲಿಯರ್ಸ್ ಒಂದು ಬೌಂಡರಿ ಹೊಡೆದರು ಮತ್ತು ನಂತರ ಮುಂದಿನ ಎಸೆತವನ್ನು ಬೌಂಡರಿಯಿಂದ ಸಿಕ್ಸರ್‌ಗೆ ಕಳುಹಿಸಿದರು. ಓವರ್‌ನ ನಾಲ್ಕನೇ ಮತ್ತು ಆರನೇ ಎಸೆತಗಳನ್ನು ನಾಲ್ಕು ರನ್ಗಳಿಗೆ ಕಳುಹಿಸಿದರು. ಇದಕ್ಕೂ ಮೊದಲು ವರುಣ್ ಅವರ ಓವರ್‌ನಲ್ಲಿ ಸತತ 2 ಬೌಂಡರಿಗಳನ್ನು ಹೊಡೆಯುವ ಮೂಲಕ ಡಿವಿಲಿಯರ್ಸ್ ತಮ್ಮ ಅಬ್ಬರವನ್ನು ತೋರಿಸಿದರು.
