ಆಸೀಸ್​ಗೆ ಇಂತಹ ಆಟಗಾರನ ಕೊರತೆಯಿದೆ; T20 ವಿಶ್ವಕಪ್​ಗೂ ಮುನ್ನ ಧೋನಿಯನ್ನು ನೆನೆದ ರಿಕಿ ಪಾಂಟಿಂಗ್

ಮುಂಬರುವ ಟಿ 20 ವಿಶ್ವಕಪ್‌ಗೆ ಮುಂಚಿತವಾಗಿ ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್, ಕೂಲ್ ಕ್ಯಾಪ್ಟನ್ ಧೋನಿಯ ಬಗ್ಗೆ ಮೆಚ್ಚುಗೆಯ ಮಾತಾನಾಡಿದ್ದಾರೆ. ಭಾರತದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅಥವಾ ಆಲ್‌ರೌಂಡರ್ ಹಾರ್ದಿಕ್ ಪಾಂಡ್ಯ ಅವರಂತೆ ನಮ್ಮ ತಂಡದಲ್ಲಿ ಫಿನಿಶರ್ ಇಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಮಧ್ಯಮ ಕ್ರಮಾಂಕ ಅಥವಾ ಕೆಳ ಕ್ರಮಾಂಕದ ವಿಶ್ವಾಸಾರ್ಹ ಬ್ಯಾಟ್ಸ್‌ಮನ್ ವಿಕೆಟ್‌ಕೀಪಿಂಗ್ ಅನ್ನು ಕಂಡುಕೊಂಡರೆ, ಒಂದು ಬಾಣವು ಇಬ್ಬರನ್ನು ಕೊಲ್ಲುತ್ತದೆ ಎಂಬುದು ಪಾಂಟಿಂಗ್ ಅಭಿಪ್ರಾಯವಾಗಿದೆ. ಆಸ್ಟ್ರೇಲಿಯಾಕ್ಕೆ ಫಿನಿಶರ್ ಪಾತ್ರವು ಯಾವಾಗಲೂ ಕಳವಳಕ್ಕೆ ಕಾರಣವಾಗಿದೆ. ಇದಕ್ಕಾಗಿ ಮೂರು ಅಥವಾ ನಾಲ್ಕು ಓವರ್‌ಗಳನ್ನು ಆಡಬಲ್ಲ ಮತ್ತು 50 ರನ್ ಗಳಿಸಬಲ್ಲ ತಜ್ಞರ ಅಗತ್ಯವಿದೆ ಎಂದಿದ್ದಾರೆ.

ಆಸ್ಟ್ರೇಲಿಯಾ ಕೂಡ ಉತ್ತಮ ಫಿನಿಶರ್ ಹೊಂದಿಲ್ಲ
ಧೋನಿ ತಮ್ಮ ಇಡೀ ವೃತ್ತಿಜೀವನದಲ್ಲಿ ಈ ಕೆಲಸವನ್ನು ಮಾಡಿದ್ದಾರೆ ಮತ್ತು ಅವರು ಅದರಲ್ಲಿ ಅತ್ಯುತ್ತಮವಾಗಿದ್ದಾರೆ. ಹಾರ್ದಿಕ್ ಪಾಂಡ್ಯ ಮತ್ತು ಕೈರನ್ ಪೊಲಾರ್ಡ್ ಕೂಡ ಈ ವಿಭಾಗದಲ್ಲಿ ಸೇರುವ ಆಟಗಾರರಾಗಿದ್ದಾರೆ. ಈ ಇಬ್ಬರು ದೇಶ ಮತ್ತು ಐಪಿಎಲ್ ತಂಡಕ್ಕಾಗಿ ಪಂದ್ಯಗಳನ್ನು ಗೆಲ್ಲಿಸಿಕೊಡಬಲ್ಲ ಸಾಮಥ್ಯ್ರ ಹೊಂದಿದ್ದಾರೆ. ಅವರು ಈ ಕ್ರಮಾಂಕಗಳಲ್ಲಿ ಆಡಲು ಒಗ್ಗಿಕೊಂಡಿರುತ್ತಾರೆ. ಐಪಿಎಲ್‌ನಲ್ಲಿ ದೆಹಲಿ ಕ್ಯಾಪಿಟಲ್ಸ್‌ನ ಕೋಚ್ ಆಗಿದ್ದ ಪಾಂಟಿಂಗ್, ಆಸ್ಟ್ರೇಲಿಯಾ ಕೂಡ ಉತ್ತಮ ಫಿನಿಶರ್ ಹೊಂದಿಲ್ಲ ಏಕೆಂದರೆ ಅದರ ಎಲ್ಲ ಅತ್ಯುತ್ತಮ ಬ್ಯಾಟ್ಸ್‌ಮನ್‌ಗಳು ಬಿಗ್ ಬ್ಯಾಷ್ ಲೀಗ್‌ನ ಮೊದಲ ನಾಲ್ಕು ಸ್ಥಾನಗಳಲ್ಲಿ ಆಡುತ್ತಾರೆ. ಗ್ಲೆನ್ ಮ್ಯಾಕ್ಸ್ವೆಲ್ ಅಥವಾ ಮಿಚೆಲ್ ಮಾರ್ಷ್ ಅಥವಾ ಮಾರ್ಕಸ್ ಸ್ಟೋಯಿನಿಸ್ ಈ ಸ್ಥಾನ ತುಂಬಬಲ್ಲ ಆಟಗಾರರಾಗಿದ್ದಾರೆ. ಇದು ಆಸ್ಟ್ರೇಲಿಯಾದ ಬಗ್ಗೆ ಹೆಚ್ಚಿನ ಕಾಳಜಿಗೆ ಕಾರಣ ಎಂದು ನಾನು ಭಾವಿಸುತ್ತೇನೆ ಎಂದಿದ್ದಾರೆ.

ಸ್ಟೋಯಿನಿಸ್‌ ಮೇಲೆ ಪಾಂಟಿಂಗ್ ಭರವಸೆ
ದೆಹಲಿ ತಂಡದಲ್ಲಿ ಸ್ಟೊಯಿನಿಸ್ ಕೆಳ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಕಳೆದ ವರ್ಷ ದೆಹಲಿ ಪರ ಸ್ಟೊಯಿನಿಸ್ ಬ್ಯಾಟಿಂಗ್ ಮಾಡುವುದನ್ನು ನಾನು ನೋಡಿದೆ. ಅವರು ಬಿಗ್ ಬ್ಯಾಷ್ ಲೀಗ್‌ನ ಕೆಲವು ಪಂದ್ಯಗಳಲ್ಲಿ ಇನ್ನಿಂಗ್ಸ್ ತೆರೆಯುವ ಮೂಲಕ ಮೆಲ್ಬೋರ್ನ್ ಸ್ಟಾರ್ಸ್‌ಗಾಗಿ ಉತ್ತಮ ಪ್ರದರ್ಶನ ನೀಡಿದರು ಆದರೆ ಫಿನಿಶರ್ ಆಡಬಲ್ಲ ಬ್ಯಾಟ್ಸ್‌ಮನ್ ಒಬ್ಬನನ್ನು ನಾನು ಬಯಸುತ್ತೇನೆ ಎಂದಿದ್ದಾರೆ.

ಕೊನೆಯ ಓವರ್‌ನಲ್ಲಿ ಹೆಚ್ಚು ಆಟಗಾರರು ಬ್ಯಾಟಿಂಗ್ ಮಾಡುತ್ತಾರೆ, ಅದು ಉತ್ತಮವಾಗಿರುತ್ತದೆ. ಆದರೆ ಇದಕ್ಕಾಗಿ ಬಿಗ್ ಬ್ಯಾಷ್ ಲೀಗ್‌ನ ತಂಡಗಳನ್ನು ಮನವೊಲಿಸುವುದು ತುಂಬಾ ಕಷ್ಟಕರವಾಗಿರುತ್ತದೆ ಎಂದು ಪಾಂಟಿಂಗ್ ಹೇಳಿದ್ದಾರೆ. ಕೀಪರ್-ಬ್ಯಾಟ್ಸ್‌ಮನ್ ಕೊರತೆಯ ಬಗ್ಗೆಯೂ ಆತಂಕ ವ್ಯಕ್ತಪಡಿಸಿದರು. ಜೋಶ್ ಇಂಗ್ಲಿಸ್ ಈ ಅಂತರವನ್ನು ತುಂಬಬಹುದು ಎಂದು ಹೇಳಿದರು. ಅವರು ಸ್ಪಿನ್​ಗೆ ಚೆನ್ನಾಗಿ ಆಡುತ್ತಾರೆ, ಇದು ಭಾರತ ಅಥವಾ ಯುಎಇ ಪಿಚ್‌ಗಳಲ್ಲಿ ಉಪಯುಕ್ತವಾಗಿದೆ ಎಂಬುದು ಪಾಂಟಿಗ್ ಅಭಿಪ್ರಾಯವಾಗಿದೆ.

ಇದನ್ನೂ ಓದಿ:ಧೋನಿ ಬ್ಯಾಟಿಂಗ್, ಕೊನೆಯ ಬಾಲ್​ಗೆ 6 ರನ್​ ಬೇಕು; ಮಹಿಗೆ ನೀವು ಯಾವ ಬಾಲ್ ಹಾಕ್ತೀರ? ಆಸೀಸ್ ಆಟಗಾರನ ಉತ್ತರ ಹೀಗಿತ್ತು