SRH vs RCB, IPL 2021 Match 6 Result: ಶಹಬಾಜ್ ಅಹ್ಮದ್ ಮ್ಯಾಜಿಕ್! ರೋಚಕ ಪಂದ್ಯದಲ್ಲಿ ಗೆದ್ದ ಆರ್​ಸಿಬಿ; ಸನ್​ರೈಸರ್ಸ್​ಗೆ ಮತ್ತೆ ಸೋಲು

ಸನ್​ರೈಸರ್ಸ್ ವಿರುದ್ಧದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 6 ರನ್​ಗಳ ರೋಚಕ ಗೆಲುವು ದಾಖಲಿಸಿದೆ. ಡೆತ್ ಓವರ್​ಗಳಲ್ಲಿ ಆರ್​ಸಿಬಿ ಅದ್ಭುತ ಪ್ರದರ್ಶನ ತೋರಿದೆ.

ಶಹಬಾಜ್ ನದೀಮ್ ಹರ್ಷಲ್ ಪಟೇಲ್​ಗೆ ವಿಕೆಟ್ ಒಪ್ಪಿಸಿದ್ದಾರೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡದ ಆಟಗಾರ ರಶೀದ್ ಖಾನ್ 3 ಬಾಲ್​ಗೆ 8 ರನ್ ಗಳಿಸುವ ಅವಸರದಲ್ಲಿ ರನೌಟ್ ಆಗಿದ್ದಾರೆ. ಹರ್ಷಲ್ ಪಟೇಲ್ ಎಸೆತಕ್ಕೆ ಎರಡು ರನ್ ಪಡೆಯಲು ಓಡಿ ಔಟ್ ಆಗಿದ್ದಾರೆ. ರಶೀದ್ ಖಾನ್ 9 ಬಾಲ್​ಗೆ 18 ರನ್ ಗಳಿಸಿ ನಿರ್ಗಮಿಸಿದ್ದಾರೆ. ಭುವನೇಶ್ವರ್ ಕುಮಾರ್ ಹಾಗೂ ಶಹಬಾಜ್ ನದೀಮ್ ಕ್ರೀಸ್​ನಲ್ಲಿದ್ದಾರೆ.

19.2ನೇ ಬಾಲ್​ಗೆ ರಶೀದ್ ಖಾನ್ ಬೌಂಡರಿ ಬಾರಿಸಿದ್ದಾರೆ. ಈ ಮೂಲಕ ಸನ್​ರೈಸರ್ಸ್​ಗೆ 4 ಬಾಲ್​ಗೆ 8 ರನ್ ಬೇಕಾಗಿದೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡದ ಗೆಲುವಿಗೆ 6 ಬಾಲ್​ಗೆ 16 ರನ್ ಬೇಕಾಗಿದೆ. ರಶೀದ್ ಖಾನ್ ಹಾಗೂ ಭುವನೇಶ್ವರ್ ಕುಮಾರ್ ಕ್ರೀಸ್​ನಲ್ಲಿದ್ದಾರೆ. ಕೊನೆಯ ಓವರ್​ನ್ನು ಹರ್ಷಲ್ ಪಟೇಲ್ ಬಾಲ್ ಮಾಡುತ್ತಿದ್ದಾರೆ.

ಜೇಸನ್ ಹೋಲ್ಡರ್ ಸಿಕ್ಸರ್​ ಕಡೆ ಎತ್ತಿದ ಬಾಲ್​ನ್ನು ಕ್ರಿಶ್ಚಿಯನ್ ಕ್ಯಾಚ್ ಹಿಡಿದಿದ್ದಾರೆ. ಸಿರಾಜ್ ಎಸೆತಕ್ಕೆ ಹೋಲ್ಡರ್ ಔಟ್ ಆಗಿದ್ದು, 5 ಬಾಲ್​ಗೆ 4 ರನ್ ನೀಡಿ ನಿರ್ಗಮಿಸಿದ್ದಾರೆ.

ಸನ್​ರೈಸರ್ಸ್ ಪರ ದಾಂಡಿಗ ವಿಜಯ್ ಶಂಕರ್ ವಿರಾಟ್ ಕೊಹ್ಲಿಗೆ ಕ್ಯಾಚ್ ನೀಡಿ, ಹರ್ಷಲ್ ಪಟೇಲ್​ಗೆ ವಿಕೆಟ್ ಒಪ್ಪಿಸಿದ್ದಾರೆ. 18 ಓವರ್ ಅಂತ್ಯಕ್ಕೆ ಹೈದರಾಬಾದ್ ಸ್ಕೋರ್ 123/6 ಆಗಿದೆ. ಜೇಸನ್ ಹೋಲ್ಡರ್ ಜೊತೆ ರಶೀದ್ ಖಾನ್ ಕ್ರೀಸ್​ನಲ್ಲಿದ್ದಾರೆ.

ಶಹಬಾಜ್ ಅಹ್ಮದ್ ಎಸೆದ ಕೊನೆಯ ಓವರ್​ನಲ್ಲಿ ಪಂದ್ಯ ತಿರುವು ಪಡೆದುಕೊಂಡಿದೆ. ಸೋಲಿನ ಭೀತಿಯಲ್ಲಿದ್ದ ಆರ್​ಸಿಬಿ 3 ವಿಕೆಟ್ ಕಬಳಿಸಿ ಗೆಲುವಿನ ಆಸೆ ಉಳಿಸಿಕೊಂಡಿದೆ. ವಿಜಯ್ ಶಂಕರ್ ಮತ್ತು ಜೇಸನ್ ಹೋಲ್ಡರ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ. 16 ಬಾಲ್​ಗೆ 32 ರನ್ ಬೇಕಿದೆ.

ಹೈದರಾಬಾದ್ ಪರ ಉತ್ತಮ ಆಟವಾಡಿದ್ದ ಮನೀಶ್ ಪಾಂಡೆ 39 ಬಾಲ್​ಗೆ 38 ರನ್ ದಾಖಲಿಸಿ ಔಟ್ ಆಗಿದ್ದಾರೆ. ಶಹಬಾಜ್ ಅಹ್ಮದ್ ಬಾಲ್​ನ್ನು ಸಿಕ್ಸರ್​ಗೆ ಎತ್ತಲು ಹೋಗಿ ಹರ್ಷಲ್ ಪಟೇಲ್​ಗೆ ಕ್ಯಾಚ್ ನೀಡಿದ್ದಾರೆ. ಅಬ್ದುಲ್ ಸಮದ್ ಜೊತೆ ವಿಜಯ್ ಶಂಕರ್ ಕ್ರೀಸ್​ನಲ್ಲಿ ಇದ್ದಾರೆ. ಜೊತೆಜೊತೆಗೆ ಎರಡು ವಿಕೆಟ್​ಗಳನ್ನು ಪಡೆದು ಆರ್​ಸಿಬಿ ಗೆಲ್ಲುವ ಉತ್ಸಾಹ ಉಳಿಸಿಕೊಂಡಿದೆ.

ಸನ್​ರೈಸರ್ಸ್ ಹೈದರಾಬಾದ್ ಬ್ಯಾಟ್ಸ್​ಮನ್ ಬೇರ್​ಸ್ಟೋ 13 ಬಾಲ್​ಗೆ 12 ರನ್ ಗಳಿಸಿ ಔಟ್ ಆಗಿದ್ದಾರೆ. ಶಹಬಾಜ್ ಅಹ್ಮದ್ ಎಸೆತವನ್ನು ಸಿಕ್ಸರ್​ಗೆ ಎತ್ತಲು ಹೋಗಿ ಕೀಪರ್ ಎಬಿ ಡಿವಿಲಿಯರ್ಸ್​ಗೆ ಕ್ಯಾಚ್ ನೀಡಿದ್ದಾರೆ.

ಸನ್​ರೈಸರ್ಸ್ ಹೈದರಾಬಾದ್ ಗೆಲುವಿಗೆ 24 ಬಾಲ್​ಗೆ 35 ರನ್ ಬೇಕಾಗಿದೆ. ಹೈದರಾಬಾದ್ ತಂಡ 16 ಓವರ್​ಗಳ ಅಂತ್ಯಕ್ಕೆ 2 ವಿಕೆಟ್ ಕಳೆದುಕೊಂಡು 115 ರನ್ ಕಲೆಹಾಕಿದೆ. ಮನೀಶ್ ಪಾಂಡೆ 38 ಬಾಲ್​ಗೆ 38 ರನ್ ಗಳಿಸಿದ್ದಾರೆ. ಬೇರ್​ಸ್ಟೋ 12 ಬಾಲ್​ಗೆ 12 ರನ್ ಗಳಿಸಿದ್ದಾರೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡ ಗೆಲ್ಲಲು 30 ಬಾಲ್​ಗೆ 42 ರನ್ ಬೇಕಾಗಿದೆ. ತಂಡದ ಪರವಾಗಿ ಬೇರ್​ಸ್ಟೋ ಮತ್ತು ಮನೀಶ್ ಪಾಂಡೆ ಆಡುತ್ತಿದ್ದಾರೆ. ಸನ್​ರೈಸರ್ಸ್ ಸ್ಕೋರ್ 15 ಓವರ್​ಗೆ 108/2 ಆಗಿದೆ.

14 ಓವರ್​ಗಳ ಅಂತ್ಯಕ್ಕೆ ಸನ್​ರೈಸರ್ಸ್ ಹೈದರಾಬಾದ್ ಆಟಗಾರರು 2 ವಿಕೆಟ್ ಕಳೆದುಕೊಂಡು 102 ರನ್ ದಾಖಲಿಸಿದ್ದಾರೆ. ತಂಡದ ಗೆಲುವಿಗೆ 36 ಬಾಲ್​ಗೆ 48 ರನ್ ಬೇಕಾಗಿದೆ. ಮನೀಶ್ ಪಾಂಡೆ-ಬೇರ್​ಸ್ಟೋ ಕ್ರೀಸ್​ನಲ್ಲಿದ್ದಾರೆ.

ಅರ್ಧಶತಕ ಸಿಡಿಸಿ ತಂಡವನ್ನು ಗೆಲುವಿನತ್ತ ಕೊಂಡೊಯ್ಯುತ್ತಿದ್ದ ಡೇವಿಡ್ ವಾರ್ನರ್ 37 ಬಾಲ್​ಗೆ 54 ರನ್ ಗಳಿಸಿ ವಿಕೆಟ್ ಒಪ್ಪಿಸಿದ್ದಾರೆ. ಜಾಂಇಸನ್ ಬಾಲ್​ಗೆ ಕ್ರಿಶ್ಚಿಯನ್​ಗೆ ಕ್ಯಾಚ್ ನೀಡಿ ಔಟ್ ಆಗಿದ್ದಾರೆ. ಬೇರ್​ಸ್ಟೋ ಮನೀಶ್ ಪಾಂಡೆಗೆ ಜೊತೆಯಾಗಿದ್ದಾರೆ.

ಸನ್​ರೈಸರ್ಸ್ ತಂಡ 13 ಓವರ್ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 96 ರನ್ ದಾಖಲಿಸಿದೆ.

ವಾರ್ನರ್ 31 ಬಾಲ್​ಗೆ ಅರ್ಧಶತಕ..

ಸನ್​ರೈಸರ್ಸ್ ಹೈದರಾಬಾದ್ ಪರ ನಾಯಕ ಡೇವಿಡ್ ವಾರ್ನರ್ ಭರ್ಜರಿ ಅರ್ಧಶತಕ ದಾಖಲಿಸಿದ್ದಾರೆ. ವಾರ್ನರ್ 33 ಬಾಲ್​ಗೆ 53 ರನ್ ಗಳಿಸಿ ಆಡುತ್ತಿದ್ದಾರೆ. 7 ಬೌಂಡರಿ ಹಾಗೂ 1 ಸಿಕ್ಸರ್ ಬಾರಿಸಿದ್ದಾರೆ.

ಡೇವಿಡ್ ವಾರ್ನರ್ ಚಹಾಲ್ ಕೊನೆಯ ಓವರ್​ನ ಬಾಲ್​ಗೆ 2 ಬೌಂಡರಿ ಬಾರಿಸಿದ್ದಾರೆ. ಸನ್​ರೈಸರ್ಸ್ ತಂಡದ ಮೊತ್ತ 11 ಓವರ್​ಗೆ 87/1 ಆಗಿದೆ. ಗೆಲ್ಲಲು 54 ಬಾಲ್​ಗೆ 63 ರನ್ ಬೇಕಿದೆ. ವಾರ್ನರ್ 47 ರನ್ ಬಾರಿಸಿ ಅರ್ಧಶತಕದ ಹೊಸ್ತಿಲಲ್ಲಿ ಇದ್ದಾರೆ.

10 ಓವರ್​ಗಳ ಅಂತ್ಯಕ್ಕೆ ಸನ್​ರೈಸರ್ಸ್ ಹೈದರಾಬಾದ್ ತಂಡ 1 ವಿಕೆಟ್ ಕಳೆದುಕೊಂಡು 77 ರನ್ ಕಲೆಹಾಕಿದೆ. ತಂಡಕ್ಕೆ ಗೆಲ್ಲಲು 60 ಬಾಲ್​ಗೆ 73 ರನ್ ಬೇಕಿದೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡ 9 ಓವರ್ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 70 ರನ್ ದಾಖಲಿಸಿದೆ. ತಂಡದ ಪರ ವಾರ್ನರ್ 32(19), ಮನೀಶ್ ಪಾಂಡೆ 29(26) ಆಡುತ್ತಿದ್ದಾರೆ. ಸನ್​ರೈಸರ್ಸ್ ಗೆಲುವಿಗೆ 66 ಬಾಲ್​ಗೆ 80 ರನ್ ಬೇಕಿದೆ.

ವಾಷಿಂಗ್ಟನ್ ಸುಂದರ್ ಕೊನೆಯ ಓವರ್​ನಲ್ಲಿ ಮನೀಶ್ ಪಾಂಡೆ ಸಿಕ್ಸರ್ ಬಾರಿಸಿದ್ದಾರೆ. ಈ ಮೂಲಕ ತಂಡದ ಮೊತ್ತ 8 ಓವರ್ ಅಂತ್ಯಕ್ಕೆ 65/1 ಆಗಿದೆ. ಹೈದರಾಬಾದ್ ಗೆಲ್ಲಲು 72 ಬಾಲ್​ಗೆ 85 ರನ್ ಬೇಕಾಗಿದೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡ ಗೆಲ್ಲಲು 78 ಬಾಲ್​ಗೆ 93 ರನ್ ಬೇಕಾಗಿದೆ. 7 ಓವರ್ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 57 ರನ್ ದಾಖಲಿಸಿದೆ.

6 ಓವರ್​ಗಳ ಅಂತ್ಯಕ್ಕೆ ಸನ್​ರೈಸರ್ಸ್ ಹೈದರಾಬಾದ್ ತಂಡ 1 ವಿಕೆಟ್ ಕಳೆದುಕೊಂಡು 50 ರನ್ ದಾಖಲಿಸಿದೆ. ತಂಡದ ಪರ ವಾರ್ನರ್ 28(13) ಹಾಗೂ ಮನೀಶ್ ಪಾಂಡೆ 14(14) ಕಣದಲ್ಲಿದ್ದಾರೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡ 5 ಓವರ್ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 38 ರನ್ ಗಳಿಸಿದೆ. ತಂಡದ ಪರ ನಾಯಕ ಡೇವಿಡ್ ವಾರ್ನರ್ ಹಾಗೂ ಮನೀಶ್ ಪಾಂಡೆ ಬ್ಯಾಟ್ ಬೀಸುತ್ತಿದ್ದಾರೆ. ಸನ್​ರೈಸರ್ಸ್ ಗೆಲ್ಲಲು 90 ಬಾಲ್​ಗೆ 112 ರನ್ ಬೇಕಿದೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡ 4 ಓವರ್ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 32 ರನ್ ಕಲೆಹಾಕಿದೆ. ಎಸ್​ಆರ್​ಎಚ್ ಪರ ವಾರ್ನರ್ ಹಾಗೂ ಮನೀಶ್ ಪಾಂಡೆ ಕಣದಲ್ಲಿದ್ದಾರೆ. ರನ್ ಗತಿ ಹೆಚ್ಚಿಸಲು ಪ್ರಯತ್ನಿಸುತ್ತಿದ್ದಾರೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡ 3 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 15 ರನ್ ದಾಖಲಿಸಿದೆ. ಮನೀಶ್ ಪಾಂಡೆ ಹಾಗೂ ಡೇವಿಡ್ ವಾರ್ನರ್ ಬ್ಯಾಟಿಂಗ್​ನಲ್ಲಿದ್ದಾರೆ. ಆರ್​ಸಿಬಿ ಪರ ಸಿರಾಜ್ ಹಾಗೂ ಜಾಮಿಸನ್ ಬೌಲಿಂಗ್ ಮಾಡುತ್ತಿದ್ದಾರೆ.

ಆರ್​ಸಿಬಿ ಪರ ವಿಕೆಟ್ ಕಿತ್ತ ಸಿರಾಜ್

ಇನ್ನಿಂಗ್ಸ್ ಆರಂಭಿಸಿದ ಸನ್​ರೈಸರ್ಸ್ ಹೈದರಾಬಾದ್ ತಂಡಕ್ಕೆ ಮೊದಲ ಬರೆ ಬಿದ್ದಿದೆ. ಓಪನರ್ ವೃದ್ಧಿಮಾನ್ ಸಹಾ 9 ಬಾಲ್​ಗೆ 1 ರನ್ ಕಲೆಹಾಕಿ ಸಿರಾಜ್​ಗೆ ವಿಕೆಟ್ ಒಪ್ಪಿಸಿದ್ದಾರೆ.

20 ಓವರ್​ಗಳ ಅಂತ್ಯಕ್ಕೆ ರಾಯಲ್ ಚಾಲೆಂಜರ್ಸ್ ತಂಡ 7 ವಿಕೆಟ್ ಕಳೆದುಕೊಂಡು 149 ರನ್ ದಾಖಲಿಸಿದೆ. ಈ ಮೂಲಕ ಸನ್​ರೈಸರ್ಸ್ ಹೈದರಾಬಾದ್ ತಂಡಕ್ಕೆ 150 ರನ್​ಗಳ ಟಾರ್ಗೆಟ್ ನೀಡಿದೆ. ಕೊನೆಯ ಎಸೆತದಲ್ಲಿ ಮ್ಯಾಕ್ಸ್​ವೆಲ್ ಔಟ್ ಆಗಿದ್ದಾರೆ.

ರಾಯಲ್ ಚಾಲೆಂಜರ್ಸ್ ಪರ ಏಕಾಂಗಿ ಹೋರಾಟ ಮಾಡಿದ ಗ್ಲೆನ್ ಮ್ಯಾಕ್ಸ್​ವೆಲ್ ಅರ್ಧಶತಕ ಪೂರೈಸಿದ್ದಾರೆ. 38 ಬಾಲ್​ಗೆ 50 ರನ್ ಬಾರಿಸಿ, ತಂಡದ ಪರ ಉತ್ತಮ ಆಟವಾಡುತ್ತಿದ್ದಾರೆ. ಮ್ಯಾಕ್ಸ್​ವೆಲ್ 2 ಸಿಕ್ಸರ್, 5 ಬೌಂಡರಿ ದಾಖಲಿಸಿದ್ದಾರೆ.

ಕೊನೆಯ ಓವರ್​ನ ಮೊದಲನೇ ಎಸೆತದಲ್ಲಿ ಕೈಲ್ ಜಾಮಿಸನ್ ಔಟ್ ಆಗಿದ್ದಾರೆ. ಜೇಸನ್ ಹೋಲ್ಡರ್ ಬಾಲ್​ನ್ನು ಮನೀಶ್ ಪಾಂಡೆಗೆ ಕ್ಯಾಚ್ ನೀಡಿ ನಿರ್ಗಮಿಸಿದ್ದಾರೆ. ಮ್ಯಾಕ್ಸ್​ವೆಲ್ ಬ್ಯಾಟ್ ಮಾಡುತ್ತಿದ್ದು ಹರ್ಷಲ್ ಪಟೇಲ್ ಜೊತೆಯಾಗಿದ್ದಾರೆ. ಜಾಮಿಸನ್ 9 ಬಾಲ್​ಗೆ 12 ರನ್​ಗಳ ಕೊಡುಗೆ ನೀಡಿದ್ದಾರೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 18 ಓವರ್​ಗಳ ಅಂತ್ಯಕ್ಕೆ 6 ವಿಕೆಟ್ ಕಳೆದುಕೊಂಡು 124 ರನ್ ದಾಖಲಿಸಿದೆ. ಜಾಮಿಸನ್ ಹಾಗೂ ಮ್ಯಾಕ್ಸ್​ವೆಲ್ ಅಂತಿಮ ಓವರ್​ಗಳಲ್ಲಿ ವೇಗದ ಆಟಕ್ಕೆ ಮುಂದಾಗಿದ್ದಾರೆ.

ಕ್ರಿಶ್ಚಿಯನ್ 2 ಬಾಲ್ ಎದುರಿಸಿ ಕೇವಲ 1 ರನ್ ಗಳಿಸಿ ಔಟ್ ಆಗಿದ್ದಾರೆ. ಟಿ. ನಟರಾಜನ್ ಬಾಲ್​ಗೆ ಕೀಪರ್ ವೃದ್ಧಿಮಾನ್ ಸಹಾಗೆ ಕ್ಯಾಚ್ ನೀಡಿದ್ದಾರೆ. 17 ಓವರ್ ಅಂತ್ಯಕ್ಕೆ ಆರ್​ಸಿಬಿ ಮೊತ್ತ 110/6 ಆಗಿದೆ.

16 ಓವರ್​ಗಳ ಅಂತ್ಯಕ್ಕೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 106 ರನ್ ಗಳಿಸಿ 5 ವಿಕೆಟ್ ಕಳೆದುಕೊಂಡಿದೆ. ಯಾವೊಬ್ಬ ಬ್ಯಾಟ್ಸ್​ಮನ್ ಕೂಡ ಇನ್ನಿಂಗ್ಸ್ ಕಟ್ಟುವ ಪರಿಪೂರ್ಣ ಆಟ ತೋರುತ್ತಿಲ್ಲ. ಸನ್​ರೈಸರ್ಸ್ ಹೈದರಾಬಾದ್ ಪರ ಬೌಲರ್​ಗಳು, ವಿಶೇಷವಾಗಿ ರಶೀದ್ ಖಾನ್ ಮಿಂಚುತ್ತಿದ್ದಾರೆ.

ವಾಷಿಂಗ್ಟನ್ ಸುಂದರ್ 15.5ನೇ ಬಾಲ್​ನಲ್ಲಿ ವಿಕೆಟ್ ಒಪ್ಪಿಸಿದ್ದಾರೆ. ರಶೀದ್ ಖಾನ್ ಬಾಲ್​ಗೆ ಮನೀಶ್ ಪಾಂಡೆಗೆ ಕ್ಯಾಚ್ ನೀಡಿ ಸುಂದರ್ ಔಟ್ ಆಗಿದ್ದಾರೆ. ಸುಂದರ್ 11 ಬಾಲ್​ಗೆ 8 ರನ್ ಗಳಿಸುವಷ್ಟರಲ್ಲಿ ಸುಸ್ತಾಗಿದ್ದಾರೆ.

ರಾಯಲ್ ಚಾಲೆಂಜರ್ಸ್ ತಂಡ 15 ಓವರ್​ಗಳ ಅಂತ್ಯಕ್ಕೆ 4 ವಿಕೆಟ್ ಕಳೆದುಕೊಂಡು 103 ರನ್ ದಾಖಲಿಸಿದ್ದಾರೆ. ರಾಯಲ್ ಚಾಲೆಂಜರ್ಸ್ ಪರ ಮ್ಯಾಕ್ಸ್​ವೆಲ್ ಹಾಗೂ ವಾಷಿಂಗ್ಟನ್ ಸುಂದರ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಆರ್​ಸಿಬಿ ಪರ ಬ್ಯಾಟಿಂಗ್​ಗೆ ಬಂದ ಎಬಿ ಡಿವಿಲಿಯರ್ಸ್ ಕೇವಲ 1 ರನ್ ಗಳಿಸಿ ನಿರ್ಗಮಿಸಿದ್ದಾರೆ. ರಶೀದ್ ಖಾನ್ ಬಾಲ್​ನ್ನು ವಾರ್ನರ್​ಗೆ ಕ್ಯಾಚ್ ನೀಡಿ ಔಟ್ ಆಗಿದ್ದಾರೆ. ಆರ್​ಸಿಬಿ 14 ಓವರ್ ಅಂತ್ಯಕ್ಕೆ 96/4 ಆಗಿದೆ.

13 ಓವರ್​ಗಳ ಅಂತ್ಯಕ್ಕೆ ರಾಯಲ್ ಚಾಲೆಂಜರ್ಸ್ 3 ವಿಕೆಟ್ ಕಳೆದುಕೊಂಡು 92 ರನ್ ದಾಖಲಿಸಿದೆ. ರಾಯಲ್ ಚಾಲೆಂಜರ್ಸ್ ಪರ ಮ್ಯಾಕ್ಸ್​ವೆಲ್ ಹಾಗೂ ಎಬಿ ಡಿವಿಲಿಯರ್ಸ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಆರ್​ಸಿಬಿ ಪರ ಉತ್ತಮ ಆಟವಾಡುತ್ತಿದ್ದ ವಿರಾಟ್ ಕೊಹ್ಲಿ ಕೆಟ್ಟ ಶಾಟ್​ಗೆ ಬಲಿಯಾಗಿದ್ದಾರೆ. ಜೇಸನ್ ಹೋಲ್ಡರ್​ ಬಾಲ್​ನ್ನು ವಿಜಯ್ ಶಂಕರ್​ಗೆ ಕ್ಯಾಚ್ ನೀಡಿದ್ದಾರೆ. 29 ಬಾಲ್​ಗೆ 33 ರನ್ ನೀಡಿ ನಿರ್ಗಮಿಸಿದ್ದಾರೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 12 ಓವರ್ ಅಂತ್ಯಕ್ಕೆ 2 ವಿಕೆಟ್ ಕಳೆದುಕೊಂಡು 91 ರನ್ ದಾಖಲಿಸಿದ್ದಾರೆ. ಆರ್​ಸಿಬಿ ಪರ ಕೊಹ್ಲಿ-ಮ್ಯಾಕ್ಸ್​ವೆಲ್ ಜೋಡಿ ಇನ್ನಿಂಗ್ಸ್ ಕಟ್ಟುವ ಆಟ ಆಡುತ್ತಿದ್ದಾರೆ.

10ನೇ ಓವರ್​ ಬಳಿಕ ವೇಗದ ಆಟ ಆಡುತ್ತಿರುವ ಮ್ಯಾಕ್ಸ್​ವೆಲ್ ನದೀಮ್ ಬಾಲ್​ಗೆ 2 ಬೌಂಡರಿ 2 ಸಿಕ್ಸರ್ ಬಾರಿಸಿದ್ದಾರೆ. 11 ಓವರ್​ಗಳ ಅಂತ್ಯಕ್ಕೆ ಆರ್​​ಸಿಬಿ 2 ವಿಕೆಟ್ ಕಳೆದುಕೊಂಡು 85 ರನ್ ದಾಖಲಿಸಿದೆ.

10 ಓವರ್​ಗಳ ಅಂತ್ಯಕ್ಕೆ ರಾಯಲ್ ಚಾಲೆಂಜರ್ಸ್ ತಂಡ 63 ರನ್ ಗಳಿಸಿ 2 ವಿಕೆಟ್ ಕಳೆದುಕೊಂಡಿದೆ.

ರಾಯಲ್ ಚಾಲೆಂಜರ್ಸ್ ತಂಡ 9 ಓವರ್​ಗಳ ಅಂತ್ಯಕ್ಕೆ 2 ವಿಕೆಟ್ ಕಳೆದುಕೊಂಡು 58 ರನ್ ದಾಖಲಿಸಿದೆ. ಸನ್​ರೈಸರ್ಸ್ ಬ್ಯಾಟಿಂಗ್ ಪಡೆಗೆ ಹೋಲಿಕೆ ಮಾಡಿದರೆ ರನ್ ವೇಗ ಹೆಚ್ಚಿಸಿಕೊಳ್ಳುವ ಅವಶ್ಯಕತೆ ಆರ್​ಸಿಬಿಗೆ ಇದೆ.

ಸನ್​ರೈಸರ್ಸ್ ಪರ ಸ್ಪಿನ್ನರ್​ಗಳು ಕಮಾಲ್ ಮಾಡುತ್ತಿದ್ದಾರೆ. ಕೊನೆಯ ಓವರ್ ಬೌಲ್ ಮಾಡಿದ ರಶೀದ್ ಕೇಔಲ 7 ರನ್ ಬಿಟ್ಟುಕೊಟ್ಟಿದ್ದಾರೆ. ಆರ್​ಸಿಬಿ ಪರ ಮ್ಯಾಕ್ಸ್​ವೆಲ್-ಕೊಹ್ಲಿ ಜೊತೆಯಾಟ ಮುಂದುವರಿದಿದೆ. 8 ಓವರ್​ಗೆ 2 ವಿಕೆಟ್ ಕಳೆದುಕೊಂಡು 55 ರನ್ ದಾಖಲಾಗಿದೆ.

ರಾಯಲ್ ಚಾಲೆಂಜರ್ಸ್ 2 ವಿಕೆಟ್ ಕಳೆದುಕೊಂಡು ರನ್ ಗತಿ ನಿಧಾನವಾಗಿದೆ. ಪಡಿಕ್ಕಲ್ ಹಾಗೂ ಶಹಬಾಜ್ ಔಟ್ ಆಗಿದ್ದಾರೆ. ಕೊಹ್ಲಿ-ಮ್ಯಾಕ್ಸ್​ವೆಲ್ ಆಡುತ್ತಿದ್ದಾರೆ. 7 ಓವರ್ ಅಂತ್ಯಕ್ಕೆ ಆರ್​ಸಿಬಿ ಮೊತ್ತ 48 ಆಗಿದೆ. ಕೊನೆಯ ಓವರ್​ನಲ್ಲಿ ಶಹಬಾಜ್ ಹೆಚ್ಚು ರನ್ ಬಿಟ್ಟುಕೊಟ್ಟಿಲ್ಲ.

ಶಹಬಾಜ್ ಅಹ್ಮದ್, ಶಹಬಾಜ್ ನದೀಮ್ ಬಾಲ್​ಗೆ ಸಿಕ್ಸರ್ ಬಾರಿಸಲು ಹೋಗಿ ರಶೀದ್​ಗೆ ಕ್ಯಾಚ್ ನೀಡಿ ಔಟ್ ಆಗಿದ್ದಾರೆ. ಶಹಬಾಜ್ ಅಹ್ಮದ್ 10 ಬಾಲ್​ಗೆ 1 ಸಿಕ್ಸರ್ ಸಹಿತ 14 ರನ್ ನೀಡಿ ನಿರ್ಗಮಿಸಿದ್ದಾರೆ. ಮ್ಯಾಕ್ಸ್​ವೆಲ್-ಕೊಹ್ಲಿ ಜೊತೆಯಾಗಿದ್ದಾರೆ.

ಪವರ್​ಪ್ಲೇ ಅಂತ್ಯಕ್ಕೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 1 ವಿಕೆಟ್ ಕಳೆದುಕೊಂಡು 47 ರನ್ ದಾಖಲಿಸಿದೆ. ಕೊನೆಯ ಓವರ್​ನ್ನು ನಟರಾಜನ್ ಬಾಲ್ ಮಾಡಿದ್ದಾರೆ. ಆರ್​ಸಿಬಿ ಪರ ನಾಯಕ ವಿರಾಟ್ ಕೊಹ್ಲಿ ಹಾಗೂ ಶಹಬಾಜ್ ಅಹ್ಮದ್ ಬ್ಯಾಟ್ ಮಾಡುತ್ತಿದ್ದಾರೆ.

ರಾಯಲ್ ಚಾಲೆಂಜರ್ಸ್ ತಂಡ 5 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 36 ರನ್ ದಾಖಲಿಸಿದೆ. ಸನ್​ರೈಸರ್ಸ್ ಪರ ಕೊನೆಯ ಓವರ್​ನ್ನು ನದೀಮ್ ಬಾಲ್ ಮಾಡಿ 10 ರನ್ ಬಿಟ್ಟುಕೊಟ್ಟಿದ್ದಾರೆ.

ನದೀಮ್ ಬಾಲ್​ಗೆ ಶಹಬಾಜ್ ಸಿಕ್ಸರ್ ಬಾರಿಸಿದ್ದಾರೆ. ಸ್ಪಿನ್ ಎಸೆತವನ್ನು ಕುಳಿತು ಎದುರಿಸಿ, ಲೆಗ್ ಸೈಡ್​ನತ್ತ ಸಿಕ್ಸ್ ದಾಖಲಿಸಿದ್ದಾರೆ.

ರಾಯಲ್ ಚಾಲೆಂಜರ್ಸ್ ತಂಡ 4 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 26 ರನ್ ದಾಖಲಿಸಿದೆ. ಸನ್​ರೈಸರ್ಸ್ ಪರ ಭುವನೇಶ್ವರ್ ಕುಮಾರ್ ಹಾಗೂ ಜೇಸನ್ ಹೋಲ್ಡರ್ ತಲಾ 2 ಓವರ್ ಬಾಲ್ ಮಾಡಿದ್ದಾರೆ. ಕೊಹ್ಲಿ-ಶಹಬಾಜ್ ಕ್ರೀಸ್​ನಲ್ಲಿದ್ದಾರೆ.

ರಾಯಲ್ ಚಾಲೆಂಜರ್ಸ್ ತಂಡ 3 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 20 ರನ್ ಕಲೆಹಾಕಿದೆ. ತಂಡದ ಪರ ನಾಯಕ ವಿರಾಟ್ ಕೊಹ್ಲಿ ಹಾಗೂ ಶಹಬಾಜ್ ಅಹಮದ್ ಕ್ರೀಸ್ ಕಾಯ್ದುಕೊಂಡಿದ್ದಾರೆ.

ಆರಂಭಿಕರಾಗಿ ಕಣಕ್ಕಿಳಿದ ದೇವದತ್ ಪಡಿಕ್ಕಲ್ ಭುವನೇಶ್ವರ್ ಕುಮಾರ್ ಬಾಲ್​ನ್ನು ಫೋರ್​ ಬಾರಿಸಲು ಹೋಗಿ, ನದೀಮ್​ಗೆ ಕ್ಯಾಚ್ ನೀಡಿ ಔಟ್ ಆಗಿದ್ದಾರೆ. 13 ಬಾಲ್​ಗೆ 2 ಬೌಂಡರಿ ಸಹಿತ 11 ರನ್ ಕಲೆಹಾಕಿ ನಿರ್ಗಮಿಸಿದ್ದಾರೆ. ಈ ಬಾರಿಯ ಟೂರ್ನಿಯಲ್ಲಿ ಮೊದಲ ಪಂದ್ಯ ಆಡುತ್ತಿರುವ ಪಡಿಕ್ಕಲ್ ಮೇಲೆ ಹೆಚ್ಚು ಭರವಸೆ ಇಡಲಾಗಿತ್ತು. ಅವರ ವಿಕೆಟ್ ಆರ್​ಸಿಬಿ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದೆ.

ಎರಡನೇ ಓವರ್​ನಲ್ಲಿ ಅಬ್ಬರದ ಬ್ಯಾಟಿಂಗ್​ಗೆ ಮುಂದಾದ ಆರ್​ಸಿಬಿ ದಾಂಡಿಗರಾದ ದೇವದತ್ ಪಡಿಕ್ಕಲ್ ಹಾಗೂ ಕೊಹ್ಲಿ ತಂಡದ ಮೊತ್ತವನ್ನು 16ಕ್ಕೆ ಏರಿಸಿದ್ದಾರೆ. ಜೇಸನ್ ಹೋಲ್ಡರ್ ಎಸೆತಕ್ಕೆ 2 ಬೌಂಡರಿ ಬಾರಿಸಿದ್ದಾರೆ.

ಬ್ಯಾಟಿಂಗ್ ಆರಂಭಿಸಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಮೊದಲ ಓವರ್ ಅಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೆ 5 ರನ್ ಕಲೆಹಾಕಿದೆ. ಆರ್​ಸಿಬಿ ಪರ ನಾಯಕ ಕೊಹ್ಲಿ ಹಾಗೂ ಪಡಿಕ್ಕಲ್ ಬ್ಯಾಟಿಂಗ್ ಆರಂಭಿಸಿದ್ದಾರೆ.

ವಿರಾಟ್ ಕೊಹ್ಲಿ (ನಾಯಕ), ದೇವದತ್ ಪಡಿಕ್ಕಲ್, ಶಹಬಾಜ್ ಅಹ್ಮದ್, ಗ್ಲೆನ್ ಮ್ಯಾಕ್ಸ್ವೆಲ್, ಎಬಿ ಡಿವಿಲಿಯರ್ಸ್ (ವಿಕೆಟ್ ಕೀಪರ್), ವಾಷಿಂಗ್ಟನ್ ಸುಂದರ್, ಡೇನಿಯಲ್ ಕ್ರಿಶ್ಚಿಯನ್, ಕೈಲ್ ಜಾಮಿಸನ್, ಹರ್ಷಲ್ ಪಟೇಲ್, ಮೊಹಮ್ಮದ್ ಸಿರಾಜ್, ಯುಜ್ವೇಂದ್ರ ಚಹಾಲ್

ವೃದ್ಧಿಮಾನ್ ಸಹಾ (ವಿಕೆಟ್ ಕೀಪರ್), ಡೇವಿಡ್ ವಾರ್ನರ್ (ನಾಯಕ), ಮನೀಶ್ ಪಾಂಡೆ, ಜಾನಿ ಬೈರ್‌ಸ್ಟೋವ್, ವಿಜಯ್ ಶಂಕರ್, ಜೇಸನ್ ಹೋಲ್ಡರ್, ಅಬ್ದುಲ್ ಸಮದ್, ರಶೀದ್ ಖಾನ್, ಭುವನೇಶ್ವರ್ ಕುಮಾರ್, ಟಿ. ನಟರಾಜನ್, ಶಹಬಾಜ್ ನದೀಮ್

ಸನ್​ರೈಸರ್ಸ್ ಹೈದರಾಬಾದ್ ತಂಡ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡಿದೆ. ರಾಯಲ್ ಚಾಲೆಂಜರ್ಸ್ ಬ್ಯಾಟಿಂಗ್ ಮಾಡಲಿದೆ. ಈ ಮೊದಲ ಕೋಲ್ಕತ್ತಾ ವಿರುದ್ಧದ ಪಂದ್ಯದಲ್ಲಿ ಚೇಸಿಂಗ್ ಮಾಡಿದ್ದ ಸನ್​ರೈಸರ್ಸ್ ಸೋಲುಂಡಿತ್ತು.

ಸನ್​ರೈಸರ್ಸ್ ಹಾಗೂ ರಾಯಲ್ ಚಾಲೆಂಜರ್ಸ್ ಪರಸ್ಪರ ಎದುರಾಳಿಗಳಾಗಿ ಆಡಿರುವ ಪಂದ್ಯಗಳ ಪೈಕಿ ಎಸ್​ಆರ್​ಎಚ್ ತಂಡ 10 ಗೆಲುವು ಕಂಡಿದ್ದರೆ, ಆರ್​ಸಿಬಿ 7 ಬಾರಿ ವಿಜಯ ಸಾಧಿಸಿದೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡ ಇಂದು ತನ್ನ 2ನೇ ಪಂದ್ಯವನ್ನು ಗೆದ್ದು, ಟೂರ್ನಿಯಲ್ಲಿ ಮೊದಲ ಗೆಲುವು ಕಾಣುವ ನಿರೀಕ್ಷೆಯಲ್ಲಿದೆ..

ಸನ್​ರೈಸರ್ಸ್ ವಿರುದ್ಧ ಕ್ರಿಕೆಟ್ ಕದನಕ್ಕೆ ಆರ್​ಸಿಬಿ ತಯಾರಿ