Tokyo Olympics: ಒಲಂಪಿಕ್ಸ್ ಪದಕ ವಿತರಣೆ ಸಮಾರಂಭದಲ್ಲಿ ಮಹತ್ವದ ಬದಲಾವಣೆ.. ಏನದು?
Tokyo Olympics: ಟೋಕಿಯೋ ಒಲಿಂಪಿಕ್ಸ್ 2020 ರಲ್ಲಿ ಪದಕಗಳನ್ನು ಗೆದ್ದ ಆಟಗಾರರು ಕೊರೊನಾ ವೈರಸ್ ಸೋಂಕು ಹರಡುವುದನ್ನು ತಡೆಗಟ್ಟಲು ತಾವು ಗೆದ್ದ ಪದಕಗಳನ್ನು ತಾವೇ ಕುತ್ತಿಗೆಗೆ ಹಾಕಿಕೊಳ್ಳಬೇಕಾಗುತ್ತದೆ.
ಟೋಕಿಯೋ ಒಲಿಂಪಿಕ್ಸ್ 2020 ರಲ್ಲಿ ಪದಕಗಳನ್ನು ಗೆದ್ದ ಆಟಗಾರರು ಕೊರೊನಾ ವೈರಸ್ ಸೋಂಕು ಹರಡುವುದನ್ನು ತಡೆಗಟ್ಟಲು ತಾವು ಗೆದ್ದ ಪದಕಗಳನ್ನು ತಾವೇ ಕುತ್ತಿಗೆಗೆ ಹಾಕಿಕೊಳ್ಳಬೇಕಾಗುತ್ತದೆ. ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ ಅಧ್ಯಕ್ಷ ಥಾಮಸ್ ಬಾಚ್ ಅವರು 339 ಸ್ಪರ್ಧೆಗಳ ಸಾಂಪ್ರದಾಯಿಕ ಪದಕ ಸಮಾರಂಭದಲ್ಲಿ ಮಹತ್ವದ ಬದಲಾವಣೆಗಳನ್ನು ಬಹಿರಂಗಪಡಿಸಿದ್ದಾರೆ. ಟೋಕಿಯೊದಿಂದ ಬಂದ ಕಾನ್ಫರೆನ್ಸ್ ಕರೆಯಲ್ಲಿ ಬ್ಯಾಚ್ ಅಂತಾರಾಷ್ಟ್ರೀಯ ಮಾಧ್ಯಮಕ್ಕೆ ಮಾತನಾಡುತ್ತಾ, ಪದಕಗಳನ್ನು ಕುತ್ತಿಗೆಗೆ ಬೆರೆಯವರು ಹಾಕಲಾಗುವುದಿಲ್ಲ. ಬದಲಿಗೆ ಪದಕಗಳನ್ನು ಆಟಗಾರನಿಗೆ ಟ್ರೇನಲ್ಲಿ ನೀಡಲಾಗುವುದು. ಅದನ್ನು ಕ್ರೀಡಾಪಟು ತನ್ನ ಕುತ್ತಿಗೆಗೆ ತಾನೇ ಹಾಕಿಕೊಳ್ಳಬೇಕು. ಅಲ್ಲದೆ, ಪದಕಗಳನ್ನು ಟ್ರೇನಲ್ಲಿ ಇಡುವವರು ಸೋಂಕುರಹಿತ ಕೈಗವಸುಗಳನ್ನು ಧರಿಸುತ್ತಾರೆ ಮತ್ತು ಯಾರೂ ಪದಕಗಳನ್ನು ಮುಟ್ಟದಂತೆ ನೋಡಿಕೊಳ್ಳಲು ಅವುಗಳನ್ನು ಟ್ರೇನಲ್ಲಿ ಇಡಲಾಗುತ್ತದೆ ಎಂದಿದ್ದಾರೆ.
ಒಲಿಂಪಿಕ್ಸ್‌ನಲ್ಲಿ, ಕೊರೊನಾ ವೈರಸ್ ಸೋಂಕನ್ನು ತಪ್ಪಿಸಲು ಹೆಚ್ಚಿನ ಎಚ್ಚರಿಕೆ ವಹಿಸಲಾಗುತ್ತಿದೆ. ಆದರೆ ಯುರೋಪ್ ಫುಟ್‌ಬಾಲ್‌ ಪಂದ್ಯಾವಳಿಯಲ್ಲಿ, ಯುಇಎಫ್‌ಎ ಅಧ್ಯಕ್ಷ ಅಲೆಕ್ಸಾಂಡ್ರೆ ಸೆಫೆರಿನ್ ಇತ್ತೀಚಿನ ವಾರಗಳಲ್ಲಿ ನಡೆದ ಸ್ಪರ್ಧೆಯ ಫೈನಲ್‌ನಲ್ಲಿ ಆಟಗಾರರ ಕುತ್ತಿಗೆಗೆ ಪದಕಗಳನ್ನು ಹಾಕಿದ್ದರು. ಲಂಡನ್‌ನಲ್ಲಿ ಭಾನುವಾರ ನಡೆದ ಯುರೋ 2020 ಪದಕ ಮತ್ತು ಟ್ರೋಫಿ ಪ್ರಸ್ತುತಿ ಸಮಾರಂಭದಲ್ಲಿ ಸೆಫೆರಿನ್ ಇಟಾಲಿಯನ್ ಗೋಲ್‌ಕೀಪರ್ ಗಿಯಾಲುಯಿಗಿ ಡೊನರುಮ್ಮ ಅವರೊಂದಿಗೆ ಕೈಕುಲುಕಿದರು. ಆದರೆ ಟೋಕಿಯೊ ಸಮಾರಂಭದಲ್ಲಿ ಯಾರೂ ಕೈಕುಲುಕುವುದಿಲ್ಲ ಅಥವಾ ಯಾರನ್ನೂ ತಬ್ಬಿಕೊಳ್ಳುವುದಿಲ್ಲ ಎಂದು ಬ್ಯಾಚ್ ಹೇಳಿದ್ದಾರೆ.
ಒಲಿಂಪಿಕ್ ಪದಕಗಳನ್ನು ಸಾಮಾನ್ಯವಾಗಿ ಐಒಸಿ ಸದಸ್ಯ ಅಥವಾ ಕ್ರೀಡಾ ಆಡಳಿತ ಮಂಡಳಿಯ ಉನ್ನತ ಅಧಿಕಾರಿ ನೀಡುತ್ತಾರೆ. ಪದಕ ವಿಜೇತರು ಮತ್ತು ಸಮಾರಂಭದ ಅಧಿಕಾರಿಗಳು ಸಹ ಮುಖವಾಡಗಳನ್ನು ಧರಿಸಬೇಕಾಗುತ್ತದೆ ಎಂದು ಐಒಸಿ ಈ ಹಿಂದೆ ತಿಳಿಸಿತ್ತು.
ಕೊರೊನಾದಿಂದಾಗಿ ಟೋಕಿಯೊದಲ್ಲಿ ತುರ್ತು ಪರಿಸ್ಥಿತಿ
ಜುಲೈ 23 ರಂದು ಜಪಾನ್‌ನ ರಾಜಧಾನಿ ಟೋಕಿಯೊದಲ್ಲಿ ಒಲಿಂಪಿಕ್ ಕ್ರೀಡಾಕೂಟ ಆರಂಭವಾಗಲಿದೆ. ಆದಾಗ್ಯೂ, ಪಂದ್ಯಾವಳಿಯ ಮೊದಲು, ಅಲ್ಲಿ ಕೊರೊನಾದ ಪ್ರಕರಣಗಳು ಹೆಚ್ಚುತ್ತಿವೆ. ಅಂತಹ ಪರಿಸ್ಥಿತಿಯಲ್ಲಿ ಟೋಕಿಯೊದಲ್ಲಿ ತುರ್ತು ಪರಿಸ್ಥಿತಿ ವಿಧಿಸಬೇಕಾಗಿದೆ. ಇದರೊಂದಿಗೆ ಪ್ರೇಕ್ಷಕರು ಒಲಿಂಪಿಕ್ಸ್‌ಗೆ ಬರುವುದನ್ನು ಸಹ ನಿಷೇಧಿಸಲಾಗಿದೆ. ನಿರಂತರವಾಗಿ ಹೆಚ್ಚುತ್ತಿರುವ ಕೊರೊನಾ ಪ್ರಕರಣಗಳಿಂದಾಗಿ, ಸಂಘಟಕರು ಅನೇಕ ನಿಯಮಗಳಲ್ಲಿ ಬದಲಾವಣೆಗಳನ್ನು ಮಾಡಬೇಕಾಯಿತು. ಈ ಆಟಗಳನ್ನು 2020 ರಲ್ಲಿಯೇ ನಡೆಸಬೇಕಾಗಿದ್ದರೂ, ನಂತರ ಕೊರೊನಾದ ಕಾರಣ ಅವುಗಳನ್ನು ಮುಂದೂಡಲಾಯಿತು. ಆದರೆ ಇನ್ನೂ ಕೊರೊನಾ ತಣ್ಣಗಾಗಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ಜಪಾನ್‌ನ ಅನೇಕ ಸ್ಥಳಗಳಲ್ಲಿ ಒಲಿಂಪಿಕ್ ಕ್ರೀಡಾಕೂಟದ ವಿರುದ್ಧ ಪ್ರತಿಭಟನೆಗಳು ನಡೆಯುತ್ತಿವೆ.