ಗೂಗಲ್ ಕ್ರೋಮ್ ಬಳಸುತ್ತಿದ್ದಲ್ಲಿ ತಕ್ಷಣವೇ ಅಪ್ಡೇಟ್ ಮಾಡಿ: CERT ಯಿಂದ ಶಾಕಿಂಗ್ ಮಾಹಿತಿ

ನೀವು ನಿಮ್ಮ ಕಂಪ್ಯೂಟರ್​ನಲ್ಲಿ ಇಂಟರ್ನೆಟ್ ಮೂಲಕ ಗೂಗಲ್ ಕ್ರೋಮ್ (Google Chrome) ಬ್ರೌಸರ್ ಅನ್ನು ಬಳಸುತ್ತಿದ್ದರೆ ತಕ್ಷಣವೇ ಅಪ್ಡೇಟ್ ಮಾಡಿ. ಗೂಗಲ್ ಕ್ರೋಮ್​ನ ಹೊಸ ಆವೃತ್ತಿ 92.0.4515.131 ಗೆ (Chrome 92 Update) ಅಪ್ಡೇಟ್ ಮಾಡಿ ಎಂದು ಭಾರತೀಯ ಕಂಪ್ಯೂಟರ್ ತುರ್ತು ಪ್ರತಿಕ್ರಿಯೆ ತಂಡ ಎಚ್ಚರಿಕೆ ನೀಡಿದೆ.

ಸಿಇಆರ್​ಟಿ ಹೇಳಿರುವ ಪ್ರಕಾರ,  “ಗೂಗಲ್ ಕ್ರೋಮ್ ಬ್ರೌಸರ್​ ಬಳಸುತ್ತಿರುವವರು ತಕ್ಷಣವೆ ಹೊಸ ಆವೃತ್ತಿಗೆ ಅಪ್ಡೇಟ್ ಮಾಡಿಕೊಳ್ಳಿ. ಇದರಲ್ಲಿ ದರ್ಬಲವಾದ ಕೆಲವು ಅಂಶಗಳು ಕಾಣಿಸಿಕೊಂಡಿವೆ. ಇದರಿಂದ ಹ್ಯಾಕರ್​ಗಳು ನಿಮ್ಮ ಮಾಹಿತಿಯನ್ನು ಸುಲಭವಾಗಿ ಪಡೆಯುತ್ತಾರೆ” ಎಂದು ಹೇಳಿದೆ.

ಗೂಗಲ್ ಕ್ರೋಮ್​ನ ಬುಕ್ ಮಾರ್ಕ್​ನಲ್ಲಿ ಓವರ್ ಫ್ಲೋ ಆಗಿ ಈ ರೀತಿ ಆಗಿರುವ ಸಾಧ್ಯತೆ ಇದೆಯಂತೆ. ಕೆಲವೊಂದು ಡಾಕ್ಯುಮೆಂಟ್​ಗಳನ್ನು ನೀವು ಓಪನ್ ಮಾಡಿದರೆ ಆ ಮೂಲಕ ಹ್ಯಾಕರ್​ಗಳು ನಿಮ್ಮ ಕಂಪ್ಯೂಟರ್ ಒಳಗೆ ಪ್ರವೇಶ ಪಡೆದು ನಿಮ್ ಖಾಸಗಿ ಮಾಹಿತಿಯನ್ನು ಕದಿಯಬಹುದು ಎಂದು ಭಾರತೀಯ ಕಂಪ್ಯೂಟರ್ ತುರ್ತು ಪ್ರತಿಕ್ರಿಯೆ ಮಾಹಿತಿ ನೀಡಿದೆ.

ಇತ್ತೀಚೆಗಷ್ಟೆ ಸಿಇಆರ್​ಟಿ ಐಫೋನ್ ಮತ್ತು ಐಪ್ಯಾಡ್ ಗ್ರಾಹಕರಿಗೂ ಎಚ್ಚರಿಕೆಯನ್ನ ನೀಡಿತ್ತು. ಆ್ಯಪಲ್ ಐಫೋನ್ ಉಪಯೋಗಿಸುತ್ತಿರುವವರು ಐಒಎಸ್ 14.71 ಗೆ ಮತ್ತು ಐಪ್ಯಾಡ್ ಒಎಸ್ 14.71 ಗೆ ಅಪ್ಡೇಟ್ ಮಾಡುವಂತೆ ಸೂಚಿಸಿತ್ತು.

OnePlus 5G: ಒನ್​ಪ್ಲಸ್ ಸೂಪರ್ ಸೇಲ್: ಅತೀ ಕಡಿಮೆ ಬೆಲೆಗೆ 12GB RAMನ 5G ಸ್ಮಾರ್ಟ್​ಫೋನ್

Amazon: ಇಂದೇ ಕೊನೆ ದಿನ: ಅಮೆಜಾನ್​ನಲ್ಲಿ ಈ ಸ್ಮಾರ್ಟ್​ಫೋನ್​ಗಳ ಮೇಲೆ ಭರ್ಜರಿ ರಿಯಾಯಿತಿ

(Chrome 92 Update Update Your Google Chrome 92 browser immediately to avoid getting hacked CERT-In)