ತಕ್ಷಣವೇ ಹೀಗೆ ಮಾಡಿ: ಇಲ್ಲವಾದರೆ ನಿಮ್ಮ ಗೂಗಲ್ ಖಾತೆ ಶಾಶ್ವತವಾಗಿ ಡಿಲೀಟ್ ಆಗುತ್ತೆ

ನೀವು ಗೂಗಲ್ (Google) ಖಾತೆಯನ್ನು ಹೊಂದಿದ್ದರೆ, ಈ ಸುದ್ದಿ ತಪ್ಪದೆ ಓದಿ. ಕೆಲವು ಖಾತೆಗಳನ್ನು ಶಾಶ್ವತವಾಗಿ ಡಿಲೀಟ್ ಮಾಡಲು ಗೂಗಲ್ ನಿರ್ಧರಿಸಿದೆ. ಇದಕ್ಕೆ ಕಾರಣ ಕೂಡ ಇದೆ. ನಿಮ್ಮ ಖಾತೆಯು ಎಷ್ಟು ಸಮಯದವರೆಗೆ ನಿಷ್ಕ್ರಿಯವಾಗಿದೆ?, ಅಂದರೆ ನಿಮ್ಮ ಗೂಗಲ್ ಖಾತೆಗೆ ನೀವು ಎಷ್ಟು ಸಮಯದ ಹಿಂದೆ ಲಾಗ್ ಇನ್ ಆಗಿದ್ದೀರಿ?, ಇದು ನಿನಗೆ ನೆನಪಿಲ್ಲದಿದ್ದರೆ ಕಷ್ಟ. ಈ ವಾರದ ಅಂತ್ಯದ ಮೊದಲು ನೀವು ಸಾಧ್ಯವಾದಷ್ಟು ಬೇಗ ನಿಮ್ಮ ಗೂಗಲ್ ಖಾತೆಯನ್ನು ಸಕ್ರಿಯಗೊಳಿಸಬೇಕು. ಖಾತೆಯು ಸಕ್ರಿಯವಾಗಿಲ್ಲದಿದ್ದರೆ, ಅದನ್ನು ಶಾಶ್ವತವಾಗಿ ಗೂಗಲ್ ಡಿಲೀಟ್ ಮಾಡುತ್ತದೆ. ಬಳಿಕ ಫರ್ಗಟ್ ಪಾಸ್‌ವರ್ಡ್ ಅಥವಾ ಇಮೇಲ್ ಬಳಸಿ ಇದನ್ನು ಪುನಃ ಸಕ್ರಿಯಗೊಳಿಸಲಾಗುವುದಿಲ್ಲ.

ಗೂಗಲ್ ನಿಷ್ಕ್ರಿಯ ಖಾತೆಗಳನ್ನು ಡಿಲೀಟ್ ಮಾಡುವ ಬಗ್ಗೆ ಮೇ ತಿಂಗಳಲ್ಲೇ ಎಚ್ಚರಿಕೆ ನೀಡಿತ್ತು. ಅದರಂತೆ ಕಳೆದ ಎರಡು ವರ್ಷಗಳಿಂದ ಬಳಕೆಯಾಗದ ಖಾತೆಯನ್ನು ಡಿಲೀಟ್ ಮಾಡುತ್ತದೆ. ಆದ್ದರಿಂದ, ನೀವು ಖಾತೆಯಲ್ಲಿ ಪ್ರಮುಖ ಮಾಹಿತಿಯನ್ನು ಹೊಂದಿದ್ದರೆ, ಅದು ಶಾಶ್ವತವಾಗಿ ಕಣ್ಮರೆಯಾಗುವ ಮೊದಲು ಲಾಗಿನ್ ಆಗಿ.

ಬಹುನಿರೀಕ್ಷಿತ ಒನ್​ಪ್ಲಸ್ 12 ಫೋನ್ ಬಿಡುಗಡೆ ದಿನಾಂಕ ಬಹಿರಂಗ: ಫೀಚರ್ಸ್ ಕೂಡ ಸೋರಿಕೆ

ಕಳೆದ ಎರಡು ವರ್ಷಗಳಲ್ಲಿ ನಿಮ್ಮ ಖಾತೆಯನ್ನು ಬಳಸದೇ ಇದ್ದರೆ, ಈಗಾಗಲೇ ನಿಮ್ಮ ಇಮೇಲ್ ಖಾತೆಗೆ ಗೂಗಲ್ ಸಂದೇಶ ಕಳುಹಿಸಿದೆ. ಖಾತೆಗಳನ್ನು ಮುಚ್ಚುವಂತೆ ಗೂಗಲ್ ಬಳಕೆದಾರರಿಗೆ ಸೂಚನೆ ನೀಡಿದೆ. ನೀವು ಈ ಮೇಲ್ ಅನ್ನು ಪರಿಶೀಲಿಸದಿದ್ದರೆ, ತಕ್ಷಣವೇ ನಿಮ್ಮ ಖಾತೆಯನ್ನು ಪರಿಶೀಲಿಸಿ. ಗೂಗಲ್ ಡ್ರೈವ್, ಡಾಕ್ಸ್, ಜಿ-ಮೇಲ್ ಮತ್ತು ಇತರ ಖಾತೆಗಳನ್ನು ಕೂಡ ಮುಚ್ಚಲಾಗುತ್ತದೆ.

ಈ ಬಗ್ಗೆ ಗೂಗಲ್ ಈ ವರ್ಷದ ಮೇ ತಿಂಗಳಲ್ಲಿ ಮಾಹಿತಿ ನೀಡಿತ್ತು. ಭದ್ರತಾ ಕಾರಣಗಳಿಗಾಗಿ ಗೂಗಲ್ ಈ ನಡೆಗೆ ಮುಂದಾಗಿದೆ. ಈರೀತಿ ನಿಷ್ಕ್ರಿಯವಾಗಿದ್ದ ಖಾತೆಯನ್ನು ಹಾಗೆಯೆ ಇಡುವುದರಿಂದ ತಪ್ಪು ಕೆಲಸಕ್ಕೆ ಬಳಸಬಹುದು. ಹೀಗಾಗಿ ಅಸುರಕ್ಷಿತ ಕೆಲಸಗಳ ಸಾಧ್ಯತೆಯನ್ನು ಗಣನೆಗೆ ತೆಗೆದುಕೊಂಡು ಗೂಗಲ್ ಈ ಕ್ರಮ ಕೈಗೊಳ್ಳಲಾಗುತ್ತಿದೆ.

ಈ ನಿಯಮವನ್ನು ವೈಯಕ್ತಿಕ ಖಾತೆಗಾಗಿ ಮಾತ್ರ ಮಾಡಲಾಗಿದೆ. ವೈಯಕ್ತಿಕ ಖಾತೆಗಳನ್ನು ಎರಡು ವರ್ಷಗಳವರೆಗೆ ತೆರೆಯದಿದ್ದರೆ ಮತ್ತು ಬಳಸದಿದ್ದರೆ, ಅವುಗಳನ್ನು ಶಾಶ್ವತವಾಗಿ ಡಿಲೀಟ್ ಮಾಡಲಾಗುತ್ದೆ. ಶಾಲೆಗಳು, ಸಂಸ್ಥೆಗಳು ಅಥವಾ ಇತರ ಸಂಸ್ಥೆಗಳ ಇಮೇಲ್‌ಗಳಿಗೆ ಇದು ಅನ್ವಯ ಆಗುವುದಿಲ್ಲ. ಆದ್ದರಿಂದ, ವೈಯಕ್ತಿಕ ಬಳಕೆದಾರರು ತಕ್ಷಣವೇ ಈ ಖಾತೆಗೆ ಲಾಗಿನ್ ಮಾಡಲು ಸಲಹೆ ನೀಡಲಾಗಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ