iPhone 17 Sale: ಐಫೋನ್ 17 ಸರಣಿ ಖರೀದಿಗೆ ರಾತ್ರಿಯಿಂದಲೇ ಕ್ಯೂ ನಿಂತ ಜನರು: ಈ ಬಾರಿ ದಾಖಲೆ ಖಚಿತ
ಐಫೋನ್ 17 ಸರಣಿಯ ಮುಂಗಡ ಬುಕಿಂಗ್ ನಂತರ, ಆಪಲ್ನ ಹೊಸ ಫ್ಲ್ಯಾಗ್ಶಿಪ್ ಸರಣಿಯ ಮಾರಾಟ ಇಂದು (ಸೆಪ್ಟೆಂಬರ್ 19) ಪ್ರಾರಂಭವಾಗಿದೆ. ವಿಶೇಷ ಎಂದರೆ ಈ ವರ್ಷ, ಜನರು ಐಫೋನ್ಗಾಗಿ ಸರತಿ ಸಾಲಿನಲ್ಲಿ ನಿಂತಿದ್ದಾರೆ ಮತ್ತು ಅಂಗಡಿಗಳು ತೆರೆಯುವ ಮೊದಲು ಜನರು ಗಂಟೆಗಟ್ಟಲೆ ಸಾಲಿನಲ್ಲಿ ಕಾಯುತ್ತಿರುವ ವಿಡಿಯೋ ವೈರಲ್ ಆಗಿದೆ.
ಬೆಂಗಳೂರು (ಸೆ. 19): ಐಫೋನ್ ಪ್ರಿಯರಿಗೆ ಇಂದು ಸಂಭ್ರಮದ ದಿನ. ಆಪಲ್ನ ಇತ್ತೀಚಿನ ಐಫೋನ್ 17 ಸರಣಿಯು (Apple iPhone 17 Series) ಇಂದಿನಿಂದ, ಸೆಪ್ಟೆಂಬರ್ 19 ರಿಂದ ಅಂಗಡಿಗಳಲ್ಲಿ ಮಾರಾಟಕ್ಕೆ ಲಭ್ಯವಿರುತ್ತದೆ. ಇದಕ್ಕಾಗಿಯೇ ನಿನ್ನೆ ರಾತ್ರಿಯಿಂದ ದೆಹಲಿ ಮತ್ತು ಮುಂಬೈನ ಆಪಲ್ ಅಂಗಡಿಗಳ ಹೊರಗೆ ಜನಸಂದಣಿ ಸೇರುತ್ತಿದೆ. ಇತ್ತ ಬೆಂಗಳೂರಿನಲ್ಲೂ ಕ್ಯೂನಲ್ಲಿ ನಿಂತು ಜನರು ಐಫೋನ್ ಖರೀದಿಗೆ ಮುಗಿಬಿದ್ದಿದ್ದಾರೆ. ಐಫೋನ್ ಪ್ರಿಯರು X ನಲ್ಲಿ ಇತ್ತೀಚಿನ ಮಾದರಿಯನ್ನು ಖರೀದಿಸುವ ಬಗ್ಗೆ ಪೋಸ್ಟ್ ಮಾಡುತ್ತಿದ್ದಾರೆ. ಅತ್ತ ಆಪಲ್ ಅಂಗಡಿಗಳನ್ನು ವಿಶೇಷವಾಗಿ ಅಲಂಕರಿಸಲಾಗಿದೆ. ಆಪಲ್ ಪ್ರಸ್ತುತ ಭಾರತದಲ್ಲಿ ಒಟ್ಟು ನಾಲ್ಕು ಮಳಿಗೆಗಳನ್ನು ಹೊಂದಿದೆ ಎಂಬುದು ಗಮನಿಸಬೇಕಾದ ಸಂಗತಿ.
ಈ ಹೊಸ ಆಪಲ್ ಸರಣಿಯು ನಾಲ್ಕು ಮಾದರಿಗಳನ್ನು ಒಳಗೊಂಡಿದೆ: ಐಫೋನ್ 17, ಐಫೋನ್ 17 ಏರ್, ಐಫೋನ್ 17 ಪ್ರೊ ಮತ್ತು ಐಫೋನ್ 17 ಏರ್, ಎಲ್ಲವೂ ಆಕರ್ಷಕ ವೈಶಿಷ್ಟ್ಯಗಳನ್ನು ಹೊಂದಿವೆ. ಈ ಹೊಸ ಸರಣಿಗೆ ನೀವು ಎಷ್ಟು ಖರ್ಚು ಮಾಡಬೇಕಾಗುತ್ತದೆ ಮತ್ತು ಅದರೊಂದಿಗೆ ಯಾವ ಕೊಡುಗೆಗಳು ಲಭ್ಯವಿದೆ ಎಂಬುದನ್ನು ನೋಡೋಣ.
ಬೆಂಗಳೂರಿನಲ್ಲಿ ಐಫೋನ್ 17 ಖರೀದಿಗೆ ಕ್ಯೂ ನಿಂತ ಜನರ ವಿಡಿಯೋ:
#WATCH | Karnataka | A large number of people throng the Apple store in Bengaluru’s Phoenix Mall Of Asia as the company begins its iPhone 17 series sale in India from today pic.twitter.com/GNAzDxjTZw
— ANI (@ANI) September 19, 2025
ಐಫೋನ್ 17 ಸರಣಿಯ ಆಫರ್
ಆಪಲ್ನ ಅಧಿಕೃತ ವೆಬ್ಸೈಟ್ apple.com ಪ್ರಕಾರ, ನೀವು ಅಮೇರಿಕನ್ ಎಕ್ಸ್ಪ್ರೆಸ್, ಆಕ್ಸಿಸ್ ಬ್ಯಾಂಕ್ ಅಥವಾ ಐಸಿಐಸಿಐ ಬ್ಯಾಂಕ್ ಕಾರ್ಡ್ಗಳೊಂದಿಗೆ ಪಾವತಿಸುವ ಮೂಲಕ ಐಫೋನ್ 17 ಸರಣಿಯನ್ನು ಖರೀದಿಸುವಾಗ ₹5,000 ಉಳಿಸಬಹುದು.
ಭಾರತದಲ್ಲಿ ಐಫೋನ್ 17 ಬೆಲೆ ಎಷ್ಟು?
ಐಫೋನ್ 17 ರ 256GB ರೂಪಾಂತರದ ಬೆಲೆ ₹82,900 ಮತ್ತು 512GB ರೂಪಾಂತರದ ಬೆಲೆ ₹102,900. ನೀವು ಈ ಫೋನ್ ಅನ್ನು ಐದು ಬಣ್ಣಗಳ ಆಯ್ಕೆಗಳಲ್ಲಿ ಪಡೆಯುತ್ತೀರಿ.
Tech Tips: ಯಾರಿಗೂ ತಿಳಿಯದಂತೆ ವಾಟ್ಸ್ಆ್ಯಪ್ನಲ್ಲಿ ಸ್ಟೇಟಸ್ ನೋಡುವುದು ಹೇಗೆ?: ಇಲ್ಲಿದೆ 3 ಟ್ರಿಕ್ಸ್
ಭಾರತದಲ್ಲಿ ಐಫೋನ್ 17 ಏರ್ ಬೆಲೆ ಎಷ್ಟು?
ಅತ್ಯಂತ ತೆಳುವಾದ ಆಪಲ್ ಫೋನ್ನ 256GB ರೂಪಾಂತರವು ₹119,900 ಗೆ, 512GB ರೂಪಾಂತರವು ₹139,900 ಗೆ ಮತ್ತು 1TB ರೂಪಾಂತರವು ₹159,900 ಗೆ ಲಭ್ಯವಿರುತ್ತದೆ.
ಭಾರತದಲ್ಲಿ ಐಫೋನ್ 17 ಪ್ರೊ ಬೆಲೆ ಎಷ್ಟು?
ಈ ಫೋನ್ ಮೂರು ರೂಪಾಂತರಗಳಲ್ಲಿ ಬರುತ್ತದೆ: 256 GB, 512 GB ಮತ್ತು 1 TB. 256 GB ರೂಪಾಂತರದ ಬೆಲೆ ₹1,34,900, 512 GB ರೂಪಾಂತರದ ಬೆಲೆ ₹1,54,900 ಮತ್ತು ಟಾಪ್ 1 TB ರೂಪಾಂತರದ ಬೆಲೆ ₹1,74,900.
ಭಾರತದಲ್ಲಿ ಐಫೋನ್ 17 ಪ್ರೊ ಮ್ಯಾಕ್ಸ್ ಬೆಲೆ ಎಷ್ಟು?
ಐಫೋನ್ 17 ಪ್ರೊ ಮ್ಯಾಕ್ಸ್ನ 256 ಜಿಬಿ ರೂಪಾಂತರದ ಬೆಲೆ ₹1,49,900, 512 ಜಿಬಿ ರೂಪಾಂತರದ ಬೆಲೆ ₹1,69,900, 1 ಟಿಬಿ ರೂಪಾಂತರದ ಬೆಲೆ ₹1,89,900 ಮತ್ತು 2 ಟಿಬಿ ರೂಪಾಂತರದ ಬೆಲೆ ₹2,29,900.
ಒಟ್ಟಾರೆಯಾಗಿ, ಭಾರತದಲ್ಲಿ ಐಫೋನ್ ಬೆಲೆ ಯುಎಸ್ಗಿಂತ ಸರಿಸುಮಾರು ₹38,000 ಹೆಚ್ಚಾಗಿದೆ. ಅದೇ ರೀತಿ, ಚೀನಾ ಮತ್ತು ಯುಎಇಯಂತಹ ದೇಶಗಳಲ್ಲಿ ಇದು ಸುಮಾರು 20,000 ರಿಂದ 22,000 ರೂ. ಗಳಷ್ಟು ಹೆಚ್ಚಾಗಿದೆ.
ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ