iQOO 15: ಈ ಫೋನ್ ಎಷ್ಟೇ ಬಳಸಿದರೂ ಬಿಸಿಯಾಗುವುದಿಲ್ಲ! ಐಕ್ಯೂ ನಿಂದ ಮುಂದಿನ ಹಂತದ ಸ್ಮಾರ್ಟ್ಫೋನ್
ಐಕ್ಯೂ 15 ಫೋನ್ ತಂಪಾಗಿಸಲು 14,000mm² ವೇಪರ್ ಚೇಂಬರ್ ಅನ್ನು ಹೊಂದಿದೆ. ಇದರಿಂದಾಗಿ, ಫೋನ್ ಎಷ್ಟೇ ಬಳಸಿದರೂ ಬಿಸಿಯಾಗುವುದಿಲ್ಲ. ಗೇಮ್ಸ್ ಮತ್ತು ವೀಡಿಯೊ ಕರೆಗಳನ್ನು ಹೆಚ್ಚಾಗಿ ಬಳಸುವವರಿಗೆ ಈ ವೈಶಿಷ್ಟ್ಯವು ಉಪಯುಕ್ತವಾಗಿರುತ್ತದೆ. ಮುಂದಿನ ಪೀಳಿಗೆಯ ಈ ಫೋನ್ ಸದ್ಯದಲ್ಲೇ ಭಾರತದಲ್ಲಿ ಬಿಡುಗಡೆ ಆಗಲಿದೆ.
ಬೆಂಗಳೂರು (ಅ. 23): ಪ್ರಸಿದ್ಧ ಐಕ್ಯೂ ಕಂಪನಿ ಇತ್ತೀಚೆಗೆ ಚೀನಾದಲ್ಲಿ ಐಕ್ಯೂ 15 (iQoo) ಸ್ಮಾರ್ಟ್ಫೋನ್ ಅನ್ನು ಅಧಿಕೃತವಾಗಿ ಬಿಡುಗಡೆಯಾಯಿತು. ಇನ್ನೊಂದು ತಿಂಗಳಲ್ಲಿ ಇದು ಭಾರತಕ್ಕೆ ಬರುವ ಸಾಧ್ಯತೆಯಿದೆ. ಆದಾಗ್ಯೂ, ಈ ಸ್ಮಾರ್ಟ್ಫೋನ್ನ ಫೀಚರ್ಸ್ ಪ್ರಸ್ತುತ ಮೊಬೈಲ್ ಪ್ರಿಯರನ್ನು ಬೆರಗುಗೊಳಿಸಿದೆ. ಇದು ಐಕ್ಯೂ ನಿಂದ ಮುಂದಿನ ಪೀಳಿಗೆಯ ಪ್ರಮುಖ ಫೋನ್ ಆಗಿದೆ. ಈ ಮೊಬೈಲ್ ಅನ್ನು ಪ್ರೊಸೆಸರ್, ಕ್ಯಾಮೆರಾ, ಡಿಸ್ಪ್ಲೇ, ಸ್ಟೋರೇಜ್ ಸೇರಿದಂತೆ ಎಲ್ಲಾ ವಿಭಾಗಗಳಲ್ಲಿ ಭರ್ಜರಿ ಅಪ್ಡೇಟ್ ಪಡೆದಿದೆ.
ಐಕ್ಯೂ 15 ಫೀಚರ್ಸ್
ಐಕ್ಯೂ 15 ಮೊಬೈಲ್ 6.85-ಇಂಚಿನ AMOLED 2K ಪ್ಯಾನಲ್ ಡಿಸ್ಪ್ಲೇಯೊಂದಿಗೆ ಬರುತ್ತದೆ. ಇದು 144Hz ರಿಫ್ರೆಶ್ ದರ, 2,600 nits ಪೀಕ್ ಬ್ರೈಟ್ನೆಸ್ ಅನ್ನು ಬೆಂಬಲಿಸುತ್ತದೆ. ಇದು HDR10+ ಬೆಂಬಲ, ಡಾಲ್ಬಿ ವಿಷನ್ ಬೆಂಬಲದಂತಹ ವೈಶಿಷ್ಟ್ಯಗಳನ್ನು ಸಹ ಹೊಂದಿದೆ. ಈ ಮೊಬೈಲ್ ಸ್ನಾಪ್ಡ್ರಾಗನ್ 8 ಎಲೈಟ್ ಜೆನ್ 5 ಚಿಪ್ಸೆಟ್ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು ಇತ್ತೀಚಿನ ಅಲ್ಟ್ರಾ RAM, UFS 4.1 ಸ್ಟೋರೇಜ್ ಬೆಂಬಲವನ್ನು ಹೊಂದಿದೆ.
ಇದರೊಂದಿಗೆ, ಈ ಫೋನ್ ತಂಪಾಗಿಸಲು 14,000mm² ವೇಪರ್ ಚೇಂಬರ್ ಅನ್ನು ಹೊಂದಿದೆ. ಇದರಿಂದಾಗಿ, ಫೋನ್ ಎಷ್ಟೇ ಬಳಸಿದರೂ ಬಿಸಿಯಾಗುವುದಿಲ್ಲ. ಗೇಮ್ಸ್ ಮತ್ತು ವೀಡಿಯೊ ಕರೆಗಳನ್ನು ಹೆಚ್ಚಾಗಿ ಬಳಸುವವರಿಗೆ ಈ ವೈಶಿಷ್ಟ್ಯವು ಉಪಯುಕ್ತವಾಗಿರುತ್ತದೆ.
ಕ್ಯಾಮೆರಾಗಳ ವಿಷಯದಲ್ಲಿ, ಇದು ಮೂರು 50MP ಕ್ಯಾಮೆರಾಗಳನ್ನು ಹೊಂದಿದೆ. 50MP ಪ್ರಾಥಮಿಕ ಸಂವೇದಕದ ಜೊತೆಗೆ, ಮತ್ತೊಂದು 50MP ಟೆಲಿಫೋಟೋ ಲೆನ್ಸ್ ಮತ್ತು ಮತ್ತೊಂದು 50MP ಅಲ್ಟ್ರಾವೈಡ್ ಸಂವೇದಕವಿದೆ. ಮುಂಭಾಗದಲ್ಲಿ 32MP ಸೆಲ್ಫಿ ಕ್ಯಾಮೆರಾ ಇದೆ. ಈ ಫೋನ್ ಅನ್ನು ಛಾಯಾಗ್ರಹಣ, ಗೇಮಿಂಗ್, ಹೆವಿ ಯೂಸ್ ಮತ್ತು ಕಂಟೆಂಟ್ ಸ್ಟ್ರೀಮಿಂಗ್ಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ. ಭಾರತದಲ್ಲಿ ಈ ಮೊಬೈಲ್ಗೆ ಉತ್ತಮ ಬೇಡಿಕೆ ಇರುವ ಸಾಧ್ಯತೆಯಿದೆ.
Tech Tips: ಪ್ರಿಪೇಯ್ಡ್ ಅಥವಾ ಪೋಸ್ಟ್ಪೇಯ್ಡ್! ನಿಮಗೆ ಯಾವ ಪ್ಲಾನ್ ಉತ್ತಮ?
ಐಕ್ಯೂ 15 ಬೆಲೆ ಎಷ್ಟು?
12GB RAM + 256GB ಸ್ಟೋರೇಜ್ ಹೊಂದಿರುವ ಮೂಲ ರೂಪಾಂತರದ ಐಕ್ಯೂ 15 ಬೆಲೆ CNY 4,199 (ಸುಮಾರು ರೂ. 52,000) ರಿಂದ ಪ್ರಾರಂಭವಾಗುತ್ತದೆ. 16GB RAM + 256GB ಸ್ಟೋರೇಜ್, 12GB RAM + 512GB ಸ್ಟೋರೇಜ್ ಮತ್ತು 16GB RAM + 512GB ಸ್ಟೋರೇಜ್ ಹೊಂದಿರುವ ಹೈ-ಲೆವೆಲ್ ಆಯ್ಕೆಗಳ ಬೆಲೆ ಕ್ರಮವಾಗಿ CNY 4,499 (ಸುಮಾರು ರೂ. 56,000), CNY 4,699 (ಸುಮಾರು ರೂ. 58,000) ಮತ್ತು CNY 4,999 (ಸುಮಾರು ರೂ. 62,000) ಆಗಿದೆ. ಟಾಪ್-ಆಫ್-ಲೈನ್ ಮಾದರಿಯ ಬೆಲೆ CNY 5,499 (ಸುಮಾರು ರೂ. 68,000) ಇದು 16GB RAM + 1TB ಸ್ಟೋರೇಜ್ ಹೊಂದಿದೆ.
ಚೀನಾದ ಸ್ಮಾರ್ಟ್ಫೋನ್ ತಯಾರಕ ಕಂಪನಿಯು ನೀಲಿ ಬಣ್ಣದ ಐಕ್ಯೂ 15 ಹಾನರ್ ಆಫ್ ಕಿಂಗ್ಸ್ 10 ನೇ ವಾರ್ಷಿಕೋತ್ಸವ ಕಲೆಕ್ಟರ್ಸ್ ಆವೃತ್ತಿಯನ್ನು ಸಹ ನೀಡಲಿದೆ, ಇದರ ಬೆಲೆ CNY 5,499 (ಸುಮಾರು ರೂ. 68,000). ವಿಶೇಷ ಆವೃತ್ತಿಯ ಮಾದರಿಯನ್ನು ಒಂದೇ 16GB RAM + 512GB ಶೇಖರಣಾ ಆವೃತ್ತಿಯಲ್ಲಿ ಬಿಡುಗಡೆ ಮಾಡಲಾಗಿದೆ.
ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ