OnePlus Nord CE 3 Lite 5G vs Realme 10 Pro 5G: ಯಾವ ಪೋನ್ ಬೆಸ್ಟ್?

ಚೀನಾ ಹೊರತುಪಡಿಸಿದರೆ, ಜಾಗತಿಕವಾಗಿ ಅತಿ ದೊಡ್ಡ ಗ್ಯಾಜೆಟ್ ಮಾರುಕಟ್ಟೆ ಇರುವುದು ಭಾರತದಲ್ಲಿ. ಇಲ್ಲಿ ಚೀನಾ ಮೂಲದ ಕಂಪನಿಗಳ ಬ್ರ್ಯಾಂಡ್​ಗಳದ್ದೇ ಕಾರುಬಾರು. ಆ್ಯಂಡ್ರಾಯ್ಡ್ ಸ್ಮಾರ್ಟ್​ಫೋನ್ ಮಾರುಕಟ್ಟೆಯಲ್ಲಿ ಚೀನಾ ಮೂಲದ ಕಂಪನಿಗಳ ವಿವಿಧ ಸ್ಮಾರ್ಟ್​ಫೋನ್​ಗಳು ಭರ್ಜರಿ ಸದ್ದು ಮಾಡುತ್ತಿವೆ. ಚೀನಾದ ಎರಡು ಪ್ರಮುಖ ಬ್ರ್ಯಾಂಡ್​ಗಳಾಗಿರುವ ಒನ್​ಪ್ಲಸ್ ಮತ್ತು ರಿಯಲ್​ಮಿ, ಇತ್ತೀಚೆಗೆ ಭಾರತದಲ್ಲಿ ಪರಿಚಯಿಸಿರುವ ಹೊಸ ಸ್ಮಾರ್ಟ್​ಫೋನ್​ಗಳ ನಡುವಣ ಭಿನ್ನತೆ, ವೈಶಿಷ್ಟ್ಯಗಳ ವಿವರ ಇಲ್ಲಿದೆ. ಎರಡೂ ಮಾದರಿಗಳಿಗೆ ಇರುವ ಪ್ರಮುಖ ವ್ಯತ್ಯಾಸಗಳನ್ನು ಇಲ್ಲಿ ಪಟ್ಟಿ ಮಾಡಲಾಗಿದೆ. ಒನ್​ಪ್ಲಸ್ ನಾರ್ಡ್​ ಸಿಇ 3 ಲೈಟ್ 5G ಮತ್ತು ರಿಯಲ್​ಮಿ 10 ಪ್ರೊ ಪ್ಲಸ್ 5G ಫೋನ್ ಎರಡರಲ್ಲೂ ಹಲವು ವ್ಯತ್ಯಾಸಗಳಿವೆ. ಒನ್​ಪ್ಲಸ್ ಫೋನ್​ನಲ್ಲಿದೆ 6.72 ಇಂಚಿನ ಡಿಸ್​ಪ್ಲೇ ಹಾಗೂ ರಿಯಲ್​ಮಿ ಫೋನ್​ನಲ್ಲಿ 6.70 ಇಂಚಿನ ಡಿಸ್​ಪ್ಲೇ ಇದೆ. ಎರಡೂ ಫೋನ್​ಗಳಲ್ಲಿ 16 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಸೆನ್ಸಾರ್ ಇದೆ. ಒನ್​ಪ್ಲಸ್ 108+2+2 ಮೆಗಾಪಿಕ್ಸೆಲ್ ಕ್ಯಾಮೆರಾ ಇದ್ದರೆ, ರಿಯಲ್​ಮಿ 108+8+2 ಮೆಗಾಪಿಕ್ಸೆಲ್ ಕ್ಯಾಮೆರಾ ಹೊಂದಿದೆ. ಎರಡೂ ಫೋನ್​ಗಳಲ್ಲಿ 5000mAh ಬ್ಯಾಟರಿ ಸಾಮರ್ಥ್ಯವಿದ್ದು, ರಿಯಲ್​ಮಿ ಫೋನ್ 6GB RAM + 128GB ಮಾದರಿಗೆ ₹18,999 ದರವಿದೆ. ಒನ್​ಪ್ಲಸ್ ಫೋನ್ 8GB RAM + 128GB ಆವೃತ್ತಿಗೆ ₹19,999 ದರ ಹೊಂದಿದೆ.

Published On - 12:18 pm, Mon, 10 April 23