Tech Tips: ಆಧಾರ್ ಕಾರ್ಡ್ ಅನ್ನು ವಾಟ್ಸ್ಆ್ಯಪ್ನಿಂದಲೂ ಡೌನ್ಲೋಡ್ ಮಾಡಬಹುದು: ಜಸ್ಟ್ ಹೀಗೆ ಮಾಡಿ
ಆಧಾರ್ ಕಾರ್ಡ್ ಡೌನ್ಲೋಡ್ ಮಾಡಲು ಹಲವು ಮಾರ್ಗಗಳಿವೆ, ಆದರೆ ನೀವು ಈ ಕೆಲಸವನ್ನು ನಿಮ್ಮ ವಾಟ್ಸ್ಆ್ಯಪ್ನಲ್ಲಿ ಕೂಡ ಮಾಡಬಹುದು. ಈ ಸಂಖ್ಯೆಯನ್ನು ಸೇವ್ ಮಾಡಿದ ನಂತರ, ಆ ಸಂಖ್ಯೆಗೆ ಚಾಟ್ ಮಾಡುವ ಮೂಲಕ ಆಧಾರ್ ಕಾರ್ಡ್ ಅನ್ನು ಡೌನ್ಲೋಡ್ ಮಾಡಬಹುದು. ಇದು ತುಂಬಾ ಸುಲಭವಾದ ಪ್ರಕ್ರಿಯೆ.
ಬೆಂಗಳೂರು (ಸೆ. 09): ಆಧಾರ್ ಕಾರ್ಡ್ (Aadhaar Card) ಒಂದು ಪ್ರಮುಖ ದಾಖಲೆಯಾಗಿದೆ. ಪ್ರತಿದಿನ ಕೆಲವು ಕೆಲಸಗಳಿಗೆ ನಮಗೆಲ್ಲರಿಗೂ ಆಧಾರ್ ಅಗತ್ಯವಿದೆ. ಎಲ್ಲಾ ಸರ್ಕಾರಿ ಸೇವೆಗಳು ಮತ್ತು ಬ್ಯಾಂಕಿಂಗ್ ಸೇವೆಗಳಲ್ಲಿ ಆಧಾರ್ ಅನ್ನು ಪ್ರಮುಖವಾಗಿ ಬಳಸಲಾಗುತ್ತದೆ. ಅನೇಕ ಬಾರಿ ನಾವು ಮನೆಯಿಂದ ಹೊರಗಿರುವಾಗ ಇದ್ದಕ್ಕಿದ್ದಂತೆ ಆಧಾರ್ ಅಗತ್ಯವಿರುತ್ತದೆ. ಅನೇಕ ಜನರು ಆಧಾರ್ ಫೋಟೋವನ್ನು ತಮ್ಮ ಮೊಬೈಲ್ನಲ್ಲಿ ಇಟ್ಟುಕೊಳ್ಳುತ್ತಾರೆ, ಆದರೆ ನಿಮ್ಮ ಬಳಿ ಅದು ಇಲ್ಲದಿದ್ದರೆ, ಚಿಂತಿಸಬೇಕಾಗಿಲ್ಲ. ನೀವು ನಿಮ್ಮ ಆಧಾರ್ ಕಾರ್ಡ್ ಅನ್ನು ವಾಟ್ಸ್ಆ್ಯಪ್ನಿಂದ ಡೌನ್ಲೋಡ್ ಮಾಡಬಹುದು. ಇದು ತುಂಬಾ ಸುಲಭವಾದ ಪ್ರಕ್ರಿಯೆ.
ವಾಟ್ಸ್ಆ್ಯಪ್ನಿಂದ ಆಧಾರ್ ಡೌನ್ಲೋಡ್ ಮಾಡಿಕೊಳ್ಳುವ ಮುನ್ನ ಮುಖ್ಯ ವಿಷಯ
ನೀವು ವಾಟ್ಸ್ಆ್ಯಪ್ನಿಂದ ಆಧಾರ್ ಕಾರ್ಡ್ ಡೌನ್ಲೋಡ್ ಮಾಡಿಕೊಳ್ಳಲು ಬಯಸಿದರೆ, ಅದಕ್ಕೂ ಮೊದಲು ನೀವು ಕೆಲವು ವಿಷಯಗಳನ್ನು ಮನಸ್ಸಿನಲ್ಲಿಟ್ಟುಳ್ಳಬೇಕು. ನೀವು ಸರ್ಕಾರದ ಡಿಜಿಲಾಕರ್ನಲ್ಲಿ ನಿಮ್ಮ ಖಾತೆಯನ್ನು ರಚಿಸಬೇಕು. ನಿಮಗೆ ಖಾತೆ ಇದ್ದರೆ ಅದು ಒಳ್ಳೆಯದು, ಇಲ್ಲದಿದ್ದರೆ ನೀವು ಡಿಜಿಲಾಕರ್ ವೆಬ್ಸೈಟ್ ಅಥವಾ ಅಪ್ಲಿಕೇಶನ್ನ ಸಹಾಯದಿಂದ ಖಾತೆಯನ್ನು ರಚಿಸಬಹುದು.
ಯುಐಡಿಎಐ ಮತ್ತು ಡಿಜಿಲಾಕರ್ ಹೊರತುಪಡಿಸಿ ಮೂರನೇ ಆಯ್ಕೆ ವಾಟ್ಸ್ಆ್ಯಪ್
ಸಾಮಾನ್ಯವಾಗಿ ಜನರು ತಮ್ಮ ಆಧಾರ್ ಕಾರ್ಡ್ ಡೌನ್ಲೋಡ್ ಮಾಡಲು UIDAI ವೆಬ್ಸೈಟ್ಗೆ ಭೇಟಿ ನೀಡುತ್ತಾರೆ ಅಥವಾ mAadhaar ಅಪ್ಲಿಕೇಶನ್ ಅನ್ನು ಬಳಸುತ್ತಾರೆ. ಅನೇಕ ಜನರು DigiLocker ಅನ್ನು ಸಹ ಬಳಸುತ್ತಾರೆ. ವಾಟ್ಸ್ಆ್ಯಪ್ ಮೂರನೇ ಆಯ್ಕೆಯಾಗಿರಬಹುದು. ನೀವು UIDAI ಅಥವಾ DigiLocker ಅನ್ನು ಬಳಸಲು ಬಯಸದಿದ್ದಾಗ ಇದು ಉಪಯುಕ್ತವಾಗಿರುತ್ತದೆ.
ಮೊದಲು ಈ ಮೊಬೈಲ್ ಸಂಖ್ಯೆಯನ್ನು ಸೇವ್ ಮಾಡಿ
ವಾಟ್ಸ್ಆ್ಯಪ್ನಿಂದ ಆಧಾರ್ ಕಾರ್ಡ್ ಡೌನ್ಲೋಡ್ ಮಾಡಲು, ಮೊದಲು +91-9013151515 ಮೊಬೈಲ್ ಸಂಖ್ಯೆಯನ್ನು ಫೋನ್ನಲ್ಲಿ ಉಳಿಸಿ. ಇದು MyGov Helpdesk ನ ಅಧಿಕೃತ ವಾಟ್ಸ್ಆ್ಯಪ್ ಸಂಖ್ಯೆಯಾಗಿದ್ದು, ಇದು ವಾಟ್ಸ್ಆ್ಯಪ್ನಿಂದ ಆಧಾರ್ ಡೌನ್ಲೋಡ್ ಮಾಡಲು ನಿಮಗೆ ಸಹಾಯ ಮಾಡುತ್ತದೆ.
Tech Utility: ಕೀಬೋರ್ಡ್ನಲ್ಲಿರುವ ಸ್ಪೇಸ್ಬಾರ್ ಇಷ್ಟು ಉದ್ದ ಇರಲು ಕಾರಣವೇನು ಗೊತ್ತೇ?
ಈ ಹಂತ ಹಂತದ ಪ್ರಕ್ರಿಯೆಯನ್ನು ಅನುಸರಿಸಿ
ಹಂತ 1: ನಾವು ನಿಮಗೆ ಹೇಳಿದ ಫೋನ್ ಸಂಖ್ಯೆಯನ್ನು ನಿಮ್ಮ ಮೊಬೈಲ್ನಲ್ಲಿ ಸೇವ್ ಮಾಡಿದ ನಂತರ, ಆ ಸಂಖ್ಯೆಯನ್ನು ನಿಮ್ಮ ವಾಟ್ಸ್ಆ್ಯಪ್ನಲ್ಲಿ ತೆರೆಯಿರಿ.
ಹಂತ 2: ಸಂಖ್ಯೆಯನ್ನು ತೆರೆದ ನಂತರ, ವಾಟ್ಸ್ಆ್ಯಪ್ಚಾಟ್ಗೆ ಹೋಗಿ ಹಾಯ್ ಬರೆಯಿರಿ.
ಹಂತ 3: ನೀವು ಚಾಟ್ಬಾಟ್ನಿಂದ ಪ್ರತಿಕ್ರಿಯೆಯನ್ನು ಪಡೆಯುತ್ತೀರಿ, ಅದರಲ್ಲಿ ನೀವು ಹಲವು ಆಯ್ಕೆಗಳನ್ನು ನೋಡುತ್ತೀರಿ.
ಹಂತ 4: ಆ ಆಯ್ಕೆಗಳಿಂದ, ನೀವು ಡಿಜಿಲಾಕರ್ ಸೇವೆಗಳನ್ನು ಆಯ್ಕೆ ಮಾಡಬೇಕು.
ಹಂತ 5: ನೀವು ಡಿಜಿಲಾಕರ್ನಲ್ಲಿ ನಿಮ್ಮ ಖಾತೆಯನ್ನು ರಚಿಸಿರುವುದರಿಂದ, ನಿಮ್ಮ 12 ಅಂಕಿಯ ಆಧಾರ್ ಸಂಖ್ಯೆಯನ್ನು ಇಲ್ಲಿ ನಮೂದಿಸಿ.
ಹಂತ 6: ನಿಮ್ಮ ಸಂಖ್ಯೆಗೆ OTP ಬರುತ್ತದೆ, ಅದನ್ನು ಚಾಟ್ನಲ್ಲಿ ಟೈಪ್ ಮಾಡಿ.
ಹಂತ 7: ಇದು ಪರಿಶೀಲನಾ ಪ್ರಕ್ರಿಯೆಯಾಗಿದ್ದು, ಪೂರ್ಣಗೊಂಡ ನಂತರ ಡಿಜಿಲಾಕರ್ನಲ್ಲಿರುವ ಎಲ್ಲಾ ದಾಖಲೆಗಳನ್ನು ನಿಮಗೆ ತೋರಿಸಲಾಗುತ್ತದೆ.
ಹಂತ 8: ಪಟ್ಟಿಯಿಂದ ಆಧಾರ್ ಆಯ್ಕೆಮಾಡಿ. ನಿಮ್ಮ ಆಧಾರ್ ಕಾರ್ಡ್ ಸ್ವಲ್ಪ ಸಮಯದ ನಂತರ ವಾಟ್ಸ್ಆ್ಯಪ್ನಲ್ಲಿ ಕಾಣಿಸಿಕೊಳ್ಳುತ್ತದೆ.
ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ