Whatsapp Reels: ಈಗ ವಾಟ್ಸ್ಆ್ಯಪ್ನಲ್ಲೂ ರೀಲ್ಸ್ ನೋಡಬಹುದು: ಯುವಕರನ್ನು ಆಕರ್ಷಿಸಲು ಸೂಪರ್ ಫೀಚರ್
WhatsApp Reels Tips: ಪ್ರಪಂಚದಾದ್ಯಂತ ರೀಲ್‌ಗಳು ಮತ್ತು ಕಿರು ವಿಡಿಯೋಗಳಿಗೆ ಅಪಾರ ಕ್ರೇಜ್ ಇದೆ. ಬಸ್, ರೈಲು, ರೆಸ್ಟೋರೆಂಟ್, ನಿಲ್ದಾಣ, ಕಚೇರಿ ಹೀಗೆ ಎಲ್ಲೆಡೆ ರೀಲ್‌ಗಳನ್ನು ನೋಡುವ ಜನರಿದ್ದಾರೆ. ಈ ಸಂದರ್ಭದಲ್ಲಿ, ಇನ್ಸ್ಟಾಗ್ರಾಮ್ ಮತ್ತು ಫೇಸ್ಬುಕ್ ನಂತಹ ಅಪ್ಲಿಕೇಶನ್‌ಗಳ ರೀಲ್‌ಗಳನ್ನು ಈಗ ವಾಟ್ಸ್ಆ್ಯಪ್ ನಲ್ಲಿಯೂ ವೀಕ್ಷಿಸಬಹುದು.
ಬೆಂಗಳೂರು (ಏ. 06): ವಾಟ್ಸ್ಆ್ಯಪ್ (WhatsApp) ವಿಶ್ವಾದ್ಯಂತ ಬಳಸಲಾಗುವ ಅತಿದೊಡ್ಡ ತ್ವರಿತ ಸಂದೇಶ ಕಳುಹಿಸುವ ಅಪ್ಲಿಕೇಶನ್ ಆಗಿದೆ. ನಮ್ಮ ದೈನಂದಿನ ಹಲವು ಕೆಲಸಗಳಿಗೆ ನಾವು ವಾಟ್ಸ್ಆ್ಯಪ್ ಅನ್ನು ಅವಲಂಬಿಸಿದ್ದೇವೆ ಎಂದರೆ ಅತಿಶಯೋಕ್ತಿಯಲ್ಲ. ಇಂದಿನ ಹೆಚ್ಚಿನ ಯುವಜನರು ರೀಲ್ಸ್ಗೆ ಮರುಳಾಗಿದ್ದಾರೆ. ಇನ್ಸ್ಟಾಗ್ರಾಮ್ನಲ್ಲಿ ಗಂಟೆಗಟ್ಟಲೆ ರೀಲ್ಸ್ ವೀಕ್ಷಿಸುತ್ತಾರೆ. ಮೆಟಾ ಒಡೆತನದ ಫೇಸ್ಬುಕ್ನಲ್ಲೂ ಈ ಸೌಲಭ್ಯವಿದೆ. ಆದರೆ, ವಾಟ್ಸ್ಆ್ಯಪ್ನಲ್ಲಿ ರೀಲ್ಸ್ ನೋಡುವ ಆಯ್ಕೆ ಇಲ್ಲ. ಬೇರೆಯವರ ಸ್ಟೇಟಸ್ ವೀಕ್ಷಿಸಬಹುದಷ್ಟೆ. ಆದರೆ, ಈಗ ರೀಲ್ಸ್ ವೀಕ್ಷಿಸುವ ಸೌಲಭ್ಯವನ್ನು ವಾಟ್ಸ್ಆ್ಯಪ್ ನಲ್ಲಿಯೂ ಲಭ್ಯವಾಗುವಂತೆ ಮಾಡಲಾದೆ. ಇದು ಹೇಗೆ?, ವಾಟ್ಸ್ಆ್ಯಪ್ನಲ್ಲಿ ರೀಲ್ಸ್ ನೋಡಲು ಏನು ಮಾಡಬೇಕು?, ಈ ಕುರಿತ ಮಾಹಿತಿ ಇಲ್ಲಿದೆ.
ವಾಟ್ಸ್ಆ್ಯಪ್ ಇಂದು ವಿಶ್ವದ ಅತಿದೊಡ್ಡ ತ್ವರಿತ ಸಂದೇಶ ಕಳುಹಿಸುವ ವೇದಿಕೆಯಾಗಿದೆ. ಪ್ರಪಂಚದಾದ್ಯಂತ 3.5 ಶತಕೋಟಿಗೂ ಹೆಚ್ಚು ಜನರು ಈ ಅಪ್ಲಿಕೇಶನ್ ಅನ್ನು ಬಳಸುತ್ತಾರೆ. ಅನೇಕ ಜನರು ಸಂದೇಶ ಕಳುಹಿಸಲು, ಧ್ವನಿ ಕರೆ ಮಾಡಲು ಮತ್ತು ವಿಡಿಯೋ ಕರೆ ಮಾಡಲು ವಾಟ್ಸ್ಆ್ಯಪ್ ಅನ್ನು ಬಳಸುತ್ತಾರೆ. ಈಗ ಇನ್ಸ್ಟಾಗ್ರಾಮ್ ಮತ್ತು ಫೇಸ್‌ಬುಕ್‌ನಂತಹ ಉತ್ತಮ ವೈಶಿಷ್ಟ್ಯವನ್ನು ವಾಟ್ಸ್ಆ್ಯಪ್ನಲ್ಲಿ ಲಭ್ಯವಾಗುವಂತೆ ಮಾಡಲಾಗಿದ್ದು, ಇದು ನಿಮಗೆ ಸಾಕಷ್ಟು ಮಜಾ ನೀಡುವುದು ಖಚಿತ.
ಪ್ರಪಂಚದಾದ್ಯಂತ ರೀಲ್‌ಗಳು ಮತ್ತು ಕಿರು ವಿಡಿಯೋಗಳಿಗೆ ಅಪಾರ ಕ್ರೇಜ್ ಇದೆ. ಬಸ್, ರೈಲು, ರೆಸ್ಟೋರೆಂಟ್, ನಿಲ್ದಾಣ, ಕಚೇರಿ ಹೀಗೆ ಎಲ್ಲೆಡೆ ರೀಲ್‌ಗಳನ್ನು ನೋಡುವ ಜನರಿದ್ದಾರೆ. ಈ ಸಂದರ್ಭದಲ್ಲಿ, ಇನ್ಸ್ಟಾಗ್ರಾಮ್ ಮತ್ತು ಫೇಸ್ಬುಕ್ ನಂತಹ ಅಪ್ಲಿಕೇಶನ್‌ಗಳ ರೀಲ್‌ಗಳನ್ನು ಈಗ ವಾಟ್ಸ್ಆ್ಯಪ್ ನಲ್ಲಿಯೂ ವೀಕ್ಷಿಸಬಹುದು. ವಾಟ್ಸ್ಆ್ಯಪ್ ನಲ್ಲಿ ಈಗ ರೀಲ್ಸ್ ವೈಶಿಷ್ಟ್ಯವು ಆಂಡ್ರಾಯ್ಡ್ ಮತ್ತು ಐಒಎಸ್ ಬಳಕೆದಾರರಿಗೆ ಲಭ್ಯವಿದೆ. ಕೆಲವು ಸುಲಭ ಹಂತಗಳನ್ನು ಅನುಸರಿಸುವ ಮೂಲಕ ನೀವು ವಾಟ್ಸ್ಆ್ಯಪ್ ನಲ್ಲಿ ರೀಲ್ಸ್ ವೀಕ್ಷಿಸಬಹುದು.
Tech Tips: ಇನ್‌ಸ್ಟಾಗ್ರಾಮ್‌ನಂತೆ ಫೇಸ್ಬುಕ್ ಪ್ರೊಫೈಲ್‌ಗೆ ನಿಮ್ಮ ನೆಚ್ಚಿನ ಸಾಂಗ್ ಹಾಕೋದು ಹೇಗೆ?
ವಾಟ್ಸ್ಆ್ಯಪ್ ನಲ್ಲಿ ರೀಲ್‌ಗಳನ್ನು ನೋಡುವುದು ಹೇಗೆ?:
- ವಾಟ್ಸ್ಆ್ಯಪ್ ನಲ್ಲಿ ರೀಲ್ಸ್ ವೀಕ್ಷಿಸಲು, ನೀವು ಮೊದಲು ನಿಮ್ಮ ವಾಟ್ಸ್ಆ್ಯಪ್ ಅಪ್ಲಿಕೇಶನ್ ಅನ್ನು ತೆರೆಯಬೇಕು.
- ಡಿಸ್ಪ್ಲೇ ಮೇಲೆ ಗೋಚರಿಸುವ ಮೆಟಾ ಐಕಾನ್ ಅನ್ನು ಆಯ್ಕೆಮಾಡಿ. ಆಂಡ್ರಾಯ್ಡ್ ಮತ್ತು ಐಒಎಸ್‌ನಲ್ಲಿ ಮೆಟಾ ಐಕಾನ್‌ನ ಸ್ಥಳವು ವಿಭಿನ್ನವಾಗಿರಬಹುದು.
- ಮೆಟಾ ಐಕಾನ್ ಮೇಲೆ ಕ್ಲಿಕ್ ಮಾಡಿದ ನಂತರ, ನೀವು ಹೊಸ ಪುಟ ಮತ್ತು ಬಳಕೆದಾರ ಇಂಟರ್ಫೇಸ್ ಅನ್ನು ನೋಡುತ್ತೀರಿ.
- ನೀವು ಅಲ್ಲಿ ‘ಶೋ ಮೈ ರೀಲ್ಸ್’ ಎಂದು ಬರೆದು ಸೆಂಡ್ ಬಟಲ್ ಒತ್ತಿರಿ. ಈಗ ನಿಮಗೆ ವಾಟ್ಸ್ಆ್ಯಪ್ ನಲ್ಲಿ ರೀಲ್ಸ್ ಗೋಚರಿಸುತ್ತದೆ. ಅದನ್ನು ಕ್ಲಿಕ್ ಮಾಡಿದರೆ ನೇರವಾಗಿ ಇನ್ಸ್ಟಾಗ್ರಾಮ್ ಪೇಜ್ ತೆರೆದು ರೀಲ್ಸ್ ಪ್ಲೇ ಆಗುತ್ತದೆ.
9.7 ಮಿಲಿಯನ್ ವಾಟ್ಸ್ಆ್ಯಪ್ ಖಾತೆ ನಿಷೇಧ:
ಭಾರತದಲ್ಲಿ ವಾಟ್ಸ್ಆ್ಯಪ್ನ ಹಲವು ಖಾತೆಗಳನ್ನು ನಿಷೇಧಿಸಲಾಗಿದೆ. IANS ವರದಿಯ ಪ್ರಕಾರ, ಫೆಬ್ರವರಿ 2025 ರಲ್ಲಿ ಭಾರತದ 9.7 ಮಿಲಿಯನ್ ಖಾತೆಗಳನ್ನು ನಿಷೇಧಿಸಲಾಗಿದೆ ಎಂದು ವಾಟ್ಸ್ಆ್ಯಪ್ ಏಪ್ರಿಲ್ 1, 2025 ರಂದು ತಿಳಿಸಿದೆ. ಈ ನಿರ್ಧಾರಕ್ಕೆ ಕಾರಣವನ್ನು ನೀಡಲಾಗಿದ್ದು, ಭಾರತದಲ್ಲಿ ವಾಟ್ಸ್ಆ್ಯಪ್ ಬಳಸುವ ನಿಯಮಗಳನ್ನು ಉಲ್ಲಂಘಿಸುತ್ತಿದ್ದ ಖಾತೆಗಳನ್ನು ಮುಚ್ಚಲಾಗಿದೆ ಎಂದು ಕಂಪನಿ ಹೇಳಿದೆ.
ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ