WWDC 2023: ಐಫೋನ್ಗೆ ಹೊಸ iOS ಘೋಷಿಸಲಿದೆ ಆ್ಯಪಲ್
Updated on: Apr 04, 2023 | 10:00 AM
ಸಮ್ಮೇಳನದಲ್ಲಿ ಹೊಸ ಓಎಸ್ ಸರಣಿಯನ್ನು ಘೋಷಿಸುವ ಆ್ಯಪಲ್, ಆ್ಯಪ್ ಡೆವಲಪರ್ಗಳಿಗೆ ಓಎಸ್ ಬೀಟಾ ಡೆವಲಪರ್ ಆವೃತ್ತಿಯನ್ನು ಒದಗಿಸುತ್ತದೆ. ಈ ಬಾರಿ ಆ್ಯಪಲ್, ಜೂನ್ 5ರಿಂದ ಜೂನ್ 9ರವರೆಗೆ WWDC 2023 ಸಮಾವೇಶ ಆಯೋಜಿಸಿದೆ.
ಆ್ಯಪಲ್, ಪ್ರತಿ ವರ್ಷ ಐಫೋನ್, ಐಪ್ಯಾಡ್ ಮತ್ತು ಮ್ಯಾಕ್ಗೆ ಹೊಸ ಅಪ್ಡೇಟೆಡ್ ಓಎಸ್ಗಳನ್ನು ಬಿಡುಗಡೆ ಮಾಡುತ್ತದೆ. ಅದಕ್ಕಾಗಿ ಪ್ರತಿ ವರ್ಷ ಆ್ಯಪಲ್, ಜಾಗತಿಕ ಆ್ಯಪ್ ಡೆವಲಪರ್ಗಳ ಸಮ್ಮೇಳನ ನಡೆಸುತ್ತದೆ. ಈ ಸಮ್ಮೇಳನದಲ್ಲಿ ಹೊಸ ಓಎಸ್ ಸರಣಿಯನ್ನು ಘೋಷಿಸುವ ಆ್ಯಪಲ್, ಆ್ಯಪ್ ಡೆವಲಪರ್ಗಳಿಗೆ ಓಎಸ್ ಬೀಟಾ ಡೆವಲಪರ್ ಆವೃತ್ತಿಯನ್ನು ಒದಗಿಸುತ್ತದೆ. ನಂತರದಲ್ಲಿ ಡೆವಲಪರ್ಗಳು ಬೀಟಾ ಆವೃತ್ತಿಯನ್ನು ಪರಿಶೀಲಿಸಿ, ಅದರಲ್ಲಿನ ದೋಷಗಳನ್ನು ಸರಿಪಡಿಸುತ್ತಾರೆ. ನಂತರವಷ್ಟೇ ಸಾಮಾನ್ಯ ಬಳಕೆದಾರರಿಗೆ ನೂತನ ಓಎಸ್ ಅಪ್ಡೇಟ್ ಲಭ್ಯವಾಗುತ್ತದೆ. ಈ ಬಾರಿ ಆ್ಯಪಲ್, ಜೂನ್ 5ರಿಂದ ಜೂನ್ 9ರವರೆಗೆ WWDC 2023 ಸಮಾವೇಶ ಆಯೋಜಿಸಿದೆ. ಹೊಸದಾಗಿ ಆ್ಯಪಲ್ ಐಓಎಸ್ 17 ಘೋಷಿಸಲಿದೆ. ಆ್ಯಪಲ್ ಈವೆಂಟ್ನಲ್ಲಿ ಹೊಸ ಐಓಎಸ್ ಸರಣಿ ಘೋಷಣೆಯಾದರೂ, ಅವುಗಳ ಪರೀಕ್ಷಾರ್ಥ ಬಳಕೆ ಮುಗಿದ ಬಳಿಕ, ಸೆಪ್ಟೆಂಬರ್ನಲ್ಲಿ ಸಾಮಾನ್ಯ ಬಳಕೆದಾರರಿಗೆ ಲಭ್ಯವಾಗಲಿದೆ. ನಂತರ, ಅವುಗಳನ್ನು ಡೌನ್ಲೋಡ್ ಮಾಡಿಕೊಂಡು ಇನ್ಸ್ಟಾಲ್ ಮಾಡಬೇಕಿದೆ.
