Xiaomi 17 Series: ಐಫೋನ್ 17 ಮರೆತುಬಿಡಿ, ಸೆ. 30ಕ್ಕೆ ಬಿಡುಗಡೆಯಾಗಲಿದೆ ಮತ್ತೊಂದು 17 ಸರಣಿಯ ಶಕ್ತಿಶಾಲಿ ಫೋನ್

ಬೆಂಗಳೂರು (ಸೆ. 21): ಭಾರತ ಸೇರಿದಂತೆ ಪ್ರಪಂಚದಾದ್ಯಂತ ಐಫೋನ್ 17 ಸರಣಿಯ ಕ್ರೇಜ್ ಜೋರಾಗಿದೆ. ಸೆಪ್ಟೆಂಬರ್ 19 ರಂದು, ಆಪಲ್ ಅಂಗಡಿಗಳ ಮುಂದೆ ಐಫೋನ್ 17 ಸರಣಿಯನ್ನು ಖರೀದಿಸಲು ಜನರ ಸಾಲುಗಟ್ಟಿ ನಿಂತಿರುವುದು ಕಂಡುಬಂದವು. ಇದೀಗ ಈ ಆಪಲ್ ಐಫೋನ್ 17 ಮಧ್ಯೆ ಚೀನಾದ ಆಪಲ್ ಎಂದು ಕರೆಯಲ್ಪಡುವ ಶಿಯೋಮಿ (Xiaomi), ಐಫೋನ್ 17 ರಂತೆಯೇ ತನ್ನ ಶಕ್ತಿಶಾಲಿ ಫೋನ್ ಶಿಯೋಮಿ 17 ಸರಣಿಯನ್ನು ಬಿಡುಗಡೆ ಮಾಡಲು ತಯಾರಾಗಿದೆ. ಈ ಸ್ಮಾರ್ಟ್‌ಫೋನ್ ಸರಣಿಯನ್ನು ಸೆಪ್ಟೆಂಬರ್ 30 ರಂದು ಅನಾವರಣಗೊಳ್ಳಲಿದೆ. ಶಿಯೋಮಿಯ ಈ ಪ್ರಮುಖ ಸ್ಮಾರ್ಟ್‌ಫೋನ್ ಸರಣಿಯ ಪೂರ್ವ-ಬುಕಿಂಗ್ ಚೀನಾದಲ್ಲಿ ಪ್ರಾರಂಭವಾಗಿದೆ. ಶಿಯೋಮಿ 17 ಜೊತೆಗೆ, ಶಿಯೋಮಿ 17 ಪ್ರೊ ಮತ್ತು ಶಿಯೋಮಿ 17 ಪ್ರೊ ಮ್ಯಾಕ್ಸ್ ಅನ್ನು ಸಹ ಈ ಸರಣಿಯಲ್ಲಿ ಬಿಡುಗಡೆ ಮಾಡಲಾಗುವುದು.

ಈ ಶಿಯೋಮಿ ಸ್ಮಾರ್ಟ್‌ಫೋನ್ ಸರಣಿಯು ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 8 ಎಲೈಟ್ ಜೆನ್ 5 ಪ್ರೊಸೆಸರ್‌ನಿಂದ ಚಾಲಿತವಾಗುವ ನಿರೀಕ್ಷೆಯಿದೆ. ಫೋನ್ ಹಿಂಭಾಗದಲ್ಲಿ ಲೈಕಾ-ಬ್ರಾಂಡೆಡ್ ಕ್ಯಾಮೆರಾವನ್ನು ಸಹ ಹೊಂದಿರುತ್ತದೆ. ವರದಿಗಳ ಪ್ರಕಾರ, ಕಂಪನಿಯು ಶಿಯೋಮಿ ಪ್ಯಾಡ್ 8 ಸರಣಿಯನ್ನು ಸಹ ಬಿಡುಗಡೆ ಮಾಡಲಿದೆ.

ಶಿಯೋಮಿ ಈ ಸ್ಮಾರ್ಟ್‌ಫೋನ್ ಸರಣಿಗಾಗಿ ಮ್ಯಾಜಿಕ್ ಬ್ಯಾಕ್ ಸ್ಕ್ರೀನ್ ಅನ್ನು ಪ್ರದರ್ಶಿಸಿದೆ. ಈ ವಿಶಿಷ್ಟ ವೈಶಿಷ್ಟ್ಯವು ಹಿಂಭಾಗದ ಕ್ಯಾಮೆರಾ ಮಾಡ್ಯೂಲ್ ಜೊತೆಗೆ ಫೋನ್‌ನ ದ್ವಿತೀಯ ಡಿಸ್​ಪ್ಲೇ ಆಗಿ ಕಾರ್ಯನಿರ್ವಹಿಸುತ್ತದೆ. ಈ ದ್ವಿತೀಯ ಡಿಎಸ್​ಪ್ಲೇಯು ಕರೆ ನೋಟಿಫಿಕೇಷನ್, ಮ್ಯೂಸಿಕ್ ಮತ್ತು ಬಳಕೆದಾರರಿಗೆ ಹಲವಾರು ಉಪಯುಕ್ತ ವಿಜೆಟ್‌ಗಳನ್ನು ಪ್ರದರ್ಶಿಸುತ್ತದೆ.

ಶಿಯೋಮಿ 17 ಸರಣಿಯ ಫೀಚರ್ಸ್ ಏನು?

ಈ ಶಿಯೋಮಿ ಸ್ಮಾರ್ಟ್‌ಫೋನ್ ಸರಣಿಯು ಕಳೆದ ವರ್ಷ ಬಿಡುಗಡೆಯಾದ ಶಿಯೋಮಿ 15 ಸರಣಿಯ ಅಪ್‌ಗ್ರೇಡ್ ಆಗಿರುತ್ತದೆ. 15 ರ ನಂತರ ನೇರವಾಗಿ 17 ಸರಣಿಯನ್ನು ಬಿಡುಗಡೆ ಮಾಡಲು ಕಂಪನಿ ನಿರ್ಧರಿಸಿದೆ. ಈ ಸ್ಮಾರ್ಟ್‌ಫೋನ್ ಸರಣಿಯು ಶಕ್ತಿಯುತ ಕ್ಯಾಮೆರಾ ಮತ್ತು ಅಲ್ಟ್ರಾಸಾನಿಕ್ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಅನ್ನು ಹೊಂದಿರುತ್ತದೆ. ಇದು ಆಂಡ್ರಾಯ್ಡ್ 16 ಆಧಾರಿತ ಹೈಪರ್‌ಓಎಸ್ 3 ನಲ್ಲಿಯೂ ಕಾರ್ಯನಿರ್ವಹಿಸುತ್ತದೆ.

Tech Tips: ನೀವು ಹಳೆಯ ಫೋನ್ ಮಾರಾಟ ಮಾಡುವಾಗ ಕೇವಲ ಫ್ಯಾಕ್ಟರಿ ರೀಸೆಟ್ ಮಾಡಿದ್ರೆ ಸಾಲದು

ಇತ್ತೀಚಿನ ಸೋರಿಕೆಯ ಪ್ರಕಾರ, ಶಿಯೋಮಿ 17 Pro 6.3-ಇಂಚಿನ LTPO AMOLED ಡಿಸ್ಪ್ಲೇಯನ್ನು ಹೊಂದಿರುತ್ತದೆ. ಫೋನ್ 100W ವೇಗದ ಚಾರ್ಜಿಂಗ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್‌ನೊಂದಿಗೆ 6,300mAh ಬ್ಯಾಟರಿಯನ್ನು ಪ್ಯಾಕ್ ಮಾಡುವ ನಿರೀಕ್ಷೆಯಿದೆ. ಫೋನ್ ಹಿಂಭಾಗದಲ್ಲಿ ಟ್ರಿಪಲ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿರುತ್ತದೆ, ಇದರಲ್ಲಿ 50MP ಪ್ರಾಥಮಿಕ ಕ್ಯಾಮೆರಾ, 50MP ಟೆಲಿಫೋಟೋ ಕ್ಯಾಮೆರಾ ಮತ್ತು 50MP ಅಲ್ಟ್ರಾ-ವೈಡ್ ಕ್ಯಾಮೆರಾ ಸೇರಿವೆ.

ಶಿಯೋಮಿ 17 6.3-ಇಂಚಿನ 1.5K LTPO OLED ಡಿಸ್ಪ್ಲೇಯನ್ನು ಸಹ ಹೊಂದಿರುತ್ತದೆ. ಈ ಫೋನ್ 7000mAh ಬ್ಯಾಟರಿ ಮತ್ತು 100W ವೈರ್ಡ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ ಬರುತ್ತದೆ. ಇದು ಮೂರು 50MP ಕ್ಯಾಮೆರಾಗಳನ್ನು ಸಹ ಹೊಂದಿರುತ್ತದೆ.

ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ