Video: ಕಾಯುವಿಕೆ ಕೊನೆಗೂ ಅಂತ್ಯವಾಯ್ತು; ಮಾಲೀಕನನ್ನು ಕಂಡೊಡನೆ ಖುಷಿಯಲ್ಲಿ ಓಡಿ ಬಂದ ಶ್ವಾನ
ಮನುಷ್ಯನಿಗೆ ಹೋಲಿಸಿದರೆ ಒಳ್ಳೆಯ ಗುಣ, ಮುಗ್ಧತೆ, ಮಾನವೀಯತೆ ಹಾಗೂ ನಿಸ್ವಾರ್ಥ ಪ್ರೀತಿ ತೋರುವ ಗುಣವು ಪ್ರಾಣಿಗಳಲ್ಲೇ ಹೆಚ್ಚು. ಇದಕ್ಕೆ ಉದಾಹರಣೆಯಂತಿರುವ ವಿಡಿಯೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ಆಗಾಗ್ಗೆ ವೈರಲ್ ಆಗುತ್ತಲೇ ಇರುತ್ತವೆ. ಇಲ್ಲೊಂದು ಅಂತಹದ್ದೇ ವಿಡಿಯೋ ವೈರಲ್ ಆಗಿದೆ. ಶ್ವಾನವೊಂದು ಮನೆ ಮಾಲೀಕನನ್ನು ಕಂಡೊಡನೆ ಓಡೋಡಿ ಬಂದಿದೆ. ಈ ನಿಸ್ವಾರ್ಥ ಪ್ರೀತಿ ತೋರುವ ಈ ಶ್ವಾನದ ಕ್ಯೂಟ್ ವಿಡಿಯೋ ವೈರಲ್ ಆಗಿದೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
Updated on: Sep 11, 2026 | 5:34 PM
ನಿಷ್ಠೆ, ನಿಯತ್ತು ಎಂದಾಗ ಮೊದಲು ನೆನಪಿಗೆ ಬರುವುದೇ ಈ ಶ್ವಾನ (dog). ಹೀಗಾಗಿ ಮನೆಯ ಸದಸ್ಯರಂತೆ ಈ ಶ್ವಾನವನ್ನು ನೋಡಿಕೊಳ್ಳುವ ವಿಡಿಯೋಗಳು ಆಗಾಗ್ಗೆ ವೈರಲ್ ಆಗುತ್ತಿರುತ್ತವೆ. ಈ ಮನೆಯ ಸಾಕು ನಾಯಿ ಕೂಡ ಮನೆ ಮಾಲೀಕನಿಗೆ ಋಣಿಯಾಗಿರುತ್ತದೆ. ಇದಕ್ಕೆ ಸಾಕ್ಷಿಯಾಗಿದೆ ಈ ದೃಶ್ಯ. ಮನೆ ಮಾಲೀಕನನ್ನು ಮನೆಗೆ ಬರುತ್ತಿದ್ದನ್ನು ಕಂಡ ಶ್ವಾನವು ಖುಷಿಯಲ್ಲಿ ಓಡೋಡಿ ಬಂದಿದೆ. ಈ ಹೃದಯಸ್ಪರ್ಶಿ ದೃಶ್ಯವು ನೆಟ್ಟಿಗರ ಗಮನ ಸೆಳೆದಿದೆ.
ಮಾಲೀಕನನ್ನು ಕಂಡೊಡನೆ ಓಡಿ ಬಂದ ಶ್ವಾನ
ಜಾಕಿ (jakky.08) ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳಲಾದ ವಿಡಿಯೋದಲ್ಲಿ ಮನೆ ಮಾಲೀಕನ ಬರುವಿಕೆಗಾಗಿ ಕಾದು ಕುಳಿತ ಶ್ವಾನವನ್ನು ಕಾಣಬಹುದು. ಒಂದು ತಿಂಗಳ ಬಳಿಕ ಮನೆಗೆ ಬಂದ ಮನೆ ಮಾಲೀಕನನ್ನು ಬಾಲ್ಕನಿಯಲ್ಲಿ ನೋಡುತ್ತಾ ನಿಂತಿದೆ. ಮನೆಯ ಮುದ್ದಿನ ನಾಯಿಯನ್ನು ಕಂಡೊಡನೆ ಮಾಲೀಕನು ಕೈ ಬೀಸಿದ್ದಾನೆ. ಕೈಯಲ್ಲಿ ಚೀಲ ಹಿಡಿದು ಮನೆಗೆ ಬರುತ್ತಿದ್ದಂತೆ ಶ್ವಾನವು ಓಡಿಕೊಂಡು ಮಾಲೀಕನಲ್ಲಿಗೆ ಬಂದಿದೆ.
ವೈರಲ್ ವಿಡಿಯೋ ಇಲ್ಲಿದೆ
View this post on Instagram
ಇದನ್ನೂ ಓದಿ: ನಾನು ನಿನ್ನ ಜೊತೆಗಿದ್ದೇನೆ; ಅನಾರೋಗ್ಯದಿಂದ ಬಳಲುತ್ತಿದ್ದ ಮಾಲೀಕನ ಜತೆಗೆ ನಿಂತ ಶ್ವಾನ
ಶ್ವಾನದ ನಿಸ್ವಾರ್ಥ ಪ್ರೀತಿಗೆ ನೆಟ್ಟಿಗರು ಫಿದಾ
ಈ ವಿಡಿಯೋ ಒಂದೂವರೆ ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಹೃದಯ ಮುಟ್ಟುವ ದೃಶ್ಯ ಎಂದಿದ್ದಾರೆ. ಇನ್ನೊಬ್ಬರು, ಖುಷಿಗೆ ಪಾರಾವೇ ಇಲ್ಲ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ನಿಸ್ವಾರ್ಥ ಪ್ರೀತಿ ನೀಡಬಲ್ಲವು ಈ ಪ್ರಾಣಿಗಳು ಮಾತ್ರ ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
