Video: ಮಹಿಳೆಯ ತಲೆಗೆ ಟೋಪಿ ಇಟ್ಟು, ಕೆನ್ನೆಗೆ ಮುತ್ತು ಕೊಟ್ಟ ಗಜರಾಜ
ಆನೆಗಳು ಭಾವನಾತ್ಮಕ ಮಾತ್ರವಲ್ಲ, ಬುದ್ಧಿವಂತ ಜೀವಿಗಳು. ಇದಕ್ಕೆ ಸಾಕ್ಷಿಯಾಗಿದೆ ಈ ದೃಶ್ಯ. ಆನೆಯೊಂದು ಮಹಿಳೆಯ ತಲೆಗೆ ಟೋಪಿ ಇಟ್ಟು, ಕೆನ್ನೆಗೆ ಮುತ್ತು ನೀಡಿದೆ. ಈ ಕ್ಯೂಟ್ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ. ಆನೆಯ ತುಂಟಾಟಕ್ಕೆ ನೆಟ್ಟಿಗರು ಫುಲ್ ಫಿದಾ ಆಗಿದ್ದಾರೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.

ಆನೆಗಳು (elephants) ಏನು ಮಾಡಿದ್ರು ನೋಡೋಕೆ ಚಂದ. ಅವುಗಳ ಆಟ ತುಂಟಾಟಗಳನ್ನು ಕಣ್ತುಂಬಿಸಿಕೊಳ್ಳಲು ಕಣ್ಣು ಸಾಲದು.ಸೋಶಿಯಲ್ ಮೀಡಿಯಾದಲ್ಲಿ ಗಜರಾಜನ ವಿಡಿಯೋಗಳು ವೈರಲ್ ಆಗುತ್ತಿರುತ್ತವೆ. ಇದೀಗ ಅಂತಹದ್ದೇ ವಿಡಿಯೋ ವೈರಲ್ ಆಗಿದೆ. ಆನೆಯೊಂದು ಮಹಿಳೆಯ ತಲೆಗೆ ಟೋಪಿಯನ್ನಿಟ್ಟು, ಕೆನ್ನೆಗೆ ಚುಂಬಿಸಿದೆ. ಆನೆಯ ಮುತ್ತು ನೀಡುತ್ತಿದ್ದಂತೆ ಮಹಿಳೆ ನಾಚಿ ನೀರಾಗಿದ್ದಾಳೆ. ಈ ವಿಡಿಯೋ ಸದ್ಯ ವೈರಲ್ ಆಗಿದ್ದು ನೆಟ್ಟಿಗರ ಹೃದಯ ಗೆದ್ದಿದೆ.
ತಲೆಗೆ ಟೋಪಿ ಇಟ್ಟು, ಮಹಿಳೆಯ ಕೆನ್ನೆಗೆ ಮುತ್ತನ್ನಿಟ್ಟ ಗಜರಾಜ
ಸ್ಮೈಲ್ ಲೇ (Smile lay) ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ಕ್ಲಿಪಿಂಗ್ ನಲ್ಲಿ ಆನೆಯೊಂದು ಮಹಿಳೆಯ ಜತೆಗೆ ತುಂಟಾಟ ಆಡಿದೆ. ಮೊದಲಿಗೆ ಮಹಿಳೆಯ ತಲೆ ಮೇಲೆ ಟೋಪಿ ಇಟ್ಟಿದೆ. ಅಲ್ಲೇ ಇದ್ದ ವ್ಯಕ್ತಿ ಮುತ್ತು ಕೊಡು ಎನ್ನುತ್ತಿದ್ದಂತೆ ಮೆಲ್ಲನೆ ಮಹಿಳೆಯ ಕೆನ್ನೆಗೆ ಚುಂಬಿಸಿದೆ. ಗಜರಾಜನ ತುಂಟತನಕ್ಕೆ ಮಹಿಳೆ ನಾಚಿ ನೀರಾಗಿರುವುದನ್ನು ಕಾಣಬಹುದು.
ವೈರಲ್ ವಿಡಿಯೋ ಇಲ್ಲಿದೆ
View this post on Instagram
ಇದನ್ನೂ ಓದಿ: ಕೆಸರು ನೀರಿನಲ್ಲಿ ಮಿಂದೆದ್ದ ಮರಿಯಾನೆ, ವೈರಲ್ ಆಯ್ತು ದೃಶ್ಯ
ಈ ವಿಡಿಯೋ ಇದುವರೆಗೆ ಒಂದೂವರೆ ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಶುದ್ಧ ಪ್ರೀತಿ ಎಂದರೆ, ಮತ್ತೊಬ್ಬರು ಈ ಆನೆಗಳು ಬುದ್ಧಿವಂತ ಪ್ರಾಣಿಗಳು ಎಂದಿದ್ದಾರೆ. ಇನ್ನೊಬ್ಬರು, ಕ್ಯೂಟ್ ಆಗಿದೆ ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ




