Anant Radhika Pre Wedding Event: ಅನಂತ್ ಅಂಬಾನಿ ವಿವಾಹ ಪೂರ್ವ ಸಮಾರಂಭಕ್ಕೆ ತಯಾರಾಗುತ್ತಿದೆ 2500 ಬಗೆಯ ಖಾದ್ಯಗಳು

ರಿಲಯನ್ಸ್‌ ಇಂಡಸ್ಟ್ರೀಸ್‌ ಮುಖ್ಯಸ್ಥ ಮುಖೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಅವರ ಕಿರಿಯ ಪುತ್ರ ಅನಂತ್ ಅಂಬಾನಿ ಮದುವೆ ಸಂಭ್ರಮ ಶುರುವಾಗಿದೆ. ವರದಿಗಳ ಪ್ರಕಾರ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ಸ್ ಜುಲೈ 12ರಂದು ಸಪ್ತಪದಿ ತುಳಿಯಲಿದ್ದಾರೆ. ಅಂಬಾನಿ ಅವರ ತವರೂರಾದ ಗುಜರಾತ್‌ನ ಜಾಮ್‌ನಗರದಲ್ಲಿ ಮಾರ್ಚ್ 1 ರಿಂದ 3ರ ವರೆಗೆ ವಿವಾಹ ಪೂರ್ವ ಸಂಭ್ರಮಾರಣೆ ನಡೆಯಲಿದೆ.

ಗ್ರ್ಯಾಂಡ್ ಪ್ರಿ ವೆಡ್ಡಿಂಗ್ ಸೆಲೆಬ್ರೇಷನ್ಸ್:

ಅನಂತ್ ಮತ್ತು ರಾಧಿಕಾ ವಿವಾಹ ಪೂರ್ವ ಸಮಾರಂಭಕ್ಕೆ ಆಗಮಿಸುವ ಅತಿಥಿಗಳಿಗೆ ಮುಕೇಶ್ ಅಂಬಾನಿ ಕುಟುಂಬ ಭರ್ಜರಿ ಭೋಜನವನ್ನು ನೀಡಲಿದೆ. ಈ ಕಾರ್ಯಕ್ರಮದಲ್ಲಿ ಭಾಗಿಯಾಗುವ ಅತಿಥಿಗಳಿಗೆ ಸುಮಾರು 2,500 ಖಾದ್ಯಗಳನ್ನು ಒಳಗೊಂಡ ಮೆನುವನ್ನು ಯೋಜಿಸಲಾಗಿದೆ.

ಇದನ್ನೂ ಓದಿ: ಅಂಬಾನಿಯ ಕಿರಿಯ ಪುತ್ರನ ವಿವಾಹ ಪೂರ್ವ ಸಮಾರಂಭದ ಆಮಂತ್ರಣ ಪತ್ರಿಕೆ ವೈರಲ್

25 ಕ್ಕೂ ಹೆಚ್ಚು ಜನಪ್ರಿಯ ಬಾಣಸಿಗರು:

ಈವೆಂಟ್‌ಗಾಗಿ 65 ಬಾಣಸಿಗರು 135 ಜನರ ವಿಶೇಷ ತಂಡ ಇಂದೋರ್‌ನಿಂದ ಜಾಮ್‌ನಗರಕ್ಕೆ ತಲುಪಿರುವುದಾಗಿ ವರದಿಯಾಗಿದೆ. ಮೂರು ದಿನಗಳ ವರೆಗೆ ನಡೆಯುವ ಈ ವಿವಾಹ ಪೂರ್ವ ಕಾರ್ಯಕ್ರಮದಲ್ಲಿ ಒಟ್ಟು 2,500 ಬಗೆಯ ಖಾದ್ಯಗಳನ್ನು ತಯಾರಿಸಲಾಗುತ್ತದೆ.

ಪ್ಯಾನ್ ಏಷ್ಯನ್, ಮೆಡಿಟರೇನಿಯನ್,ಥಾಯ್, ಮೆಕ್ಸಿಕನ್ ಪಾರ್ಸಿ ಮತ್ತು ಜಪಾನೀಸ್ ವರೆಗಿನ ಪಾಕಪದ್ಧತಿಗಳಿವೆ. ಒಂದೇ ಒಂದು ಖಾದ್ಯವೂ ಪುನರಾವರ್ತನೆಯಾಗದಿರುವುದು ಕಂಡುಬರುತ್ತದೆ. ಬೆಳಗಿನ ಉಪಾಹಾರವು 70 ಕ್ಕೂ ಹೆಚ್ಚು ಆಯ್ಕೆಗಳನ್ನು ನೀಡಲಾಗುತ್ತಿದೆ. ಊಟಕ್ಕೆ 250 ಆಯ್ಕೆಗಳು ಮತ್ತು ರಾತ್ರಿಯ ಊಟಕ್ಕೆ 250 ಆಯ್ಕೆಗಳು ಇರುತ್ತವೆ. ಅತಿಥಿಗಳಿಗೆ ಸಸ್ಯಾಹಾರಿ ಖಾದ್ಯಗಳ ವಿಶೇಷ ಸೌಲಭ್ಯವೂ ಇದೆ. ವಿಶೇಷವೆಂದರೆ ಮಧ್ಯರಾತ್ರಿಯೂ ತಿಂಡಿ ನೀಡಲಾಗುತ್ತದೆ.

ಇನ್ನಷ್ಟು ವೈರಲ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ