ಧನುರ್ಮಾಸ ಪ್ರಯುಕ್ತ ವೆಂಕಟೇಶ್ವರ ಸ್ವಾಮಿಗೆ 150 ಕೆಜಿ ಪುಳಿಯೋಗರೆಯಿಂದ ಅಲಂಕಾರ

ಹೈದರಾಬಾದ್: ಆಂಧ್ರಪ್ರದೇಶದ ಕಾಕಿನಾಡ ಜಿಲ್ಲೆಯ ತುನಿ ಮಂಡಲದಲ್ಲಿರುವ ಎಸ್.ಅಣ್ಣಾವರಂ ಪ್ರಸನ್ನ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನದಲ್ಲಿರುವ ವೆಂಕಟೇಶ್ವರ ಸ್ವಾಮಿಗೆ 150 ಕೆಜಿ ಪುಳಿಯೋಗರೆಯಿಂದ ವಿಶೇಷ ಅಲಂಕಾರ ಮಾಡಲಾಗಿದೆ. ಹಿಂದೂ ಕ್ಯಾಲೆಂಡರ್‌ನಲ್ಲಿ ಪವಿತ್ರ ಮಾಸವಾದ ಧನುರ್ಮಾಸದ ಶುಭ ಸಂದರ್ಭದ ನೆನಪಿಗಾಗಿ ದೇವಾಲಯ ಸಮಿತಿಯು ಈ ಅಲಂಕಾರವನ್ನು ಏರ್ಪಡಿಸಿತ್ತು. ಶ್ರೀನಿವಾಸ ಅಲಂಕಾರ ಪ್ರಿಯ. ಸದ್ಯ ಧನುರ್ಮಾಸ ನಡೆಯುತ್ತಿರುವುದರಿಂದ ವೈಷ್ಣವ ದೇವಾಲಯಗಳೆಲ್ಲ ಭಕ್ತರಿಂದ ಗಿಜಿಗುಡುತ್ತಿವೆ. ಎಲ್ಲಾ ದೇವಾಲಯಗಳು ಗೋವಿಂದನ ನಾಮಸ್ಮರಣೆಯಿಂದ ಕಂಗೊಳಿಸುತ್ತಿವೆ. ಕಾಕಿನಾಡ ಜಿಲ್ಲೆಯ ದೇವಸ್ಥಾನವೊಂದರಲ್ಲಿ ದೇವರಿಗೆ ಚಿನ್ನಾಭರಣ ಮತ್ತು ರೇಷ್ಮೆ ಸೀರೆಗಳನ್ನು ತೊಡಿಸಿ ಅಲಂಕರಿಸುವ ಬದಲು ರುಚಿಯಾದ ಪುಳಿಯೋಗರೆಯಿಂದ ಅಲಂಕರಿಸಲಾಗಿತ್ತು.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ