Viral Video: ಎಲ್ಲಿಂದ ಬಂದರೋ ಎಲ್ಲಿಗೆ ಹೊರಟಿರುವರೋ ಈ ಅಜ್ಜಿ; ನಿಮಗೇನಾದರೂ ಗೊತ್ತೆ?

Art : ಇಲ್ಲಿ ಇಷ್ಟೊಂದು ಸೆಕೆ ಸುರೀತಿದೆ. ಆದರೆ ಈ ಹಣ್ಣಣ್ಣು ಅಜ್ಜಿ ಮಾತ್ರ ಉಣ್ಣೆ ಟೋಪಿ,ಸ್ಕಾರ್ಫ್ ಹಾಕ್ಕೊಂಡು ಬಾಯಾಡಿಸ್ತಾ ಇದ್ದಾರೆ. ಯಾರು ಯಾವ ಚಾಕೋಲೇಟ್ ಕೊಟ್ಟಿದ್ದರೋ ಏನೋ, ರುಚಿ ಇರಬೇಕು ಎಷ್ಟು ಛಂದ ಮೆಲ್ಲತಾ ಇದ್ಧಾರೆ ನೋಡಿ. ಅಂದಹಾಗೆ ಈ ಅಜ್ಜಿಗೆ ಸಾಕಷ್ಟು ವಯಸ್ಸಾಗಿರಬೇಕಲ್ವಾ? ನೋಡ್ತಾ ಇದ್ರೆ ತೊಂಬತ್ತು ಗ್ಯಾರಂಟಿ! ಇವರು ನಮ್ಮ ದೇಶದವರಂತೂ ಖಂಡಿತ ಅಲ್ಲ. ಆದರೆ ಬಹಳ ಮುದ್ದಾಗಿದಾರಲ್ವಾ? ನೀಟ್ ಆಗಿ ಮೇಕಪ್​ ಬೇರೆ ಮಾಡ್ಕೊಂಡಿದಾರೆ. ಎಲ್ಲಿಯವರೋ ಏನೋ, ಎಲ್ಲಿಗೆ ಹೊರಟಿದ್ದಾರೋ ಏನೋ ಇವರ ತಲೆಮೇಲೆ ಪಕ್ಷಿ ಬೇರೆ ಇದೆ. ಹೀಗೆ ಇವರು ಇನ್​ಸ್ಟಾನಲ್ಲಿ ಸಿಕ್ಕರು.

ಈಗ ಗೊತ್ತಾಯ್ತಾ ಅಜ್ಜಿಯ ಮೂಲ! ಹೌದು ಕಲೆಯ ಬೆರಗೆಂದರೆ ಇದೇ. ಇಲ್ಲದಿರುವುದನ್ನು ಕಾಣಿಸುವುದು. ಕಲಾವಿದರೊಬ್ಬರು ಕೈಮೇಲೆ ಮಾಡಿದ ಪೇಂಟಿಂಗ್​ ಇದು. ಸುಮಾರು 16 ಸಾವಿರ ಜನರು ಈತನಕ ಇದನ್ನು ಮೆಚ್ಚಿದ್ದಾರೆ. ನೂರಾರು ಜನರು ಪ್ರತಿಕ್ರಿಯಿಸಿ ಅದ್ಭುತವಾದ ಕಲೆ ಎಂದು ಪ್ರತಿಕ್ರಿಯಿಸಿದ್ಧಾರೆ.

ಇದನ್ನೂ ಓದಿ : Viral: ಸೊಪ್ಪುಗಳನ್ನು ಗುರುತಿಸಿ ರೂ. 5000 ನಗದು ಬಹುಮಾನ ಗೆಲ್ಲಿ; ಸ್ವಿಗ್ಗಿ ಇನ್​ಸ್ಟಾಮಾರ್ಟ್​ ಸ್ಪರ್ಧೆ

ಬಾಡಿ ಆರ್ಟ್​ ಎಂದು ಹೇಳುವ ಈ ಕಲೆಯನ್ನು ಯಾರು ಚಿತ್ರಿಸಿದ್ಧರೆ ಎನ್ನುವುದು ಮಾತ್ರ ತಿಳಿದು ಬಂದಿಲ್ಲ. ಇದು ಅತ್ಯುನ್ನತ ಮಟ್ಟದ ಕಲೆ ಎಂದು ಒಬ್ಬರು ಶ್ಲಾಘಿಸಿದ್ದಾರೆ. ಮೊದಲಿಗೆ ನೋಡಿದಾಗ ಇದು ಪೇಂಟಿಂಗ್​ ಎಂದು ಅನ್ನಿಸಲೇ ಇಲ್ಲ ಎಂದಿದ್ದಾರೆ. ಅಜ್ಜಿಯೊಂದಿಗೆ ಹೊರಟ ಆ ಪಕ್ಷಿಯೂ ಬಹಳ ಆಕರ್ಷಕವಾಗಿದೆ ಎಂದು ಮತ್ತೊಬ್ಬರು ಹೇಳಿದ್ದಾರೆ.

ಇದನ್ನೂ ಓದಿ : Viral Video: ದಾರಿಬಿಡಿ ಜಿಂಕೆಟೀಚರ್ ಬಂದರು; ಸಾಲಾಗಿ ನಿಲ್ಲಿ ಎಡ್ಮಿಷನ್ ಶುರುವಾಗಿದೆ!

ಸಾಮಾಜಿಕ ಜಾಲತಾಣವು ನಮ್ಮ ನಿತ್ಯಬದುಕಿನ ಅವಿಭಾಜ್ಯ ಅಂಗವಾಗಿದೆ. ಕುಳಿತಲ್ಲಿಂದಲೇ ನಾವು ಜಗತ್ತಿನೊಂದಿಗೆ ಸಂಪರ್ಕ ಸಾಧಿಸುತ್ತೇವೆ. ಬೇಕಾಗಿದ್ದು ಬೇಡವಾಗಿದ್ದು ಎಲ್ಲವೂ ಇಲ್ಲಿ ದಕ್ಕುತ್ತದೆ. ಆದರೆ ಮನಸಿನಂತೆ ಮಾದೇವ ಅಲ್ಲವೆ?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ