ಈ ಸಮಯ ಶೃಂಗಾರಮಯ; ಇವರು ನಿಜಕ್ಕೂ ಪ್ರೀತಿಯಲ್ಲಿ ‘ಬಿದ್ದಿದ್ದಾರೆ’

Viral Video : ಮದುವೆಯ ಋತುಮಾನ ಆರಂಭವಾಗಿದೆ. ಎಲ್ಲೆಡೆ ಪ್ರೀ ವೆಡ್ಡಿಂಗ್ ಶೂಟ್​, ವೆಡ್ಡಿಂಗ್​ ಶೂಟ್​ನ ಸಂಭ್ರಮ. ಸಾಮಾಜಿಕ ಜಾಲತಾಣದಲ್ಲಿ ಎಲ್ಲ ಥರದ ಭಾವವನ್ನು ಸೆರೆಹಿಡಿಯುವಂಥ ವಿಡಿಯೋಗಳ ಮಹಾಪೂರ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ ವಧು ವರರು ವೇದಿಕೆಯಲ್ಲಿ ಶೃಂಗಾರಮಯವಾಗಿ ಕ್ಯಾಮೆರಾದ ಮುಂದೆ ಪೋಸ್​ ಕೊಡುತ್ತಿದ್ದಾರೆ. ಆದರೆ ಅಚಾನಕ್​ ಆಗಿ ಆಯತಪ್ಪಿ ಬಿದ್ದುಬಿಟ್ಟಿದ್ದಾರೆ.

ಜೈಪುರ ಪ್ರೀ ವೆಡ್ಡಿಂಗ್ಸ್ ಎಂಬ ಇನ್‌ಸ್ಟಾಗ್ರಾಮ್‌ ಪುಟದಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಡಿಸೆಂಬರ್ 15 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ ಅನ್ನು ಈತನಕ 12.6 ಮಿಲಿಯನ್ ಜನರು ನೋಡಿದ್ಧಾರೆ. 7.8 ಲಕ್ಷಕ್ಕೂ ಹೆಚ್ಚು ಜನರು ಇಷ್ಟಪಟ್ಟಿದ್ದಾರೆ. ನೂರಾರು ಜನರು ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ : ವರಮಾಲಾಗೆ ಸವಾಲು ಹಾಕಿದ ವಧು‘ಯೋಗ‘; ವೈರಲ್ ಆದ ವಿಡಿಯೋ

ಇವರು ನಿಜಕ್ಕೂ ಪ್ರೀತಿಯಲ್ಲಿ ಬಿದ್ದಿದ್ದಾರೆ! ಎಂದು ನೆಟ್ಟಿಗರು ಕಾಲೆಳೆದಿದ್ದಾರೆ. ಇಷ್ಟೊಂದು ಭಾರವಾದ ಲೆಹೆಂಗಾ ಧರಿಸಿದರೆ ಇನ್ನೇನಾಗಬೇಡ ಎಂದು ಇನ್ನೊಬ್ಬರು ತಮಾಷೆ ಮಾಡಿದ್ಧಾರೆ. ನಿಜಕ್ಕೂ ಇದು ಭಯಾನಕ. ಮದುವೆಯ ದಿನ ಗಂಭೀರವಾಗಿ ಏಟು ಬಿದ್ದರೆ ಏನು ಗತಿ? ಎಂದು ಹೇಳಿದ್ದಾರೆ ಮತ್ತೊಬ್ಬರು. ಇಂಥ ಸಂದರ್ಭದಲ್ಲಿ ನಗಬಾರದು ಆದರೆ ನನಗೆ ನಗು ಬರುತ್ತಿದೆ ಏನು ಮಾಡಲಿ ಎಂದು ಮತ್ತೊಬ್ಬರು ಕೇಳಿದ್ದಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ