ಸೆಕ್ಸ್ ವರ್ಕರ್ಸ್ಗೆ ಕಳುಹಿಸಿ ಡಿಲೀಟ್ ಆಗಿದ್ದ ಗಂಡನ ಮೆಸೇಜ್ ನೋಡಿದ ಪತ್ನಿ; ಈಗ ಆ್ಯಪಲ್ ಕಂಪನಿ ವಿರುದ್ಧ ಮೊಕದ್ದಮೆ
Wife finds out husbands deleted messages sent to sex workers: ಸೆಕ್ಸ್ ವರ್ಕರ್ಸ್ಗೆ ಗಂಡ ಕಳುಹಿಸಿ ಡಿಲೀಟ್ ಮಾಡಲಾಗಿದ್ದ ಮೆಸೇಜ್ಗಳನ್ನು ಹೆಂಡತಿ ನೋಡಿ, ಡಿವೋರ್ಸ್ ಕೊಟ್ಟಿದ್ದಾಳೆ. ಜೀವನಾಂಶವಾಗಿ ಐದು ಮಿಲಿಯನ್ ಪೌಂಡ್ ಹಣವನ್ನು ಗಂಡ ಕೊಟ್ಟಿದ್ದಾರೆ. ಐಫೋನ್ನಲ್ಲಿ ಡಿಲೀಟ್ ಆದ ಮೆಸೇಜ್ ನಿಜವಾಗಿಯೂ ಡಿಲೀಟ್ ಆಗದೇ ಹೆಂಡತಿ ಕಣ್ಣಿಗೆ ಬಿದ್ದಿದೆ. ಇದಕ್ಕೆ ಆ್ಯಪಲ್ ಸಂಸ್ಥೆಯೇ ಕಾರಣ ಎಂದು ಹೇಳಿ ಅದರ ವಿರುದ್ಧ ಆ ವ್ಯಕ್ತಿ ಮೊಕದ್ದಮೆ ಹೂಡಿದ್ದಾರೆ.
ಲಂಡನ್, ಜೂನ್ 17: ಆ್ಯಪಲ್ನ ಐಫೋನ್ಗಳು ಗೌಪ್ಯತೆಗೆ ಹೆಸರುವಾಸಿ. ಐಫೋನ್ನಿಂದ ಡಿಲೀಟ್ ಮಾಡಲಾದ ಮೆಸೇಜ್ ಅಥವಾ ಫೋಟೋ, ವಿಡಿಯೋಗಳನ್ನು ಹಿಂಪಡೆಯಲು (retrieving messages) ಆಗುವುದಿಲ್ಲ ಎನ್ನುವ ನಂಬಿಕೆ ಇದೆ. ಈ ಕಾರಣಕ್ಕೆ ಬಹಳ ಜನರು ಐಫೋನ್ ಅನ್ನು ಇಚ್ಛಿಸುತ್ತಾರೆ. ಅದರ ಈ ಫೀಚರ್ ಕೈಕೊಟ್ಟರೆ..? ಗಂಭೀರ ಸ್ವರೂಪದ ತೊಂದರೆಗಳೇ ಆಗಬಹುದು. ಬ್ರಿಟನ್ನ ವ್ಯಕ್ತಿಯೊಬ್ಬರಿಗೆ ಇಂಥದ್ದೊಂದು ಅನುಭವವಾಗಿದ್ದು, ಪತ್ನಿಯೇ ವಿಚ್ಛೇದನ (divorce) ಕೊಡುವ ಮಟ್ಟಕ್ಕೆ ಅನುಭವವಾಗಿದೆ. ಈಗ ಆ್ಯಪಲ್ ಸಂಸ್ಥೆ ವಿರುದ್ಧ ಮುನಿಸಿಕೊಂಡಿರುವ ಆ ಬ್ರಿಟನ್ ವ್ಯಕ್ತಿ ಕೋರ್ಟ್ ಮೆಟ್ಟಿಲೇರಿ ನ್ಯಾಯದ ಮೊರೆ ಹೋಗಿದ್ದಾರೆ. ತಾನು ಡಿಲೀಟ್ ಮಾಡಿದ ಮೆಸೇಜ್ ಅನ್ನು ಹೆಂಡತಿ ನೋಡಿದ ಪರಿಣಾಮ ಡಿವೋರ್ಸ್ ಆಗುವಂತಾಗಿದೆ. ಇದಕ್ಕೆ ಆ್ಯಪಲ್ ಸಂಸ್ಥೆಯೇ ಕಾರಣ ಎಂದು ಆ ವ್ಯಕ್ತಿ ತನ್ನ ಮೊಕದ್ದಮೆಯಲ್ಲಿ (lawsuit against Apple) ದೂರಿದ್ದಾರೆ.
ಸೆಕ್ಸ್ ಕಾರ್ಯಕರ್ತೆಯರಿಗೆ ಕಳುಹಿಸಿದ್ದ ಟೆಕ್ಸ್ಟ್ ಮೆಸೇಜ್ಗಳು…
ಆ್ಯಪಲ್ ವಿರುದ್ಧ ಮೊಕದ್ದಮೆ ಹಾಕಿರುವ ಬ್ರಿಟನ್ನ ಈ ವ್ಯಕ್ತಿ ತನ್ನ ಐಫೋನ್ನಲ್ಲಿನ ಐಮೆಸೇಜ್ ಆ್ಯಪ್ನಲ್ಲಿ ವಿವಿಧ ವೈಶ್ಯೆಯರೊಂದಿಗೆ ಮೆಸೇಜ್ ವಿನಿಮಯ ಮಾಡಿಕೊಂಡಿರುತ್ತಾನೆ. ಬಳಿಕ ಆ ಮೆಸೇಜ್ಗಳನ್ನು ಡಿಲೀಟ್ ಮಾಡಿರುತ್ತಾನೆ.
ಈ ಮೆಸೇಜ್ಗಳನ್ನು ಆತನ ಹೆಂಡತಿ ಬೇರೊಂದು ಡಿವೈಸ್ನಲ್ಲಿ ನೋಡಿಬಿಡುತ್ತಾಳೆ. ಈ ಘಟನೆಯಿಂದ ನೊಂದ ಆ ಮಹಿಳೆ ಗಂಡನಿಗೆ ವಿಚ್ಛೇದನ ಕೊಡಲು ಮುಂದಾಗಿದ್ದಾಳೆ. ಆಕೆಗೆ ಐದು ಮಿಲಿಯನ್ ಪೌಂಡ್ಗಳಷ್ಟು ಹಣವನ್ನು ಆ ವ್ಯಕ್ತಿ ಪರಿಹಾರವಾಗಿ ಕೊಡಬೇಕಾಗುತ್ತದೆ. ಐಮೆಸೇಜಿಂಗ್ ಆ್ಯಪ್ನಿಂದ ಡಿಲೀಟ್ ಆಗಿದ್ದ ಮೆಸೇಜ್ಗಳು ಪತ್ನಿಗೆ ಕಣ್ಣಿಗೆ ಬೀಳದೇ ಹೋಗಿದ್ದರೆ ತಾನು ಡಿವೋರ್ಸ್ ಕೊಡುವ ಮಟ್ಟಕ್ಕೆ ಪರಿಸ್ಥಿತಿ ಹೋಗುತ್ತಿರಲಿಲ್ಲ ಎಂಬುದು ಇವರ ವಾದ.
ಇದನ್ನೂ ಓದಿ: 80ರ ವೃದ್ಧನನ್ನು ಪ್ರೀತಿಸಿ ಮದುವೆಯಾದ 23ರ ಯುವತಿ, ಅಪರೂಪದ ಲವ್ ಸ್ಟೋರಿ
ಡಿಲೀಟ್ ಆದ ಮೆಸೇಜ್ ಅನ್ನು ಪತ್ನಿ ನೋಡಿದ್ದು ಹೇಗೆ?
ಇವತ್ತು ವಿವಿಧ ಸಾಧನಗಳನ್ನು ಪ್ರತ್ಯಕ್ಷವಾಗಿ ಮತ್ತು ಪರೋಕ್ಷವಾಗಿ ಪರಿಸ್ಪರ ಕನೆಕ್ಟ್ ಮಾಡಬಹುದು. ಐಫೋನ್ ಅನ್ನು ಆ್ಯಪಲ್ನ ಬೇರೆ ಬೇರೆ ಸಾಧನಗಳಿಗೆ ಸಿಂಕ್ರೊನೈಸ್ ಮಾಡಬಹುದು. ಬ್ರಿಟನ್ನ ಈ ವ್ಯಕ್ತಿಯ ಐಫೋನ್ ಅನ್ನು ಆತನ ಕುಟುಂಬದ ಐಮ್ಯಾಕ್ ಸಿಸ್ಟಂಗೆ ಸಿಂಕ್ರೊನೈಸ್ ಮಾಡಲಾಗಿತ್ತು.
ಇಲ್ಲಿ ಆ ವ್ಯಕ್ತಿ ತನ್ನ ಮೊಬೈಲ್ನಲ್ಲಿದ್ದ ಮೆಸೇಜ್ ಅನ್ನು ಡಿಲೀಟ್ ಮಾಡಿದಾಗ ಈತನ ಸಾಧನದಲ್ಲಿ ಮಾತ್ರವೇ ಅದು ಡಿಲೀಟ್ ಆಗಿತ್ತು. ಈತನ ಫೋನ್ ಜತೆ ಸಿಂಕ್ರೊನೈಸ್ ಆಗಿದ್ದ ಐಮ್ಯಾಕ್ನಲ್ಲಿ ಆ ಮೆಸೇಜ್ ಡಿಲೀಟ್ ಆಗಿರಲಿಲ್ಲ. ಹೀಗಾಗಿ, ಐಮ್ಯಾಕ್ನಲ್ಲಿ ಈತನ ಮೆಸೇಜ್ಗಳನ್ನು ಪತ್ನಿಗೆ ಓದಲು ಸಾಧ್ಯವಾಯಿತು.
ಇದನ್ನೂ ಓದಿ: ಸಪ್ತಪದಿಗೂ ಮುನ್ನ ವಧುವಿನ ಮುಖ ನೋಡಿ ಮದುವೆ ಬೇಡ ಎಂದ ವರ
‘ಇಲ್ಲಿ ಮಾತ್ರವೇ ಡಿಲೀಟ್ ಆಗಿದೆ ಎಂದಿದ್ದರೆ ಎಚ್ಚೆತ್ತುಕೊಳ್ಳುತ್ತಿದ್ದೆ’
ಆ್ಯಪಲ್ ವಿರುದ್ಧ ದೂರು ಕೊಟ್ಟಿರುವ ವ್ಯಕ್ತಿ ವಾದ ಏನೆಂದರೆ, ತಾನು ಮೆಸೇಜ್ ಡಿಲೀಟ್ ಮಾಡಿದಾಗ, ಈ ಮೆಸೇಜ್ ಈ ಸಾಧನದಲ್ಲಿ ಮಾತ್ರವೇ ಡಿಲೀಟ್ ಆಗುತ್ತದೆ ಎಂದು ಎಚ್ಚರಿಸುವ ವಾರ್ನಿಂಗ್ ಬಂದಿದ್ದರೆ ಸಾಕಾಗುತ್ತಿತ್ತು, ಎಚ್ಚೆತ್ತುಕೊಳ್ಳುತ್ತಿದ್ದೆ. ಅಥವಾ, ಈ ಸಾಧನ ಸಿಂಕ್ ಆಗಿರುವ ಬೇರೆ ಡಿವೈಸ್ಗಳಲ್ಲಿ ಮೆಸೇಜ್ ಲಭ್ಯ ಇರುತ್ತದೆ ಎಂದೂ ಎಚ್ಚರಿಸಬಹುದಿತ್ತು. ಆ್ಯಪಲ್ ಸಂಸ್ಥೆಯಿಂದ ತನಗೆ ಬಹಳ ಹಾನಿಯಾಗಿದೆ ಎಂದು ಆ ವ್ಯಕ್ತಿ ಕೋರ್ಟ್ನಲ್ಲಿ ಮೊಕದ್ದಮೆ ಹೂಡಿದ್ದಾರೆ. ಇದೀಗ ಅದು ಕ್ಲ್ಯಾಸ್ ಆ್ಯಕ್ಷನ್ ಮೊಕದ್ದಮೆಯಾಗಿ ತಿರುಗಿದ್ದು, ಆ್ಯಪಲ್ ವಿರುದ್ಧ ಇಂಥ ಅಸಮಾಧಾನ ಇರುವವರು ಕೈಜೋಡಿಸಬಹುದಾಗಿದೆ.
ಇನ್ನಷ್ಟು ವೈರಲ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ