ಕ್ಯಾಟ್ವಾಕ್! ಇಸ್ತಾನ್ಬುಲ್ ಫ್ಯಾಷನ್ ಷೋ ಹಳೆಯ ವಿಡಿಯೋ ವೈರಲ್
Catwalk : ನನ್ನ ಹೆಸರಲ್ಲಿ ಇವರೆಂಥ ಕ್ಯಾಟ್ವಾಕ್ ಮಾಡುವುದು, ಇವರಷ್ಟೇ ಏಕೆ ಕಿರೀಟ ಧರಿಸುವುದು? ಇಷ್ಟು ವರ್ಷಗಳ ಕಾಲ ನೋಡಿ ನೋಡಿ ಸಾಕಾಗಿ ನಾನೇ ಈಗ ರ್ಯಾಂಪ್ವಾಕ್ ಮಾಡಿಬಿಟ್ಟೆ! ನೀವಾದರೂ ನನಗೆ ಕಿರೀಟ ತೊಡಿಸುತ್ತೀರಾ?
Viral Video : ಮಾಡೆಲಿಂಗ್ ಕ್ಷೇತ್ರದಲ್ಲಿಯೂ ಅದರದೇ ಆದ ಸವಾಲು, ಶ್ರಮ ಇದ್ದೇ ಇರುತ್ತದೆ. ಅದರ ಹಿಂದಿನ ಕಷ್ಟಸುಖ ಅವರವರಿಗೇ ಗೊತ್ತು. ಕ್ಯಾಟ್ವಾಕ್ ಅನ್ನು ಪರಿಪೂರ್ಣವಾಗಿ ಸಾಧಿಸಿಕೊಳ್ಳಲು ಮಾಡೆಲ್ಗಳು ಅನೇಕ ವರ್ಷಗಳನ್ನೇ ತೆಗೆದುಕೊಳ್ಳುತ್ತಾರೆ. ಸಾಕಷ್ಟು ಪ್ರಯತ್ನಗಳು ನಡೆದ ನಂತರ ಅವರಿಗೆ ಅವಕಾಶಗಳು ಸಿಗುತ್ತಾ ಹೋಗುತ್ತವೆ. ಇದು 2018ರಲ್ಲಿ ಇಸ್ತಾನ್ಬುಲ್ನಲ್ಲಿ ನಡೆದ ಫ್ಯಾಷನ್ ಷೋ ಒಂದರ ಹಳೆಯ ವಿಡಿಯೋ. ಇದೀಗ ಮತ್ತೆ ವೈರಲ್ ಆಗುತ್ತಿದೆ. ಷೋ ನಡೆಯುತ್ತಿರುವಾಗ ಬೆಕ್ಕೊಂದು ರ್ಯಾಂಪ್ವಾಕ್ ಮಾಡಿಬಿಟ್ಟಿದೆ! ಎಷ್ಟೊಂದು ಕಷ್ಟಪಡುತ್ತಾರಪ್ಪ ಈ ಜನ ನನ್ನಂತೆ ನಡೆಯಲು ಎಂದು…
キャットウォーク pic.twitter.com/3r0i0frq0y
— chiro (@Chiro_chan_neko) October 27, 2018
ಜಾಣ ಬೆಕ್ಕು ಇದು. ರ್ಯಾಂಪ್ ಮೇಲೆ ಯಾರಿಗೂ ತೊಂದರೆ ಮಾಡದೆ ಸಹಜವಾಗಿ ನಡೆದಿದೆ. ಎಲ್ಲ ಮಾಡೆಲ್ಗಳ ಬೆಕ್ಕಿನ ನಡಿಗೆಗಿಂತ ನಿಜವಾದ ಬೆಕ್ಕಿನ ನಡಿಗೆಯನ್ನೇ ಜನ ಕುತೂಹಲದಿಂದ ನೋಡಿದ್ದಾರೆ. ಕ್ಯಾಟ್ಸ್ ವಿತ್ ಜಾಬ್ಸ್ ಎಂಬ ಟ್ವಿಟರ್ ಖಾತೆಯು ಈ ವಿಡಿಯೋ ಅನ್ನು ಮರುಹಂಚಿಕೊಂಡಿದೆ.
ಹಳೆಯ ವಿಡಿಯೋ 5 ಮಿಲಿಯನ್ ವೀಕ್ಷಕರನ್ನು ಸೆಳೆದಿತ್ತು. ಎರಡು ಲಕ್ಷ ಜನರು ಇದನ್ನು ಇಷ್ಟಪಟ್ಟಿದ್ದರು. ಈ ವಿಡಿಯೋ ಅನ್ನು 7.9 ಮಿಲಿಯನ್ ಜನರು ನೋಡಿದ್ದಾರೆ. ಅನೇಕರು ಪ್ರತಿಕ್ರಿಯಿಸಿದ್ಧಾರೆ. ಓಹ್ ದೇವರೇ, ಕ್ಯಾಟ್ ಆನ್ ದಿ ಕ್ಯಾಟ್ವಾಕ್ ಎಂದಿದ್ದಾರೆ.
ಇದನ್ನೂ ನೋಡಿ : ಮೇಆಂವೂ? ಲಗೇಜಿನೊಳಗೆ ಬೆಕ್ಕು; ನ್ಯೂಯಾರ್ಕ್ ಏರ್ಪೋರ್ಟ್ನಲ್ಲಿ ನಡೆದ ಅಚ್ಚರಿಯ ಘಟನೆ
ಸೂಪರ್! ಇದು ನಿಜಕ್ಕೂ ಬಹಳ ತಮಾಷೆಯಾಗಿದೆ ಎಂದಿದ್ದಾರೆ ಇನ್ನೊಬ್ಬರು. ಈ ಮಾಡೆಲ್ಗಳು ಇನ್ನೂ ಸರಿಯಾಗಿ ಕ್ಯಾಟ್ವಾಕ್ ಮಾಡಲು ಕಲಿತಿಲ್ಲ ಅದಕ್ಕೇ ರ್ಯಾಂಪ್ ಮೇಲೆ ಬಂದು ಕಲಿಸುತ್ತಿದೆ ಎಂದಿದ್ದಾರೆ ಮತ್ತೊಬ್ಬರು. ನೋಡಿ ರಾಜಕುಮಾರಿಯಂತೆ ಬಳಕುವುದು ಹೀಗೆ ಎನ್ನುತ್ತಿದೆ ಈ ಬೆಕ್ಕು ಎಂದಿದ್ದಾರೆ ಮಗದೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅನಿಸಿಕೆ ಏನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ