Viral News: ಕೊರೊನಾದಿಂದ ಸಾವನ್ನಪ್ಪಿದ ರೋಗಿ ಶವಾಗಾರದಲ್ಲಿ ಬದುಕಿ ಬಂದ ಕತೆಯಿದು!

ಬೀಜಿಂಗ್: ಚೀನಾದ ಶಾಂಘೈನಲ್ಲಿರುವ (Shanghai) ವೃದ್ಧರ ಆರೈಕೆ ಕೇಂದ್ರದಲ್ಲಿ ಹಿರಿಯ ನಾಗರಿಕರೊಬ್ಬರು ಸತ್ತಿದ್ದಾರೆಂದು ತಪ್ಪಾಗಿ ಗ್ರಹಿಸಿ ಅವರ ದೇಹವನ್ನು ಶವಾಗಾರಕ್ಕೆ ಕಳುಹಿಸಲಾಗಿತ್ತು. ಆದರೆ, ಶವಾಗಾರದಲ್ಲಿ ಅವರು ಜೀವಂತವಾಗಿರುವುದು ಪತ್ತೆಯಾಗಿದೆ. ವಿಶ್ವಾದ್ಯಂತ ತೀವ್ರವಾಗಿ ಹೆಚ್ಚುತ್ತಿರುವ ಕೊವಿಡ್ ಪ್ರಕರಣಗಳ (Covid-19 Cases) ಕಾರಣದಿಂದ ಆತಂಕ ಹೆಚ್ಚಾಗಿದೆ. ಈ ಹಿನ್ನೆಲೆಯಲ್ಲಿ ಈಗಾಗಲೇ ಕೆಲವೆಡೆ ಲಾಕ್​ಡೌನ್ (Lockdown) ಘೋಷಣೆ ಮಾಡಲು ನಿರ್ಧರಿಸಲಾಗಿದೆ. ಕೊವಿಡ್ ಹೊಸ ಅಲೆಯನ್ನು (Covid New Wave) ಉಂಟುಮಾಡಿದ ಆಘಾತಕಾರಿ ಘಟನೆಯ ಕುರಿತು ಅಧಿಕಾರಿಗಳು ತನಿಖೆಯನ್ನು ಪ್ರಾರಂಭಿಸಿದ್ದಾರೆ.

ಚೀನಾದ ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಪ್ರಸಾರವಾಗುವ ವಿಡಿಯೋದಲ್ಲಿ ಭಾನುವಾರ ಪುಟುವೊ ಜಿಲ್ಲೆಯ ಶಾಂಘೈ ಕ್ಸಿನ್‌ಚಾಂಗ್‌ಜೆಂಗ್ ಕಲ್ಯಾಣ ಆಸ್ಪತ್ರೆಯ ಹೊರಗೆ ಹಳದಿ ಬ್ಯಾಗ್‌ನೊಂದಿಗೆ ಶವಾಗಾರಕ್ಕೆ ಬಂದ ಇಬ್ಬರು ಪುರುಷರನ್ನು ನೋಡಬಹುದು. ಅವರು ರಕ್ಷಣಾತ್ಮಕ ಉಡುಪುಗಳನ್ನು ಧರಿಸಿ, ಆ ಬ್ಯಾಗನ್ನು ಓಪನ್ ಮಾಡುತ್ತಿದ್ದಾನೆ. ಆಗ ಆ ಬ್ಯಾಗ್​ನೊಳಗಿದ್ದ ವ್ಯಕ್ತಿಯು ಇನ್ನೂ ಜೀವಂತವಾಗಿದ್ದಾನೆ ಎಂದು ತಿಳಿದುಬಂದಿದೆ.

ಹಾಂಕಾಂಗ್ ಮೂಲದ ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ಈ ಬಗ್ಗೆ ವರದಿ ಮಾಡಿದೆ. ಈ ವಿಡಿಯೋದ ಪ್ರಕಾರ, ಈ ಘಟನೆಯು ಅನೇಕ ಶಾಂಘೈ ನಿವಾಸಿಗಳಿಗೆ ಭಯಾನಕತೆಯ ಹೊಸ ಅಲೆಯನ್ನು ಪ್ರಚೋದಿಸಿದೆ. ಮಾರ್ಚ್ 28ರಿಂದ ನಗರಾದ್ಯಂತ ಕಠಿಣವಾದ ಲಾಕ್‌ಡೌನ್‌ ಜಾರಿಗೊಳಿಸಲು ನಿರ್ಧರಿಸಲಾಗಿದೆ.

ಕೊರೊನಾವೈರಸ್ ಕುರಿತ ಹೆಚ್ಚಿನ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

26 ಮಿಲಿಯನ್ ಜನರಿರುವ ಶಾಂಘೈ ನಗರದಲ್ಲಿ ಒಮಿಕ್ರಾನ್ ಏಕಾಏಕಿ ನಿಭಾಯಿಸಲು ಶಾಂಘೈ ಸ್ಥಳೀಯ ಸರ್ಕಾರವು ಹೆಚ್ಚಿನ ಟೀಕೆಗೆ ಒಳಗಾಗಿದೆ. ಮಾರ್ಚ್ 1ರಿಂದ ನಗರವನ್ನು ಲಾಕ್‌ಡೌನ್ ಮಾಡಲಾಗಿದೆ. ಇದು ನಗರದ ಅನೇಕ ಭಾಗಗಳಲ್ಲಿ ಕೋಪಗೊಂಡ ಪ್ರತಿಭಟನೆಗಳನ್ನು ಪ್ರಚೋದಿಸುತ್ತದೆ. ಶವಾಗಾರಕ್ಕೆ ಬಂದ ಬ್ಯಾಗ್​ನೊಳಗಿದ್ದ ರೋಗಿ ಬದುಕಿದ್ದಾನೆ ಎಂಬ ವಿಷಯ ತಿಳಿದ ಬಳಿಕ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಹಾಗೇ, ತನಿಖೆಯನ್ನು ಕೂಡ ಪ್ರಾರಂಭಿಸಲಾಗಿದೆ. ವಯಸ್ಸಾದ ರೋಗಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅವರ ಸ್ಥಿತಿ ಸ್ಥಿರವಾಗಿದೆ ಎಂದು ವರದಿ ತಿಳಿಸಿದೆ.