Viral Video: ಚಾಕೊಲೇಟ್ ಬ್ರೌನಿ ವಿತ್​ ಪಾನ್! ಈ ವಿಲಕ್ಷಣ ಆಹಾರ ಸಂಯೋಜನೆ ಕಂಡು ಏನೇನ್ ನೋಡ್ಬೇಕಪ್ಪಾ ಎಂದ ನೆಟ್ಟಿಗರು

ಕೆಲವು ದಿನಗಳ ಹಿಂದೆ ಅಹಮದಾಬಾದ್​ನಲ್ಲಿ ಒರಿಯೊ ಬಿಸ್ಕೆಟ್​ನಿಂದ ತಯಾರಿಸಿದ ಪಕೋಡಾ ವೈರಲ್ ಆಗಿತ್ತು. ಇದೀಗ ವೈರಲ್ ಆದ ವಿಡಿಯೊವೆಂದರೆ ಚಾಕೊಲೇಟ್ ಬ್ರೌನಿಯೊಂದಿಗೆ ಪಾನ್ ನೀಡಲಾಗುತ್ತಿದೆ. ಈ ವಿಭಿನ್ನ ರೀತಿಯ ತಿಂಡಿ ಕೆಲವರಿಗೆ ವಿಚಿತ್ರ ಅನಿಸರೆ ಇನ್ನು ಕೆಲವರು ಇನ್ನೇನೇನ್ ನೋಡ್ಬೇಕಪ್ಪಾ! ಎಂದು ಹೇಳಿದ್ದಾರೆ. ಈ ವಿಲಕ್ಷಣ ಆಹಾರದ ಸಂಯೋಜನೆಯ ವಿಡಿಯೊ ಇದೀಗ ಫುಲ್ ವೈರಲ್ ಆಗಿದೆ.

ಹೊಸ ಹೊಸ ವಿಧಾನದ ಖಾದ್ಯವನ್ನು ಸವಿಯುವುದು ಕೆಲವರಿಗೆ ಇಷ್ಟ. ಆದರೆ ವಿಲಕ್ಷಣ ಆಹಾರ ಸಂಯೋಜನೆಯು ಕೆಲವು ಬಾರಿ ಇಷ್ಟವಾಗುವುದಿಲ್ಲ. ಅದೇ ರೀತಿ ಚಾಕೊಲೇಟ್​ ಬ್ರೌನಿ ಜೊತೆ ಪಾನ್ ಇಟ್ಟು ಹೊಸ ರೆಸಿಪಿ ತಯಾರಿಸಲಾಗಿದೆ. ವಿಡಿಯೊ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವಿಡಿಯೊವನ್ನು ಟ್ವಿಟರ್​ನಲ್ಲಿ ಹಂಚಿಕೊಳ್ಳಲಾಗಿದ್ದು ಕೆಲವರು ಇಷ್ಟಪಟ್ಟಿದ್ದರೆ ಇನ್ನು ಕೆಲವರು ಇದೇನಪ್ಪಾ ವಿಚಿತ್ರ ಎಂದು ಉತ್ತರಿಸಿದ್ದಾರೆ.

ವಿಡಿಯೊದಲ್ಲಿ ಗಮನಿಸುವಂತೆ ಬಿಸಿ ತಟ್ಟೆಯಲ್ಲಿ ಚಾಕೊಲೇಟ್​ ಸಾಸ್ಅನ್ನು ಹಾಕಿದ ನಂತರ ಐಸ್ ಕ್ರೀಮ್ ಇಡಲಾಗುತ್ತದೆ. ಅದರ ಮೇಲೆ ಪಾನ್ ಇರಿಸಿ ವಿಭಿನ್ನ ಶೈಲಿಯಲ್ಲಿ ಮಾರಾಟ ಮಾಡಲಾಗುತ್ತಿದೆ. ಪಾನ್ ಮತ್ತು ಚಾಕೊಲೇಟ್ ಬ್ರೌನಿ ಕಾಂಬಿನೇಶನ್ ಖಾದ್ಯ ಗುಜರಾರ್​ನ ಅಹಮದಾಬಾದ್​ನಿಂದ.. ಎಂಬ ಶೀರ್ಷಿಕೆ ನೀಡುವ ಮೂಲಕ ವಿಡಿಯೊ ಹಂಚಿಕೊಳ್ಳಲಾಗಿದೆ. 146 ಸಾವಿರ ವೀಕ್ಷಣೆಗಳನ್ನು ವಿಡಿಯೊ ಗಳಿಸಿಕೊಂಡಿದೆ. ನೆಟ್ಟಿಗರು ಈ ಖಾದ್ಯವನ್ನು ಇಷ್ಟಪಟ್ಟಿಲ್ಲ. ಬ್ರೌನಿ ಪ್ರಿಯರು ಅಹಸ್ಯವಾಗಿದೆ ಎಂದು ಉತ್ತರಿಸಿದ್ದಾರೆ. ಪಾನ್ ಪ್ರಿಯರೂ ಸಹ ಈ ಕಾಂಬಿನೇಶನ್ ಚೆನ್ನಾಗಿಲ್ಲ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:

Viral Video: ಯುವತಿ ಚರಂಡಿ ಬಳಿ ನಿಂತು ಸ್ಟಂಟ್ ಮಾಡೋಕೆ ಹೋಗಿ ಆಗಿದ್ದೇ ಬೇರೆ! ಏನಾಯ್ತು ಅನ್ನೋದನ್ನಾ ವಿಡಿಯೊದಲ್ಲೇ ನೋಡಿ

Viral Video: ಮದುವೆ ದಿನ ಅಪ್ಪನ ಜೊತೆಗೆ ವೇದಿಕೆಯ ಮೇಲೆ ಕುಣಿದ ಮಗಳು; ಹೃದಯಸ್ಪರ್ಶಿ ವಿಡಿಯೊ ವೈರಲ್