Viral Video: ಹೂವಿನ ಟೋಪಿ ಧರಿಸಿ ನಿದ್ರಿಸುತ್ತಿರುವ ಮುದ್ದಾದ ಬಾತುಕೋಳಿ; ಕ್ಯೂಟ್ ವಿಡಿಯೊ ನೋಡಿ

ದಿನಪೂರ್ತಿ ಕೆಲಸ, ಒತ್ತಡ, ಚಿಂತೆ, ಗಡಿಬಿಡಿ ಇವೆಲ್ಲಾ ಹೊಂದಿರುವ ಜೀವನ ಶೈಲಿಯಲ್ಲಿ ಬಿಡುವು ಮಾಡಿಕೊಳ್ಳುವುದೇ ಕಷ್ಟ. ಆಗೋ ಈಗೋ ಸಿಕ್ಕ ಬಿಡುವಿನಲ್ಲಿ ಹಿತ ಅನಿಸುವ ದೃಶ್ಯಗಳು ಮನಸ್ಸಿಗೆ ನಿರಾಳ ಭಾವ ನೀಡುತ್ತವೆ. ಅದರಲ್ಲಿಯೂ ನಿಸರ್ಗ, ಪರಿಸರ, ಪ್ರಾಣಿ- ಪಕ್ಷಿಗಳ ಕಲರವ ಇಂತಹ ದೃಶ್ಯಗಳು ನಮ್ಮ ಎಲ್ಲಾ ಆಯಾಸ ನೋವು ಒತ್ತಡವನ್ನು ಕ್ಷಣ ಮಾತ್ರದಲ್ಲಿ ದೂರ ತಳ್ಳುತ್ತವೆ. ಇದೀಗ ವೈರಲ್ ಆದ ವಿಡಿಯೊದಲ್ಲಿಯೂ (Viral Video) ಮುದ್ದಾದ ಬಾತುಕೋಳಿಯು (Ducklings) ನಿದ್ರಿಸುತ್ತಿದೆ. ಬಾತುಕೋಳಿಯು ನೋಡಲು ತುಂಬಾ ಸುಂದರವಾಗಿದೆ. ಹೂವಿನ ಟೋಪಿ (Flower Hat) ಧರಿಸಿಕೊಂಡಿದೆ. ಕಣ್ಮುಚ್ಚಿಕೊಂಡು ಆರಾಮವಾಗಿ ನಿದ್ರಿಸುತ್ತಿದೆ. ಕ್ಯೂಟ್ ವಿಡಿಯೊ ಇದೀಗ ಸಾಮಾಜಿಕ ಜಾಲತಾಣದಲ್ಲಿ (Social Media) ಫುಲ್ ವೈರಲ್ ಆಗಿದ್ದು, ನೆಟ್ಟಿಗರು ಹೆಚ್ಚು ಇಷ್ಟ ಪಟ್ಟಿದ್ದಾರೆ.

ಈ ವಿಡಿಯೊವನ್ನು ಇನ್ಸ್ಟಾಗ್ರಾಮ್​ನಲ್ಲಿ ಹಂಚಿಕೊಳ್ಳಲಾಗಿದೆ. ಕೆಲವು ದಿನಗಳ ಹಿಂದೆಯೇ ವಿಡಿಯೊ ಪೋಸ್ಟ್ ಮಾಡಲಾಗಿದ್ದು ಸೋಮವಾರದ ಮನಸ್ಥಿತಿ ಎಂದು ಶೀರ್ಷಿಕೆ ನೀಡುವ ಮೂಲಕ ವಿಡಿಯೊ ಹಂಚಿಕೊಳ್ಳಲಾಗಿದೆ. ಬಾತುಕೋಳಿಯು ಮುದ್ದಾಗಿದ್ದು, ಸುತ್ತಲೂ ಹಸಿರು ಎಲೆಗಳು ಜೊತೆಗೆ ಹೂವಿನ ಟೋಪಿ ಧರಿಸಿ ನಿದ್ರಿಸುತ್ತಿದೆ. ಆಳವಾದ ನಿದ್ರೆಗೆ ಜಾರುತ್ತಿದ್ದಂತೆಯೇ ಹೂವಿನ ಟೋಪಿ ಕೆಳಗೆ ಬೀಳುತ್ತದೆ. ಮನ ಮೆಚ್ಚುವಂತಿರುವ ದೃಶ್ಯ ಇದೀಗ ನೆಟ್ಟಿಗರಿಗೆ ತುಂಬಾ ಇಷ್ಟವಾಗಿದೆ.

ಈ ವಿಡಿಯೊವನ್ನು ಕೆಲವು ದಿನಗಳ ಹಿಂದೆಯೇ ಪೋಸ್ಟ್ ಮಾಡಲಾಗಿದೆ. ವಿಡಿಯೊ ನೋಡಿದ ಕೆಲವರು ತಮ್ಮ ಅಭಿಪ್ರಾಯಗಳನ್ನು ತಿಳಿಸಿದ್ದಾರೆ. ವಿಡಿಯೊಕ್ಕೆ ಎರಡು ಲಕ್ಷಕ್ಕೂ ಹೆಚ್ಚಿನ ಲೈಕ್ಸ್​ಗಳು ಲಭ್ಯವಾಗಿವೆ. ಮುದ್ದಾದ ದೃಶ್ಯ ಎಂದು ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ. ಹಾಡು ಕೇಳುತ್ತಿದ್ದರೆ ನಾನು ನಿದ್ರೆಗೆ ಜಾರುತ್ತೇನೆ ಎಂದು ಓರ್ವರು ಹೇಳಿದ್ದಾರೆ. ಮನಸ್ಸಿಗೆ ತುಂಬಾ ಇಷ್ಟವಾಗುವ ವಿಡಿಯೊ ಎಂಬ ಪ್ರತಿಕ್ರಿಯೆಗಳು ಕೇಳಿ ಬಂದಿವೆ.

ಇದನ್ನೂ ಓದಿ:

Viral Video: ವೇಗವಾಗಿ ಓಡಿ ಬಂದು ಆಸ್ಪತ್ರೆಯ ಎಸ್ಕಲೇಟರ್ ಏರಿದ ಗಾಯಾಳು ಜಿಂಕೆ!

Viral Video: ಆಟಿಕೆ ಮಾರುತ್ತಿದ್ದ ಮಗುವನ್ನು ನೋಡಿ ಅಪ್ಪಿಕೊಂಡ ಮತ್ತೊಂದು ಮುದ್ದಾದ ಮಗು; ಕ್ಯೂಟ್ ವಿಡಿಯೊ ವೈರಲ್