Viral: ಕಪ್ಪು ಬಿಳುಪಿನ ಝಿಗ್​ಝ್ಯಾಗ್​ ನಡುವೆ ಅಡಗಿರುವ ಪ್ರಾಣಿ ಯಾವುದು?

Optical Illusion : ರೆಡ್ಡಿಟ್​ (Reddit) ಎಂಬ ಸಾಮಾಜಿಕ ಜಾಲತಾಣದಲ್ಲಿ ಈ ಆಪ್ಟಿಕಲ್​ ಇಲ್ಲ್ಯೂಷನ್​ ಚಿತ್ರವನ್ನು ಹಂಚಿಕೊಳ್ಳಾಗಿದೆ. ಝಿಗ್​ಝ್ಯಾಗ್​ನ ನಡುವೆ ಅಡಗಿರುವ ಪ್ರಾಣಿ ಯಾವುದು ಎಂದು ನೆಟ್ಟಿಗರು ಕಣ್ಣು ಹಿಗ್ಗಿಸಿಕೊಂಡು, ಕುಗ್ಗಿಸಿಕೊಂಡೆಲ್ಲಾ ನೋಡುತ್ತಿದ್ದಾರೆ. ಅನೇಕರು ಥಟ್ಟನೆ ಗುರುತಿಸಿದ್ದಾರೆ, ಕೆಲವರು ಏನೂ ಕಾಣುತ್ತಿಲ್ಲ ಎಂದಿದ್ದಾರೆ. ನೀವು ಪ್ರಯತ್ನಿಸಿ, ನಿಮ್ಮ ಕಣ್ಣುಗಳು ಹೇಗಿದ್ದರೂ ಬಹಳ ಚುರುಕು. ಇಂಥ ಸವಾಲುಗಳನ್ನು ಕ್ಷಣಾರ್ಧದಲ್ಲಿ ಬಿಡಿಸುತ್ತೀರಿ!

I promise upvoting makes you see the hidden image better.
by u/YeahChristopher in opticalillusions

ಇಂಥ ಚಿತ್ರಗಳನ್ನು ದಿಟ್ಟಿಸಿ ನೋಡಿದಾಗ ಚಲನೆಯ ಭ್ರಮೆ ಉಂಟಾಗುತ್ತದೆ. ಹೀಗೆ ಭ್ರಮೆ ಉಂಟಾಗುವಂತೆಯೇ ಇಂಥ ಚಿತ್ರಗಳನ್ನು ರಚಿಸುವುದೇ ಇವುಗಳ ವಿಶೇಷ. ಆದರೆ ಈ ಚಿತ್ರಗಳನ್ನು ನೋಡಿದಾಗ ಒಬ್ಬೊಬ್ಬರಿಗೆ ಒಂದೊಂದು ರೀತಿ ಅನುಭವ ಉಂಟಾಗುತ್ತದೆ. ನನಗಂತೂ ಇದನ್ನು ನೋಡುತ್ತಿರುವಾಗ ಕಣ್ಣೀರು ದಳದಳನೆ ಇಳಿಯುತ್ತಿತ್ತು ಎಂದಿದ್ದಾರೆ ಒಬ್ಬರು. ನನಗಂತೂ ಏನೂ ಕಾಣುತ್ತಿಲ್ಲ, ಯಾರಾದರೂ ಸುಳಿವು ಕೊಡಬಹುದೇ? ಎಂದಿದ್ದಾರೆ ಮತ್ತೊಬ್ಬರು. ನನಗಂತೂ ಕೋತಿ ಕಾಣುತ್ತಿದೆ ಎಂದು ಮಗದೊಬ್ಬರು. ಇದು ಹರಾಂಬೆ ಅಲ್ಲವೆ ಎಂದು ಇನ್ನೊಬ್ಬರು.

ಇದನ್ನೂ ಓದಿ : Viral Video: ಮೂರು ವರ್ಷಗಳ ನಂತರ ತನ್ನನ್ನು ಸಾಕಿದವರನ್ನು ನೋಡಿದಾಗ

ಇಂಥ ಚಿತ್ರಗಳನ್ನು ನೋಡುವುದು ಹೇಗೆ ಎನ್ನುವ ಕುರಿತು ಕೆಲವರು ಸಲಹೆಗಳನ್ನು ನೀಡಿದ್ದಾರೆ. ಒಬ್ಬರು, ಮೇಲೆ ಕೆಳಗೆ ಸ್ಕ್ರಾಲ್ ಮಾಡಿ ಅದರೊಳಗೆ ಅಡಗಿದ ಪ್ರಾಣಿ ಕಾಣುತ್ತದೆ ಎಂದಿದ್ದಾರೆ. ನಿಮ್ಮ ಕಣ್ಣುಗುಡ್ಡೆಗಳನ್ನು ತಿರುಗಿಸುತ್ತ ನೋಡಿ ಕಾಣುತ್ತದೆ ಎಂದಿದ್ದಾರೆ ಇನ್ನೊಬ್ಬರು. ಮೊದಲು ಎಡಕ್ಕೆ ನಂತರ ಬಲಕ್ಕೆ ಸ್ವೈಪ್ ಮಾಡಿ ನೋಡಿ ಎಂದಿದ್ದಾರೆ ಮಗದೊಬ್ಬರು. ದಿಟ್ಟಿಸಿ ನೋಡಿದರೆ ಏನೂ ಕಾಣುವುದಿಲ್ಲ. ಆದರೆ ಕೆಳಗೆ ಅಥವಾ ಮೇಲೆ ಸ್ಕ್ರಾಪ್ ಮಾಡಿದಾಗ ನನಗೆ ಅದರಲ್ಲಿರುವ ಪ್ರಾಣಿ ಕಂಡಿತು ಎಂದಿದ್ಧಾರೆ ಇನ್ನೊಬ್ಬರು.

ಈಗ ಹೇಳಿ ನಿಮಗೆ ಕಂಡ ಪ್ರಾಣಿ ಯಾವುದು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ