Viral: ಆಸ್ಟ್ರೇಲಿಯಾದ ಈ ಪ್ರಸಿದ್ಧ ರೆಸ್ಟೋರೆಂಟ್ನಲ್ಲಿ ಸಸ್ಯಜನ್ಯ ಆಹಾರ ನಿಷೇಧ
Vegan : ಸಸ್ಯಜನ್ಯ ಆಹಾರವನ್ನು ಸೂಕ್ತಪ್ರಮಾಣದಲ್ಲಿ ಸೇವಿಸದಿದ್ದರೆ ಪ್ರೊಟೀನ್ ಕೊರತೆಯಿಂದ ಖಿನ್ನತೆ ಆವರಿಸುತ್ತದೆ ಎನ್ನುತ್ತವೆ ಕೆಲ ಅಧ್ಯಯನಗಳು. ಈ ಕಾರಣಕ್ಕೆ ಆಸ್ಟ್ರೇಲಿಯಾದ ಖ್ಯಾತ ಬಾಣಸಿಗ ಈ ನಿರ್ಧಾರಕ್ಕೆ ಬಂದಿದ್ಧಾನೆಯೇ, ಏನಂತೀರಿ?
Updated on:Jun 28, 2023 | 3:02 PM
Australia : ಆಸ್ಟ್ರೇಲಿಯಾದ ಖ್ಯಾತ ಬಾಣಸಿಗ ಜಾನ್ ಮೌಂಟೇನ್ (John Mountain) ತಮ್ಮ ರೆಸ್ಟೋರೆಂಟ್ FYRE ನಲ್ಲಿ ಸಸ್ಯಜನ್ಯ (Vegan) ಆಹಾರವನ್ನು ನಿಷೇಧಿಸಿದ್ಧಾರೆ. ಈ ವಿಷಯವನ್ನು ಅವರು ತಮ್ಮ ಫೇಸ್ಬುಕ್ ಪುಟದಲ್ಲಿ ಹಂಚಿಕೊಂಡಾಗಿನಿಂದ ನೆಟ್ಟಿಗರು ಪ್ರತಿಕ್ರಿಯೆಗಳ ಸುರಿಮಳೆ ಸುರಿಸುತ್ತಿದ್ದಾರೆ. ಈಗಾಗಲೇ ಈ ಪೋಸ್ಟ್ ಅನ್ನು 5,000 ಜನರು ಇಷ್ಟಪಟ್ಟಿದ್ದಾರೆ. 4,000ಕ್ಕಿಂತಲೂ ಹೆಚ್ಚು ಜನ ಪ್ರತಿಕ್ರಿಯಿಸಿದ್ದಾರೆ. 209 ಜನರು ಇದನ್ನು ಹಂಚಿಕೊಂಡಿದ್ದಾರೆ. ಅರೆ! ಇವರು ಯಾಕೆ ಹೀಗೆ ಹೇಳಿದ್ದಾರೆ, ಇದಕ್ಕೆ ಕಾರಣವಾದರೂ ಏನು ಎಂಬ ಕುತೂಹಲ ನಿಮ್ಮಲ್ಲಿ ಉಂಟಾಗಿರಬೇಕಲ್ಲ?
ಇತ್ತೀಚಿನ ವರ್ಷಗಳಲ್ಲಿ ಜನರು ತಮ್ಮ ತಮ್ಮ ಆಹಾರ ಪದ್ಧತಿಯ ಬಗ್ಗೆ ಹೆಚ್ಚು ಅರಿವನ್ನು ಬೆಳೆಸಿಕೊಂಡಿದ್ದಾರೆ. ಸಾಕಷ್ಟು ಜನ ಸಸ್ಯಜನ್ಯ ಆಹಾರದೆಡೆ ಆಕಸ್ತರಾಗುತ್ತಿದ್ದಾರೆ. ಅನೇಕರು ಸಂಪೂರ್ಣವಾಗಿ ಸಸ್ಯಾಧಾರಿತ ಆಹಾರಕ್ರಮವನ್ನು ಈಗಾಗಲೇ ರೂಢಿಸಿಕೊಂಡಿದ್ದಾರೆ. ಹಾಗಾಗಿ ರೆಸ್ಟೋರೆಂಟ್ಗಳ ಮೆನುಗಳಲ್ಲಿ ಸಸ್ಯಜನ್ಯ ಪದಾರ್ಥಗಳನ್ನು ಉಲ್ಲೇಖಿಸುತ್ತಿರುವುದು ಸಹಜ. ಆದರೆ ಜಾಬ್ ಮೌಂಟೇನ್ ‘ಮಾನಸಿಕ ಆರೋಗ್ಯ’ದ ಕಾರಣ ನೀಡಿ ತನ್ನ ರೆಸ್ಟೋರೆಂಟ್ನಿಂದ ಸಸ್ಯಾಹಾರವನ್ನು ನಿಷೇಧಿಸಲಾಗಿದೆ ಎಂದು ಪೋಸ್ಟ್ ಮಾಡಿದ್ದಾರೆ.
ಇದನ್ನೂ ಓದಿ : Viral: ಒಂದೇ ಕ್ಷಣ ತಡವಾಗಿದ್ದರೂ ಆತ ಹುಡುಗಿಯನ್ನು ಇರಿದೇ ಬಿಡುತ್ತಿದ್ದ!
ಈ ರೆಸ್ಟೋರೆಂಟ್ ಪರ್ತ್ನಲ್ಲಿದೆ. ಜೂ. 19ರಂದು ಹಂಚಿಕೊಳ್ಳಲಾದ ಈ ಪೋಸ್ಟ್ಗೆ ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಬಹಳ ಒಳ್ಳೆಯ ನಿರ್ಧಾರ ಮುಂದುವರಿಯಿರಿ ಎಂದಿದ್ದಾರೆ. ಸದ್ಯದಲ್ಲಿಯೇ ನಿಮ್ಮ ರೆಸ್ಟೋರೆಂಟ್ಗೆ ಬಂದು ಊಟ ಮಾಡುತ್ತೇವೆ ಎಂದು ಅನೇಕರು ಹೇಳಿದ್ದಾರೆ. ಒಳ್ಳೆಯದು, ನಿಮ್ಮ ಬಿಝಿನೆಸ್ ನಿಮ್ಮದೇ ನಿರ್ಧಾರ ಎಂದು ಮತ್ತೊಂದಿಷ್ಟು ಜನ ಪ್ರತಿಕ್ರಿಯಿಸಿದ್ಧಾರೆ.
ಇದನ್ನೂ ಓದಿ : Viral Video: ಈ ಜನ್ಮದಲ್ಲಿಯೇ ವಿದ್ಯುತ್ ಕಂಡ ಉತ್ತಪ್ರದೇಶದ ವಯೋವೃದ್ಧೆ; ಇಂಥ ಅಧಿಕಾರಿಗಳು ಬೇಕು ಎನ್ನುತ್ತಿರುವ ನೆಟ್ಟಿಗರು
ಕಳೆದ ಭಾನುವಾರ ನಿಮ್ಮ ರೆಸ್ಟೋರೆಂಟ್ನ ಬಾತುಕೋಳಿಯ ಕರುಳಿನಿಂದ ಮಾಡಿದ ಖಾದ್ಯ ನಿಜಕ್ಕೂ ಚೆನ್ನಾಗಿತ್ತು ಎಂದು ಒಬ್ಬರು ಹೇಳಿದ್ದಾರೆ. ಯಾರೊಬ್ಬರೂ ಜಾನ್ ಅವರ ಈ ನಿರ್ಧಾರವನ್ನು ತಳ್ಳಿಹಾಕಿಲ್ಲ. ಬದಲಾಗಿ ಅವರ ನಿರ್ಧಾರಕ್ಕೆ ತಮ್ಮ ಬೆಂಬಲ ವ್ಯಕ್ತಪಡಿಸಿದ್ದಾರೆ. ಒಬ್ಬರಲ್ಲ ಇಬ್ಬರಲ್ಲ ಬರೋಬ್ಬರೀ 4,000 ಜನರು!
ಇದನ್ನು ಓದಿದ ನಿಮ್ಮ ಅಭಿಪ್ರಾಯವೇನು?
Published On - 3:02 pm, Wed, 28 June 23
