ಮಗು ಹೆರಬೇಕಾದರೆ 2.5 ಕೋಟಿ ರೂ ಕೊಡು ಎಂದು ಗಂಡನಿಗೆ ಬೇಡಿಕೆ ಇಟ್ಟ ಪತ್ನಿ

ದುಬೈನ ಮಿಲಿಯನೇರ್‌ನ ಹೆಂಡತಿಯೊಬ್ಬಳು ಮಗು ಹೆರಲು ತನ್ನ ಗಂಡನಿಂದ 2.5 ಕೋಟಿ ರೂ ಹಣ ಪಡೆದುಕೊಂಡಿದ್ದಾಳೆ. ದುಬೈನ ಶ್ರೀಮಂತ ಉದ್ಯಮಿಯನ್ನು ಮದುವೆಯಾಗಿರುವ ಸೂದಿ ಎಂಬ ಮಹಿಳೆ ತನ್ನನ್ನು ತಾನು ಗೃಹಿಣಿ ಎಂದು ಬಣ್ಣಿಸಿಕೊಳ್ಳುವ ಮೂಲಕ ತನ್ನ ಗಂಡನ ದೊಡ್ಡ ಗಳಿಕೆಯನ್ನು ಖರ್ಚು ಮಾಡುತ್ತಾಳೆ. ಆಕೆಯ ಐಷಾರಾಮಿ ಜೀವನವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳುತ್ತಿರುತ್ತಾಳೆ. ಇದೀಗಾ ಮಗುವನ್ನು ಹೊಂದಲು ಆಕೆ ತನ್ನ ಮಿಲಿಯನೇರ್ ಪತಿಯಿಂದ 2.5 ಕೋಟಿ ರೂ.ಗೆ ಬೇಡಿಕೆ ಇಟ್ಟಿದ್ದಾಳೆ ಎಂದು ವರದಿಗಳಿಂದ ತಿಳಿದುಬಂದಿದೆ.

2.5ಕೋಟಿಯ ಹೊರತಾಗಿ ಹೊಸ ಕಾರು ಮತ್ತು ಅದೇ ಬಣ್ಣದ ಹರ್ಮ್ಸ್ ಬಿರ್ಕಿನ್ ಹ್ಯಾಂಡ್‌ಬ್ಯಾಗ್ ಅನ್ನು ಬೇಡಿಕೆಯಿಡುತ್ತಿದ್ದಾರೆ ಎಂದು ವರದಿಯಾಗಿದೆ, ಇದರ ಒಟ್ಟು ವೆಚ್ಚ 50 ರಿಂದ 55 ಲಕ್ಷ ರೂ. ಇದಲ್ಲದೆ, ಪ್ರತಿ ಮಗುವಿನ ಜನನಕ್ಕೆ ಅವಳು 200,000 ಪೌಂಡ್ (ಸುಮಾರು 2 ಕೋಟಿ ರೂ.) ಭತ್ಯೆಯನ್ನು ಪಡೆಯುತ್ತಾಳೆ.

ಈ ಮಹಿಳೆಯ ಐಷಾರಾಮಿ ಜೀವನ ಹೇಗಿದೆ ನೋಡಿ:

ಇದನ್ನೂ ಓದಿ: Mental Abuse: ಫಸ್ಟ್ ನೈಟ್‌ ದಿನದಿಂದಲೇ ಗಂಡು ಮಗು ಹೆರುವಂತೆ ಅತ್ತೆ ಮಾವನಿಂದ ಕಿರುಕುಳ; ಕೋರ್ಟ್​​​ ಮೆಟ್ಟಿಲೇರಿದ ಯುವತಿ

ಇದಲ್ಲದೇ ದುಬೈನ ಶ್ರೀಮಂತ ಉದ್ಯಮಿಯನ್ನು ಮದುವೆಯಾಗಿರುವ ಸೂದಿ ಚೆನ್ನಾಗಿ ನಿದ್ರಿಸುವುದನ್ನು ಖಚಿತಪಡಿಸಿಕೊಳ್ಳಲು, ರಾತ್ರಿ ನರ್ಸ್ ಅನ್ನು ಸಹ ನೇಮಿಸಲಾಗಿದೆ, ಅವರು ಮಗುವಿನ ಜನನದ ನಂತರವೂ ತನ್ನ ಅತಿರಂಜಿತ ಜೀವನಶೈಲಿಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತಾರೆ. ಈಕೆ ತಾಯಿಯಾಗುವ ರೀತಿ ಹಲವರಿಗೆ ಆಘಾತಕಾರಿ ಎನಿಸಿದರೂ ಹಣವಿದ್ದಾಗ ವ್ಯರ್ಥ ಖರ್ಚು ಶ್ರೀಮಂತರಲ್ಲಿ ತೀರಾ ಸಾಮಾನ್ಯ ಸಂಗತಿಯಾಗಿದೆ.

ಇನ್ನಷ್ಟು ವೈರಲ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ